ŊwɑꞋnɛ-Gɑŋntúu Yɛ́su Kɛlístɔ 1:14 - Kɑɑ Fí

¹⁴ Pɔ́p pɛ́tsʉʉ kɑ pɔ́ ńdɔk tɑ́Ꞌ zẅikŋɛ ńcɛꞋlɛ Sɛ́ kɛ́ tẅí yɛcɔ́ lɛ́Ꞌ, pɔ́p pɛ́ Mɑlíyɑ mɑ́ pɛ́ Yɛ́su, ŋ́ɡɛ pɛcɔ́ pɑŋɡɛ́ mbɑ pɔ́ɔpɛ́mɑ́-Yɛ́su.

ŊwɑꞋnɛ-Gɑŋntúu Yɛ́su Kɛlístɔ 1:14 Referans Kwoze

Ɛ́fɛ̂zɛ 6:18

Pʉʉ pɔ́ ŋkɑ́ tsʉʉ ḿbɔ́ ḿbúꞋ mbɔ́ mbɔ̌ Sɛ́, ḿbɔ́ ḿbúꞋ pɔ́Ꞌɔ nǔu mɛntɛ́ tsʉʉ, pɑ́Ꞌ Zẅikŋɛ ɡʉ ḿbɔ́ ńnyɛt wʉ́ʉ ŋɡɔ pʉʉ ɡɛ pɔ́Ꞌɔ. Kɔɔ pʉʉ ḿmɛꞋ jínu, pʉʉ púꞋ mbɔ́ mbɔ̌ Sɛ́ nǔu tú-pʉɔ-Sɛ́ pɛ́tsʉʉ.

ŊwɑꞋnɛ-Gɑŋntúu Yɛ́su Kɛlístɔ 6:4

ŋ́ɡʉ nǔu pɛk, pɛk kɛ ńjí yɛ́k pɔ nɛcɛꞋlɛ Sɛ́, ḿbɛn ḿbɔ́ ɛ́sẅíi pʉɔ pɔ nɛ́ nu yɛ́.»

Kɔlɔsíyɛ̂ŋ 4:2

Pʉʉ kɛ́ ḿbɔ́ ḿbúꞋ mbɔ́ mbɔ̌ Sɛ́ cɛꞋlɛ́nɛ, kɔɔ pʉʉ lɛ́, pʉʉ pɔ́ ŋ́ɡɛ pɔ́Ꞌɔ, ḿbɔ́ ŋ́ɡɑ́ pɑ́Ꞌlɑ́ mbɔ̌ Sɛ́,

ŊwɑꞋnɛ-Gɑŋntúu Yɛ́su Kɛlístɔ 2:42

Pɑpɛ́m Yɛ́su kɑ pɔ́ ńtɔ́ ŋkɑ́ tsʉʉ kɛ́ tẅí, ɡɑŋntúu pɔ́ ńzíꞋ wɔ́p nɛ́ nu-Sɛ́, ḿbɔ́ ńtɛmtɛ ńnɑ́ŋ pɑ́Ꞌ pɔ́ɔpɛ́mɑ́ lɑ́, ḿbuutɛ ŋ́kwɛ́t yúu. Ḿbɛn ńcúꞋlɛ ńcɛꞋlɛ Sɛ́.

Pʉɔ-Lɔ́mɑ 12:12

Pʉʉ ńnɑ́ŋ nɛ́ tsɑ́ɑtɛ mbíꞋ yúu mi pʉʉ sɛ́ ńzẅíꞋlɛ. Ŋɡʉ̈ɔ́Ꞌ lɑɑ ŋ́kúu wʉ́ʉ, pʉʉ sʉk sʉknɛ. Pʉʉ kɛ́ ḿbɔ́ ḿbúꞋ mbɔ́ pɔ mbɔ̌ Sɛ́ kɛ́ kɑ́ɑ.

Lúkɑ́shi 18:1

Yɛ́su sɑk nɛcɔ́ nɛkɛt, ńdɔk ńdɛꞋlɛ mbɔ̌ ɡɑŋku pɛ́ pɑꞋ ɛ́ pɔ́ŋnɛ nɛcɛꞋlɛ Sɛ́ ŋkɑ́ tsʉʉ kɛ́ kɑ́ɑ.

Mɑtʉ̈ɔ 21:22

Pʉʉ lɑɑ ńzɑ́p tʉ́m nǔu Sɛ́, ḿbúꞋ mbɔ́ mbɔ̌ wɛ́ ńdɔ́ɔ mbɑ kʉ̈ɔ́ lɑ́, mbɔ ɑ ɡʉ ŋ́ɡɑ́.

ŊwɑꞋnɛ-Gɑŋntúu Yɛ́su Kɛlístɔ 2:1

Lɛ́Ꞌ-ndínɑ yi pɛ́ fúŋnɛ ŋɡɔ Pɑŋntɛkɔ̂t ɡɛ ńtɔ́, pɑpɛ́m Yɛ́su cúꞋlɛ tɑ́Ꞌ zʉꞋ pɛ́tsʉʉ ndɑ́.

Lúkɑ́shi 11:13

Pʉʉ pʉɔ fʉꞋ nu kɛpɔŋ tɛꞋ, lɑ́ ńjí nɛɡɑ́ yúu sʉ́Ꞌnɛ mbɔ̌ pɔ́ɔ pʉ́ʉ. Tɛ ŋkɑ́ yɛ́sʉ́Ꞌʉ́ nǔu Tɑ̌ɑ wʉʉ ẅi ɑ tʉ́nɛ́pú? A ɡɛ ŋ́ɡɑ́ Zẅikŋɛ Lɛ́ɛnɛ́nɛ mbɔ̌ pʉɔ pinɛ pɔ́p lɔ́ɔnɛ?»

ŊwɑꞋnɛ-Gɑŋntúu Yɛ́su Kɛlístɔ 2:46

Ɛ́ kɑ pɔ́ ŋɡɔŋ lɛ́Ꞌ tsʉʉ, nɛlɛɛmɛ wɔp pɔ́ ŋɡɔ pɔ́p cúꞋlɛ ZʉꞋ-nɔŋpɔꞋ. Pɔ́p kúu mɛndɑ́ ḿbɔ́tnɛ ŋ́kwɛ́t yúu, ńjʉ́ yúupɛjʉ́ pɔ nɛ́ tsɑ́ɑtɛ. Mbɑ wɔ̌lɑ́ ɡẅɛɛ pɔ tʉ́m sʉ́Ꞌnɛ.

Lúkɑ́shi 24:53

Ŋ́ɡʉ tɛ ŋ́kúu zúꞋu, ŋ́kɛ́ ńtsʉ́Ꞌ ńnɑ́ŋ pɔ tsɛt ndɑ́-nɛnɔŋpɔꞋ ŋkɑ́ tsʉʉ, ŋ́ɡúꞋlɛ Sɛ́.

Mɑtʉ̈ɔ 12:46

Yɛ́su kɑ pɛ́t ɛ́sẅíŋɛ mbɔ̌ lɑ́Ꞌ sẅiŋɛ́nɛ, mɑ́ wɛ pɔ́p pɔ́ɔpɛ́mɑ́ pɛ́ tɔ́, ńtʉ́ʉ píi ḿbɔ́ ńdɔɔ nɛjʉ́ɔ wɛ́.

Lúkɑ́shi 24:10

Pɑŋɡɛ́ ɛ̂pɑ́ ḿbɔ́ Mɑlíyɑ ẅi ɑ ḿbɔ́ ńnɑ́ŋ Mɑkdɑlɑ, ŋ́ɡɛ Jɑ̂ɑnɛ, mbɑ Mɑlíyɑ mɑ́ pɛ́ Jɑ̂k, pɔ́p pɛcɔ́ pɑŋɡɛ́. Pɔ́p pɛ́ɛtɛ mɛnu ɛ̂mɑ́ ɛ́sẅíi ɡɑŋntúu-Yɛ́su.

Lúkɑ́shi 23:55

Pɑŋɡɛ́ pinɛ pɔ́p Yɛ́su ḿbɔ́nɛ ńnɛn tɛ ɛ́fú Ŋɡɑlilɛɛ, kɑ cʉ́ɔ nzʉʉ Yɔsɛ̂p tɛ ŋ́kúu nɛshi, ńjʉ́ɔ pɑꞋ ɑ nɔŋnɛ pfú-Yɛ́su pɔ́Ꞌɔ,

Lúkɑ́shi 23:49

Ŋɡɔŋ pɛsúu-Yɛ́su, tɛ mbɑ pɑŋɡɛ́ pinɛ pɔ́p kɑ fúnɛ Ŋɡɑlilɛɛ cʉ́ɔ nzʉʉ yɛ, kɑ tʉ́ʉ pɔ tɛ nzʉʉ lɑ ńjʉ́ɔ mɔ mɛnu.

Mɑ́lɛ́kúshi 16:1

Lɛ́Ꞌ-nji-pɑyúdɑ ɛ̂yɑ́ ɡɛ ńdɛɛ, Mɑlíyɑ-Mɑkdɑlɑ pɔ́p Sɑlɔmɛ́ɛ, ŋ́ɡɛ Mɑlíyɑ mɑ́ pɛ́ Jɑ̂k, ɡʉ ńzúu lɑmɛ́ndɑɑ nɛlɔk ńzɔ́Ꞌ pfú-Yɛ́su.

Mɑ́lɛ́kúshi 15:40

Pɛcɔ́ pɑŋɡɛ́ kɑ tʉ́ʉ yɔ́p pɔ ŋɡɑ sɛsɑ ḿbɔ́ ńdíŋɛ. Mɑlíyɑ-Mɑkdɑlɑ pɔ́p Sɑlɔmɛ́ɛ, ŋ́ɡɛ Mɑlíyɑ mɑ́ pɛ́ Jɔsɛ́ɛ ḿbɛn ḿbɔ́ wɛ Jɑ̂ŋ wɛ mbɑ́ɑtɛ pɔ́ tsɛtsɛt pɔ́p,

Mɑtʉ̈ɔ 27:55

Pɑŋɡɛ́ tɛ ńzɑ́ɑ tʉ́ʉ ŋɡɑ sɛsɑ ḿbɔ́ ńdíŋɛ, mbɔ pɔ́p kɑ pɔ́ nzʉʉ-Yɛ́su tɛ ɛ́fú Ŋɡɑlilɛɛ, ńnɛn ńtɔ́ɔtɛ wɛ́.

Lúkɑ́shi 24:33

Pɔ́p lɔ sɛ́ pɔ ŋkɑ́ ɛ̂yɑ́, ńcʉ́ɔ sɛ̂ndúŋ, ḿbɛn ḿbɛn Yɛlúsɑlɛm, ŋ́kẅɛ́ɛtɛ ɡɑŋku-Yɛ́su ntsɔ̌pmɔꞋ nɛ́ nɛɡɛ́m, mbɔ pɔ́p pɛcɔ́ pʉɔ-Yɛ́su cúꞋlɛ.

Lúkɑ́shi 8:20

Pɛ́ tɔ́, ńcú mbɔ̌ Yɛ́su ŋɡɔ: «Mɑ́ wu pɔ́p pɔ́ɔpɛ́mɑ́ pú pɔ́p píilíinɛ ḿbɔ́ ńdɔ́ɔ nɛjʉ́ɔ wú.»

1 Kɔlɛ̂ŋtɛ 14:13

Ɛ́ yúu mi ɛ́ ɡɛnɛ lɑ ŋu ẅí ɑ sẅíŋɛ́nɛ sẅiŋɛ yi pɛ́ kɑ́ pɔ́ ńjí pɔ́, ɑ ɡẅɛɛ nɛcɛꞋlɛ Sɛ́ ŋɡɔ ɑ lɔk nɛkyɛ́Ꞌtɛ ḿbɛn ŋ́ɡɑ́ fuꞋ níinɛ yɛ́,