ŊwɑꞋnɛ-Gɑŋntúu Yɛ́su Kɛlístɔ 10:2 - Kɑɑ Fí

² A pɔ́ ŋu, pɔ́p njẅɛt yɛ́ tsʉʉ ɡɛ mɛkuꞋ Sɛ́, ḿbɔ́ ńzúꞋ ntsu wɛ́. A pɛn ńcẅɛ́lɛ́ pɑyúdɑ pi pɔ́p pɛpúŋ tɛ ɛ́ zɑ́ɑ zɑ́ɑnɛ, ńnɑ́ŋ ńcɛꞋlɛ Sɛ́ ŋkɑ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 10:2 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 10:4

A pʉꞋ tú yɛ́, ńdíŋɛ Cʉ̈ɔꞋ-Sɛ́, ḿbɔ́ ḿbɔ́k, ńcú mbɔ̌ wɛ́ ŋɡɔ: «Ɛ́ kʉ̈ɔ́ Tsɑpʉɔ?» Cʉ̈ɔꞋ-Sɛ́ tsɔ́Ꞌ mbɔ̌ wɛ́ ŋɡɔ: «Sɛ́ zúꞋ pɑ́Ꞌ ɔ júknɛ ńcɛꞋlɛ wɛ́, ḿbɛn ńjʉ́ɔ mbɑ yúu mi ɔ sɛ́ ŋ́ɡɛ nǔu pɛpúŋ ńdɔk ńcẅɛ́lɛ́ wɔ́p. Sɛ́ kɑ́ likŋɛ wú pɔ́.

ŊwɑꞋnɛ-Gɑŋntúu Yɛ́su Kɛlístɔ 10:22

Pʉɔ ɛ̂pɑ́ cú mbɔ̌ wɛ́ ŋɡɔ: «Kɔ̂lnɛ́ɛ túunɛ wɛk, ḿbɔ́ wɛcɔ́ tɑ́tndɑ́ntsɔ-Pɑlɔ́mɑ, ḿbɔ́ ɛ́sɑ́Ꞌ pʉɔ ŋkʉ. A ŋu ndʉ́ŋndʉŋ, ḿbɔ́k Sɛ́. Pɑyúdɑ pɛtsʉʉ kẅíi lík yɛ́ pɔ sʉ́Ꞌnɛ. Tɑ́Ꞌ Cʉ̈ɔꞋ-Sɛ́ kɑ tɔ́ ńcú mbɔ̌ wɛ́ ŋɡɔ: “Túu pɛ́ ɡʉ ɛ́fúŋ Pyɛ̂, ɑ tɔ́ ndɑ́ wu, ɔ zẅíꞋlɛ nu yí ɑ ɡʉ ɛ́sẅíi wú.”»

ŊwɑꞋnɛ-Gɑŋntúu Yɛ́su Kɛlístɔ 13:16

Pɔ̂l lɔ sɛ́, ŋ́kɑꞋ pɔ́ yɛ́, ńcú ŋɡɔ: «Pɑíslɑyɛ̂l, tɛ mbɑ pʉʉ ẅi pʉʉ pɔ́knɛ Sɛ́, pʉʉ zúꞋ.»

ŊwɑꞋnɛ-Gɑŋntúu Yɛ́su Kɛlístɔ 10:35

Ŋu lɑɑ ŋ́ɡɛ mɛkuꞋ-Sɛ́, ḿbɛn ŋ́ɡɛ yúu mi ɛ́ ndʉ́ŋndʉŋ mbi Sɛ́, ḿbɔ́ pɔ ŋu yɛ́tɛ́ ŋɡɔŋ ɔɔ, mbɔ nu yɛ́ ɡʉ ḿbɔŋ Sɛ́ pɔŋnɛ.

ŊwɑꞋnɛ-Gɑŋntúu Yɛ́su Kɛlístɔ 10:7

Cʉ̈ɔꞋ-Sɛ́ cú nu mbɔ̌ wɛ́ tɛ ŋ́ɡʉ, Kɔ̂lnɛ́ɛ tsʉ́Ꞌ ɛ́fúŋ ɡɑŋfɑꞋ pɛ́ pɛ́pɑ́, ŋ́ɡɛ tɑ́Ꞌ ndʉ̈ɔ́Ꞌntsɔ. A pɔ́ ẅi pɔ́pmɛ́ zɛɛ ńtswɛ́. A pɛn ḿbɔ́ ŋu ŋ́ɡɛ yɛ́ mɛkuꞋ-Sɛ́.

ŊwɑꞋnɛ-Gɑŋntúu Yɛ́su Kɛlístɔ 8:2

Ɛ́ kɑ ɡɔ́ ḿbɔ́, mbɔ pɛcɔ́ pʉɔ pí pɔ́p ɡɛnɛ mɛkuꞋ-Sɛ́ kɑ níꞋ pfú-Ɛtiyɛ̂n tsɛt nɛshi, ḿbɛn ńdɑɑ nɛvú nɛ́ tɛꞋ.

Mɛnu ɛ́ ńdɑ́Ꞌ ńcẅɛt 15:4

Tsɑpʉɔ, mbɔ wɔ̌ nɑ́ kɛ́ pɔ́k wú? Mbɔ wɔ̌ nɑ́ kɛ́ ɡúꞋlɛ lík yú. NdɑꞋ ɡu pɔ́nɛ Ndɛ́ɛnɛ Lɛ́ɛnɛ́nɛ; Mɛŋɡɔŋ tsʉʉ ɡʉ ŋ́ɡɛ ńtɔ́ ŋ́kẅíꞋlɛ mbi ɡu mbíꞋŋɡɔ mbɑ wɔ̌ lɑ́ ńjʉ́ɔ mɛfɑꞋ mú pɑ́Ꞌ ɛ́ tʉ́ʉnɛ ndʉ́ŋndʉŋ.»

ŊwɑꞋnɛ-Gɑŋntúu Yɛ́su Kɛlístɔ 18:8

Kɛlíspus ẅi ɑ ndʉ́m tsɛt ndɑ́-cúꞋlɛ-pɑyúdɑ pɔ́p njẅɛtndɑ́ yɛ tsʉʉ ɡɛ ńzɑ́p tʉ́m yɔ́p nǔu Tsɑpʉɔ. Pɛ́ nuꞋ wɔ́p ŋki. Pʉɔ-Kɔlɛŋntɛ tɛ ńzɑ́ɑ zúꞋ sẅíŋɛ-Pɔ̂l ḿbɛ́m yɔ́p nɛpɔ́ pʉɔ-Kɛlístɔ. Pɛ́ nuꞋ wɔ́p ɡúu ŋki.

ŊwɑꞋnɛ-Gɑŋntúu Yɛ́su Kɛlístɔ 13:26

Pɔ̂l pɛn ńcú ŋɡɔ: «Pɔ́ɔpɛ́mɑ́, Sɛ́ cú yɔ nu pɔ mbɔ̌ pɛkŋɛ pɛtsʉʉ. Ɛ́ nɛlɔk ŋ́ɡɛ pɛkŋɛ luk. A túu yɔ nu mbɔ̌ pʉʉ ẅí pʉʉ pɔ́ɔ-Ábɛlɛhɑ́m, mbɑ mbɔ̌ pʉʉ ẅí pʉʉ pɔ́knɛ Sɛ́.»

Lúkɑ́shi 2:25

Ɛ́ pɔ́ ŋkɑ́ ɛ̂yɑ́, wɛcɔ́ ŋu pɔ́ Yɛlúsɑlɛm, lík yɛ́ pɔ́ Símɔ̂ŋ, ɑ pɔ́ ŋu, ŋ́ɡẅɛɛ nɛpʉ́ʉ-Sɛ́ ḿbɛn ńzúꞋ ntsu wɛ́. Mbɔ ɑ lɔ ńjúk ńzẅíꞋlɛ ŋu ẅi ɑ ɡʉ ńdɑ́Ꞌ ńtɔ́, pʉɔ Íslɑɛ̂l lɔk pɔ wɛ́ ńtʉʉ, Zẅikŋɛ Lɛ́ɛnɛ́nɛ pɔ́ tʉ́m yɛ́.

Jɑ̂k 1:5

Ŋu lɑɑ ḿbɔ́ tsɛtsɛt pʉʉ, ńtʉ́ʉ nǔu nu, jínu jɑ́k wɛ́, ɑ lɔ́ɔ mbɔ̌ Sɛ́, mbɔ Sɛ́ ɡʉ ŋ́ɡɑ́. Ɛ́ mbíꞋŋɡɔ Sɛ́ zɛɛ ńdɔk pɔ tʉ́m sʉ́Ꞌnɛ ŋ́ɡɑ́ yúu mbɔ̌ mbɑ wɔ̌ lɑ́ kɛ́ lɛmtɛ.

1 Tɛsɑlɔník 5:17

Pʉʉ pɔ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ,

Kɔlɔsíyɛ̂ŋ 4:2

Pʉʉ kɛ́ ḿbɔ́ ḿbúꞋ mbɔ́ mbɔ̌ Sɛ́ cɛꞋlɛ́nɛ, kɔɔ pʉʉ lɛ́, pʉʉ pɔ́ ŋ́ɡɛ pɔ́Ꞌɔ, ḿbɔ́ ŋ́ɡɑ́ pɑ́Ꞌlɑ́ mbɔ̌ Sɛ́,

ŊwɑꞋnɛ-Gɑŋntúu Yɛ́su Kɛlístɔ 22:12

Ŋ́kúu zúꞋu, wɛcɔ́ ŋu pɔ́ zúꞋu. Pɛ́ fúŋ wɛ́ ŋɡɔ Anɑníyɑs. A pɔ́ ŋu ŋ́ɡɛ mɛkuꞋ-Sɛ́ ḿbɛn ńnɛn pɑ́Ꞌ nɛpʉ́ʉ nɛkŋɛ sɛ́ ḿbíkŋɛ. Pɑyúdɑ pi pɔ́p ńtswɛ́nɛ tʉ́sɔŋ-Ndɑ́mɑ́s tɛ ḿmik wɔ́p pɔ́ ŋ́kẅíi lík yɛ́ pɔ sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 13:50

Lɑ́ pɑyúdɑ ɡɔ́ɔ ŋ́kɛ́ ńníꞋ mɛtʉʉ pɛcɔ́ pɑŋɡɛ́ pi pɔ́p tʉ́sɔŋ-Antíyɔshɛ ɛ̂wɑ́ ŋ́ɡẅɛɛ yúu. Mbɔ pɔ́p kɑ pɔ́ ńcɛꞋlɛ Sɛ́ pɑ́Ꞌ pɑyúdɑ, ńníꞋ mɛtʉʉ mbɑ pɛcɔ́ pɛkɛ́m pi pɔ́p tʉ́sɔŋ. Pɔ́p pɛ́ pɔ́p zɑ́ɑ sɔ́ɔ nǔu Pɔ̂l pɔ́p Pɑnɛpɑ́ɑshi, ńzuŋ wɔ́p tɛ pɔ́p fú lɑ́Ꞌ pɔ́p ŋ́kɛ́ ŋ́ɡʉ ɡʉnɛ.

ŊwɑꞋnɛ-Gɑŋntúu Yɛ́su Kɛlístɔ 10:31

ńcú mbɔ̌ mɔ ŋɡɔ: Kɔ̂lnɛ́ɛ, Sɛ́ zúꞋ ńcɛꞋlɛ yú. A kɑ́ likŋɛ yúu mi ɔ ɡɑ́nɛ mbɔ̌ pɛpúŋ ńdɔk ńcẅɛ́lɛ́ wɔ́p lɑ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 9:36

Wɛcɔ́ mɑŋɡɛ́ pɔ́ Jɔp, lík yɛ́ pɔ́ ŋɡɔ Tɑpítɑ, ńdɔk ńcú ŋɡɔ Ndɔlkɑs nǔu cú-Ŋɡɛlɛk, ɛ́ lɔk ńcú ŋɡɔ ŋ́ɡɑ́p nǔu cú wɛkŋɛ. A pɔ́, mbɔ ɑ kɑ pɛ́m nu-Yɛ́su, ḿbɔ́ ŋ́kɑ́ tsʉʉ ŋ́ɡɛ pɔ nu sʉ́Ꞌnɛ, ḿbɛn ńtɔ́ɔtɛ pɑkɛ́yúu.

ŊwɑꞋnɛ-Gɑŋntúu Yɛ́su Kɛlístɔ 9:31

Ɛ́ pɔ́ ŋkɑ́ yîyɑ́, ŋɡɔŋ pɑpɛ́m Yɛ́su tsʉʉ nɑ́ŋ tsɛt mɔ́fíitɛ. Pɛ́ pɔɔ pɛn ŋ́ɡɑ́ɑnɛ wɔ́p nǔu pɑk-ŋɡɔŋ-Judɛ̂ pɔ́. Tɛ mbɑ tsɛt pɑk-ŋɡɔŋ-Ŋɡɑlilɛɛ tɛ mbɑ Sɑmɑlîi. Pɔ́p pɛtsʉʉ pɔ́ ńtɔ́ɔtɛ mɛmbʉʉ mɔ́p, ŋ́kẅiꞋ ńtɛntɛ, ḿbɔ́ ńzúꞋ ntsu-Tsɑpʉɔ. Zẅikŋɛ-Sɛ́ pɛn ḿbɔ́ ńtɔ́ɔtɛ wɔ́p, ḿbɛn ŋ́ɡɛ ndɛn wɔ́p kẅiꞋ ńzɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 9:11

Tsɑpʉɔ pɛn ŋɡɔ: «Ɔ ɡʉ ńdɔ sɛ́ ŋ́ɡʉ nǔu ndúŋ ẅi pɛ́ fúŋnɛ ŋɡɔ ndúŋ ndʉ́ŋndʉŋ, ŋ́kúu ndɑ́ wɛcɔ́ Jẅidɑ, ḿbíkŋɛ wɛ́ nɛ́ ŋu ẅí pɛ́ fúŋnɛ wɛ́ ŋɡɔ Sɔ̂l, ɑ pɔ́ mɔ́ɔ-tʉ́sɔŋ-Tɑ́lsɔ. A zúꞋu ḿbɔ́ ńcɛꞋlɛ Sɛ́.

Lúkɑ́shi 18:1

Yɛ́su sɑk nɛcɔ́ nɛkɛt, ńdɔk ńdɛꞋlɛ mbɔ̌ ɡɑŋku pɛ́ pɑꞋ ɛ́ pɔ́ŋnɛ nɛcɛꞋlɛ Sɛ́ ŋkɑ́ tsʉʉ kɛ́ kɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 2:5

Ɛ́ ɡɔ́ ḿbɔ́, pɑyúdɑ pinɛ pɔ́p ɡɛnɛ mɛkuꞋ-Sɛ́, fú tsɛt mɛŋɡɔŋ tsʉʉ pɔ́ ńnɑ́ŋ Yɛlúsɑlɛm.

ŊwɑꞋnɛ-Gɑŋntúu Yɛ́su Kɛlístɔ 11:14

A ɡʉ ńtɔ́ ɛ́sẅíi wú nɛ́ mɛnu mi Sɛ́ ɡʉ ńdɛɛ nǔu ŋ́ɡɛ pʉʉ njẅɛtndɑ́ yu luk.

Mɑtʉ̈ɔ 25:17

Ŋu ẅí pɛ́ kɑ nɑ́nɛ yɛ́ pɑk ŋkʉ yɛ́pɑ́, pɛn ńjʉ́ yɛ́ yɛcɔ́ pɑk ŋkʉ yɛ́pɑ́.