ŊwɑꞋnɛ-Gɑŋntúu Yɛ́su Kɛlístɔ 13:48 - Kɑɑ Fí

⁴⁸ Pʉɔ pí pɔ́p kɑ́ pɔ́ pɑyúdɑ pɔ́ zúꞋ yɔ nu, ńtsɑ́ɑtɛ tɛꞋ, ŋ́ɡúꞋlɛ sẅiŋɛ-tsɑpʉɔ. Pʉɔ pi pɔ́p tsɛtsɛt pɔ́p, mbɔ Sɛ́ tsɔ́Ꞌ wɔ́p pɑ́Ꞌ pɔ́p pɛ́ pɔ́p ɡʉ ŋ́ɡẅɛɛ luk kɛ́mɛ, zɑ́p tʉ́m yɔ́p nǔu Yɛ́su.

ŊwɑꞋnɛ-Gɑŋntúu Yɛ́su Kɛlístɔ 13:48 Referans Kwoze

Ɛ́fɛ̂zɛ 1:4

mbɔ ɑ kɑ lɛɛ nǔu Kɛlístɔ ńtsɔ́Ꞌ wɛkŋɛ, ńdɔk ŋ́ɡɛ pʉɔ pɛ́ tɛ ḿbɛ́t pɔ kɛ́ niitɛ mbí pɑ́Ꞌ pɛkŋɛ ɡʉ ḿbɔ́ mbi yɛ́ ḿbɔ́ pʉɔ lɛ́ɛnɛ́nɛ, ḿbɔ́ pɑkɛ́fɑɑnɛ. A kɑ lɔk pɑ́Ꞌ ɑ kɔŋnɛ wɛkŋɛ,

Pʉɔ-Lɔ́mɑ 11:7

Ɛ́ pɔ́Ꞌɔ, ńdɔk ḿbɔ́ ŋɡɔ́ku? Ɛ́ lɔk ḿbɔ́ ŋɡɔ yúu mi pɑíslɑyɛ̂l kɑ pɔ́ ńdɔɔ pɔ́p ŋ́kɑɑ jʉ́ɔ pɛ́tsʉʉ pɔ́. Pɛcɔ́ ntɑ́Ꞌpʉɔ tsɛtsɛt pɔ́p pi Sɛ́ kɑ tsɔ́Ꞌnɛ kɑ jʉ́ɔnɛ. Ɛ́ tsʉ́Ꞌ pfuꞋ, Sɛ́ nɑ́ wɔ́p pɔ́p tɛn ndʉꞋ.

Jɑ̂ŋ 10:16

M bɛn ŋ́ɡẅɛɛ mɛcɔ́ mɛnjinjɔ mí pɔ́p kɑ́ pɔ́ tsɛt ŋkɑ́Ꞌ wɔ pɔ́. Ɛ́ pɔ́ ḿbíkŋɛ ŋɡɔ ŋ ɡʉ ńdɔk wɔ́p ńtɔ́. Pɔ́p ɡúu ɡʉ ŋ́ɡɛ ńzúꞋ ŋɡi yɑɑ, ɛ́ lɛɛ pɔ́Ꞌɔ, kɑt-njinjɔ pɔ́ wɛ́mɔ́Ꞌ, mbyɛ́p pɔ́ wɛ́mɔ́Ꞌ.

Jɑ̂ŋ 11:52

Ɛ́ pɔɔ pɔ́ pɔ ndɑꞋ nǔu tú-pɑyúdɑ zɛ́nɛ pɔ́p pɔ́, ɛ́ pɛn ḿbɔ́ nɛlɔk ńtɛmtɛ pʉɔ-Sɛ́ pi pɔ́p zʉꞋ tsʉʉ, pɔ́p tsʉ́Ꞌ tɑ́Ꞌ ku.

Ɛ́fɛ̂zɛ 1:19

Mɔ sɛ́ ḿbɛn ḿbúꞋ mbɔ́ mbɔ̌ wɛ́ ŋɡɔ ɑ ɡɛ pʉʉ jí ŋɡɔ mɛtʉʉ mɛ́ ɡúꞋ ńdɛɛ mɛtʉʉ tsʉʉ, mbɑ ŋɡɔ ɑ ɡɛ pʉʉ jí pɑ́Ꞌ mîmɑ́ mɛtʉʉ tɔ́ɔtɛ́nɛ wɛkŋɛ pɑzɑ́p tʉ́m nǔu wɛ́ pɔ́Ꞌɔ.

ŊwɑꞋnɛ-Gɑŋntúu Yɛ́su Kɛlístɔ 2:41

Pʉɔ tɛ ńzɑ́ɑ kɑ zúꞋ nu yí Pyɛ̂ cúnɛ, ḿbɛ́m, pɛ́ nuꞋ wɔ́p ŋki. Pɛ́ kɑ nuꞋ pʉɔ ŋki lɛ́Ꞌ ɛ̂yɑ́ tɛ mbɔ ɛ́ pɔ́ yúu ntsɑ́Ꞌ yɛ́tɑ́t. Pɔ́p kẅiꞋ tsɛtsɛt pɑpɛ́m Yɛ́su.

ŊwɑꞋnɛ-Gɑŋntúu Yɛ́su Kɛlístɔ 22:10

M bíkŋɛ wɛ́ ŋɡɔ: “Tsɑpʉɔ, ŋ ɡɛ ŋɡɔ́ku?” Tsɑpʉɔ ńtsɔ́Ꞌ mbɔ̌ mɔ ŋɡɔ: “Lɔ sɛ́, ŋ́ɡʉ Ndɑmɑs. Ɔ ɡʉ ŋ́kúu zúꞋu lɑ́ pɛ́ sẅíi wú mbɑ kʉ̈ɔ́ lɑ́ yi ɛ́ sɛ́ ḿbíkŋɛ ŋɡɔ ɔ ɡɛ.”

Lúkɑ́shi 7:8

ŋɡɔ ɑ cú pɑ́Ꞌɑ ḿbɔ́ yɛ́ nzʉʉ ŋu, ńzúꞋ ntsu wɛ, ḿbɛn ŋ́ɡẅɛɛ yɛ́ pɑlʉ̈ɔ́Ꞌntsɔ nzʉʉ yɛ́, pɔ́p pɔ́ ńzúꞋ wɛ́, ŋɡɔ ɑ lɑɑ ńcú mbɔ̌ wɛcɔ́ ŋɡɔ: «Gʉ», ɑ ɡʉ, ŋɡɔ: «Tɔ́», ɑ tɔ́, ḿbɛn ńcú nɛ́ ŋkwɑɑ wɛ́ ŋɡɔ: «Gɛ pɑ́ꞋɑꞋ, ɑ ɡɛ.»

Pʉɔ-Lɔ́mɑ 13:1

Ɛ́ sɛ́ ḿbíkŋɛ ŋɡɔ mbɑ wɛ́tɛ́ ŋu lɑ́ tsɛtsɛt pʉʉ zúꞋ ntsu-pʉɔ pi pɔ́p sɑ́Ꞌnɛ ŋɡɔŋ, mbíꞋŋɡɔ nɛsɑ́Ꞌ ŋɡɔŋ fú pɔ mbɔ̌ Sɛ́. Sɛ́ kɑ zɑ́pnɛ pɑsɑ́Ꞌŋɡɔŋ pi pɔ́p ɡú.

ŊwɑꞋnɛ-Gɑŋntúu Yɛ́su Kɛlístɔ 28:23

Pɑyúdɑ cú pɔ́Ꞌɔ, pɔ́p pɛ́ Pɔ̂l tɑ́ŋ lɛ́Ꞌ yi pɔ́p pɛpɔ́p ɡʉ ŋ́ɡɛ ḿbɛn ḿbuutɛ. Lɛ́Ꞌ ɛ̂yɑ́ ɡɛ ŋ́kuꞋ, pɔ́p pɛn ńtɔ́, ŋ́kẅɛ́ɛtɛ wɛ́ zʉꞋ yi ɑ nɑ́ŋnɛ zúꞋu, ŋ́ɡɔ ńtɔ́ yîyɑ́ ku ńzɑ́ɑ tɛꞋ. Pɔ̂l kyɛ́Ꞌtɛ nu-nɛfɔɔ-Sɛ́ ɛ́sẅíi wɔ́p tɛ ɛ́fú mbɑꞋmbɑꞋɑ́ ŋ́kúu ntsuŋkẅɛ́Ꞌ, ńdɔɔ shʉ́ nɛɡɛ tɛ pɔ́p niitɛ ńjí ŋu ẅí Yɛ́su jʉ́, ḿbɔ́ ńcẅɛɛtɛ mɛnu tsɛt mɛŋwɑꞋnɛ nɛpʉ́ʉ-Mɔ̌sɛ̂ɛ mbɑ tsɛt mɛŋwɑꞋnɛ -pɛŋɡɛ́mndʉ̈ɔ́Ꞌ-Sɛ́.

ŊwɑꞋnɛ-Gɑŋntúu Yɛ́su Kɛlístɔ 2:47

Pɔ́p kɑ pɔ́ ŋ́ɡúꞋlɛ Sɛ́ tɛꞋ. Lɑ́Ꞌ tsʉʉ kɔŋ yɔ́p ntɛ́ nɛnɑ́ŋ. Ɛ́ pɔ́ lɛ́Ꞌ tsʉʉ, Tsɑpʉɔ pɔ́ ńdɔk pʉɔ pi ɑ ɡɛnɛ pɔ́p luk, ńdɔk ŋ́kẅiꞋ nɔɔ yɔ́p.

ŊwɑꞋnɛ-Gɑŋntúu Yɛ́su Kɛlístɔ 20:13

Pɛk kúu mɑ́mɑ́ kɑnúꞋ ḿbiitɛ Asɔs, mbíꞌŋɡɔ Pɔ̂l kɑ zɑ́p ŋɡɔ ɑ ɡʉ ńnɛn pɔ sɛ́ lɑ kẅɛ́ɛtɛ wɛ́k zúꞋu lɑ ŋ́kúu mɑ́mɑ́ kɑnúꞋ.

Mɑtʉ̈ɔ 28:16

Gɑŋku-Yɛ́su ntsɔ̌pmɔꞋ nɛ́ nɛɡɛ́m ɡɛ pɔ́Ꞌɔ ŋ́ɡʉ nɛ́ Ŋɡɑlilɛɛ, ŋ́kɔ́Ꞌ ndǔ nɛŋkɔ́Ꞌ ni Yɛ́su kɑ pɔ́nɛ zúꞋu, mbɔ ɑ kɑ lɛꞋlɛ mbɔ̌ pɔ́p, ŋɡɔ pɔ́p pɛ́pɔ́p ɡʉ ńdɑ́Ꞌ ḿbuutɛ zúꞋu.

2 Tɛsɑlɔník 3:1

Pɔ́ɔpɛ́mɑ́, nu yi pɛk ɡʉ ńdɔk ńdẅiklɛ, ɛ́ pɔ́ pɔ ŋɡɔ pʉʉ cɛꞋlɛ Sɛ́ nǔu tú yɛ́k, lɑ sẅiŋɛ-tsɑpʉɔ kẅiꞋ ɛ́sɑt zʉꞋ, ḿbɔ́ yúu-mɛkuꞋ pɑ́Ꞌ ɛ́ njɛ́Ꞌ pʉʉ ḿbɔ́ lɑ́.

1 Kɔlɛ̂ŋtɛ 16:15

Pɔ́ɔpɛ́mɑ́ pɑ́ɑ, pʉʉ sɛ́ ńjí ŋɡɔ Stɛfɑnɑs pɔ́p tsɛ́nndɑ́ yɛ́, pɛluŋmbi-pɑzɑ́p tʉ́m nǔu Kɛlístɔ tsɛt ndɑ́ yʉʉ Akɑ̂y, pɔ́p sɛ́ ńníꞋ mɛtʉʉ ŋ́ɡɛ yúu mi cúꞋlɛ-pʉɔ-Kɛlístɔ ɡʉ ńdúꞋnɛ. Ɛ́ pɔ́Ꞌɔ, lɑ m bɛn ḿbɔ́ ḿbíkŋɛ wʉ́ʉ ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 15:31

Pɔ́p pɔ́ tɛ ɛ́fúŋ yîyɑ́ ŋwɑꞋnɛ, ɛ́ níꞋ mɛtʉʉ mɔ́p. Pɔ́p tsɑ́ɑtɛ pɑ́ꞋtɛꞋ.

ŊwɑꞋnɛ-Gɑŋntúu Yɛ́su Kɛlístɔ 15:2

Pɔ̂l pɔ́p Pɑnɛpɑ́ɑshi lʉꞋ. Pɔ́p pɛ́ pɔ́p zɛ ńzɔŋ, ŋ́kɛ́ mbɔɔ pɔ́ tɑ́Ꞌ ntsu pɔ́. Ɛ́ lɛɛ wɔ́p tɛ pɔ́p ɡɑɑpɛ tsɛtsɛt, pɔ́p tsʉʉ zɑ́p ŋɡɔ, ɛ́ lɑɑ ḿbɔ́ Pɔ̂l pɔ́p Pɑnɛpɑ́ɑshi, ŋ́ɡɛ pɛcɔ́ ntɑ́Ꞌpʉɔ ɡʉ Yɛlúsɑlɛm, ńjʉ́ɔ pɑpɛ́m Yɛ́su pɔ́p pɑcẅɛ́ɛ mbi tsɛt cúlɛ-pʉɔ-Kɛlístɔ nɛpɔ́ yi pɔ́p pɛ́ pɔ́p ɡʉ ɛ́sɑ́ŋ nu ŋ́ɡɑ́ nǔu.

ŊwɑꞋnɛ-Gɑŋntúu Yɛ́su Kɛlístɔ 13:42

Pɔ́p kɑ mɛkŋɛ, Pɔ̂l pɔ́p Pɑnɛpɑ́ɑshí fú ndɑ́-cúꞋlɛ ńcẅɛt. Pɛ́ púꞋ mbɔ́ mbɔ̌ pɔ́p tɛꞋ ŋɡɔ pɔ́p lɑ́Ꞌ lɛ́Ꞌnji-pɑyúdɑ yi ŋɡɑp, ḿbɛn ńtɔ́ ɛ́sẅíi wɔ́p nɛ́ nu ŋ́ɡɑ́ nǔu yîyɑ́ nu.

ŊwɑꞋnɛ-Gɑŋntúu Yɛ́su Kɛlístɔ 8:8

Pɛ́ pɔ́ tsɛt yîyɑ́ tʉ́sɔŋ, ńtsʉ́Ꞌ ńtsɑ́ɑtɛ tsɑ́ɑtɛ́nɛ tɛꞋ.

Mɑtʉ̈ɔ 25:46

Pɔnɛ pʉɔ ɡɔ́ɔ ŋ́kɛ́ ŋ́ɡʉ nɛ́ zʉꞋ yí pɔ́p ɡʉ ńdɑ́Ꞌ ńtswɛ́ zúꞋu, ńjʉ́ɔ pɔ ŋɡʉ̈ɔ́Ꞌ kɛ́ mɛ. Pʉɔ pí pɔ́p kɑ ɡɛnɛ yúu mi Sɛ́ sɛ́ ŋ́kɔŋ, pɔ́p kúu tsɛt luk kɛ́ mɛ.

ŊwɑꞋnɛ-Gɑŋntúu Yɛ́su Kɛlístɔ 13:12

Ŋɡɔmnɑɑ jʉ́ɔ yúu mi ɛ́ lɛɛnɛ, ńzɑ́p tʉ́m yɛ́ nǔu Yɛ́su. Ɛ́ ɡɔ́ ḿbɔ́, mbɔ nu-Tsɑpʉɔ yi pɛ́ sẅíinɛ wɛ́, níꞋ mɛtʉʉ mɛ́ tɛꞋ.

Pʉɔ-Lɔ́mɑ 8:28

Pɛkŋɛ pɛn ḿbɔ́ ńjí ŋɡɔ mɛnu mi ɛ́ ɡɛnɛ pʉɔ pi pɔ́p sɛ́ ŋ́kɔŋ Sɛ́, Sɛ́ ɡɛ mîmɑ́ mɛnu, ŋ́ɡɛ pɔ nu sʉ́Ꞌnɛ nǔu pɔ́p, pɔ́p ẅi ɑ kɑ tsɔ́Ꞌnɛ nǔu ntɛ́ yi ɑ kɑ zɑ́Ꞌnɛ njí ŋ́kwɑŋɛ.

Ɛ́fɛ̂zɛ 1:5

ńzɑ́p tɛ ntí sɑk tɛꞋ ŋɡɔ ɑ ɡʉ ńdɛɛ nǔu Yɛ́su Kɛlístɔ ŋ́ɡɛ pɛkŋɛ tsʉ́Ꞌ pɔ́ɔ pɛ́. Ɛ́ pɔ́ pɔ wɛ nɛkɔŋtɛ, ḿbɔŋ wɛ́ tɛꞋ.

Ɛ́fɛ̂zɛ 1:11

Pɛk kɑ lúꞋnɛ pɔ pɑ́Ꞌ pɛk kɑ lɑtnɛ mbʉʉ nǔu Kɛlístɔ, lɑ ŋ́ɡẅɛɛ yɛ́k zʉꞋ tsɛtsɛt pʉɔ pi ɑ ɡɛnɛ pɔ́p luk, ɛ́ mbíꞋŋɡɔ Sɛ́ kɑ zɑ́Ꞌnɛ njí ńtsɔ́Ꞌ wɛ́k. Ɛ́ pɔ́ pɑ́Ꞌ ɑ kɑ zɑ́pnɛ. Sɛ́ pɛn ŋ́ɡɛ kʉ̈ɔ́ lɑ́ pɔ pɑ́Ꞌ ɑ kɑ zɑ́pnɛ ŋɡɔ ɑ ɡʉ ŋ́ɡɛ pɔ́Ꞌɔ.