ŊwɑꞋnɛ-Gɑŋntúu Yɛ́su Kɛlístɔ 13:30 - Kɑɑ Fí

³⁰ Lɑ́ Sɛ́ zẅíimɛ wɛ́ nǔu nɛvú.

ŊwɑꞋnɛ-Gɑŋntúu Yɛ́su Kɛlístɔ 13:30 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 2:24

Lɑ́ Sɛ́ kɑ kíɛꞋ mɛŋkʉ-nɛvú nǔu wɛ́, ńzẅíimɛ wɛ́ mbíꞋŋɡɔ ɑ kɑ zɛɛ ńtɛn pɑ́Ꞌ ɛ́ lɑɑ ḿbɔ́ nɛvú kúꞋlɛ wɛ́ ndɑ́tsɑ́ŋ.

ŊwɑꞋnɛ-Gɑŋntúu Yɛ́su Kɛlístɔ 17:31

Ɛ́ zɛɛ ŋ́ɡɔ ḿbɔ́ pɔ́Ꞌɔ, mbɔ Sɛ́ zɑ́p lɛ́Ꞌ yi ɑ ɡʉ ńdɑ́Ꞌ ńdɔk ŋu ẅí ɑ kɑ tsɔ́Ꞌnɛ wɛ́, ŋ́ŋɑk mbí, ŋ́kɛ́ ŋ́ŋɑk pɔ nǔu ntɛ́ yi ɛ́ ndʉ́ŋndʉŋ. A kɑ zẅíimɛ ŋɡɑŋ nǔu nɛvú nɛlɔk ńnyɛt mbɔ̌ pʉɔtsʉʉ ŋɡɔ ɑ ɡʉ ńdɑ́Ꞌ ŋ́ɡɛ pɔ́Ꞌɔ.»

Mɑtʉ̈ɔ 28:6

A kɑ́ pɛ́t ḿbɔ́ zɑꞋnɛ pɔ́, ɑ zẅíimɛ nǔu nɛvú pɑ́Ꞌ ɑ kɑ cúnɛ lɑ́. Pʉʉ tɔ́ ńdíŋɛ zʉꞋ yí pfú yɛ́ ḿbɔ́nɛ zúꞋu lɑ ńjʉ́ɔ.

Ɛ́bɛlʉʉ 13:20

Sɛ́ ẅí mbɔ́tnɛ fúnɛ mbɔ̌ wɛ́, ɑ kɑ ɡɛ Yɛ́su, Tsɑpʉɔ wɛkŋɛ fú lɑ́Ꞌ-pɛpfú ŋ́kɔ́Ꞌ. Jʉ́ Tsɑpʉɔ wɛkŋɛ kɑ lɔk pɑ́Ꞌ ɑ tswɛtnɛ mɛci mɛ́, Sɛ́ lɔk ŋ́ɡwɑt kɑɑ yi ɛ́ kɛ́ lɑ́Ꞌ ḿmɛ pɔ́, ńtsʉ́Ꞌ mbyɛ́p mbí wɛ ɡwɛ́, pɑ́Ꞌ ɑ ɡʉ ḿbyɛ́p njinjɔ yɛ́.

ŊwɑꞋnɛ-Gɑŋntúu Yɛ́su Kɛlístɔ 10:40

Lɑ́, ɛ́ kɑ pɔ́ nǔu mbɑ́ɑtɛ lɛ́Ꞌ pɛtɑ́t, Sɛ́ zẅíimɛ wɛ́ nǔu nɛvú, ŋ́ɡɛ ɑ cẅɛt ńnyɛt mbʉʉ yɛ.

ŊwɑꞋnɛ-Gɑŋntúu Yɛ́su Kɛlístɔ 4:10

Pʉʉ pɛtsʉʉ tɛ mbɑ pɑíslɑyɛ̂l tɛ ḿmɛ, ɛ́ ŋ́kɛ́ ḿbɔ́ ḿbíkŋɛ ŋɡɔ pʉʉ jí tɑ́Ꞌ nu. Yîyɑ́ nu pɔ́ ŋɡɔ pɛk kɑ lɔk pɔ lík-Yɛ́su Kɛlístɔ mɔ́ɔ-Nɑ̌zɑlɛt lɑ ŋ́ɡɛ ŋu wɔ fíitɛ pɑ́Ꞌ pʉʉ jʉ́ɔnɛ lɑɑ. A Yɛ́su Kɛlístɔ wɑ́ ẅi pʉʉ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́. Sɛ́ kɑ kɛ́ ŋ́ɡɛ ɑ zẅíimɛ nǔu nɛvú.

ŊwɑꞋnɛ-Gɑŋntúu Yɛ́su Kɛlístɔ 3:26

Ɛ́ yɛ́tɛ́ lɑ́ Sɛ́ kɑ ɡɔ́ ńtsɔ́Ꞌ ŋɡɑŋfɑꞋ wɛ́ ńtúu, ńzɛɛ ḿbiitɛ ntɛ́ pɔ tú yʉ́ʉ, ńtúu wɛ́ ŋɡɔ ɑ tɔ́ ńníꞋ mbɔ́tnɛ nǔu pʉʉ, ŋ́ɡɛ mbɑ wɔ̌ lɑ́ tsɛtsɛt pʉʉ mɛꞋ mɛfɑꞋ kɛpɔŋ.

ŊwɑꞋnɛ-Gɑŋntúu Yɛ́su Kɛlístɔ 3:15

Pʉʉ kɑ ɡɛ pɔ́Ꞌɔ, ńjẅí ŋu ẅi jʉ́ ɡɛnɛ lɑ pɛ́ pɔ́ ɡú. Lɑ́ Sɛ́ kɛ́ ńzẅíimɛ wɛ́ nǔu nɛvú tɛ pɛk jʉ́ɔ wɛ́ nɛ́ mík mɛ́k, pɛk sɛ́ ɛ́sɑ́Ꞌ ɛ́sẅíi wʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 3:13

Ɛ́ pɔ́ pɔ ŋɡɔ Sɛ́-Ábɛlɛhɑ̂m, ḿbɔ́ Sɛ́-Ɛsɑk, mbɑ wɛ Yɑkɔ̂p, mbɔ Sɛ́-pɛmɑ̂ɑŋɡɑpnjẅɛt pɛkŋɛ, kɑ ɡɑ́nɛ nɛɡúꞋ mbɔ̌ ŋɡɑŋfɑꞋ wɛ Yɛ́su. Mbɔ pʉʉ kɑ fɛn wɛ́ mbɔ̌ pɑsɑ́Ꞌlɑ́Ꞌ, ḿmuŋɛ wɛ́ mbi Pilɑ́tu. Lɑ́, mbɔ ɑ kɑ ŋɑk ntsɑŋ Yɛ́su ɛ̂wɑ́ tɛ ńzɑ́p ŋɡɔ pɛ́ nɑ́ wɛ́.

ŊwɑꞋnɛ-Gɑŋntúu Yɛ́su Kɛlístɔ 2:32

Nzɑ́Ꞌŋkʉ ɑ Yɛ́su. Sɛ́ kɑ zẅíimɛ wɛ́ nǔu nɛvú, pɛk wɔ pɛtsʉʉ sɛ́ ɛ́sẅíi yɔ nu, ɛ́ pɔ́ nu yí pɛk kɑ jʉ́ɔnɛ.

Jɑ̂ŋ 10:17

Tɑ̌ɑ mɔ kɔŋ wɑ́ɑ, mbíꞋŋɡɔ ŋ ɡɑ́ tú yɑ́ɑ lɑ ŋ́ɡɛ ḿbɛn ńcẅɛ́ɛ.

Jɑ̂ŋ 2:19

Yɛ́su tsɔ́Ꞌ mbɔ̌ pɔ́p ŋɡɔ: «Pʉʉ kɛm ndɑ́-nɔŋpɔꞋ yɔ, n dɔk lɛ́Ꞌ pɛtɑ́t, ḿbʉꞋ ńtík tíknɛ.»

ŊwɑꞋnɛ-Gɑŋntúu Yɛ́su Kɛlístɔ 13:33

A kɑ kɛ́ ŋ́ɡɛ yîyɑ́ nu puutɛ tú pɛkŋɛ pí pɛkŋɛ mbɔ́ŋkʉ̈ɔ́ pɔ́p. A kɑ ɡɛ Yɛ́su zẅíimɛ nǔu nɛvú pɑ́Ꞌ pɛ́ kɑ ŋwɑꞋnɛnɛ tsɛt ŊwɑꞋnɛ-Mɛzɔpŋki, ɛ́ nǔu mbɑ́ɑtɛ pɑk pɛ́pɑ́ ŋɡɔ: «Ɔ Mɔ́ɔ wɑɑ, tɛ fú lɔ́Ꞌnɛ n tsʉ́Ꞌ tɑ́t wu.»

ŊwɑꞋnɛ-Gɑŋntúu Yɛ́su Kɛlístɔ 13:34

Sɛ́ kɑ ɡɛ Yɛ́su zẅíimɛ nǔu nɛvú. Pɔ́Ꞌɔ lɑ́, ɑ kíi ńdɑ́Ꞌ ḿbɛn ḿbɛn tsɛt nɛshi pɑ́Ꞌ ḿbɔ́ ɑ lʉ̈ɔ́ pɔ́. Ɛ́ pɔ́ nu yí Sɛ́ kɑ zɛɛnɛ ńzɑ́Ꞌ njí ńcú ŋɡɔ: «Mɔ, ŋ ɡʉ ŋ́ɡɛ ńníꞋ mbɔ́tnɛ yɑɑ nǔu pʉʉ ɛ́ pɔ́ kwɑꞋ yîyɑ́ yi ŋ kɑ pʉ́nɛ mbɔ̌ fɔɔ Ndɑvît.»

ŊwɑꞋnɛ-Gɑŋntúu Yɛ́su Kɛlístɔ 13:37

Lɑ́ ŋ́ɡʉ nǔu Yɛ́su, mbɔ ɑ ŋkɑɑ kɛ́ ńdʉ̈ɔ́ tsɛt nɛshi pɔ́. Sɛ́ kɑ kɛ́ ŋ́ɡɛ ɑ zẅíimɛ nǔu nɛvú.