ŊwɑꞋnɛ-Gɑŋntúu Yɛ́su Kɛlístɔ 11:1 - Kɑɑ Fí

¹ Gɑŋntúu-Yɛ́su, pɔ́p pɔ́ɔpɛ́mɑ́ pi pɔ́p Judɛ̂ lɛɛ tɛ ńzúꞋ pɛ́ pɔ́ ńcú ŋɡɔ, Pʉɔ pi pɔ́p kɑ́ pɔ́ pɑyúdɑ pɔ́ kɑ kɛ́ mɔ́ ḿbɛ́m yɔ́p nu-Sɛ́.

ŊwɑꞋnɛ-Gɑŋntúu Yɛ́su Kɛlístɔ 11:1 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 15:3

Cúlɛ-pʉɔ-Kɛlístɔ yi Antíyɔshɛ ɛ̂wɑ́ ɡɑ́ yúu mi ɛ́ sɛ́ ḿbíkŋɛ mbɔ̌ pɔ́p nɛlɔk ńcʉ́ɔ sɛ̂ndúŋ. Pɔ́p lɛɛ tsɛt pɑk-ŋɡɔŋ-Fɛnisîi, mbɑ tsɛt wɛ Sɑmɑlîi, ńnɛn ḿbɔ́ ńcú mbɔ̌ pʉɔ-Kɛlístɔ pɛ́ zúꞋu ŋɡɔ pʉɔ pi pɔ́p kɑ́ pɔ́ pɑyúdɑ pɔ́ kɑ kɛ́ mɔ́ shɔtnɛ tɛ ńtsʉ́Ꞌ ḿbɔ́ pɔ nzʉʉ Tsɑpʉɔ, pɔ́ɔpɛ́mɑ́ zúꞋ ńtsɑ́ɑtɛ tɛꞋ.

ŊwɑꞋnɛ-Gɑŋntúu Yɛ́su Kɛlístɔ 14:27

Pɔ́p ɡʉ tɛ ŋ́kúu zúꞋu, ńcúꞋlɛ nɔɔ-pʉɔ-Kɛlístɔ tsʉʉ, ḿbɛ́ɛtɛ mbɑ kʉ̈ɔ́ lɑ́ yi Sɛ́ lɛɛnɛ nǔu pɔ́p ŋ́ɡɛ, ɛ́sẅíi wɔ́p. Nɛzɑ́ɑ mɛnu pɔ́p ḿbɔ́ ńcú pɑ́Ꞌ Sɛ́ kɑ ɡɑ́nɛ shʉ́ mbɔ̌ pʉɔ pí pɔ́p kɑ́ pɔ́ pɑyúdɑ pɔ́ nɛzɑ́p tʉ́m nǔu Yɛ́su.

Lúkɑ́shi 2:32

Ɛ́ pɔ́ kyɛꞌ yi ɛ́ ɡʉ ŋ́ɡɛ pɛ́ jí wú zʉꞋ tsʉʉ. Pɔ́Ꞌɔ, ɔ lɔk ŋ́ɡɑ́ ɡúꞋlɛ mbɔ̌ Íslɑɛ̂l, lɑ́Ꞌ yú.»

Mɑ́lɛ́kúshi 16:5

Pɔ́p jɛ́Ꞌ ŋ́kúu tsɛt nɛshi, ńjʉ́ɔ wɛcɔ́ mɔ́ɔsuu nɑ́ŋ nǔu ɡúŋ-pɔ́ tʉʉ, ḿmɑꞋ fúfú ndẅí. Pɔ́p jʉ́ɔ wɛ́ ḿbɔ́k tɛꞋ.

Mɑtʉ̈ɔ 8:11

Mɔ ńzɛɛ ḿbɛn ɛ́sẅíi wʉ́ʉ ŋɡɔ pʉɔ tɛ ńzɑ́ɑ ɡʉ ńdɑ́Ꞌ ɛ́fú mɛshʉ́ mɛshʉ́ ndǔ tsɛ́tsɑ́Ꞌ, ńtɔ́ ŋ́kúu tsɛt ŋɡɔŋ fí ẅi Sɛ́ sɑ́Ꞌnɛ, pɔ́p pɛ́ Ábɛlɛhɑ̂m, nɛ́ Ɛsɑk, mbɑ Yɑkɔ̂p tɛmtɛ ńjʉ́ ndínɑ.

Mɑtʉ̈ɔ 2:1

Pɛ́ ɡɔ ḿbí Yɛ́su tʉ́sɔŋ-Mbɛ́tɛ́lɛ́hɛm tsɛt pɑk-ŋɡɔŋ-Judɛ̂, ɛ́ pɔ́ ŋkɑ́ Ɛlɔ̂dɛ ḿbɔ́nɛ fɔɔ. Ɛ́ pɔ́ ŋkɑ́ ɛ̂yɑ́, pɛcɔ́ pɑjí nu nǔu pɛcʉ̈ɔ́Ꞌ-sɑŋ fú lɑ́Ꞌ pɔ́p ɡúŋ-sɑ́Ꞌnɛm ńtɔ́ Yɛlúsɑlɛm,

ŊwɑꞋnɛ-Gɑŋntúu Yɛ́su Kɛlístɔ 1:15

Ɛ́ ɡɛ ḿbɔ́ yɛcɔ́ lɛ́Ꞌ, pɔ́ɔpɛ́mɑ́ cúꞋlɛ sɛ́, tɛ ḿbɔ́ yúu pʉɔ ŋkʉ nɛ́ mɛɡɛ́mɛ́mbɑ́ Pyɛ̂ lɔ sɛ́, ńtʉ́ʉ tsɛtsɛt pɔ́p ńcú ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 11:29

Aɡɑbus cú pɑ́Ꞌɑ, pʉɔ-Kɛlístɔ pɔ́ yɛcɔ́ lɛ́Ꞌ ńzɑ́p ŋɡɔ mbɑ wɔ̌ lɑ́ ɡɑ́ yɛ́ yúu mi ɑ kuꞋnɛ nǔu, pɛ́ túu, ńdɔk ńcẅɛ́lɛ́ pɔ́ɔpɛ́mɑ́ pi pɔ́p tswɛ́nɛ tsɛt pɑk-ŋɡɔŋ-Judɛ̂.

ŊwɑꞋnɛ-Gɑŋntúu Yɛ́su Kɛlístɔ 28:15

Ɛ́ ɡɔ́ ḿbɔ́, mbɔ pɛk kɑ pɔ́ ńtɔ́ pɔ́ɔpɛ́mɑ́ pi pɔ́p tʉ́sɔŋ-Lɔ́mɑ zúꞋ, ńcẅɛt ńtɔ́ ńzɑ́Ꞌ wɛ́k. Pɛcɔ́ zɑ́Ꞌ wɛ́k ndǔ Mɛtɑ́ɑ-Apíyus, pɛcɔ́ zɑ́Ꞌ wɛ́k zʉꞋ yi pɛ́ fúŋnɛ ŋɡɔ Mɛndɑ́ Mɛ́ntɑ́t mi ɛ́ mɛ́ pɛɡʉʉ. Pɔ̂l kɑ pɔ́ tɛ ńjʉ́ɔ pɔ́ɔpɛ́mɑ́, ŋ́ɡɛ́mtɛ Sɛ́, ḿbɛn sʉk.