ŊwɑꞋnɛ-Gɑŋntúu Yɛ́su Kɛlístɔ 10:41 - Kɑɑ Fí

⁴¹ A ŋkɑɑ nyɛt mbɔ̌ lɑ́Ꞌ tsʉʉ pɔ́, ɑ kɑ nyɛt pɔ mbɔ̌ pɛk pɑjʉ́njʉ́ɔ pi Sɛ́ kɑ piitɛ́nɛ ńtsɔ́Ꞌ. A kɑ zẅíimɛ nǔu nɛvú pɔ́Ꞌɔ, pɛk pɛ́pɔ́p jʉ́ yúu ḿbɛn ńnɔ́.

ŊwɑꞋnɛ-Gɑŋntúu Yɛ́su Kɛlístɔ 10:41 Referans Kwoze

Jɑ̂ŋ 14:22

Jẅidɛ, pɛ́ kɛ́ ḿbɔɔ ńcú Iskɑlyɔt pɔ́, cú mbɔ̌ Yɛ́su ŋɡɔ: «Tsɑpʉɔ, ɛ́ ɡʉ ḿbɔ́ ŋɡɔ ku lɑ ɔ ɡɛ ndɑꞋ pɛk jʉ́ɔnɛ wú, pʉɔ tsʉʉ pɔɔ jʉ́ɔ wú pɔ́ ɔɔ?»

Jɑ̂ŋ 21:13

Yɛ́su kẅɛ́Ꞌlɛ ńtɔ́, ḿbɛ́ɛ mbɛlɛ̂ɛt ŋ́ɡɑ́ nɛ́ pɔ́p, ḿbɛn ŋ́ɡɑ́ mɛshú mbɔ̌ pɔ́p.

Jɑ̂ŋ 14:17

Ncẅɛ́ɛntɑ́ŋ ɛ̂wɑ́ pɔ́ pɔ zẅikŋɛ yí ɛ́ lɛ́Ꞌlɛ́nɛ nu nɛ́nẅín nǔu Sɛ́. Pʉɔ-ndǔmbí kɑ́ kuꞋ nɛkúkŋɛ zẅikŋɛ ɛ̂yɑ́ pɔ́, mbíꞋŋɡɔ pɔ́p kɑ́ pɔ́ ńjʉ́ɔ mɛfɑꞋ mɛ́ pɔ́, ḿbɛn ŋ́kɛ́ ḿbɔɔ pɔ́ ńjí wɛ́ pɔ́. Lɑ́ pʉʉ pɔ́ ńjí wɛ́, mbíꞋŋɡɔ ɑ nɛjɔ́ŋ pʉʉ, ḿbɛn ḿbɔ́ nǔu pʉʉ.

ŊwɑꞋnɛ-Gɑŋntúu Yɛ́su Kɛlístɔ 10:39

Pɛk wɔ tʉ́ʉ pɑꞋnɛ mbɔ pɛk kɑ lɔk mík mɛ́k ńjʉ́ɔ mbɑ kʉ̈ɔ́ lɑ́ yi ɑ kɑ ɡɛnɛ tsɛt lɑ́Ꞌ-pɑyúdɑ mbɑ Yɛlúsɑlɛm. Pɛ́ kɑ ɡɔ́ ńjẅí wɛ́, ŋ́kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ.

ŊwɑꞋnɛ-Gɑŋntúu Yɛ́su Kɛlístɔ 13:31

A lɔk mɛlɛ́Ꞌ tɛ ńzɑ́ɑ, ńnyɛt mbʉʉ yɛ mbɔ̌ pʉɔ pí pɔ́p pɛ́ pɔ́p kɑ fúnɛ Ŋɡɑlilɛɛ ńtɛmtɛ ŋ́ɡʉ Yɛlúsɑlɛm. Píipɑ́ pʉɔ ŋkɔ̂ɔnɛ ḿbɔ́ pɛ́ pɑjʉ́njʉ́ɔ mbi lɑ́Ꞌ.

Jɑ̂ŋ 15:16

«Pʉʉ ŋkɑɑ nɛ́ tsɔ́Ꞌ wɑ́ɑ pɔ́, mɔ kɑ tsɔ́Ꞌnɛ wʉ́ʉ, ńtúu wʉ́ʉ ŋɡɔ pʉʉ ɡʉ ɛ́fɑꞋ fɑꞋ yɑ́ɑ. Yúu mi pʉʉ ɡɛnɛ ńdɑ́Ꞌ ḿbɔ́ pɔ ɡú, mbɔɔ lɑ́Ꞌ ḿbɛ́ pɔ́. Ɛ́ lɛɛ pɔ́Ꞌɔ, ḿbɔ́ yi pʉʉ lɑɑ ńdɔk lík yɑ́ɑ ńdɔ́ɔ pɔ ku mbɔ̌ Tɑ̌ɑ lɑ́, mbɔ ɑ ɡʉ ŋ́ɡɑ́ mbɔ̌ pʉʉ.»

Lúkɑ́shi 24:30

Ŋkɑ́ nɛjʉ́ yúu ɡɛ ŋ́kuꞋ, pɔ́p nɑ́ŋ sɛ́, ɑ pɛ́ɛ mbɛlɛ̂ɛt, ŋ́ɡɑ́ pɑ́Ꞌlɑ́ mbɔ̌ Sɛ́, ḿbʉ̈ɔ́Ꞌtɛ ŋ́ɡɑ́ mbɔ̌ pɔ́p.

Lúkɑ́shi 24:48

Pʉʉ ɡʉnɛ ŋ́kɛ́ ḿbɔ́ pɑjʉ́ ńjʉ́ɔ, nɛlɔk mɛnu ɛ̂mɑ́ ɛ́sɑt lɑ́Ꞌ.

Jɑ̂ŋ 14:19

Ɛ́ tsʉꞋ pɔ mɔ́zʉꞋ, pʉɔ-ndǔmbí pɔɔ pɛn ńjʉ́ɔ wɑ́ɑ pɔ́, lɑ́ ŋ́ɡʉ nǔu pʉʉ, pʉʉ pɔ́ ńjʉ́ɔ wɑ́ɑ jʉ́ɔnɛ, mbíꞋŋɡɔ mɔ pɔ ntʉʉ. Pʉʉ ɡʉ ḿbɛn ḿbɔ́ yʉ́ʉ ntʉʉ.

Jɑ̂ŋ 15:27

Pʉʉ yʉ́ʉ pɛn ŋ́kɑ́t ɛ́sẅíi nu yí pʉʉ jínɛ nǔu mɔ, ɛ́ pɔ́ pɔ pɑ́Ꞌ pɛkŋɛ pɔ́nɛ tɛ ɛ́fú nzɛnɛ.

ŊwɑꞋnɛ-Gɑŋntúu Yɛ́su Kɛlístɔ 1:4

Pɔ́p pɛ́pɔ́p ɡɛ ḿbɔ́ yɛcɔ́ lɛ́Ꞌ ɑ sɑ́Ꞌ mbɔ̌ pɔ́p ŋɡɔ: «Pʉʉ kɛ ńnɑ́ŋ pɔ Yɛlúsɑlɛm! Pʉʉ kɛ́ ńnɑ́ŋ pɔ zúꞋu, ńzẅíꞋlɛ yúu mi Tɑ̌ɑ kɑ kɑꞋnɛ nɛɡɑ́ mbɔ̌ pʉʉ.» Ɛ́ pɔ́ pɑ́Ꞌ ŋ kɑ sẅíinɛ wʉ́ʉ ŋɡɔ: