ŊwɑꞋnɛ-Gɑŋntúu Yɛ́su Kɛlístɔ 10:44 - Kɑɑ Fí

⁴⁴ Pyɛ̂ pɛ́t ńcú nu cúnɛ, Zẅikŋɛ Lɛ́ɛnɛ́nɛ ńcúŋ, ŋ́kúu nǔu ŋɡɔŋ pʉɔ pɛtsʉʉ pi pɔ́p sɛ́ ńzẅíꞋlɛ nu yí ɑ sɛ́ ńcú.

ŊwɑꞋnɛ-Gɑŋntúu Yɛ́su Kɛlístɔ 10:44 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 11:15

N tɔ́, ŋ́ɡɔ́ɔ ŋ́kɛ́ ńzɛ nɛcú nu mbɔ̌ pɔ́p pɛ́ pʉɔ pinɛ ŋ ɡɔ ńtɔ́, pɔ́p pɔ́ ndɑ́, ḿbɛ́t ńcú nu mbɔ̌ pɔ́p cúnɛ, Zẅikŋɛ Lɛ́ɛnɛ́nɛ ńcúŋ ŋ́kúu nǔu pɔ́p ndʉ́ŋndʉŋ pɑ́Ꞌ ɛ́ kɑ kúunɛ nǔu pɛkŋɛ, nzɛnɛ lɑ́.

ŊwɑꞋnɛ-Gɑŋntúu Yɛ́su Kɛlístɔ 19:6

Pɔ̂l pɔ́ tɛ ńzɑ́p mbɔ́ tú pɔ́p, Zẅikŋɛ Lɛ́ɛnɛ́nɛ kúu nǔu pɔ́p. Pɔ́p zɛ nɛsẅíŋɛ mɛsẅíŋɛ mí pɔ́p ŋkɑɑ mɔ zɛɛ ńzíꞋ pɔ́, ḿbɛn ḿbɔ́ ńcẅi Ŋkʉʉ ẅi ɛ́ fúnɛ mbɔ̌ Sɛ́.

ŊwɑꞋnɛ-Gɑŋntúu Yɛ́su Kɛlístɔ 15:8

Sɛ́ ẅi ɑ jínɛ tʉ́m pʉɔtsʉʉ, lɑ nyɛt ŋɡɔ ɑ pɛ́m ŋɡɔ pɔ́p pʉɔ pɛ́, ńtúu Zẅikŋɛ yɛ́ nǔu pɔ́p ɛ́ jʉ́ wɔ́p ɡúu. Pɔ ndʉ́ŋndʉŋ pɑ́Ꞌ ɑ kɑ túunɛ nǔu pɛkŋɛ ɛ́ jʉ́ wɛkŋɛ.

ŊwɑꞋnɛ-Gɑŋntúu Yɛ́su Kɛlístɔ 4:31

Pɔ́p kɑ cɛꞋlɛ Sɛ́ tɛ ḿbɔ́tnɛ ńnɑ́ŋ, zʉꞋ yí pɔ́p kɑ cúꞋlɛ́nɛ zúꞋu tsʉ́Ꞌnɛ. Zẅikŋɛ Lɛ́ɛnɛ́nɛ jʉ́ wɔ́p pɛ́tsʉʉ. Pɔ́p zɛ nɛsẅíi nu-Sɛ́ kɛ́ pɔ́k.

ŊwɑꞋnɛ-Gɑŋntúu Yɛ́su Kɛlístɔ 10:47

«Ŋkɔ̂ɔnɛ yi pɔ́p ńdɑ́Ꞌmɔ́ ńcẅɛ́ɛ Zẅikŋɛ Lɛ́ɛnɛ́nɛ pɑ́Ꞌ pɛk lɑ́, ɛ́ ńdɑɑ ḿbɔ́ ŋu pɛn ńtɔꞋ nɛnuꞋ wɔ́p ŋki kɛ kʉ̈ɔ́?»