Biblia Todo Logo
Bib sou entènèt

- Piblisite -




ŊwɑꞋnɛ-Gɑŋntúu Yɛ́su Kɛlístɔ 14:1 - Kɑɑ Fí

1 Pɔ̂l pɔ́p Pɑnɛpɑ́ɑshi pɛtsʉʉ kúu Ikɔnyɔm, mɛnu pɛn ńdɛɛtɛ pɔ ndʉ́ŋndʉŋ pɑ́Ꞌ ɛ́ kɑ lɛɛtɛ́nɛ Antíyɔshɛ. Pɔ́p ɡʉ ndɑ́-cúꞋlɛ-pɑyúdɑ ɛ́sẅíi nu-Yɛ́su. Lɑ́ nɛzɑ́ɑ pɑyúdɑ, tɛ mbɑ pʉɔ pí pɔ́p kɑ́ pɔ́ pɑyúdɑ pɔ́ pɛ́m nu yɛ́.

Gade chapit la Kopi




ŊwɑꞋnɛ-Gɑŋntúu Yɛ́su Kɛlístɔ 14:1
33 Referans Kwoze  

Ŋɡɔŋ lɛ́Ꞌnji-pɑyúdɑ, Pɔ̂l ɡʉ ndɑ́-cúꞋlɛ pɔ́p, ńdɔɔ shʉ́ nɛsẅíi pɑyúdɑ pɔ́p pɑŋɡɛlɛ́k nɛ́ nu tɛ pɔ́p zúꞋ nu-Yɛ́su.


Pɔ̂l pɔ́p Pɑnɛpɑ́ɑshi ɡɔ́ ɛ́fú lɑ́Ꞌ ɛ̂yɑ́ ńcẅɛt, ḿbúꞋ pɛ́pɛ́p nǔu mɛku mɔ́p nɛlɔk ɛ́sẅíi wɔ́p ŋɡɔ ɛ́ tsʉ́Ꞌ ńdíŋɛ pɔ wɔ́p, ŋ́ɡɔ́ɔ ŋ́ɡʉ nɛ́ Ikɔnyɔm.


Pɔ̂l pɔ́p Pɑnɛpɑ́ɑshi ɡɔ́ɔ ɛ́sɑ́ɑnɛ sɑ́ɑnɛ́nɛ ńcú mbɔ̌ pɔ́p ŋɡɔ: «Pɛk ŋ́kɛ́ zɛɛ ŋ́ɡẅɛɛ nɛpiitɛ ɛ́sẅíi nu-Sɛ́ pɔ mbɔ̌ pʉʉ pɑyúdɑ. Pɑ́Ꞌ pʉʉ kɛ́ ńdʉꞋ lʉꞋnɛ, ńnyɛt ŋɡɔ pʉʉ kɑ́ kuꞋ pɑ́Ꞌ ḿbɔ́ pʉʉ ɡẅɛɛ luk kɛ́mɛ pɔ́ lɑ́, pɛk ɡʉ ɛ́shɔtnɛ ŋ́ɡʉ ńdɔɔ pʉɔ pí pɔ́p kɑ́ pɔ́ pɑyúdɑ pɔ́,


Pɔ̂l pɔ́p Pɑnɛpɑ́ɑshi kúu Ndɛlbɛ, ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ, tɛ pʉɔ tɛ ńzɑ́ɑ tsʉ́Ꞌ pʉɔ-Kɛlístɔ. Pɔ́p fú zúꞋu, ḿbɛn ḿbɛn Listɛlɛ pɔ́p Ikɔnyɔm, ŋ́ɡʉ ɡʉnɛ tɛ ŋ́kúu Antíyɔshɛ ẅi ɛ́ mbʉʉ Pisidîi,


Ɛ́ fú pɔ́Ꞌɔ, Sɛ́ pɔɔ pɛn ŋ́ɡɛ yɛcɔ́ tɔŋ nǔu pɑyúdɑ pɔ́p pʉɔ-Ŋɡɛlɛ́k pɔ́, ŋ́kɛ́ mbɔɔ pɛn ŋ́ɡɛ nǔu pɛkwɑɑ pɔ́p pɛndẅǐi pɔ́, ŋ́kɛ́ mbɔɔ pɛn ŋ́ɡɛ nǔu mbɛ́ɛnɛ pɔ́p pɑŋɡɛ́ pɔ́, mbíꞋŋɡɔ pʉʉ lɔk pɑ́Ꞌ pʉʉ lɑtnɛ mbʉʉ nǔu Yɛ́su Kɛlístɔ ńtsʉ́Ꞌ ḿbɔ́ pɔ tɑ́Ꞌ ntɛ́.


Pɔ́Ꞌɔ lɑ́, yɛcɔ́ tɔŋ kɑ́ pɛn ḿbɔ́ tsɛtsɛt ŋu-Pɑyúdɑ pɔ́p ŋu ẅí ɑ kɑ́ pɔ́ ŋu-Pɑyúdɑ pɔ́ pɔ́. Pɔ́p pɛ́tsʉʉ tɛmtɛ ŋ́ɡẅɛɛ pɔ tɑ́Ꞌ Tsɑpʉɔ wɛ́mɔ́Ꞌ ẅí ɑ ɡɛnɛ mɛnu sʉ́Ꞌnɛ mɛ́ nǔu pʉɔ tsʉʉ pi pɔ́p lɑɑnɛ ɛ́fúŋ wɛ́.


Mbɔ sʉ́ʉ pɔɔ wɑ́ɑ kɔ́ nɛcẅi Ŋkʉʉ Sʉ́Ꞌnɛ pɔ́, ɛ́ mɛtʉʉ mí Sɛ́ lɔknɛ ŋ́ɡɛ pʉɔ pinɛ pɔ́p zɑ́pnɛ tʉ́m nǔu wɛ́ luk. Ɛ́ zɛ nǔu pɑyúdɑ ŋ́kúu nǔu pʉɔ pi pɔ́p kɑ́ pɔ́ pɑyúdɑ pɔ́.


Pʉɔ pi pɔ́p tʉ́sɔŋ-Ɛ́fɛ̂zɛ, pɑyúdɑ pɔ́p pʉɔ pi pɔ́p kɑ́ pɔ́ pɑyúdɑ pɔ́, zúꞋ yɔ nu, ḿbɔ́k, ńcú ŋɡɔ: «Tsɑpʉɔ Yɛ́su kwɑꞋ ɡú tɛꞋ.»


Pɔ̂l lɔk pɛsɑŋ pɛtɑ́t, ŋ́kɛ́ ŋ́ɡʉ pɔ ndɑ́-cúꞋlɛ-pɑyúdɑ Ɛ́fɛ̂zɛ ɛ̂wɑ́. Ɛ́sẅíi nu-Sɛ́ ɛ́sɑ́ɑnɛ sɑ́ɑnɛ́nɛ, ɛ́sẅíi pʉɔ pɑ́Ꞌ nɛfɔɔ-Sɛ́ pɔ́nɛ, ńdɔɔ shʉ́ nɛkyɛ́Ꞌtɛ tɛ pɔ́p pɛ́m.


Kɛlíspus ẅi ɑ ndʉ́m tsɛt ndɑ́-cúꞋlɛ-pɑyúdɑ pɔ́p njẅɛtndɑ́ yɛ tsʉʉ ɡɛ ńzɑ́p tʉ́m yɔ́p nǔu Tsɑpʉɔ. Pɛ́ nuꞋ wɔ́p ŋki. Pʉɔ-Kɔlɛŋntɛ tɛ ńzɑ́ɑ zúꞋ sẅíŋɛ-Pɔ̂l ḿbɛ́m yɔ́p nɛpɔ́ pʉɔ-Kɛlístɔ. Pɛ́ nuꞋ wɔ́p ɡúu ŋki.


Pʉɔ tɛ ńzɑ́ɑ tsɛtsɛt pɔ́p fú pɔ́Ꞌɔ, ńzɑ́p tʉ́m yɔ́p nǔu Yɛ́su. Tɛ mbɑ pɑŋɡɛ́-Ŋɡɛlɛ́k pinɛ pɔ́p ɡɑŋyúu, mbɑ mbɛ́ɛnɛ tɛ ńzɑ́ɑ pɛn ńzɑ́p yɔ́p.


Pɛcɔ́ ntɑ́Ꞌ pɑyúdɑ zúꞋ ɛ́ kúutɛ wɔ́p, pɔ́p pɛ́m, ńcʉ́ɔ nzʉʉ Pɔ̂l pɔ́p Sílɑs, tɛ mbɑ pɛcɔ́ pɑŋɡɛlɛ́kíyɑ tɛ ńzɑ́ɑ pi pɔ́p kɑ pɛ́mnɛ nu-Sɛ́ wɛk. Tɛ mbɑ pɛcɔ́ pɑŋɡɛ́ cʉ́ʉnɛ́nɛ pinɛ pɔ́p tʉ́sɔŋ, jʉ́ɔ lɑ́ ḿbɛ́m yɔ́p.


Pɛ́ cẅɛt ndɑ́-cúꞋlɛ, ŋ́ɡɔ fyɑkŋɛ, nɛzɑ́ɑ pɑyúdɑ, pɔ́p pʉɔ pí pɔ́p pɔ́knɛ Sɛ́ ɡʉ ńcɑklɛ wɔ́p. Pɔ̂l pɔ́p Pɑnɛpɑ́ɑshi pɛn ńníꞋ mɛtʉʉ wɔ́p ŋɡɔ pɔ́p ɡẅɛɛ mɛnu sʉ́Ꞌnɛ mi Sɛ́ lɔknɛ ŋ́ɡɑ́ luk yɔ́p, ŋ́kúꞋlɛ kwɑꞋ sʉ́Ꞌnɛ.


Tsɑpʉɔ pɔ́ ńtɔ́ɔtɛ wɔ́p tɔ́ɔtɛnɛ, pʉɔ tɛ ńzɑ́ɑ pɔ́ ńzɑ́p tʉ́m nǔu Tsɑpʉɔ Yɛ́su, ḿbɔ́ ɛ́shɔtnɛ ńtsʉ́Ꞌ pʉɔ pɛ́.


Ɛ́ ɡɔ́ ḿbɔ́, mbɔ ɑ ŋkɑɑ kɛ́ ńzẅíꞋlɛ lɑ́ ńzɛ nɛpɔ́ ŋ́kúu mɛndɑ́-mɛcúꞋlɛ-pɑyúdɑ mi ɛ́ zúꞋu, ḿbɔ́ ɛ́sɑ́Ꞌ ŋɡɔ Yɛ́su mɔ́ɔ-Sɛ́ pɔ́.


ŋ́kɑꞋ ŋɡi yɔp tʉ́ ɡíɛt ŋɡɔ: «Pʉɔ-Íslɑyɛ̂l, pʉʉ tɔ́ ńcẅɛ́lɛ́ wɛ́k! Ŋu wɑ́ pʉ́ɔ. A sɛ́ ḿbɔ́ ńnɛn zʉꞋ tsʉʉ ndǔ tsɛ́tsɑ́Ꞌ ŋ́kẅíi pʉɔ-lɑ́Ꞌ pɛkŋɛ kɛpɔŋ, ɛ́sẅíŋɛ kɛpɔŋ nǔu nɛpʉ́ʉ-Mɔ̌sɛ̂ɛ. Tɛ mbɑ nǔu ZʉꞋ-nɔŋpɔꞋ yɔ. Ɛ́ pʉ́ɔ, mbɔ ɑ zɛɛ ńdɔk pʉɔ pi pɔ́p kɑ́ pɔ́ pɑyúdɑ pɔ́, ńtɔ́, ńdɔk wɔ́p ŋ́kúu tsɛt ZʉꞋ-nɔŋpɔꞋ, ńdɔk pɔ́Ꞌɔ, ńníꞋ lɔ́Ꞌ nǔu.»


Ńdɔk pɔ́Ꞌɔ, ɛ́fúŋ pɑyúdɑ, mbɑ pʉɔ pinɛ pɔ́p kɑ́ pɔ́ pɑyúdɑ pɔ́, ŋɡɔ pɔ́p shɔtnɛ ńcʉ́ɔ nzʉʉ Sɛ́, ńzɑ́p tʉ́m nǔu Tsɑpʉɔ wɛkŋɛ Yɛ́su.


A pɔ́ ŋ́ɡʉ ndɑ́-cúꞋlɛ-pɑyúdɑ, ŋ́kẅɛ́ɛtɛ pɑyúdɑ mbɑ pɑpɛ́m nu-Sɛ́ wɛk ḿbɔ́ ɛ́sẅíi wɔ́p nɛ́ nu, ḿbɔ́ lɛ́Ꞌ tsʉʉ, ŋ́ɡʉ ndǔ zɑ́n, ńjʉ́ɔ pʉɔ pi pɔ́p zúꞋu, ḿbɛn ɛ́sẅíi wɔ́p nɛ́ nu.


Pɔ̂l ɡʉ tɛ ŋ́kúu tʉ́sɔŋ-Ndɛlbɛ, ŋ́ɡɛ ɛ́fú zúꞋu ńdɔk wɛ Listɛlɛ. Wɛcɔ́ ŋu-Kɛlístɔ pɔ́ zúꞋu, pɛ́ fúŋ wɛ́ ŋɡɔ Timɔtɛ̂ɛ. Mɑ́ wɛ pɔ́ mɔ́ɔ-Yúdɑ, mbɔ ɑ kɑ pɛ́m mɔ nu-Yɛ́su. Mbɔ tɑ́t wɛ ḿbɔ́ ŋu-Ŋɡɛlɛk.


Lɑ́ pɛcɔ́ pɑyúdɑ lʉꞋ nɛpɛ́m, ńdẅɑklɛ pʉɔ pí pɔ́p kɑ́ pɔ́ pɑyúdɑ pɔ́, pɔ́p zɛ nɛlíŋɛ pɔ́ɔpɛ́mɑ́ kɛpɔŋ.


Pɔ́p ɡʉ tɛ ŋ́kúu zúꞋu, ńcẅɛt tsɛt kɑnúꞋ tʉ́sɔŋ-Sɑlɑminɛ, ḿbɔ́ ɛ́sẅíi nu-Sɛ́ tsɛt mɛndɑ́-cúꞋlɛ-pɑyúdɑ. Pɔ́p pɛ́ Jɑ̂ŋ Mɑ́lɛ́kúshi kɑ ɡɛnɛ ɑ pɔ́ ńcẅɛ́lɛ́ wɔ́p.


Pɛcɔ́ ntɑ́Ꞌpʉɔ-ŋɡɛlík, kɑ pʉʉ ńtɔ́ Yɛlúsɑlɛm nɛjʉ́ ndínɑ, ŋ́ɡúꞋlɛ Sɛ́.


Pɑyúdɑ zɛ nɛcú tsɛtsɛt pɔ́p ŋɡɔ: «A pɑ́Ꞌɑ ŋ́ɡʉ ŋ́ɡʉ pɔ ɡɔ́, tɛ pɛk pɔɔ wɛ́ jʉ́ɔ? A ɡʉ ŋ́ɡʉ ŋ́kẅɛ́ɛtɛ pɔ pʉɔ pɛkŋɛ pí pɔ́p kɑ sɑtnɛ zʉꞋ, ŋ́ɡʉ lɑ́Ꞌ-pɑŋɡɛlɛ́k kɛkʉ̈ɔ́? Kɛ ɑ ɡʉ pɔ nɛzíꞋ pɑŋɡɛlɛ́k?


Pɔ́Ꞌɔ lɑ́, kɔɔ tɔŋ pɛn ḿbɔ́ tsɛtsɛt pʉʉ tɛ ḿbɔ́ pɛ́ cú ŋɡɔ: «Yɔ ŋu-Ŋɡɛlɛk, yɔ pɔ́ ŋu-pɑyúdɑ pɔ́. Pɛ́ pɔɔ pɛn ńcú ŋɡɔ yɔ ŋu ẅí pɛ́ kɑ púꞋnɛ wɛ́, yɔ pɔ́ ŋu ẅí pɛ́ ŋ́kɑɑ wɛ́ púꞋ pɔ́. Kɛ pɔ nɛpɛn ńcú ŋɡɔ wɔ kɑ zíꞋ ŋwɑꞋnɛ, wɔ pɔɔ zíꞋ pɔ́. Pɛ́ kɛ́ ḿbɔɔ pɛn ńcú ŋɡɔ wɔ ŋu ŋkwɑɑ, wɔ pɔɔ ŋkwɑɑ pɔ́. Kɛlístɔ tsʉ́Ꞌ ḿbɔ́ yʉ́ʉ nu tsʉʉ, ḿbɔ́ tʉ́m pʉʉ pɛtsʉʉ.»


Titɛus ẅí pɛknɛ kɑ pɔ́nɛ kɑ pɔ́ ŋu-Ŋɡɛlɛk, lɑ́ tɛ mbɑ pɔ́Ꞌɔ, pɔ́p kɛ́ ḿbɔɔ ɛ́fyɛ́t wɛ́ ŋɡɔ ɑ pɛ́m pɛ́ púꞋ wɛ́ lɑ ɑ pɔ́ ŋu-Sɛ́ pɔ́.


ŋ́ɡɛ pɔ pɔ́Ꞌɔ, nǔu ŋɡuꞋlɑ́Ꞌ yɛ́pɑ́. Tɛ pʉɔ tsʉʉ pi pɔ́p ńtswɛ́nɛ tsɛt pɑk-ŋɡɔŋ-Azîi ɛ̂wɑ́, kɛ ɑ ŋu-Yúdɑ ɔɔ, kɛ ɑ kɑ́ pɔ́ ŋu-Yúdɑ pɔ́ ɔɔ, ɑ zúꞋ nu-Tsɑpʉɔ.


ḿbuꞋ mbɔ́ mbɔ̌ wɛ́ ŋɡɔ ɑ zuŋ zẅikŋɛ kɛpɔŋ ɛ̂yɑ́, ɑ nɑ́ mɔ́ɔ nɛ. Mɑŋɡɛ́ ɛ̂wɑ́ kɑ pɛn ḿbɔɔ mɔ́ɔ-Yúdɑ pɔ́. A kɑ pɔ́ mɔ́ɔ-Fɛ́nisi, tsɛt ŋɡɔŋ-Silii.


Pɔ́p kɑ pɔ́ ŋ́ɡúꞋlɛ Sɛ́ tɛꞋ. Lɑ́Ꞌ tsʉʉ kɔŋ yɔ́p ntɛ́ nɛnɑ́ŋ. Ɛ́ pɔ́ lɛ́Ꞌ tsʉʉ, Tsɑpʉɔ pɔ́ ńdɔk pʉɔ pi ɑ ɡɛnɛ pɔ́p luk, ńdɔk ŋ́kẅiꞋ nɔɔ yɔ́p.


Mbɑ pɔ́Ꞌɔ, pɛcɔ́ pɑyúdɑ ɡɔ́ɔ ŋ́ɡɛ ɛ́fú Antíyɔshɛ ẅí ɛ́ mbʉʉ Pisidîi, pɛcɔ́ fú tʉsɔŋ-Ikɔníyum, pɔ́p puu ńtɔ́ shɔt lɑ́Ꞌ tɛ pɔ́p tsʉ́Ꞌ ḿbɔ́ pɔ nǔu yɔp nzʉʉ. Pɔ́p pɛ́ pɔ́p lɔk mɛŋɡɔꞋ ńtɛ́mtɛ Pɔ̂l, tɛ ḿbɔ́ ŋ́kwɑŋɛ pɔ ŋɡɔ ɑ pfú, ɛ́shuŋ wɛ́ ńdɔk ɛ́fú tʉ́sɔŋ, ŋ́ɡʉ ḿmɛꞋ.


Timɔtɛ̂ɛ pɔ́ ŋu, pʉɔ-Kɛlístɔ pi pɔ́p Listɛlɛ mbɑ Ikɔnyɔm kẅíi lík yɛ́ sʉ́Ꞌnɛ tɛꞋ.


Ɔ sɛ́ ńjí pɑ́Ꞌ pʉɔ kɑ tsɔ́Ꞌnɛ ku yɑ́ɑ kɛpɔŋ, ńjí pɑ́Ꞌ ŋ kɑ jʉ́ɔnɛ ŋɡʉ̈ɔ́Ꞌ pɔ́Ꞌɔ tʉ́sɔŋ-Antíyɔshɛ mbɑ Ikɔnyɔm mbɑ Listɛlɛ. Pɔ́p ŋkɑɑ tsɔ́Ꞌ ku yɑ́ɑ kɛpɔŋ nɛ́ yɛ́tɛ́ ntɛ́ pɔ́. Lɑ́ Tsɑpʉɔ kɛ ɛ́fú tsɛtú ńcẅɛɛtɛ wɑ́ɑ cẅɛɛtɛ́nɛ,


Swiv nou:

Piblisite


Piblisite