2 Timɔtɛ́ɛ 4:16 - Kɑɑ Fí

¹⁶ Ɛ́ ɡʉ nǔu nu yɑ́ɑ, mbɔ ŋ kɑ pɔ́ nduŋmbi ŋkɑ́ yi ŋ kɑ ɡʉnɛ zʉꞋ-ntsɑŋ zɔŋ tú yɑ́ɑ. Pʉɔ tsʉʉ ḿmɛꞋ wɑ́ɑ, n cẅɛt zɛ́nɛ mɔ. Sɛ́ likŋɛ yîyɑ́ nu ŋ́ɡɑ́ mbɔ̌ pɔ́p!

2 Timɔtɛ́ɛ 4:16 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 7:60

A kɑ cú pɔ́Ꞌɔ, ḿvu sɛ́ nɛ́ mɛkẅíꞋlɛ mɛ́, ŋ́ɡíɛt nɛ́ tʉʉ ŋɡɔ: «Tsɑpʉɔ, kɔɔ sɑ́ŋ yúu mi pʉɔ pɔnɛ ɡɛnɛ» ńcú pɔ́Ꞌɔ, ḿpfú.

Jɑ̂ŋ 16:32

Ŋkɑ́ sɛ́ ŋ́kuꞋ, tɛ ɛ́ zɛɛ ŋ́kuꞋ kuꞋnɛ, pɑ́Ꞌ pʉʉ ɡʉ ńtɑ́kŋɛ ɛ́sɑt zʉꞋ. Mbɑ wɔ̌ lɑ́ lɔk yɛ́ ɡúŋ, ńnɑ́ wɑ́ɑ zɛ́nɛ mɔ, lɑ́ ŋ kɛ́ mbɔɔ zɛ́nɛ mɔ pɔ́, pɛk Tɑ̌ɑ mɔ pɔ́nɛ.

Mɑ́lɛ́kúshi 14:50

Gɑŋku pɛ́ jʉ́ɔ pɑꞋ pɛ́ ɡẅɛɛnɛ wɛ́, ńtɛmtɛ ḿmɛꞋ wɛ́ pɛ́tsʉʉ ŋ́kʉɔ.

1 Pyɛ̂ 3:15

Tɛ ńtsʉ́Ꞌ pɔ́Ꞌɔ, pʉʉ pɔ́ tsɛt tʉ́m pʉʉ, ḿbɔ́ ŋ́ɡɑ́ pɔ mɛkuꞋ-Kɛlístɔ ŋɡɔ jʉ́ pɔ́nɛ Ndɛ wʉʉ. Pʉʉ pɔ́ ŋkɑ́ tsʉʉ ńtʉ́ʉ pɔ pɑ́Ꞌ ŋu lɑɑ píkŋɛ wʉ́ʉ ŋɡɔ mɛlɑ́Ꞌ kʉ̈ɔ́ pʉʉ tík kwɑŋɛ yʉ́ʉ nǔu Kɛlístɔ ɔɔ, pʉʉ kyɛ́Ꞌtɛ ɛ́sẅíi ŋɡɑŋ.

2 Timɔtɛ́ɛ 4:10

MbíꞋŋɡɔ Ndɛmɑs ḿmɛꞋ wɑ́ɑ, ɑ kɔŋ yúu-ndǔmbí tɛꞋ. Yîyɑ́ kɑ ɡɛnɛ ɑ ɡʉ nɛ́ tʉ́sɔŋ-Tɛsɑlɔnik. Kɛlɛ́sɛn ɡʉ nɛ́ pɑk-ŋɡɔŋ-Ŋɡɑlɑ̂t, Titɛus ɡʉ nɛ́ pɑk-ŋɡɔŋ-Ndɑlmɑtîi.

2 Timɔtɛ́ɛ 1:15

Ɔ sɛ́ ńjí pɑ́Ꞌ pʉɔtsʉʉ tsɛt pɑk-ŋɡɔŋ-Azîi mɛꞋ mɔ́ wɑ́ɑ tɛ mbɑ Fijɛ̂l pɔ́p Ɛlmɔjɛ̂l ɡúu.

Filipɛ 1:17

Lɑ́ pʉɔ pi pɔ́p sẅíinɛ nu-Kɛlístɔ pɔ nɛlɔk ńdʉŋtɛ ntí, kwɑŋɛ yɔ́p kɑ́ pɔŋ, kwɑŋɛ yɔ́p pɔ nɛlɔk ŋ́kẅiꞋ mɛnu nǔu ŋɡʉ̈ɔ́Ꞌ yi mɔ sɛ́ ńjʉ́ɔ ndɑ́tsɑ́ŋ lɑɑ.

Filipɛ 1:7

Ŋ ɡẅɛɛ nɛpɔ́ ŋ́kwɑŋɛ pɔ pɔ́Ꞌɔ nǔu pʉʉ, mbíꞋŋɡɔ n tsuŋ ŋ́kɔŋ wʉ́ʉ tɛ ḿmik tʉ́m yɑ́ɑ. MbíꞋŋɡɔ pʉʉ pɛtsʉʉ ɡẅɛɛ mbɔ́tnɛ nǔu yúu mi Sɛ́ kɑ lɔknɛ ŋ́ɡɑ́ fuꞋ yɑ́ɑ pɔ nɛ́ pɔŋtʉ́m yɛ́, tɛ mbɑ pɑ́Ꞌ mɔ ŋkɔ̂ɔnɛ ḿbɔ́ ndɑ́tsɑ́ŋ lɑɑ, mbɑ ŋkɑ́ yi mɔ sɛ́ ńnyɛt ŋɡɔ Ŋkʉʉ Sʉ́Ꞌnɛ ɛ́ nɛ́nẅín, mbɑ ŋkɑ́ yi mɔ sɛ́ ŋ́ɡɛ pʉɔ niitɛ ḿbɛ́m.

2 Kɔlɛ̂ŋtɛ 7:11

Pʉʉ líŋɛ pɔ yúu mi yîyɑ́ ntɛ́ nɛmʉk, nǔu ntɛ́ yi Sɛ́ sɛ́ ŋ́kɔŋ, ɛ́ kɑ ɡɛ nǔu pʉʉ lɑ́ ńjʉ́ɔ. Jʉ́ɔ wʉ́ʉ nɛɡwɛtnɛ ŋkɑ́ yi nu sɛ́. Jʉ́ɔ wʉ́ʉ nɛlɔ́ɔ ŋɡɔ pɛ́ likŋɛ mɛfɑɑnɛ mʉ́ʉ ŋ́ɡɑ́ mbɔ̌ pʉʉ. Jʉ́ɔ wʉ́ʉ nɛmʉk nu yɑ́ɑ. Jʉ́ɔ wʉ́ʉ nɛpɔ́k nu. Jʉ́ɔ wʉ́ʉ nɛtsɑ́ɑ nɛjʉ́ɔ wɑ́ɑ. Jʉ́ɔ wʉ́ʉ nɛzɑŋɛ mbʉʉ. Jʉ́ɔ wʉ́ʉ nɛzɑ́p ŋɡʉ̈ɔ́Ꞌ tú-ŋu ẅí ɑ fɑɑnɛ nu. Pʉʉ kɑ lɔk mɛshʉ́ tsʉʉ ńdɛꞋlɛ ŋɡɔ pʉʉ ŋkɑɑ pɛn ḿbɔ́ ńjí yɛcɔ́ nu nǔu yɔ nu pɔ́.

1 Kɔlɛ̂ŋtɛ 9:3

Pʉʉ zúꞋ nu yi ŋ ɡʉ ńcú nɛlɔk ńcẅɛ́ɛ tú yɑ́ɑ mbɔ̌ pʉɔ pi pɔ́p tɔ́nɛ lɔ́Ꞌ nǔu yɔ ntɛ́ nɛlɔk ɛ́fɑꞋ.

ŊwɑꞋnɛ-Gɑŋntúu Yɛ́su Kɛlístɔ 25:16

Lɑ́ n tsɔ́Ꞌ mbɔ̌ pɔ́p ŋɡɔ pɛk pʉɔ-Lɔ́mɑ kɑ́ ɡẅɛɛ mɑt nɛzɑ́Ꞌ ntsɑŋ-ŋu lɑ ŋ́ŋɑk wɛ́ pɔ́. Ɛ́ píkŋɛ ŋɡɔ ŋu ẅí pɛ́ fɛnnɛ wɛ́ pɔ́p pʉɔ pi pɔ́p fɛnnɛ wɛ́ puutɛ sɛ́. Ŋu ẅí pɛ́ fɛnnɛ wɛ́ pɛ́ɛtɛ ntsu wɛ́.

ŊwɑꞋnɛ-Gɑŋntúu Yɛ́su Kɛlístɔ 22:1

«Pɔ́ɔpɛ́mɑ́ pɑ́ɑ, pɛtɑ́t pɑ́ɑ, pʉʉ zẅíꞋlɛ. Ŋ ɡʉ ḿbɛ́ɛtɛ ntsu wɑ́ɑ.»

Lúkɑ́shi 12:11

«Pʉʉ jí ŋɡɔ, yɛcɔ́ ŋkɑ́ ɡʉ ŋ́ɡɛ kuꞋ, pɛ́ ɡẅɛɛ wʉ́ʉ, ŋ́ɡʉ ŋ́ŋɑk wʉ́ʉ kɛ pɔ ndɑ́-cúꞋlɛ-Pɑyúdɑ ɔ́ɔ, kɛ pɔ mbi pɛfɔɔ ɔ́ɔ, kɛ pɔ mbi pɑsɑ́Ꞌ lɑ́Ꞌ ɔ́ɔ. Pɛ́ lɑɑ ḿbɔ́ tɛ ḿbɔ́ ńdɔk wʉ́ʉ ŋ́ɡʉ, kɔɔ pʉʉ púꞋ mbʉʉ yʉʉ ŋɡɔ pʉʉ ɡɛ ńtɔ́ zúꞋu ńcú ŋɡɔ kʉ̈ɔ́? Ńzɔŋ tú yʉ́ʉ ŋɡɔ ku ɔ́ɔ?

1 Kɔlɛ̂ŋtɛ 13:5

ɑ kɑ́ ɡɛ mɛnu sʉ́ʉ pɔ́, ɑ kɑ́ nyɛ́p pɔ́, ɑ kɑ́ fɛ́Ꞌnɛ ńzɑ́ŋ lɔ́ŋ pɔ́, ɑ kɑ́ ɡẅɛɛ ŋu lɔ́ŋ yɛ́ pɔ́,

2 Timɔtɛ́ɛ 4:15

Mbɑ ɡu yú lʉ́ɔꞋ wɛ́, mbíꞋŋɡɔ ɑ kɑ tɔꞋ nu yi pɛk kɑ pɔ́ ńzíꞋ pʉɔ tɛ ńzɑ́Ꞌ ŋkwɑɑ.