ŊwɑꞋnɛ-Gɑŋntúu Yɛ́su Kɛlístɔ 17:30 - Kɑɑ Fí

³⁰ Jínɛ ŋɡɔ Sɛ́ pɛn ŋ́kɛ́ ḿbɔɔ ɛ́sɑ́ŋ yîyɑ́ ŋkɑ́ yi ŋumɛsɔŋ ḿbɔ́ ŋ́ɡɛ pɔ́Ꞌɔ ńdɔk ŋ́ɡʉʉnɛ ɡʉʉnɛnɛ pɔ́. Lɑ́ ɑ ŋkɔ̂ɔnɛ, ḿbɔ́ ɛ́fúŋ ŋɡɔŋ pʉɔ tsʉʉ, tsɛt mɛlɑ́Ꞌ tsʉʉ ŋɡɔ pɔ́p kúpmɛ mɑt wɔp.

ŊwɑꞋnɛ-Gɑŋntúu Yɛ́su Kɛlístɔ 17:30 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 14:16

A ḿbɔ́ ŋkɑ́mbi, ńnɑ́ túu nɛ́ túu nǔu mɛzuŋ mɛzuŋ, pɔ́p nɛn nǔu mɛsɛ̂ndúŋ mi pɔ́p kɔŋnɛ.

Lúkɑ́shi 24:47

Ɛ́ sɛ́ ḿbíkŋɛ ŋɡɔ pɛ́ lɑ́Ꞌ ńdɔk lík yɑ́ɑ, ńcú nu-Sɛ́ mbɔ̌ lɑ́Ꞌ ŋɡɔ mbɑ wɔ̌ lɑ́ kúpmɛ mɑt wɛ, Sɛ́ likŋɛ mɛnu kɛpɔŋ mɛ́. Pɔ́Ꞌɔ, ɛ́ kɛ ńzɛ Yɛlúsɑlɛm.»

1 Pyɛ̂ 4:3

Yɔ ndẅiklɛ pɑ́Ꞌ ɛ́ zɛɛ ŋ́ɡɔ́ ḿbɔ́ mbɔ pʉʉ kɑ pɔ́ yɛcɔ́ ŋkɑ́ ḿbɔ́ ŋ́ɡɛ yúu mi pɑkɛ́jí Sɛ́ sɛ́ ŋ́kɔŋ. Pʉʉ kɔŋ nɛfʉꞋ mɛnu tɛ ɛ́sɑ́Ꞌ sɑ́Ꞌnɛ, ḿbɔ́ ŋ́ɡɛ mbɑ kʉ̈ɔ́ lɑ́ yi mbʉʉ yʉʉ tsʉ́ʉnɛ́nɛ wʉ́ʉ nɛɡɛ, ḿbɑ́ mɛluꞋ, ńcúꞋlɛ nǔu ndínɑ nɛkwɛ́t yúu ŋ́ɡɛ mɛnu sʉ́ʉ, pʉʉ kɔŋ nɛjúk pɔ nɛnɔ́ mɛluꞋ, pʉʉ kɔŋ nɛɡúꞋlɛ yúu ŋɡɔ ɛ́ mɛsɛ́, ɛ́ pɔ́ yúu mi Sɛ́ kɑ́ sii ŋ́kɔŋ pɔ́.

Pʉɔ-Lɔ́mɑ 3:25

Sɛ́ kɑ lɔk wɛ́ ńnɔŋ pɔꞋ pɑ́Ꞌ mɛci mɛ́ ɡʉ ɛ́suk mɛnu kɛpɔŋ-pʉɔ pinɛ pɔ́p zɑ́pnɛ tʉ́m nǔu jʉ́ Kɛlístɔ. Pɑ́Ꞌ ŋu kɑ ɡẅɛɛnɛ nɛpfú nǔu mɛnu kɛpɔŋ-pʉɔ lɑ́, ɛ́ lɔk ńnyɛt ŋɡɔ Sɛ́ ɡɛ mɛnu mɛ́ ndʉ́ŋndʉŋ. Ɛ́ kɑ pɔ́ yɛcɔ́ ŋkɑ́, pʉɔmɛsɔŋ pɔ́ ŋ́ɡɛ nu kɛpɔŋ, jʉ́ Sɛ́ ɡɛ pɔ pɑ́Ꞌ ŋkɑ́ yi ɑ kɑ́ pɔ́ ńjʉ́ɔ pɔ́ lɑ́.

ŊwɑꞋnɛ-Gɑŋntúu Yɛ́su Kɛlístɔ 3:19

Pɔ́Ꞌɔ lɑ́, pʉʉ kɛ́ ŋ́kúp mɑt wʉʉ, ḿbɛ́m Yɛ́su Kɛlístɔ. Sɛ́ likŋɛ mɛnu kɛpɔŋ mʉ́ʉ.

Pʉɔ-Lɔ́mɑ 2:4

Ɔ sɛ́ ŋ́ɡɛ pɔ́Ꞌɔ, ńtsʉ́Ꞌ ńdɔk ŋ́ɡwɑ́k Sɛ́ ɡwɑ́knɛ, ḿbɔ́ ńcú ŋɡɔ ɑ ɡẅɛɛ pɔŋtʉ́m, ɑ kɑ́ ɡɔ́ɔ fɛ́Ꞌnɛ cɔ́k pɔ́, ɑ ɡẅɛɛ kɔkmbʉʉ. Pɔ́Ꞌɔ, ɔ kɑ́ pɔ́ ńjí ŋɡɔ ɑ ɡẅɛɛ pɔŋtʉ́m nzʉʉ ɡu pɔ́Ꞌɔ, pɔ nɛlɔk ŋ́ɡɛ ɔ kúpmɛ mɑt pɔ́ ɔɔ?

Pʉɔ-Lɔ́mɑ 1:28

Pɑ́Ꞌ pɔ́p kɑ lʉꞋnɛ nɛjí Sɛ́ lɑ́, Sɛ́ kɑ nɑ́ wɔ́p, jínu yɔ́p yi ɛ́ kɑ́ tʉ́ʉ, tsʉ́Ꞌnɛ ɛ́sɑ́Ꞌ wɔ́p pɔ́p tsʉ́Ꞌ ŋ́ɡɛ pɔ yúu mi pɔ́p lɑ́Ꞌ mbɔɔ ŋ́ɡʉ ŋ́ɡɛ pɔ́.

ŊwɑꞋnɛ-Gɑŋntúu Yɛ́su Kɛlístɔ 20:21

Ńdɔk pɔ́Ꞌɔ, ɛ́fúŋ pɑyúdɑ, mbɑ pʉɔ pinɛ pɔ́p kɑ́ pɔ́ pɑyúdɑ pɔ́, ŋɡɔ pɔ́p shɔtnɛ ńcʉ́ɔ nzʉʉ Sɛ́, ńzɑ́p tʉ́m nǔu Tsɑpʉɔ wɛkŋɛ Yɛ́su.

Lúkɑ́shi 13:5

Ŋɡɑ́ŋ, ɛ́ kɑ́ pɔ́ nu pɔ́. Pʉʉ lɑɑ ŋ́kɛ́ ḿbɔɔ kúpmɛ wʉʉ mɑt pɔ́, mbɔ pʉʉ ɡɛ ḿpfútɛ yʉ́ʉ pɔ pɑ́Ꞌ pɔ́p.»

ŊwɑꞋnɛ-Gɑŋntúu Yɛ́su Kɛlístɔ 17:23

Mɔ sɛ́ ńnɛn tsɛt tʉ́sɔŋ yʉ́ʉ, ńjʉ́ɔ mɛndɑ́-mɛsɛ́ mʉ́ʉ jʉ́ɔnɛ, tɛ ńjʉ́ɔ yɛcɔ́ pɔ́ ɡú, mbɔ pɛ́ kɑ ŋwɑꞋnɛ nǔu ŋɡɔ: “Yɔ ndɑ́-nɔŋpɔꞋ yi pɛk kɑ́ jí lík yɛ́ pɔ́.” Ɛ́ pɔ́Ꞌɔ lɑ́, yîyɑ́ Sɛ́ yi pʉʉ tswɛ́nɛ ŋ́ɡúꞋlɛ wɛ́ kɛ́ jí wɛ́ lɑ́, n tɔ́ pɑ́Ꞌɑ nɛsẅíi wʉ́ʉ nɛ́ nu yɛ́.

ŊwɑꞋnɛ-Gɑŋntúu Yɛ́su Kɛlístɔ 11:18

Pɑpɛm Yɛ́su pi pɔ́p Pɑyúdɑ zúꞋ mɛnu mɔnɛ, ḿbɔ́tnɛ ńnɑ́ŋ, ḿbɛn ḿbɔ́ ŋ́ɡɑ́ pɑꞋlɑ́ mbɔ̌ Sɛ́ ńcú ŋɡɔ: «Ɛ́ pʉ̈ɔ́lɑ́ yi Sɛ́ kɑ ɡɑ́ shʉ́ mbɑ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, nɛkúpmɛ mɑt, ɑ ɡɛ pɔ́p ɡẅɛɛ luk kɛ́mɛ.»

Mɑ́lɛ́kúshi 6:12

Pɔ́p ḿbɔ́ ŋ́ɡʉ, ńnɛn ɛ́sɑ́Ꞌ ŋɡɔ: «Ɛ́ sɛ́ ḿbíkŋɛ ŋɡɔ pʉɔ tsʉʉ kúpmɛ mɑt.»

Mɑ́lɛ́kúshi 1:15

«Ŋkɑ́ pɑ́Ꞌnɛ mbɔ ɛ́ kuꞋ tɛ Sɛ́ ɡʉ ńzɛ nɛnyɛt nɛfɔɔ nɛ́. Pʉʉ kúpmɛ mɑt wʉʉ, ḿbɛn ḿbɛ́m Ŋkʉʉ Sʉ́Ꞌnɛ ɛ̂wɑ́.»

Mɑtʉ̈ɔ 3:2

«Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»

2 Kɔlɛ̂ŋtɛ 7:10

mbíꞋŋɡɔ nɛmʉk nǔu ntɛ́ yi Sɛ́ sɛ́ ŋ́kɔŋ, ɛ́ ɡɛ ŋu kúpmɛ mɑt. Ẅîwɑ́ nɛkúpmɛ mɑt ɡɛ ŋu luk, tɛ ḿbɔ́ nu pɔɔ pʉ́k wɛ́ pɑ́Ꞌ ɑ mʉknɛ pɔ́. Lɑ́ nɛmʉk nǔu ntɛ́ yɛ́ pʉɔ-ndǔmbí, ɛ́ ɡɑ́ pɔ nɛvú.

Lúkɑ́shi 15:10

Tsʉ́Ꞌnɛ, ɛ sẅíi wʉʉ: Ɛ́ pɛn ḿbɔ́ pɔ pɔ́Ꞌɔ, pɛcʉ̈ɔ́Ꞌ-Sɛ́ tsɑ́ɑtɛ ntɛ́ tɑ́Ꞌ ŋu kɛpɔŋ wɛmɔ́Ꞌ ẅi ɑ kúpnɛ mɑt wɛ.»

Mɑtʉ̈ɔ 4:17

Yɛ́su pɔ́ Kɑpɛɛnɑwûm pɔ́Ꞌɔ, ńzɛ nɛsẅíi nu-Sɛ́, ḿbɔ́ ńcú ŋɡɔ: «Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»

Pʉɔ-Lɔ́mɑ 3:23

mbíꞋŋɡɔ pɔ́p pɛtsʉʉ kɑ zɛɛ ŋ́ɡɛ mɛnu kɛpɔŋ tɛ sɑ́ɑ nɛɡúꞋ ẅi ɛ́ nɛjɔ́ŋ Sɛ́.

Mɑtʉ̈ɔ 20:7

Pɔ́p pʉ̈ɔt ŋɡɔ: «Ɛ́ ɡɔ́ ḿbɔ́, mbɔ wɛcɔ́ ŋu kɑ́ fúŋ wɛ́k nǔu fɑꞋ pɔ́.» A cú mbɔ̌ pɔ́p ŋɡɔ: «Pʉʉ ɡʉ yʉ́ʉ ŋkɑ́Ꞌ mɔ ɛ́fɑꞋ fɑꞋ.»