2 Pyɛ̂ 1:21 - Kɑɑ Fí

²¹ mbíꞋŋɡɔ mbɑ kʉ̈ɔ́ lɑ́ yi pɑcẅiŋkʉʉ-Sɛ́ kɑ cúnɛ, pɔ́p kɑ pɔ́ ŋ́ɡɔ ńcú, ɛ́ pɔɔ ɛ́fú nǔu jínu-ŋumɛsɔŋ pɔ́. Pɔ́p kɑ ɡɔ́ ḿbɔ́ ńcú nu yi Sɛ́ sɛ́ ŋ́kɔŋ ŋɡɔ ḿbɔ́ ńcú, Zẅikŋɛ Lɛ́ɛnɛ́nɛ tsʉ́ʉnɛ́nɛ wɔ́p lɑ pɔ́p cú.

2 Pyɛ̂ 1:21 Referans Kwoze

1 Pyɛ̂ 1:11

Pɔ́p kɑ sɑ́Ꞌ tʉʉ nɛjí fʉꞋ-njí, mbɑ yúu mi ɛ́ ɡʉ ńdɑ́Ꞌ ńdɛɛ lɑ yúu mi Zẅikŋɛ-Kɛlístɔ kɑ pɔ́ ńdɛꞋlɛ wɔ́p ɡɛ. Yîyɑ́ Zẅikŋɛ yi ɛ́ kɑ pɔ́ nǔu pɔ́p, kɑ zɛɛ ńzɑ́Ꞌ njí ḿbɔ́ ńdɛꞋlɛ wɔ́p nɛ́ ŋɡʉ̈ɔ́Ꞌ yi Kɛlístɔ ɡʉ ŋ́ɡɛ ńjʉ́ɔ tɛ mbɑ nɛɡúꞋ ẅi ɛ́ ɡʉ ńdɑ́Ꞌ ḿbɑ́ɑtɛ ŋɡʉ̈ɔ́Ꞌ yɛ́ ɛ̂yɑ́.

Lúkɑ́shi 1:70

ɛ́ pɔ́ nu yinɛ ɑ kɑ lɑ́Ꞌ ńcú tɛ ntí ɡú, ɔ́ɔŋ, ɑ kɑ lɔk ntsu-pɛɡɛ́mndʉ̈ɔ́Ꞌ pɛ́ ńcú ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 1:16

«Pɔ́ɔpɛ́mɑ́, ɛ́ ḿbɔ́ ḿbíkŋɛ ŋɡɔ yúu minɛ Zẅikŋɛ Lɛ́ɛnɛ́nɛ kɑ lɔknɛ ntsu-fɔɔ Ndɑvît ḿbʉ́, pɛ́ ŋwɑꞋnɛ tsɛt ŋwɑꞋnɛ-Sɛ́ puutɛ. Ɛ́ nu yí ɑ kɑ zɑ́Ꞌnɛ njí ńcú ntɛ́ Jẅidɑ ẅí jʉ́ kɛ́nɛ ńcẅɛt ńnyɛt ndúŋ lɑ pɛ́ ɡẅɛɛ Yɛ́su.»

Ɛ́bɛlʉʉ 10:15

Yúu mi Zẅikŋɛ Lɛ́ɛnɛ́nɛ pɛn ḿbɔ́ ɛ́sẅíi wɛkŋɛ ŋɡɔ ɛ́ nu nɛ́nẅín. Ɛ́ piitɛ ńcú ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 3:18

Lɑ Sɛ́ fú nǔu ŋ́ɡɛ nu yi ɑ kɑ zɑ́Ꞌnɛ njí ńdɔk ntsu-pɑcẅiŋkʉʉ pɛ́ pɛ́tsʉʉ ńcú ɛ́ puutɛ. Yîyɑ́ nu pɔ́ ŋɡɔ Nzɑ́Ꞌŋkʉ ẅí Sɛ́ kɑ kɑꞋnɛ kɑ pɔ́ ŋ́ɡʉ ńdɑ́Ꞌ ńjʉ́ɔ ŋɡʉ̈ɔ́Ꞌ.

Mɑ́lɛ́kúshi 12:36

Mɔ sɛ́ ńjí ŋɡɔ: Zẅikŋɛ-Sɛ́ kɑ tsʉ́ʉnɛ fɔɔ Ndɑvît, kwɑꞋ jʉ́ nɛ́ túmbʉʉ yɛ́ cú ŋɡɔ: «Tsɑpʉɔ Sɛ́ cú mbɔ̌ wɑɑ Tsɑpʉɔ ŋɡɔ: Tɔ́ ńnɑ́ŋ nǔu ɡúŋ-pɔ́ yɑ́ɑ yi tʉʉ, tɛ ńdɑ́Ꞌ ŋ́kúu ŋkɑ́ yi mɔ fɛn ɡɑŋmbuu pú mbɔ̌ wu, tɛ ɔ tík mɛku mú tú pɔ́p.»

Mɛnu ɛ́ ńdɑ́Ꞌ ńcẅɛt 19:10

N zúꞋ pɔ́Ꞌɔ, ńnɔɔ mɛku wɛ́ nɛɡúꞋlɛ wɛ́. Lɑ́ ɑ cú mbɔ̌ mɔ ŋɡɔ: «Kɔɔ ɡɛ pɑ́Ꞌɑ lɑ́.» M bɛn ḿbɔ́ yɑ́ɑ pɔ wɛcɔ́ ŋu nǔu ɡɑŋkufɑꞋ yʉ́ʉ, ḿbɛn ḿbɔ́ wɛ pɛcɔ́ pɔ́ɔpɛ́mɑ́ pú pi, pʉʉ pɛ́pɔ́p ɡẅɛɛnɛ yúu mi Yɛ́su Kɛlístɔ kɑ ɡɛnɛ pɛ́ jí. Nɛpɔ́ jʉ́njʉ́ɔ-Yɛ́su, ɛ́ nɛcú ŋɡɔ yúu mi pɛ́ ŋɡɛ́mndʉ̈ɔ́Ꞌ-Sɛ́ kɑ cúnɛ ɛ́ nɛ́nẅín!

Ɛ́bɛlʉʉ 3:7

Ɛ́ yúu mi ɛ́ ɡɛnɛ Zẅikŋɛ Lɛ́ɛnɛ́nɛ cú ŋɡɔ: Pʉʉ lɑɑ ńzúꞋ ŋɡi-Sɛ́ lɔ́Ꞌnɛ

ŊwɑꞋnɛ-Gɑŋntúu Yɛ́su Kɛlístɔ 28:25

Pɔ́p tsʉ́Ꞌ nɛɡʉ, mbɔɔ pɛn ɛ́sẅíŋɛ ńzúꞋnɛ pɔ́. Pɔ̂l tsʉ́Ꞌ ńcú mbɔ̌ pɔ́p pɔ ŋɡɔ: «Zẅikŋɛ-Sɛ́ kɑ pɔ́ ńcú sẅíinu. A kɑ lɔk ntsu-Ŋɡɛ́mdʉ̈ɔ́Ꞌ-Sɛ́ Ɛsɑ̌yɑ ńcú mbɔ̌ pɛtɑ́t pʉʉ ŋɡɔ:

Ɛ́bɛlʉʉ 9:8

Zẅikŋɛ Lɛ́ɛnɛ́nɛ kɑ pɔ́ ńdɔk pɔ́Ꞌɔ, nyɛt ŋɡɔ wɔ nduŋmbi ntɑp lɑɑ ŋ́kɛ́ ńdɑ́Ꞌ ḿbɛ́t ḿbɔ́ pɔ ɡú, mbɔ sɛ̂ndúŋ nɛtɔ́k tɛ ŋ́kúu nǔu kwɑꞋ zʉꞋ yi Sɛ́ zúꞋu, kɛ́ tsɔ́Ꞌnɛ pɔ́.