ŊwɑꞋnɛ-Gɑŋntúu Yɛ́su Kɛlístɔ 10:11 - Kɑɑ Fí

¹¹ ńjʉ́ɔ ntsu-tʉ́nɛ́pú tsɔ́Ꞌnɛ ńtʉ́ʉ, yɛcɔ́ yúu fú zúꞋu ńcúŋ, ḿbɔ́ ńtɔ́ nɛ́ sɛ́, ḿbɔ́ pɑ́Ꞌ mɑ́mɑ́ pɔ́-ndẅí yi pɛ́ ɡẅɛɛnɛ nǔu mɛlẅí mɛ́nɛ́kwɑ lɑ́.

ŊwɑꞋnɛ-Gɑŋntúu Yɛ́su Kɛlístɔ 10:11 Referans Kwoze

Ɛ́fɛ̂zɛ 3:6

Ntsɛm ɛ̂yɑ́ pʉ́ɔlɑɑ, ɛ́ fú nǔu Ŋkʉʉ Sʉ́Ꞌnɛ, pʉɔ pi pɔ́p kɑ́ pɔ́ pɑyúdɑ pɔ́, ɡẅɛɛ yɔ́p yúu nǔu yúu mi Sɛ́ kɑ kɑꞋnɛ mbɔ̌ pʉɔ pɛ́ pɑyúdɑ. Ḿbɔ́ mɛkɛm tɑ́Ꞌ mbɑp-mbʉʉ, ḿbɛn ŋ́ɡẅɛɛ yɔ́p nu nǔu yúu mi Sɛ́ kɑ fúnɛ nǔu Yɛ́su Kɛlístɔ ŋ́kɑꞋ mbɔ̌ pʉɔmɛsɔŋ.

Jɑ̂ŋ 1:51

Yɛ́su pɛn ŋ́kẅiꞋ ńcú ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, pʉʉ ɡʉ ŋ́ɡɛ ńjʉ́ɔ ntsu-tʉ́nɛ́pú tsɔ́Ꞌnɛ ńtʉ́ʉ, pɛcʉ̈ɔ́Ꞌ-Sɛ́ pɔ́ ɛ́fú zúꞋu, ńcúŋ ńtɔ́ nǔu Mɔ́ɔ-Ŋu ḿbɛn ŋ́kɔ́Ꞌ nɛ́ tʉ́nɛ́pú.»

Mɛnu ɛ́ ńdɑ́Ꞌ ńcẅɛt 19:11

M bɛn ńjʉ́ɔ ntsu-tʉ́nɛ́pú ŋíɛꞋnɛ ńtʉ́ʉ, fúfú lʉ́ɔ cẅɛt ńtʉ́ʉ. Ŋu ẅí ɑ nɑ́ŋnɛ ndǔ ẅîwɑ́ lʉ́ɔ, pɛ́ fúŋ wɛ́ ŋɡɔ kɛkúp sẅiŋɛ, mbɑ nɛ́ ŋu ẅí ɑ ɡɛ pɔ yúu mi ɛ́ nɛ́nẅín. A zɑ́Ꞌ ntsɑŋ pɔ ndʉ́ŋndʉŋ, ńdʉɔ́Ꞌ pɔ ntsɔ ẅí ɛ́ ndʉ́ŋndʉŋ.

Mɛnu ɛ́ ńdɑ́Ꞌ ńcẅɛt 11:19

Pɔ́p cú pɔ́Ꞌɔ, tɛ ŋ́ɡɔ ḿmɛkŋɛ, ntsundɑ́-nɔŋpɔꞋ-Sɛ́ yí ɛ́ tʉ́nɛ́pú tsɔ́Ꞌnɛ ńtʉ́ʉ, ŋkɔp ẅi Sɛ́ kɑ lɔknɛ ŋ́ɡwɑt kɑɑ cẅɛt ńtʉ́ʉ tsɛt zʉꞋ yɛ́ yîyɑ́. Mɛnɛ́ɛ-mbʉŋ kyɛꞌ zʉꞋ. Pɛ́ zúꞋ mɛŋɡi, ńzúꞋ nɛfɑŋ kwɛnɛ ŋɡɑ ŋɡɑ. Tsɛ́tsɑ́ꞌ tsʉ́Ꞌnɛ. Mɛzẅii pûu ḿvutɛ pɑ́ꞋtɛꞋ.

Mɛnu ɛ́ ńdɑ́Ꞌ ńcẅɛt 4:1

N jʉ́ɔ mɔnɛ mɛyúu tɛ ḿbɔ́tnɛ ńnɑ́ŋ, ŋ ɡɔ ńjʉ́ɔ, mbɔ pɛ́ tsɔ́Ꞌ yɛcɔ́ ntsundɑ́ tʉ́nɛ́pú. Ŋ ɡɔ́ɔ ŋ́kɛ́ ḿbɛn ńzúꞋ ŋu ẅí ɑ kɑ zɛɛ ńcú nu mbɔ̌ mɔ, ŋɡi yɛ pɔ́ pɔ pɑ́Ꞌ ŋɡi-ntɑŋ lɑ́, ɑ cú mbɔ̌ mɔ ŋɡɔ: Kɔ́ꞌ tɛ ŋ́kúu zɑꞋnɛ, n nyɛt wú nɛ́ yúu mi ɛ́ ɡʉ ḿbɑ́ɑtɛ ńtɔ́.

Kɔlɔsíyɛ̂ŋ 3:11

Pɔ́Ꞌɔ lɑ́, kɔɔ tɔŋ pɛn ḿbɔ́ tsɛtsɛt pʉʉ tɛ ḿbɔ́ pɛ́ cú ŋɡɔ: «Yɔ ŋu-Ŋɡɛlɛk, yɔ pɔ́ ŋu-pɑyúdɑ pɔ́. Pɛ́ pɔɔ pɛn ńcú ŋɡɔ yɔ ŋu ẅí pɛ́ kɑ púꞋnɛ wɛ́, yɔ pɔ́ ŋu ẅí pɛ́ ŋ́kɑɑ wɛ́ púꞋ pɔ́. Kɛ pɔ nɛpɛn ńcú ŋɡɔ wɔ kɑ zíꞋ ŋwɑꞋnɛ, wɔ pɔɔ zíꞋ pɔ́. Pɛ́ kɛ́ ḿbɔɔ pɛn ńcú ŋɡɔ wɔ ŋu ŋkwɑɑ, wɔ pɔɔ ŋkwɑɑ pɔ́. Kɛlístɔ tsʉ́Ꞌ ḿbɔ́ yʉ́ʉ nu tsʉʉ, ḿbɔ́ tʉ́m pʉʉ pɛtsʉʉ.»

Ɛ́fɛ̂zɛ 1:10

ḿbɔ́ ŋɡɔ ŋkɑ́ ɡʉ ńdɑ́Ꞌ ḿbɔ́ tɛ kuꞋ, jʉ́ Sɛ́ cúꞋlɛ yúu tsʉʉ yi ɛ́ tʉ́nɛ́pú pɔ́p mi ɛ́ ndǔmbí, ŋ́ɡɑ́ tsʉʉ tsʉʉ mbɔ̌ Kɛlístɔ ɑ pɔ́ ɛ́sɑ́Ꞌ pɔ zɛ́nɛ jʉ́.

Ŋɡɑlɑ̂t 3:28

Ɛ́ fú pɔ́Ꞌɔ, Sɛ́ pɔɔ pɛn ŋ́ɡɛ yɛcɔ́ tɔŋ nǔu pɑyúdɑ pɔ́p pʉɔ-Ŋɡɛlɛ́k pɔ́, ŋ́kɛ́ mbɔɔ pɛn ŋ́ɡɛ nǔu pɛkwɑɑ pɔ́p pɛndẅǐi pɔ́, ŋ́kɛ́ mbɔɔ pɛn ŋ́ɡɛ nǔu mbɛ́ɛnɛ pɔ́p pɑŋɡɛ́ pɔ́, mbíꞋŋɡɔ pʉʉ lɔk pɑ́Ꞌ pʉʉ lɑtnɛ mbʉʉ nǔu Yɛ́su Kɛlístɔ ńtsʉ́Ꞌ ḿbɔ́ pɔ tɑ́Ꞌ ntɛ́.

Ŋɡɑlɑ̂t 2:15

N cú mbɔ̌ Pyɛ̂ pɑ́Ꞌɑ, ɛ́ lɔk ḿbɔ́ ŋɡɔ pɛkŋɛ pɛpɔ́p pɑyúdɑ tɛ fú lɛ́Ꞌ nɛpí, pɛk kɑ́ pɔ́ pʉɔ pi pɔ́p fúnɛ tsɛt mɛcɔ́ mɛlɑ́Ꞌ mi pɔ́p kɑ́ jí nɛpʉ́ʉ-Sɛ́ pɔ́.

Pʉɔ-Lɔ́mɑ 9:4

Pɔ́p Pɑíslɑyɛ̂l. Mbɔ Sɛ́ kɑ kɑŋ wɔ́p ńdɔk wɔ́p ŋ́ɡɛ pɔ́ɔ pɛ́, ńnyɛt wɔ́p nɛ́ nɛɡúꞋ wɛ, ŋ́ɡɛ pɔ́p pɛpɔ́p ɡwɑt kɑɑ, ɑ ɡɑ́ nɛpʉ́ʉ nɛ́ mbɔ̌ pɔ́p, ɛ́sẅíi wɔ́p nɛ́ ntɛ́ yi pɔ́p ɡʉ ńdɔk ŋ́ɡúꞋlɛ wɛ́, ŋ́kɑꞋ mɛnu mbɔ̌ pɔ́p tɛ ɛ́ zɑ́ɑ zɑ́ɑnɛ.

Pʉɔ-Lɔ́mɑ 1:16

Mbɔ sʉ́ʉ pɔɔ wɑ́ɑ kɔ́ nɛcẅi Ŋkʉʉ Sʉ́Ꞌnɛ pɔ́, ɛ́ mɛtʉʉ mí Sɛ́ lɔknɛ ŋ́ɡɛ pʉɔ pinɛ pɔ́p zɑ́pnɛ tʉ́m nǔu wɛ́ luk. Ɛ́ zɛ nǔu pɑyúdɑ ŋ́kúu nǔu pʉɔ pi pɔ́p kɑ́ pɔ́ pɑyúdɑ pɔ́.

ŊwɑꞋnɛ-Gɑŋntúu Yɛ́su Kɛlístɔ 7:56

Ɛtiyɛ̂n cú ŋɡɔ: «Mɔ sɛ́ ńjʉ́ɔ pɑ́Ꞌ ntsu-tʉ́nɛ́pú tsɔ́Ꞌnɛnɛ ńtʉ́ʉ. Mɔ́ɔ-Ŋu tʉ́ʉ nǔu ɡúŋ-pɔ́-Sɛ́ yi tʉʉ.»

Jɑ̂ŋ 12:32

Ɛ́ ɡʉ nǔu mɔ, mbɔ pɛ́ lɑɑ ŋ́ɡɛ ŋ́kɑꞋ wɑ́ɑ nǔu tʉ́ mɛkʉ́Ꞌ tɛ ŋ́ɡɑ́ tʉ́, mbɔ ŋ ɡʉ shuŋ pʉɔ tsʉʉ ŋ́ɡɑ́ nɛjɔ́ŋ mɔ.

Jɑ̂ŋ 11:52

Ɛ́ pɔɔ pɔ́ pɔ ndɑꞋ nǔu tú-pɑyúdɑ zɛ́nɛ pɔ́p pɔ́, ɛ́ pɛn ḿbɔ́ nɛlɔk ńtɛmtɛ pʉɔ-Sɛ́ pi pɔ́p zʉꞋ tsʉʉ, pɔ́p tsʉ́Ꞌ tɑ́Ꞌ ku.

Lúkɑ́shi 3:21

Jɑ̂ŋ kɑ kɛ́ ŋ́ɡɔ ŋ́kúu tsɑ́ŋ, mbɔ ɛ́ m̄bɔ́ yɛcɔ́ lɛ́Ꞌ, ɑ nuꞋ pʉɔ ŋki tɛ ɛ́ mɛ, Yɛ́su tɔ́ yɛ́, ɑ nuꞋ wɛ́ ɡúu ŋki. Pɑ́Ꞌ ɑ ḿbɔ́ ŋ́ɡúꞋlɛ Sɛ́, ntsu-tʉ́ nɛpú tsɔ́Ꞌnɛ ntʉ́ʉ.

Mɑtʉ̈ɔ 8:11

Mɔ ńzɛɛ ḿbɛn ɛ́sẅíi wʉ́ʉ ŋɡɔ pʉɔ tɛ ńzɑ́ɑ ɡʉ ńdɑ́Ꞌ ɛ́fú mɛshʉ́ mɛshʉ́ ndǔ tsɛ́tsɑ́Ꞌ, ńtɔ́ ŋ́kúu tsɛt ŋɡɔŋ fí ẅi Sɛ́ sɑ́Ꞌnɛ, pɔ́p pɛ́ Ábɛlɛhɑ̂m, nɛ́ Ɛsɑk, mbɑ Yɑkɔ̂p tɛmtɛ ńjʉ́ ndínɑ.

ŊwɑꞋnɛ-Gɑŋntúu Yɛ́su Kɛlístɔ 10:12

Ntɛ́ nɛ́ ntɛ́ mɛyúumɛku pɔ́ tsɛtú. Mɛnɑɑ mɛku mɛ́nɛ́kwɑ, mɛyúumɛku mi pɔ́p shuŋnɛ nɛpɛm nɔ́p pɔ sɛ́, ŋ́ɡɛ pɛshʉ́ŋ.

ŊwɑꞋnɛ-Gɑŋntúu Yɛ́su Kɛlístɔ 11:5

«Mɔ ḿbɔ́ tʉ́sɔŋ-Jɔp, ḿbɔ́ ńcɛꞋlɛ Sɛ́, Sɛ́ ŋíɛꞋ mík mɑ́ɑ, n jʉ́ɔ ŋkʉꞋnɛ nu, n jʉ́ɔ yɛcɔ́ yúu mɑ́, ɛ́ pɔ́ pɑ́Ꞌ mɑ́mɑ́ pɔ́-ndẅí yi pɛ́ ɡẅɛɛnɛ nǔu mɛlẅí mɛ́nɛ́kwɑ lɑ́, ɛ́ fú tʉ́nɛ́pú ńcúŋ ńtɔ́ ńcɔ́ŋɛ mbi mɔ.