ŊwɑꞋnɛ-Gɑŋntúu Yɛ́su Kɛlístɔ 17:25 - Kɑɑ Fí

²⁵ A kɛ́ ḿbɔɔ ḿbɔ́ ńzẅíꞋlɛ ŋɡɔ pʉɔmɛsɔŋ ɡɛ yɛcɔ́ yúu lɑ ɑ lɔk ḿbɔ́ yɛ́ ɡú pɔ́. Yɛcɔ́ yúu kɑ́ pɔ́ ńjɑ́k mbɔ̌ wɛ́ pɔ́. Jʉ́ ɡɑ́nɛ zẅikŋɛ mbɔ̌ pʉɔmɛsɔŋ, lɑ́ pɔ́p lɔk ḿbɔ́ ɡú, tɛ ŋ́ɡɑ́ mbɑ kʉ̈ɔ́ lɑ́.

ŊwɑꞋnɛ-Gɑŋntúu Yɛ́su Kɛlístɔ 17:25 Referans Kwoze

Pʉɔ-Lɔ́mɑ 11:35

Wɔ̌ kɑ piitɛ ŋ́ɡɑ́ yúu mbɔ̌ Sɛ́ nɛpɔ́ yi Sɛ́ ɡʉ ŋ́ɡẅɛɛ nɛtsɔ́Ꞌ ŋ́ɡɑ́ mbɔ̌ wɛ́.»

ŊwɑꞋnɛ-Gɑŋntúu Yɛ́su Kɛlístɔ 17:28

Pɛ́ zɛɛ ńcú ŋɡɔ: “Pɛkŋɛ lɔk pɔ wɛ́ lɑ́ ḿbɔ́ ɡú. Jʉ́ ɡɛnɛ pɛkŋɛ ŋɑtnɛ. Jʉ́ ɡɛnɛ pɛkŋɛ pɔ́ ɡú.” Mbɑ pɛcɔ́ pɑsɑknɛkɛt pʉ́ʉ kɑ pɛn ńcú ŋɡɔ: “Pɛkŋɛ zɛɛ ḿbɔ́ pɔ pʉɔ nǔu njẅɛt yɛ́.”

1 Timɔtɛ́ɛ 6:17

Ɛ́ ɡʉ nǔu pʉɔ pinɛ pɔ́p ɡɑŋyúu ndǔ yɔ mbí, n cú mbɔ̌ pɔ́p ŋɡɔ pɔ́p pɑ́ɑ nɛŋɑ́Ꞌlɛ mbʉʉ, ŋɡɔ kɔɔ pɔ́p ńnɑ́ŋ ńzẅíꞋlɛ wɔp nɛpɔŋ pɔ nǔu yúu mi pɔ́p ɡẅɛɛnɛ, mbíꞋŋɡɔ ɛ́ pɔ́ pɔ fuꞋnjʉɔ. Cú mbɔ̌ pɔ́p ŋɡɔ pɔ́p zẅíꞋlɛ wɔp nɛpɔŋ pɔ mbɔ̌ Sɛ́ ẅi ɑ ɡɑ́nɛ wɛkŋɛ nɛ́ yúu tsʉʉ tɛ ɛ́ zɑ́ɑ zɑ́ɑnɛ ŋɡɔ pɛkŋɛ lɔk ńtsɑ́ɑtɛ.

ŊwɑꞋnɛ-Gɑŋntúu Yɛ́su Kɛlístɔ 14:17

Lɑ́, Sɛ́ kɛ ḿbɔɔ nɑ́ kɛ́ lɔk mɛfɑꞋ sʉ́Ꞌnɛ mɛ́ ńnyɛt wɔ́p ŋɡɔ ɑ ɡú pɔ́, ḿbɔ́ ɛ́fú tʉ́nɛ́pú ńtúu mbʉŋ mbɔ̌ pɔ́p, ŋ́ɡɛ yúu zɛ́m, pɔ́p lɑk nǔu ŋkɑ́ yi ɛ́ sɛ́ ḿbíkŋɛ. A lɔk ŋ́ɡɛ pɔ́p ɡẅɛɛ yúu pɛjʉ́ tɛ tʉ́m yɔ́p pɔŋ, ḿbɛn ńnɑ́ŋ ńtsɑ́ɑtɛ tsɑ́ɑtɛnɛ.»

Mɑtʉ̈ɔ 9:13

Ɛ́ yɛ́tɛ́ lɑ́ mɔ sɛ́ ńcú mbɔ̌ pʉʉ ŋɡɔ ɡʉnɛ ńzíꞋ yúu mi ɛ́ kɑ cẅɛtnɛ tsu-Sɛ́, ɑ ńcú ŋɡɔ: Mɔ, ŋ kɔŋ ŋɡɔ pʉɔ tsɑ́ɑmɛjʉ́ŋ pɛcɔ́, ńtsɑ pɔꞋ ẅí pɛ́ lɔknɛ ŋ́ɡúꞋlɛ wɑ́ɑ. Yɛ́su ɡɔ ḿmɛkŋɛ n cú ŋɡɔ: Mɔ ŋkɑɑ tɔ́ nɛfúŋ pʉɔ pɔ́p kwɑŋɛ ŋɡɔ pɔ́p nɛ́nẅín pɔ́, mɔ m̄bɔ́ ńtɔ́ ntɛ́ pɔ ɡɑŋmɛfɑɑnɛ ŋɡɔ pɔ́p pɛn mbɔ̌ Sɛ́.»

Mɑtʉ̈ɔ 5:45

Pʉʉ lɑɑ ŋ́ɡɛ pɔ́Ꞌɔ, mbɔ pʉʉ ɡʉ ḿbɔ́ kwɑꞋ pɔ́ɔ-Tɑ̌ɑ wʉʉ ẅí ɑ tʉ́nɛ́pú. A ɡɛ mɔ́nɛm wɛ tɑ́ nǔu pʉɔ kɛpɔŋ mbɑ nǔu pʉɔ sʉ́Ꞌnɛ, ḿbɛn ŋ́ɡɛ mbʉŋ lɔ́ nǔu pʉɔ pinɛ pɔ́p ɡẅɛɛnɛ nɛpʉ́ʉ nɛ́ mbɑ pinɛ pɔ́p kɑ́ ɡẅɛɛ.