2 Timɔtɛ́ɛ 2:9 - Kɑɑ Fí

⁹ N jʉ́ɔ ŋɡʉ̈ɔ́Ꞌ tɛ pɛ́ níꞋ wɑ́ɑ ndɑ́tsɑ́ŋ pɑ́Ꞌ ŋkɑ́ yi mɔ ŋu kɛpɔŋ lɑ́ pɑ́Ꞌɑ mbíꞋ pɔ Ŋkʉʉ Sʉ́Ꞌnɛ ɛ̂wɑ́. Lɑ́ pɛ́ kɑ́ níꞋ sẅiŋɛ-sɛ́ ndɑ́tsɑ́ŋ pɔ́.

2 Timɔtɛ́ɛ 2:9 Referans Kwoze

Filipɛ 1:7

Ŋ ɡẅɛɛ nɛpɔ́ ŋ́kwɑŋɛ pɔ pɔ́Ꞌɔ nǔu pʉʉ, mbíꞋŋɡɔ n tsuŋ ŋ́kɔŋ wʉ́ʉ tɛ ḿmik tʉ́m yɑ́ɑ. MbíꞋŋɡɔ pʉʉ pɛtsʉʉ ɡẅɛɛ mbɔ́tnɛ nǔu yúu mi Sɛ́ kɑ lɔknɛ ŋ́ɡɑ́ fuꞋ yɑ́ɑ pɔ nɛ́ pɔŋtʉ́m yɛ́, tɛ mbɑ pɑ́Ꞌ mɔ ŋkɔ̂ɔnɛ ḿbɔ́ ndɑ́tsɑ́ŋ lɑɑ, mbɑ ŋkɑ́ yi mɔ sɛ́ ńnyɛt ŋɡɔ Ŋkʉʉ Sʉ́Ꞌnɛ ɛ́ nɛ́nẅín, mbɑ ŋkɑ́ yi mɔ sɛ́ ŋ́ɡɛ pʉɔ niitɛ ḿbɛ́m.

ŊwɑꞋnɛ-Gɑŋntúu Yɛ́su Kɛlístɔ 28:31

A pɔ́ ɛ́sɑ́Ꞌ ɛ́sẅíi pʉɔ nɛ́ yúu mi nɛfɔɔ-Sɛ́ yɛ́tɛ́, ḿbɛn ńtsuŋ ńzíꞋ wɔ́p nɛ́ ŋu ẅí Tsɑpʉɔ Yɛ́su Kɛlístɔ jʉ́ pɔ sɑ́ɑnɛ sɑ́ɑnɛ́nɛ, wɛcɔ́ ŋu pɛn ŋ́kɛ́ mbɔɔ wɛ́ tɔꞋ.

2 Timɔtɛ́ɛ 1:8

Pɔ́Ꞌɔ lɑ́, kɔɔ ɔ kɔ́ sʉ́ʉ nɛcú yúu mi ɔ jínɛ nǔu Tsɑpʉɔ wɛkŋɛ. Kɔɔ ɔ kɔ́ sʉ́ʉ nɛcú ŋɡɔ ɔ jí wɑ́ɑ mbɑ pɑ́Ꞌ mɔ ndɑ́tsɑ́ŋ mbíꞋ wɛ́ lɑ́. Ńtsʉ́Ꞌ pɔ́Ꞌɔ, ɔ Pɛ́m yú pǔu tɛmtɛ ńjʉ́ɔ ŋɡʉ̈ɔ́Ꞌ, ńdɔk ŋ́ɡɛ Ŋkʉʉ Sʉ́Ꞌnɛ sɑt zʉꞋ, ɛ́sɑ́ŋ nǔu mɛtʉʉ mi Sɛ́ ɡɑ́nɛ mbɔ̌ pǔu.

Kɔlɔsíyɛ̂ŋ 4:3

ḿbɛn ḿbɔ́ ḿbúꞋ mbɔ́ mbɔ̌ Sɛ́ nǔu yɛ́k tú, nǔu ntɛ́ yi pɛk ńdɔk ɛ́sẅíi nu yɛ́. Ɛ́ fu pɔ́Ꞌɔ, ŋ kyɛ́Ꞌtɛ nu-Kɛlístɔ yi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, mɔ ndɑ́tsɑ́ŋ pɑ́Ꞌɑ mbíꞋ pɔ yɛ́tɛ́.

2 Timɔtɛ́ɛ 4:17

Pɔ́p kɑ mɛꞋ wɑ́ɑ pɔ́Ꞌɔ, Tsɑpʉɔ pɔ́ ńtɔ́ɔtɛ wɑ́ɑ. Ɛ́fú ntsu-pɛpúꞋntʉʉ ńcẅɛɛtɛ wɑ́ɑ, ŋ́ɡɑ́ mɛtʉʉ mbɔ̌ mɔ, n cẅi Ŋkʉʉ wɛ́ pɑ́Ꞌ ɛ́ sɛ́ ḿbíkŋɛ ŋɡɔ pɛ́ cẅi, tɛ pʉɔ pi pɔ́p kɑ́ pɔ́ pɑyúdɑ pɔ́ zúꞋ pɛtsʉʉ.

1 Pyɛ̂ 2:12

Pʉʉ ɡẅɛɛ tsẅɛ́ sʉ́Ꞌnɛ tsɛtsɛt pɑkɛ́jí nu-Sɛ́, tɛ ḿbɔ́ yi pɔ́p lɑɑ ḿbɔ́ ɛ́sẅíitɛ kɛpɔŋ nǔu lík yʉ́ʉ, pɔ́p jʉ́ɔ mɛnu sʉ́Ꞌnɛ mi pʉʉ sɛ́ ŋ́ɡɛ, ŋ́ɡúꞋlɛ lík-Sɛ́ ŋkɑ́ yi Sɛ́ ɡʉ ŋ́ɡɛ ńtɔ́ ńcú nu mbɔ̌ pɔ́p.

1 Pyɛ̂ 4:15

ḿbɑ́ɑ ŋu wʉʉ nɛɡɔ́ ńjʉ́ɔ ŋɡʉ̈ɔ́Ꞌ ɛ́ pɔ́ ŋɡɔ ɑ jẅí ŋu, ŋɡɔ ɑ jʉ̈ɔ, kɛ pɔ ŋɡɔ ɑ ɡɛ nu kɛpɔŋ ɔɔ, kɛ pɔ ŋɡɔ ɑ jʉ́ɔ nu-ŋu ŋ́kúu nǔu ɔɔ.

2 Timɔtɛ́ɛ 1:12

Yɛ́tɛ ɡɛnɛ n jʉ́ɔ yɔ ntɛ́ ŋɡʉ̈ɔ́Ꞌ ŋkɔ̂ɔnɛ pɑ́Ꞌɑ mbíꞋ pɔ pɔ́Ꞌɔ. Lɑ́, sʉ́ʉ kɛ́ ḿbɔɔ ŋ́kɔ́ wɑ́ɑ nǔu pɔ́, mbíꞋŋɡɔ mɔ sɛ́ ńjí ŋu ẅi n zɑ́pnɛ tʉ́m nǔu wɛ́. N tsuŋ ḿbɔ́ ńjí ŋɡɔ ŋɡɑŋ ɡẅɛɛ mɛtʉʉ nɛlɔk ŋ́kúꞋlɛ nu yi ɑ kɑ lẅɛꞋnɛ mbɔ̌ mɔ, tɛ ŋ́kúu lɛ́Ꞌ yi Yɛ́su ńdɑ́Ꞌ ńtɔ́.

2 Tɛsɑlɔník 3:1

Pɔ́ɔpɛ́mɑ́, nu yi pɛk ɡʉ ńdɔk ńdẅiklɛ, ɛ́ pɔ́ pɔ ŋɡɔ pʉʉ cɛꞋlɛ Sɛ́ nǔu tú yɛ́k, lɑ sẅiŋɛ-tsɑpʉɔ kẅiꞋ ɛ́sɑt zʉꞋ, ḿbɔ́ yúu-mɛkuꞋ pɑ́Ꞌ ɛ́ njɛ́Ꞌ pʉʉ ḿbɔ́ lɑ́.

Kɔlɔsíyɛ̂ŋ 4:18

Pʉʉ jʉ́ɔ cɛꞋlɛ yi mɔ Pɔ̂l, n dɔknɛ kwɑꞋ pɔ́ yɑ́ɑ ŋ́ŋwɑꞋnɛ. Kɔɔ pʉʉ likŋɛ ŋɡɔ mɔ ndɑ́tsɑ́ŋ. Mbɔtnɛ-Sɛ́ pɔ́ nɛ́ pʉʉ pɛtsʉʉ!

Ɛ́fɛ̂zɛ 3:1

Ɛ́ yúu mi ɛ́ ɡɛnɛ, mɔ Pɔ̂l ẅí mɔ ndɑ́tsɑ́ŋ mbíꞋŋɡɔ ɛ sɑ́Ꞌ nu-Yɛ́su Kɛlístɔ mbɔ̌ pʉʉ pi pʉʉ kɑ́ pɔ́ pɑyúdɑ pɔ́, mɔ sɛ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ nǔu tú yʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 9:16

KwɑꞋ mɔ ŋ ɡʉ ńzɛɛ ŋ́ɡɛ ŋɡɔ, ɑ jí ndɛn ŋɡʉ̈ɔ́Ꞌ yi ɑ ɡʉ ńjʉ́ɔ ntɛ́ nu yɑ́ɑ.»

1 Pyɛ̂ 3:16

Pʉʉ tsʉ́Ꞌ nɛsẅíi wɛ́ ńdɔk pɔ ndɑ̌ɑ ndɑɑ, ńdɔk mɛkuꞋ. Ɛ́ pɔŋ ŋɡɔ kɔɔ ɛ́ ɡɔ́ ḿbɔ́ mbʉʉ yʉʉ pɔ́ ńtswɑ́ɑ wʉ́ʉ nǔu yɛcɔ́ yúu, lɑ ɛ́ lɛɛ pɔ́Ꞌɔ, ḿbɔ́ yi pʉɔ lɑɑ ḿbɔ́ ńtík sɔ́ɔ tú pʉʉ, ɛ́fú nǔu pɑ́Ꞌ pɔ́p sɛ́ ńzɔɔtɛ nɛnɑ́ŋ wʉʉ wɛ pʉɔ-Kɛlístɔ ẅi ɛ́ pɔŋnɛ, sʉ́ʉ kɔ́ wɔ́p.

1 Pyɛ̂ 2:14

ḿbɛn ńzúꞋ ntsu-pɛŋútlɑ́Ꞌ pɛ́. MbíꞋŋɡɔ fɔɔ túunɛ wɔ́p nɛɡʉ ńnyɛt pɑɡɛ mɛnu kɛpɔŋ nɛ́ ŋɡʉ̈ɔ́Ꞌ, ḿbɛn ŋ́ɡɑ́ tsɔ́Ꞌfɑ́Ꞌ-pʉɔ pi pɔ́p sɛ́ ŋ́ɡɛ nu sʉ́Ꞌnɛ.

2 Timɔtɛ́ɛ 1:16

Ŋɡɔ Tsɑpʉɔ ɡɛ nu sʉ́Ꞌnɛ nǔu pʉɔ tsʉʉ njɛ́Ꞌ-Ɔnɛzifɔɔ, ńdɔ́ɔ pɔ́Ꞌɔ, mbíꞋŋɡɔ ɑ ḿbɔ́ ńnɑ́ŋ ńníꞋ tʉ́m yɑ́ɑ tɛꞋ, ɑ ŋkɑɑ mɔ́ kɔ́ sʉ́ʉ nǔu mɔ pɑ́Ꞌ mɔ ŋɡɑŋtsɑ́ŋ pɔ́.

Lúkɑ́shi 23:32

Pɛ́ kɑ ɡɔ́ ńdɔk Yɛ́su ŋ́ɡʉ, ḿbɑ́ɑtɛ pɛtsɔ́ŋ pɛ́pɑ́ nǔu wɛ, pɑꞋ pɛ́ ɡʉ ńtɛmtɛ ńjẅí wɔ́p pɛpɔ́p.

ŊwɑꞋnɛ-Gɑŋntúu Yɛ́su Kɛlístɔ 21:33

A tɔ́ ńcú pɛ́ ɡẅɛɛ Pɔ̂l ńdɔk mɛcɛ̂n mɛmbɑ́ ŋ́kút wɛ́, ḿbɛn ḿbíkŋɛ ŋɡɔ: «Ŋu wɔ wɔ̌? A ɡɛ ŋɡɔ́ku?»

Filipɛ 1:17

Lɑ́ pʉɔ pi pɔ́p sẅíinɛ nu-Kɛlístɔ pɔ nɛlɔk ńdʉŋtɛ ntí, kwɑŋɛ yɔ́p kɑ́ pɔŋ, kwɑŋɛ yɔ́p pɔ nɛlɔk ŋ́kẅiꞋ mɛnu nǔu ŋɡʉ̈ɔ́Ꞌ yi mɔ sɛ́ ńjʉ́ɔ ndɑ́tsɑ́ŋ lɑɑ.

1 Tɛsɑlɔník 1:8

Sẅiŋɛ-tsɑpʉɔ kɑ zɛɛ ɛ́fú pɔ tsɛtsɛt pʉʉ, ńjʉ́ pɑk-ŋɡɔŋ-Mɑsɛndwɑn mbɑ yɛ́ Akɑ̂y. Lɑ́ pɛ́ kɛ́ ḿbɔ́ zʉꞋ tsʉʉ ńjí ntɛ́ yi pʉʉ lɔknɛ ńzɑ́p tʉ́m nǔu Sɛ́, tɛ ḿbɔ́ pɛk pɔɔ pɛn ɛ́sẅíi ŋu sẅíinɛ pɔ́.

2 Timɔtɛ́ɛ 2:3

Jʉ́ɔ yú ŋɡʉ̈ɔ́Ꞌ tsɛt fɑꞋ-Yɛ́su Kɛlístɔ pɑ́Ꞌ kwɑꞋ ndʉ̈ɔ́Ꞌntsɔ.