ŊwɑꞋnɛ-Gɑŋntúu Yɛ́su Kɛlístɔ 19:11 - Kɑɑ Fí

¹¹ Sɛ́ lɛɛ nǔu mbɔ́-Pɔ̂l ŋ́ɡɛ kwɑꞋ mɛnu mɑ̌ɑmɑɑnɛ mi pɛ́ ŋkɑɑ mɔ jʉ́ɔ pɔ́,

ŊwɑꞋnɛ-Gɑŋntúu Yɛ́su Kɛlístɔ 19:11 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 5:12

Gɑŋntúu kɑ pɔ́ ŋ́ɡɛ mɛnu mɑ̌ɑmɑɑnɛ pɔ́p mɛŋkʉꞋnɛ mɛnu mɛntɛ́ mɛntɛ́ tsɛtsɛt lɑ́Ꞌ. Pɔ́p pʉɔ-Kɛlístɔ pɛtsʉʉ kɑ pɔ́ ńtɔ́ ńcúꞋlɛ nǔu zʉꞋ yí pɛ́ kɑ pɔ́ ɛ́fúŋ ŋɡɔ tɛtɑ́ɑ-Sɑlɛmɔ.

Ɛ́bɛlʉʉ 2:4

Sɛ́ pɛn ńtɔ́ɔtɛ wɔ́p nǔu nu yi pɔ́p sɛ́ ńcú, ńdɛɛ nǔu mɛlii, pɔ́p mɛnu mɑ̌ɑmɑɑnɛ, pɔ́p mɛndɑɑkɑ́jʉɔ́ mɛntɛ́ mɛntɛ́, ḿbɛn ńdɛɛ nǔu mɛfɑꞋ mi ɑ zɑ́pnɛ nǔu wɛ́ nɛkɔŋtɛ ŋɡɔ Zẅikŋɛ Lɛ́ɛnɛ́nɛ ɡʉ ŋ́ɡɑ́ fuꞋ níinɛ-pʉɔ pɔ́p kuꞋ nɛfɑꞋ.

ŊwɑꞋnɛ-Gɑŋntúu Yɛ́su Kɛlístɔ 8:13

Mbɑ Símɔ̂ŋ ɛ̂wɑ́ zúꞋ, ḿbɛ́m yɛ́, pɛ́ nuꞋ wɛ́ ŋki. A pɔɔ pɛn ɛ́fú nɛjɔ́ŋ Filîp ŋ́kẅɛ́Ꞌlɛ pɔ́, ḿbɔ́ ńjʉ́ɔ mɛnu mɑ̌ɑmɑɑnɛ pɔ́p ŋkʉꞋnɛ nu yi Sɛ́ lɛɛnɛ nǔu Filîp ŋ́ɡɛ ɛ́ kʉꞋnɛ wɛ́ tɛꞋ.

ŊwɑꞋnɛ-Gɑŋntúu Yɛ́su Kɛlístɔ 16:18

A kɛ́ ŋ́ɡɛ pɔ pɔ́Ꞌɔ, nǔu mɛlɛ́Ꞌ tɛ ńzɑ́ɑ. Pɔ̂l ɡɑɑpɛ tsɛtsɛt ńzɑ́ŋ lɔ́ŋ, ɛ́shɔtnɛ ńcú mbɔ̌ zẅikŋɛ kɛpɔŋ ŋɡɔ: «N dɔk lík-Yɛ́su Kɛlístɔ ńcú ŋɡɔ ɔ fú nǔu mɑŋɡɛ́ wɑ́ ńcẅɛt!» Zẅikŋɛ kɛpɔŋ ɡɔ́ɔ ɛ́fú nǔu wɛ́ ńcẅɛt.

Ŋɡɑlɑ̂t 3:5

Pɔ́Ꞌɔ lɑ́, ɛ́ pɔŋ ŋɡɔ pʉʉ pɛn ńjʉ́ɔ ŋɡɔ Sɛ́ sɛ́ ŋ́ɡɑ́ Zẅikŋɛ yɛ́ mbɔ̌ pʉʉ, ḿbɛn ḿbɔ́ ŋ́ɡɛ mɛnu mɑ̌ɑmɑɑnɛ tsɛtsɛt pʉʉ. Pʉʉ kwɑŋɛ ŋɡɔ ɑ ɡɛ pɔ́Ꞌɔ, mbíꞋŋɡɔ pʉʉ sɛ́ ŋ́ɡɛ yúu mi nɛpʉ́ʉ sɛ́ ḿbíkŋɛ kîi? Ŋɡɑ́ŋ, ɑ ɡɛ mbíꞋ pɔ ŋɡɔ pʉʉ kɑ zúꞋ Ŋkʉʉ Sʉ́Ꞌnɛ ńzɑ́p tʉ́m wʉ́ʉ nǔu.

ŊwɑꞋnɛ-Gɑŋntúu Yɛ́su Kɛlístɔ 15:12

Pyɛ̂ cú tɛ ḿbɔ́tnɛ ńnɑ́ŋ, pʉɔ tsʉʉ nɑ́Ꞌ. Pɛ́ tsʉ́Ꞌ ńzẅíꞋlɛ pɔ nu yi Pɑnɛpɑ́ɑshi pɔ́p Pɔ̂l cúnɛ. Pɔ́p pɔ́ ḿbɛ́ɛtɛ mɛnu mɑ̌ɑmɑɑnɛ pɔ́p mɛŋkʉꞋnɛ mɛnu mi Sɛ́ kɑ lɔknɛ wɔ́p ŋ́ɡɛ, tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ɛ́sẅíi wɔ́p.

ŊwɑꞋnɛ-Gɑŋntúu Yɛ́su Kɛlístɔ 14:3

Tɛ ŋ́ɡɛ pɔ ŋɡɔ́ku lɑ́, Pɔ̂l pɔ́p Pɑnɛpɑ́ɑshi zɛ ńnɑ́ŋ Ikɔnyɔm, ńtík pɔ Tsɑpʉɔ mbi, ḿbɔ́ ńdɛɛ lɛɛnɛ ńcú mbɔ̌ pʉɔ ŋɡɔ Tsɑpʉɔ kɔŋ wɔ́p. Tsɑpʉɔ pɛn ḿbɔ́ ńdɛɛ nǔu mɛnu mɑ̌ɑmɑɑnɛ nɛ́ ŋkʉꞋnɛ mɛnu mi ɑ lɔknɛ wɔ́p ŋ́ɡɛ, ńnyɛt ŋɡɔ nu yí pɔ́p cúnɛ nǔu pɑ́Ꞌ Yɛ́su kɑ ɡɑ́nɛ fu níinɛ-pʉɔ, ɛ́ nɛ́nẅín.

Jɑ̂ŋ 14:12

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzɑ́p tʉ́m yɛ́ nǔu mɔ, mbɔ ɑ ɡʉ ɛ́fɑꞋ yɛ́ mɛfɑꞋ mí mɔ sɛ́ ɛ́fɑꞋ, tɛ mɛ́ ɡúꞋ ńtsɑ mɑ́ɑ, mbíꞋŋɡɔ ŋ ɡʉ nɛ́ nɛjɔ́ŋ Tɑ̌ɑ mɔ.