ŊwɑꞋnɛ-Gɑŋntúu Yɛ́su Kɛlístɔ 16:25 - Kɑɑ Fí

²⁵ Tʉʉ túꞋ ɡɛ ḿbɔ́ ŋ́kuꞋ, Pɔ̂l pɔ́p Sílɑs pɔ́ ńcɛꞋlɛ Sɛ́, ńzɔp ŋki ńdɔk ŋ́ɡúꞋlɛ wɛ́. Pɛcɔ́ ɡɑŋtsɑ́ŋ pɔ́ ńzúꞋ,

ŊwɑꞋnɛ-Gɑŋntúu Yɛ́su Kɛlístɔ 16:25 Referans Kwoze

Jɑ̂k 1:2

Pɔ́ɔpɛ́mɑ́ pɑ́ɑ, ŋɡʉ̈ɔ́Ꞌ mɛntɛ́ mɛntɛ́ lɑɑ ḿbɔ́ ŋ́kúu wʉ́ʉ, pʉʉ lɔk pɔ kwɑꞋ tsɑ́ɑtɛ ńcẅɛ́ɛ.

Pʉɔ-Lɔ́mɑ 5:3

Ɛ́ kɑ́ pɔ́ pɔ ndɑꞋ pɔ́Ꞌɔ pɔ́, pɛk pɛn ŋ́ɡẅɛɛ tsɑ́ɑtɛ tɛ mbɑ ŋkɑ́ yi pɛk sɛ́ ńjʉ́ɔ ŋɡʉ̈ɔ́Ꞌ, ḿbɔ́ ńjí ŋɡɔ ŋɡʉ̈ɔ́Ꞌ ɡʉ ŋ́ɡɛ pɛk sʉk.

Ɛ́bɛlʉʉ 5:7

A pɛn ḿbɔ́ pɔ jʉ́ Yɛ́su ẅí ɑ kɑ pɔ́nɛ ŋkɑ́ yi ɑ kɑ pɛ́tnɛ ndǔ tsɛ́tsɑ́Ꞌ, ńcɛꞋlɛ Sɛ́ ẅi ḿbɔ́ ɑ ɡɛ tɛ ɑ pɔɔ pfú, ḿbúꞋ mbɔ́ mbɔ̌ wɛ́ lɑ́ ḿbɔ́ ŋ́ɡɑ́ ɡwɑ́t ŋ́kíi. Sɛ́ fú nǔu pɑ́Ꞌ Yɛ́su zẅíꞋlɛ mbɑ kʉ̈ɔ́lɑ́ pɔ mbɔ̌ wɛ́, ńzúꞋ cɛꞋlɛ yɛ́.

Ɛ́fɛ̂zɛ 5:19

Pɔ́Ꞌɔ lɑ́, pʉʉ pɔ́ ńzɔp mɛzɔpŋki mi ɛ́ tsɛt ŋwɑꞋnɛ ńdɔk ńníꞋ mɛtʉʉ-mɛmbʉʉ mʉ́ʉ, ńzɔp mɛzɔp-pʉɔ-Kɛlístɔ, ńzɔp mɛzɔp mi Zẅikŋɛ-Sɛ́ níꞋnɛ tʉ́m pʉʉ. Pʉʉ zɔp ŋ́ɡúꞋlɛ Tsɑpʉɔ nɛ́ ŋɡɔŋ tʉ́m yʉ́ʉ tsʉʉ.

Kɔlɔsíyɛ̂ŋ 1:24

Ɛ́ ŋkɔ̂ɔnɛ ŋɡʉ̈ɔ́Ꞌ yi mɔ sɛ́ ńjʉ́ɔ nǔu tú yʉ́ʉ ɡɛ n tsɑ́ɑtɛ tsɑ́ɑtɛ́nɛ. Pɑ́Ꞌ Kɛlístɔ kɑ jʉ́ɔnɛ ŋɡʉ̈ɔ́Ꞌ lɑ́, mɔ sɛ́ ńjʉ́ɔ ŋɡʉ̈ɔ́Ꞌ ntɛ́ cúꞋlɛ yi ɛ́ mbʉʉ yɛ. Ŋ ɡɛ pɔ́Ꞌɔ ńdɔk ḿmikŋɛ fɑꞋ yɛ́.

Pʉɔ-Lɔ́mɑ 12:12

Pʉʉ ńnɑ́ŋ nɛ́ tsɑ́ɑtɛ mbíꞋ yúu mi pʉʉ sɛ́ ńzẅíꞋlɛ. Ŋɡʉ̈ɔ́Ꞌ lɑɑ ŋ́kúu wʉ́ʉ, pʉʉ sʉk sʉknɛ. Pʉʉ kɛ́ ḿbɔ́ ḿbúꞋ mbɔ́ pɔ mbɔ̌ Sɛ́ kɛ́ kɑ́ɑ.

1 Pyɛ̂ 4:14

Pɛ́ lɑɑ ńzɔɔtɛ wʉ́ʉ mbíꞋ lík-Kɛlístɔ, mbɔ pʉʉ pɛpɔ́ttú, mbíꞋŋɡɔ Zẅikŋɛ nɛɡúꞋ, Zẅikŋɛ-Sɛ́ nǔu pʉʉ,

Filipɛ 2:17

Wʉ́ʉ nɛzɑ́p tʉ́m nǔu Yɛ́su ɛ́ pɑ́Ꞌ yúu-pɔꞋ yi pʉʉ nɔŋnɛ mbi Sɛ́ lɑ́, ḿbɔ́ yi pɛ́ lɑɑ ńjẅí wɑ́ɑ, mbɔ ɛ́ lɔk ḿbɔ́ pɑ́Ꞌ wɑ́ɑ pɔꞋ ẅí n nɔŋnɛ mbi Sɛ́. Ɛ́ tɔ́ ḿbɔ́ pɔ́Ꞌɔ, mbɔ mɔ pɔ́ttú, mbɔ pɛkŋɛ ɡʉ ńtɛmtɛ ńtsɑ́ɑtɛ.

2 Kɔlɛ̂ŋtɛ 6:10

Pɛ́ kwɑŋɛ ŋɡɔ pɛk sɛ́ ḿmʉk yɛcɔ́ nu, lɑ́ pɛk ńnɑ́ŋ ŋkɑ́ tsʉʉ pɔ nɛ́ tsɑ́ɑtɛ. Pɛ́ sɛ́ ńdɔk wɛ́k ɛ́fúŋ pɛpúŋ, lɑ́ pɛk pɔ́ ńdɔk pʉɔ tɛ ńzɑ́ɑ ŋ́ɡɛ ɡɑŋyúu. Pɛ́ sɛ́ ńdíŋɛ wɛ́k pɑ́Ꞌ ŋkɑ́ yi yúu yɛ́k kɑ́ pɔ́ ɡú pɔ́ lɑ́, lɑ́ pɛk kɛ́ ŋ́ɡẅɛɛ yúu tsʉʉ.

ŊwɑꞋnɛ-Gɑŋntúu Yɛ́su Kɛlístɔ 5:41

Pɔ́p ɡɔ́ ɛ́fú tsɛt cúꞋlɛ-pɑsɑ́Ꞌ lɑ́Ꞌ ńcẅɛt, ńnɛn ńtsɑ́ɑtɛ tsɑ́ɑtɛ́nɛ. MbíꞋŋɡɔ Sɛ́ jʉ́ɔ ŋɡɔ pɔ́p kuꞋ nɛjʉ́ɔ ŋɡʉ̈ɔ́Ꞌ ntɛ́ nu-lík-Yɛ́su.

Lúkɑ́shi 22:44

Nɛvú pɔ́ ŋ́kwɛ́t wɛ́, ɑ ŋ́kẅiꞋ ńcɛꞋlɛ Sɛ́ ńníꞋ tú, tɛ ziꞋnɛ tsʉ́Ꞌnɛ ńcẅɛt nǔu wɛ, ńcʉ́ɔtɛ sɛ́, ɛ́fí pɔ mɛtyɑk-mɛci lɑ́.

Jɑ̂k 5:13

Ŋu wʉʉ lɑɑ ḿbɔ́ ńjʉ́ɔ ŋɡʉ̈ɔ́Ꞌ, ɑ púꞋ mbɔ́ mbɔ̌ Sɛ́. Ŋu lɑɑ ḿbɔ́ ńtsɑ́ɑtɛ ɑ zɔp mɛzɔpŋki ńdɔk ŋ́ɡúꞋlɛ Sɛ́.

ŊwɑꞋnɛ-Gɑŋntúu Yɛ́su Kɛlístɔ 15:22

Gɑŋntúu-Yɛ́su, pɔ́p pɑcẅɛ́ɛ mbi ŋ́ɡɛ ŋɡɔŋ mɛcúꞋlɛ-pʉɔ-Kɛlístɔ tsʉʉ mi ɛ́ Yɛlúsɑlɛm ɡɔ́ɔ ŋ́kɛ́ ńzɑ́p ŋɡɔ ɛ́ pɔŋ pɛ́ ɡʉ tsɛtsɛt pɔ́p, ńtsɔ́Ꞌ pɛcɔ́ ntɑ́Ꞌpʉɔ, ńtúu wɔ́p pɛ́ Pɔ̂l pɔ́p Pɑnɛpɑ́ɑshi Antíyɔshɛ. Ŋkwɑŋɛ pɔ́Ꞌɔ ńtsɔ́Ꞌ Jẅidɛ ẅí pɛ́ pɛnnɛ ɛ́fúŋ wɛ́ ŋɡɔ Mbɑlsɑbɑs, ḿbɛn ńtsɔ́Ꞌ Sílɑs. Pʉɔ pɔnɛ pɛ́pɑ́ pɔ́ pʉɔ pi pɔ́p cúnɛ nu pɛ́ zúꞋ.

ŊwɑꞋnɛ-Gɑŋntúu Yɛ́su Kɛlístɔ 16:19

Pʉɔ pí pɔ́p kɑ zúunɛ wɛ́, jʉ́ɔ ŋɡɔ pɔ́p kɑ́ pɛn ŋ́kuꞋ nɛlɔk wɛ́ ńdɛp ŋkɑ́p pɔ́, ŋ́ɡɔ́ɔ ŋ́kɛ́ ŋ́ɡẅɛɛ Pɔ̂l pɔ́p Sílɑs, ɛ́shuŋ wɔ́p ńdɔk ŋ́ɡʉ ndǔ zɑ́n.

ŊwɑꞋnɛ-Gɑŋntúu Yɛ́su Kɛlístɔ 16:33

Pɔ ŋkɑ́ yîyɑ́ ŋkɑ́ yîyɑ́, pɔ kwɑꞋ nɛtúꞋ ɛ̂wɑ́, mbyɛ́p ndɑ́tsɑ́ŋ lɔk wɔ́p ŋ́kúu tsɛt wɛcɔ́ lûmndɑ́, ɛ́suk mɛfʉ́ŋ mɔ́p, ńcɔꞋ. Pɔ́p ɡɔ́ɔ ńnuꞋ wɔ́p njẅɛtndɑ́ yɛ tsɛt ŋki.