ŊwɑꞋnɛ-Gɑŋntúu Yɛ́su Kɛlístɔ 1:3 - Kɑɑ Fí

³ A kɑ jʉ́ɔ ŋɡʉ̈ɔ́Ꞌ lɑ ḿpfú, ŋ́ɡɛ ńzẅíimɛ nǔu nɛvú, ńdɔk mɛntɛ́ tɛ ńzɑ́ɑ, ńnyɛt mbʉʉ yɛ mbɔ̌ pɔ́p, ŋɡɔ ɑ ɡú, tɛ mbɔ ɛ́ pɔ́ pɔ́p pɔɔ pɛn ḿmʉꞋlɛ pɔ́, ńcẅɛt mbi pɔ́p cẅɛtnɛ nǔu mɛlɛ́Ꞌ mɛɡɛ́mɛ́nɛ́kwɑ, ḿbɔ́ ɛ́sẅíi wɔ́p nɛ́ nu nǔu nu-nɛfɔɔ-Sɛ́.

ŊwɑꞋnɛ-Gɑŋntúu Yɛ́su Kɛlístɔ 1:3 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 13:31

A lɔk mɛlɛ́Ꞌ tɛ ńzɑ́ɑ, ńnyɛt mbʉʉ yɛ mbɔ̌ pʉɔ pí pɔ́p pɛ́ pɔ́p kɑ fúnɛ Ŋɡɑlilɛɛ ńtɛmtɛ ŋ́ɡʉ Yɛlúsɑlɛm. Píipɑ́ pʉɔ ŋkɔ̂ɔnɛ ḿbɔ́ pɛ́ pɑjʉ́njʉ́ɔ mbi lɑ́Ꞌ.

Jɑ̂ŋ 20:26

Ɛ́ ɡɛ ńdɛɛ lɛ́Ꞌ pɛ́nɛ́fɔ́m, ɡɑŋku-Yɛ́su pɛn ńcúꞋlɛ sɛ́, Tɔmɑ́shi pɔ́ yɛ́ tsɛtsɛt pɔ́p, ɛ́ ɡɔ́ ḿbɔ́, mbɔ pɔ́p jʉ́ɔꞋ mɛntsu-ndɑ́, Yɛ́su cẅɛt ńtʉ́ʉ tsɛtsɛt pɔ́p ńcú mbɔ̌ pɔ́p ŋɡɔ: «Mbɔ́tnɛ pɔ́ nɛ́ pʉʉ.»

1 Jɑ̂ŋ 1:1

Pɛk ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉʉ ńdɔk ɛ́sẅíi wʉ́ʉ nɛ́ nu nǔu sẅiŋɛ yi ɛ́ ɡɛnɛ pɛ́ pɔ́ ɡú, yi ɛ́ pɔ́ pɔ ɡú tɛ ɛ́fúnɛ nzɛnɛ-yúu tsʉʉ, pɛk kɑ lɔk mɛtúutɛ mɛ́k ńzúꞋ, ńdɔk mík mɛ́k ńjʉ́ɔ, ńniitɛ ńdíŋɛ ńdɔk mbɔ́ mɛ́k ŋ́kuu.

Jɑ̂ŋ 21:14

Yɛ́su nyɛt mbʉʉ yɛ́ mbɔ̌ ɡɑŋku pɛ́ pɑ́Ꞌnɛ, ɛ́ lɔk ḿbɔ́ ŋkɑ́ yɛ́tɑ́t pɑ́Ꞌ ɑ cẅɛtnɛ mbi pɔ́p tɛ ɛ́fú pɑ́Ꞌ ɑ kɑ zẅímɛ́nɛ nǔu nɛvú.

Jɑ̂ŋ 21:1

Yɛ́su ɡɛ ḿbɛn ńnyɛt mbʉʉ yɛ́ mbɔ̌ ɡɑŋku pɛ́. Ɛ́ ɡɔ́ ḿbɔ́ pɔ́p pɔ́ nɛpɑt ŋki-Tibɛlíyɑ́dɛ. Yúu mi ɛ́ kɑ lɛɛnɛ ɛ́ pʉ́ɔ.

Mɑtʉ̈ɔ 28:9

ńtɔ́ nɛnɛn, ḿbuutɛ Yɛ́su. A cú mbɔ̌ pɔ́p ŋɡɔ. «N cɛꞋlɛ wʉ́ʉ!» Pɔ́p pi mɛkẅíꞋlɛ mbi yɛ́, ŋ́ɡẅɛɛ mɛku mɛ́, ŋ́ɡúꞋlɛ wɛ́.

ŊwɑꞋnɛ-Gɑŋntúu Yɛ́su Kɛlístɔ 28:31

A pɔ́ ɛ́sɑ́Ꞌ ɛ́sẅíi pʉɔ nɛ́ yúu mi nɛfɔɔ-Sɛ́ yɛ́tɛ́, ḿbɛn ńtsuŋ ńzíꞋ wɔ́p nɛ́ ŋu ẅí Tsɑpʉɔ Yɛ́su Kɛlístɔ jʉ́ pɔ sɑ́ɑnɛ sɑ́ɑnɛ́nɛ, wɛcɔ́ ŋu pɛn ŋ́kɛ́ mbɔɔ wɛ́ tɔꞋ.

1 Tɛsɑlɔník 2:12

Pɛk kɑ níꞋ mɛtʉʉ mʉ́ʉ, ńníꞋ tʉ́m yʉ́ʉ, ńtsuŋ ńcú mbɔ̌ pʉʉ ŋɡɔ pʉʉ nɛn nǔu sɛ̂ndúŋ ẅi Sɛ́ sɛ́ ŋ́kɔŋ. Jʉ́ ẅi ɑ sɛ́ ɛ́fúŋ wʉ́ʉ tsɛt nɛfɔɔ nɛ́, tsɛt nɛɡúꞋ wɛ.

Kɔlɔsíyɛ̂ŋ 1:13

A kɑ sɑꞋ wɛkŋɛ mbɔ̌ mɛtʉʉ-nzɛnzʉ́ʉ, ńcɑklɛ wɛkŋɛ ńníꞋ tsɛt nu-nɛfɔɔ-Mɔ́ɔ nɛ, ɑ kɔŋ Mɔ́ɔ nɛ ɛ̂wɑ́ tɛꞋ.

Pʉɔ-Lɔ́mɑ 14:17

Ɛ́ zɛɛ ŋ́ɡɔ ḿbɔ́, nu-nɛfɔɔ-Sɛ́ kɑ́ pɔ́ nu-yúupɛjʉ́ kɛ pɔ nu-mɛluꞋ pɔ́. Nu-nɛfɔɔ-Sɛ́ pɔ́ pɔ nɛɡɛ mɛnu mi ɛ́ fúnɛ mbɔ̌ Zẅikŋɛ Lɛ́ɛnɛ́nɛ. Ɛ́ pɔ́ pɔ nɛɡɛ mɛnu mi ɛ́ ndʉ́ŋndʉŋ mbi Sɛ́, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛnɑ́ŋ nɛ́ tsɑ́ɑtɛ.

Mɑtʉ̈ɔ 21:43

Ɛ́ pɔ́Ꞌɔ, lɑ ɛ sẅíi wʉ́ʉ ŋɡɔ pɛ́ ɡʉ cẅɛ́ɛ zʉꞋ yʉ́ʉ tsɛt nɛfɔɔ-Sɛ́, ŋ́ɡɑ́ mbɔ̌ yɛcɔ́ túu yi ɛ́ ɡʉ ŋ́ɡɛ yúu mi Sɛ́ sɛ́ ŋ́kɔŋ.» [

Mɑtʉ̈ɔ 4:2

A nɑ́ŋ zúꞋu lɛ́Ꞌlɑ́Ꞌ mɛɡɛ́mɛ́nɛ́kwɑ kɛ́ kwɛ́t yúu tɛ njí zɑ́ŋ wɛ́.

Mɑtʉ̈ɔ 3:2

«Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»

Mɑ́lɛ́kúshi 16:19

Tsɑpʉɔ Yɛ́su kɑ cú mbɔ̌ pɔ́p tɛ ḿbɔ́tnɛ ńnɑ́ŋ, Sɛ́ ŋɑ́Ꞌ wɛ́ ńdɔk ŋ́kɔ́Ꞌ nɛ́ tʉ́nɛ́pú. A nɑ́ŋ nǔu ɡúŋ-pɔ́ yɛ́ yi tʉʉ.

ŊwɑꞋnɛ-Gɑŋntúu Yɛ́su Kɛlístɔ 8:12

Lɑ́ ŋkɑ́ Filîp kɑ tɔ́nɛ yɛ́, ḿbɔ́ ńcẅi Ŋkʉʉ Sʉ́Ꞌnɛ-Yɛ́su Kɛlístɔ, ḿbɔ́ ŋ́kyɛ́Ꞌtɛ pɑ́Ꞌ nɛfɔɔ-Sɛ́ pɔ́nɛ. Pʉɔ tɛ ńzɑ́ɑ, mbɛ́ɛnɛ pɔ́p pɑŋɡɛ́ zẅíꞋlɛ sẅiŋɛ yɛ́, ḿbɛ́m, ŋ́ɡɛ pɛ́ nuꞋ wɔ́p ŋki.

ŊwɑꞋnɛ-Gɑŋntúu Yɛ́su Kɛlístɔ 19:8

Pɔ̂l lɔk pɛsɑŋ pɛtɑ́t, ŋ́kɛ́ ŋ́ɡʉ pɔ ndɑ́-cúꞋlɛ-pɑyúdɑ Ɛ́fɛ̂zɛ ɛ̂wɑ́. Ɛ́sẅíi nu-Sɛ́ ɛ́sɑ́ɑnɛ sɑ́ɑnɛ́nɛ, ɛ́sẅíi pʉɔ pɑ́Ꞌ nɛfɔɔ-Sɛ́ pɔ́nɛ, ńdɔɔ shʉ́ nɛkyɛ́Ꞌtɛ tɛ pɔ́p pɛ́m.

ŊwɑꞋnɛ-Gɑŋntúu Yɛ́su Kɛlístɔ 28:23

Pɑyúdɑ cú pɔ́Ꞌɔ, pɔ́p pɛ́ Pɔ̂l tɑ́ŋ lɛ́Ꞌ yi pɔ́p pɛpɔ́p ɡʉ ŋ́ɡɛ ḿbɛn ḿbuutɛ. Lɛ́Ꞌ ɛ̂yɑ́ ɡɛ ŋ́kuꞋ, pɔ́p pɛn ńtɔ́, ŋ́kẅɛ́ɛtɛ wɛ́ zʉꞋ yi ɑ nɑ́ŋnɛ zúꞋu, ŋ́ɡɔ ńtɔ́ yîyɑ́ ku ńzɑ́ɑ tɛꞋ. Pɔ̂l kyɛ́Ꞌtɛ nu-nɛfɔɔ-Sɛ́ ɛ́sẅíi wɔ́p tɛ ɛ́fú mbɑꞋmbɑꞋɑ́ ŋ́kúu ntsuŋkẅɛ́Ꞌ, ńdɔɔ shʉ́ nɛɡɛ tɛ pɔ́p niitɛ ńjí ŋu ẅí Yɛ́su jʉ́, ḿbɔ́ ńcẅɛɛtɛ mɛnu tsɛt mɛŋwɑꞋnɛ nɛpʉ́ʉ-Mɔ̌sɛ̂ɛ mbɑ tsɛt mɛŋwɑꞋnɛ -pɛŋɡɛ́mndʉ̈ɔ́Ꞌ-Sɛ́.