ŊwɑꞋnɛ-Gɑŋntúu Yɛ́su Kɛlístɔ 13:36 - Kɑɑ Fí

³⁶ Ɛ́ ɡʉ nǔu fɔɔ Ndɑvît, mbɔ ɑ kɑ ɡɛ yúu mi Sɛ́ kɑ cúnɛ ŋɡɔ ɑ ɡɛ nǔu yɛ́ ŋkɑ́, ŋ́ɡɛ ḿpfú. Pɛ́ níꞋ pfú yɛ́ zʉꞋ yí pɛ́ kɑ níꞋnɛ yi pɛtɑ́t pɛ́ zúꞋu. A lʉ̈ɔ́ tsɛt nɛshi.

ŊwɑꞋnɛ-Gɑŋntúu Yɛ́su Kɛlístɔ 13:36 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 2:29

Pyɛ̂ pɛn ńcú ŋɡɔ: «Pɔ́ɔpɛ́mɑ́ pɑ́ɑ, pʉʉ pɛ́m ŋɡɔ ɛ sɑ́ɑnɛ sɑ́ɑnɛ́nɛ ɛ́sẅíi wʉ́ʉ nɛ́ nu nǔu mɑ̂ɑŋɡɑpnjẅɛt wɛkŋɛ fɔɔ Ndɑvît. A kɑ pfú, pɛ́ tẅíi wɛ́ lɑ́ nɛshi nɛ́ kɛ ḿbɔ́ pɔ lɑ́Ꞌ zɑꞋnɛ tɛ ŋ́kúu lɔ́Ꞌnɛ pɔ́ ɔɔ!

ŊwɑꞋnɛ-Gɑŋntúu Yɛ́su Kɛlístɔ 13:22

Sɛ́ ɡɛ ḿmɛꞋ wɛ́, ńtsɔ́Ꞌ Ndɑvît, ńdɔk ŋ́ɡɛ fɔɔ, ńcú nu ntɛ́ Ndɑvît ŋɡɔ: «Mɔ, n jʉ́ɔ Ndɑvît, mɔ́ɔ-Jɛsɛ́ ɑ pɔ́ lii-ŋu ẅí mɔ sɛ́ ŋ́kɔŋ. A ɡʉ ńdɑ́Ꞌ ŋ́ɡɛ yúu tsʉʉ yí ŋ kɔŋnɛ.»

1 Kɔlɛ̂ŋtɛ 15:18

Ɛ́ pɛn ńdɔk ḿbɔ́ ŋɡɔ, pʉɔ pi pɔ́p kɑ ɡɔ́ ḿpfú, tʉ́m yɔ́p zɑ́pmɛ nǔu Kɛlístɔ, pɔ́p kɑ pɛ́ mɔ́.

1 Kɔlɛ̂ŋtɛ 15:6

ḿbɑ́ɑtɛ ńnyɛt mbʉʉ yɛ́ mbɔ̌ pɔ́ɔpɛ́mɑ́ tɛ ɛ́ lɛɛ pʉɔ ŋkʉ yɛ́tɑɑ, pɔ́p tɛmtɛ ńjʉ́ɔ wɛ́. Ɛ́ nǔu pɔ́p nɛlʉ́m pɛ́t pɔ ɡú, lɑ́ mbɔ yɛcɔ́ ntɑ́Ꞌ pfútɛ mɔ́.

Jɑ̂ŋ 11:39

Yɛ́su cú ŋɡɔ: «Pʉʉ kẅɛ́Ꞌlɛ ŋɡɔꞋ yɑ́.» Mɑ́ktɑ, fɛ́ pfú, ḿbʉ̈ɔt ŋɡɔ: «Ndɛ, ɑ ɡʉ ḿbɔ́ ŋkɔ̂ɔnɛ ńtsʉ́Ꞌ ńdɛm lɛmnɛ. MbíꞋŋɡɔ ɛ́ ŋkɔ̂ɔnɛ ḿbɔ́ lɛ́Ꞌ pɛ́nɛ́kwɑ pɑ́Ꞌ ɑ kɑ pfúnɛ.

1 Tɛsɑlɔník 4:13

Pɔ́ɔpɛ́mɑ́, pɛk sɛ́ ŋ́kɔŋ ŋɡɔ pʉʉ jí nu nɛ́nẅín yi ɛ́ líŋɛ pɛpfú, nɛpɔ́ yi pʉʉ kɛ́ nɑ́ŋ tsɛt nɛmʉk pɑ́Ꞌ pɛcɔ́ pʉɔmɛsɔŋ pi pɔ́p kɑ́ pɔ́ ńzẅíꞋlɛ yɛcɔ́ yúu mbɔ̌ Sɛ́ pɔ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 20:27

Ɛ́ zɛɛ ŋ́ɡɔ ḿbɔ́, mbɔ ŋ kɑ sẅíi wʉ́ʉ nɛ́ mbɑ kʉ̈ɔ́ lɑ́ yi Sɛ́ kɑ zɑ́pnɛ nɛɡɛ. Tɛ mɔ yɛcɔ́ yúu kɑ́ lʉɔ.

ŊwɑꞋnɛ-Gɑŋntúu Yɛ́su Kɛlístɔ 7:60

A kɑ cú pɔ́Ꞌɔ, ḿvu sɛ́ nɛ́ mɛkẅíꞋlɛ mɛ́, ŋ́ɡíɛt nɛ́ tʉʉ ŋɡɔ: «Tsɑpʉɔ, kɔɔ sɑ́ŋ yúu mi pʉɔ pɔnɛ ɡɛnɛ» ńcú pɔ́Ꞌɔ, ḿpfú.

ŊwɑꞋnɛ-Gɑŋntúu Yɛ́su Kɛlístɔ 8:1

Ɛ́ kɑ fú lɛ́Ꞌ ɛ̂yɑ́, pɛ́ zɛ nɛnyɛt nɔɔ-pɑpɛ́m Yɛ́su nɛ́ ŋɡʉ̈ɔ́Ꞌ Yɛlúsɑlɛm tɛꞋ. Pɔ́p kʉɔ, ɛ́sɑt zʉꞋ nǔu shʉ́ Judɛ̂ pɔ́p Sɑmɑlîi tɛ ɛ́ tsʉ́Ꞌ pɔ ndɑꞋ ɡɑŋntúu-Yɛ́su Yɛlúsɑlɛm.

Mɑtʉ̈ɔ 25:16

ŊɡɑŋfɑꞋ ẅí pɛ́ kɑ nɑ́nɛ ŋkɑ́p pɑk ŋkʉ yɛ́tɑ́ɑ mbɔ̌ wɛ́, tsʉ́Ꞌ ŋ́ɡɔ́ɔ fɛ́ꞌnɛ ńtɑ́ŋ yɛ́, tɛ ńjʉ́ yɛcɔ́ pɑk ŋkʉ yɛ́tɑ́ɑ.