2 Timɔtɛ́ɛ 4:11 - Kɑɑ Fí

¹¹ Pɛk Lúkɑ́shi tsʉ́Ꞌnɛ ḿbɔ́ zɑ́Ꞌnɛ. Ɔ lɑɑ ŋ́ɡɔ ńtɔ́, pʉʉ Mɑ́lɛ́kúshi pɔ́nɛ, mbíꞋŋɡɔ ɑ ɡʉ ńtsuŋ ńcẅɛ́lɛ́ wɑ́ɑ nǔu fɑꞋ-Sɛ́.

2 Timɔtɛ́ɛ 4:11 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 12:12

Pyɛ̂ kwɑŋɛ, ŋ́ɡʉ nɛ́ ndɑ́-Mɑlíyɑ, mɑ́ pɛ́ Jɑ̂ŋ ẅi pɛ́ pɛnnɛ ɛ́fúŋ wɛ́ ŋɡɔ Mɑ́lɛ́kúshi. Ɛ́ ɡɔ́ ḿbɔ́, mbɔ pʉɔ-Kɛlístɔ cúꞋlɛ tɛ ńzɑ́ɑ ḿbɔ́ ńcɛꞋlɛ Sɛ́.

Filɛmɔ̂ŋ 1:24

Mbɑ Mɑ́lɛ́kúshi, mbɑ Alistɑk, mbɑ Ndɛmɑs pɔ́p Lúkɑ́shi ẅí pɛk pɛ́pɔ́p fɑꞋnɛ tɑ́Ꞌ fɑꞋ.

ŊwɑꞋnɛ-Gɑŋntúu Yɛ́su Kɛlístɔ 12:25

Pɑnɛpɑ́ɑshi pɔ́p Sɔ̂l pɔ́ tɛ ḿmik yɔ́p fɑꞋ yi pɛ́ lɑ́Ꞌnɛ ńtúu wɔ́p nǔu Yɛlúsɑlɛm, ŋ́ɡɔ ḿbɛn Antíyɔshɛ ńdɔk Jɑ̂ŋ ẅí pɛ́ fúŋnɛ wɛ́ ŋɡɔ Mɑ́lɛ́kúshi ŋ́ɡʉ.

2 Timɔtɛ́ɛ 1:15

Ɔ sɛ́ ńjí pɑ́Ꞌ pʉɔtsʉʉ tsɛt pɑk-ŋɡɔŋ-Azîi mɛꞋ mɔ́ wɑ́ɑ tɛ mbɑ Fijɛ̂l pɔ́p Ɛlmɔjɛ̂l ɡúu.

Kɔlɔsíyɛ̂ŋ 4:14

Súu wɛkŋɛ Lúkɑ́shi, ndɔ́ktɑ ɡwɛ́, mbɑ Ndɛmɑs cɛꞋlɛ wʉ́ʉ.

Kɔlɔsíyɛ̂ŋ 4:10

Alistɑk ẅí pɛknɛ tɛmtɛ́nɛ ḿbɔ́ ndɑ́tsɑ́ŋ cɛꞋlɛ wʉ́ʉ. Mɑ́lɛ́kúshi ẅí ɑ mɔ́ɔmɑ́-Pɑnɛpɑ́ɑshi pɛn ḿbúꞋ mbɔ́ mbɔ̌ pʉʉ ɡúu. Ŋ kɑ zɛɛ ŋ́kẅíi wɛ́ mbɔ̌ pʉʉ. A lɑɑ ŋ́kúu zɑ́Ꞌɑ, pʉʉ kúkŋɛ wɛ́ sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 15:39

Pɔ̂l pɔ́p Pɑnɛpɑ́ɑshi zɔŋ zɔŋnɛ, ḿbɔɔ zúꞋnɛ, ɛ́ tɛn ŋ́ɡɔ́ ńdẅiklɛ tsɛtsɛt pɔ́p fɑkŋɛ. Pɑnɛpɑ́ɑshi lɔk Jɑ̂ŋ Mɑ́lɛ́kúshi ŋ́ɡʉ. Pɔ́pmɛ kúu mɑ́mɑ́ kɑnúꞋ ŋ́ɡʉ nɛ́ Shíipɛlɛ.

1 Pyɛ̂ 5:13

CúꞋlɛ-pʉɔ-Kɛlístɔ yi ɛ́ Mbɑbilɔ̂nɛ cɛꞋlɛ wʉ́ʉ. Sɛ́ kɑ tsɔ́Ꞌ wɔ́p ɡúu pɑ́Ꞌ pʉʉ. Mɔ́ɔ wɑɑ Mɑ́lɛ́kúshi cɛꞋlɛ wʉ́ʉ ɡúu.

ŊwɑꞋnɛ-Gɑŋntúu Yɛ́su Kɛlístɔ 16:10

Pɔ̂l jʉ́ɔ pɔ́Ꞌɔ, pɛk ɡɔ́ɔ ńdɔɔ shʉ́ ŋ́ɡʉ Mɑsɛ́ndwɑn, ḿbɔ́ ńtsuŋ ńjí ŋɡɔ Sɛ́ fúŋnɛ wɛ́k zúꞋu ŋɡɔ pɛk cẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ.

Lúkɑ́shi 13:30

Pʉʉ jí ŋɡɔ pɛcɔ́ pɑluŋmbi ŋkɔ̂ɔnɛ ɡɛ ńdɑ́Ꞌ ńtsʉ́Ꞌ pɑ́ lẅiknzʉʉ, pɛcɔ́ pɑ́ lẅiknzʉʉ ŋkɔ̂ɔnɛ lɑ́Ꞌ ḿbɔ́ pɑ́ luŋmbi.

Mɑtʉ̈ɔ 20:16

Yɛ́su pɛn ńcú ŋɡɔ: «Ɛ́ pɔ́Ꞌɔ lɑ́ ɡɑŋ nzʉʉ ɡʉ ńdɑ́Ꞌ ńtsʉ́Ꞌ pɑ pɔ́ mbi, ɡɑŋ mbi tsʉ́Ꞌ pɑ pɔ́ nzʉʉ.»

Mɑtʉ̈ɔ 19:30

Lɑ́ nɛzɑ́ɑ pɑtʉ́ʉ mbi ŋkɔ̂ɔnɛ, ɡʉ ńdɑ́Ꞌ ńtsʉ́Ꞌ pɑtʉ́ʉ nzʉʉ, nɛzɑ́ɑ pɑtʉ́ʉ nzʉʉ ŋkɔ̂ɔnɛ ńdɑ́Ꞌ ḿbɔ́ pɑtʉ́ʉ mbí.

ŊwɑꞋnɛ-Gɑŋntúu Yɛ́su Kɛlístɔ 15:37

Ŋ́ɡɔ́ ḿbɔ́ mbɔ Pɑnɛpɑ́ɑshi ḿbɔ́ ŋ́kɔŋ ŋɡɔ pɔ́pmɛ lɔk Jɑ̂ŋ ẅí pɛ́ pɛnnɛ ɛ́fúŋ wɛ́ ŋɡɔ Mɑ́lɛ́kúshi lɑ́ ŋ́ɡʉ.

2 Timɔtɛ́ɛ 2:21

Pɔ́Ꞌɔ, ŋu lɑɑ ḿbʉʉtɛ mbʉʉ yɛ nǔu mɛnu kɛpɔŋ mi ɛ fúnɛ nɛcú lɑɑ, mbɔ ŋɡɑŋ ɡʉ ḿbɔ́ pɑ́Ꞌ kɑ́ŋ yi pɛ́ tíknɛ sɛ́ pɔ nǔu lɛ́Ꞌ ɡwɛ́ lɑ́. Mbɔ ɑ ɡʉ ḿbɔ́ ŋu Tsɑpʉɔ fyɑknɛ wɛ́ ńdɔk ŋ́ɡɛ wɛ, ɑ cẅɛ́lɛ́ Tsɑpʉɔ wɛ, ɑ pɔ́ ŋu ẅí ɑ ɡɛnɛ nu sʉ́Ꞌnɛ tsʉʉ.