2 Timɔtɛ́ɛ 2:7 - Kɑɑ Fí

⁷ Sɑ́ŋ nu nǔu mɛnu mi ɛ fúnɛ nɛcú lɑɑ, Tsɑpʉɔ ɡʉ ŋ́ɡɛ ɔ zúꞋ tsʉʉ.

2 Timɔtɛ́ɛ 2:7 Referans Kwoze

Jɑ̂k 1:5

Ŋu lɑɑ ḿbɔ́ tsɛtsɛt pʉʉ, ńtʉ́ʉ nǔu nu, jínu jɑ́k wɛ́, ɑ lɔ́ɔ mbɔ̌ Sɛ́, mbɔ Sɛ́ ɡʉ ŋ́ɡɑ́. Ɛ́ mbíꞋŋɡɔ Sɛ́ zɛɛ ńdɔk pɔ tʉ́m sʉ́Ꞌnɛ ŋ́ɡɑ́ yúu mbɔ̌ mbɑ wɔ̌ lɑ́ kɛ́ lɛmtɛ.

1 Jɑ̂ŋ 5:20

Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.

Lúkɑ́shi 24:45

Ŋ́ɡɔ́ɔ ŋ́kɛ́ ńtsɔ́Ꞌ jínu yɔ́p, ŋ́ɡɛ pɔ́p zúꞋ mɛnu mi ɛ́ tsɛt ŋwɑꞋnɛ-Sɛ́.

Jɑ̂ŋ 14:26

«Pʉʉ ɡʉ ńtsʉ́ꞌ nzʉʉ, Tɑ̌ɑ mɔ lɔk lík yɑ́ɑ, ńtúu Ncẅɛ́ɛntɑ́ŋ wʉʉ, ɛ́ pɔ́ zẅikŋɛ Lɛ́ɛnɛ́nɛ. Ɛ́ tɔ́ ńzíꞋ wʉ́ʉ nɛ́ yúu tsʉʉ, ŋ́ɡɛ pʉʉ kẅíitɛ kʉ̈ɔ́ lɑ́ yi ŋ kɑ pɔ́ ɛ́sẅíi wʉ́ʉ.»

Jɑ̂k 3:17

Lɑ́ ŋu ẅí ɑ ɡẅɛɛnɛ jínu yi ɛ́ fúnɛ tʉ́nɛ́pú, ɑ zɛɛ ḿbiitɛ ḿbɔ́ ŋu ẅí yɛcɔ́ lɔ́Ꞌ kɑ́ pɔ́ nǔu ŋɡɛnɛ mɛnu mɛ́ pɔ́, ḿbɑ́ɑtɛ ńnɛn pɔ nɛ́ mbɔ́tnɛ, ḿbɑ́ɑtɛ ḿbɔ́ ŋu ḿbɔ́tnɛ pɔ́tnɛ́nɛ, ŋ́ɡɛ nu ɛ́ kuꞋ kuꞋnɛ, ńjí nɛtsɑ́ɑ mɛjʉ́ŋ tɛꞋ, ɛ́fɑꞋ mɛfɑꞋ sʉ́Ꞌnɛ pɔ pɔ́Ꞌɔ. A kɑ́ ɡɛ tɔŋ pɔ́, ŋ́kɛ́ mbɔɔ ŋkɔŋmík pɔ́.

1 Timɔtɛ́ɛ 4:15

Niitɛ ńníꞋ tú nǔu yɔ fɑꞋ kɛ́ citɛ mbʉʉ, ńjí ŋɡɔ pʉɔ pɛtsʉʉ ɡʉ ńjʉ́ɔ pɑ́Ꞌ fɑꞋ yú sɛ́ ńnɛn.

Kɔlɔsíyɛ̂ŋ 1:9

Mɔnɛ mɛnu mi ɛ́ ɡɛnɛ lɑ pɛk ŋ́kɑɑ mɔ́ lɑ́Ꞌ ńcɛꞋlɛ Sɛ́ nǔu tú yʉ́ʉ tɛ ɛ́fú lɛ́Ꞌ yi pɛ́ kɑ sẅíinɛ wɛ́k nɛ́ ntɛ́ yi pʉʉ lɔknɛ ŋ́kúꞋlɛ nu-Sɛ́ pɔ́Ꞌɔ pɔ́. Pɛk sɛ́ ńdɔ́ɔ mbɔ̌ Sɛ́ ŋɡɔ ɑ ɡɛ pʉʉ tsuŋ ńjí yúu mi ɑ kɔŋnɛ, ńdɛɛ nǔu jínu mbɑ nɛsɑ́ŋ nu yi Zẅikŋɛ Lɛ́ɛnɛ́nɛ ɡɑ́nɛ mbɔ̌ pʉʉ.

Jɑ̂ŋ 16:13

Zẅikŋɛ yí ɛ́ lɛ́Ꞌlɛ́nɛ nu nɛ́nẅín nǔu Sɛ́ ɡʉ ŋ́ɡɛ ńtɔ́, ŋ́ɡɛ pʉʉ jí nu nɛ́nẅín tsʉʉ, mbíꞋŋɡɔ jʉ́ lɛ́Ꞌlɛ́nɛ nu nɛ́nẅín, ɛ́ kɛ́ ɡɛ ńcú pɔ yɛ́ nu pɔ́. Zẅikŋɛ yí ɛ́ lɛ́Ꞌlɛ́nɛ nu nɛ́nẅín nǔu Sɛ́ ɡʉ ŋ́ɡɛ ńcú pɔ nu yí ɛ́ zúꞋnɛ, ḿbɛn ɛ́sẅíi wʉ́ʉ nɛ́ mɛnu mí ɛ́ sɛ́ ńtɔ́.

Lúkɑ́shi 21:15

Mɔ ŋ́ɡɛnɛ ńzɛɛ ńdɑ́Ꞌ ŋ́ɡɑ́ jínu yi pʉʉ ɡɛ ńdɔk ńtsɔ́Ꞌ nu. Pʉʉ tsɔ́Ꞌ nu tɛ ɡɑŋmbuu pʉ́ʉ pɔɔ zɔŋ, ŋ́kɛ́ ḿbɔɔ kíi ńcú yɛcɔ́ nu pɔ́.

Ɛ́bɛlʉʉ 13:7

Pʉʉ kẅíitɛ pʉɔ pi pɔ́p kɑ piitɛ ńtsɑ wʉ́ʉ nǔu sɛ̂ndúŋ-Sɛ́, pʉɔ pi pɔ́p kɑ sẅíinɛ wʉ́ʉ nɛ́ nu-Sɛ́, ŋ́kẅíitɛ ntɛ́ yi pɔ́p kɑ lɔknɛ ńnɑ́ŋ tɛ ńdɑ́Ꞌ ḿpfú, pʉʉ pɛ́ɛ fʉꞋ nǔu yɔp ntɛ́ nɛzɑ́p tʉ́m nǔu Sɛ́.

Ɛ́bɛlʉʉ 12:3

Pʉʉ zɛɛ ńnɑ́ŋ ŋ́kwɑŋɛ pɔ Yɛ́su, ɡɑŋmɛfɑɑnɛ kɑ pɔ́ ḿbɑɑ wɛ́, ŋ́ɡɑ́ɑnɛ wɛ́, ɑ kɛ́ ɛ́sʉk sʉknɛ. Pʉʉ ɡɛ pɔ́Ꞌɔ ńjí ŋɡɔ tʉ́m yʉ́ʉ kɛ́ pɔ́t pʉʉ kɑ́ɑ pɔ́.

Ɛ́bɛlʉʉ 7:4

Pʉʉ jʉ́ɔ pɑ́Ꞌ Mɛlkisɛdɛk lɔknɛ ḿbɔ́ mɑ́mɑ́ ŋu pɔ́Ꞌɔ, jʉ́ ẅí Ábɛlɛhɑ̂m, mɑ̂ɑŋɡɑpnjẅɛt-Pɑíslɑyɛ̂l, kɑ lɔknɛ yúu ɛ́fú ntsɔ, ŋ́ɡɑp nji nɛɡɛ́m, ŋ́ɡɑ́ tɑ́Ꞌ nji mbɔ̌ wɛ́.

Ɛ́bɛlʉʉ 3:1

Pɔ́Ꞌɔ lɑ, pɔ́ɔpɛ́mɑ́ pɑ́ɑ pʉɔ-Kɛlístɔ, Sɛ́ wi kwɑꞋ jʉ́ kɑ fúŋnɛ wʉ́ʉ nǔu nu yɛ́, mbɑ wɔ̌ lɑ́ tɔ́ nǔu yɛ́ yúu. Pʉʉ sɑ́ŋ nu nǔu ŋu ẅí Yɛ́su jʉ́, ɑ jʉ́ ẅí Sɛ́ kɑ túunɛ ŋɡɔ ɑ pɔ́ wɛkŋɛ nɔŋpɔꞋ wɛ ɡwɛ́ nǔu nu-Sɛ́ ẅi pɛkŋɛ tʉ́ʉnɛ nǔu.

Filipɛ 4:8

Pɔ́ɔpɛ́mɑ́ pɑ́ɑ, nu yi m bɔ́ ńdɔk ńcɔ́kŋɛ ɛ́ ŋɡɔ, kwɑŋɛ yʉ́ʉ ńnɑ́ŋ ńtʉ́ʉ pɔ nǔu mɛnu sʉ́Ꞌnɛ mi pʉɔ tɛ ńzɑ́ɑ ɡʉ̈ɔꞋtɛ́nɛ, ńtʉ́ʉ nǔu nu nɛ́nẅín, nǔu nu yi ɛ́ tʉ́ʉnɛ ndʉ́ŋndʉŋ, nǔu nu kɛ́ lɔ́Ꞌ, nǔu mɛnu mi ɛ́ mɛ́ mɛkuꞋ, nǔu mɛnu mi pɛ́ ɡɛ pʉɔ ɡɑ́ pɑ́Ꞌlɑ́, mɛnu mi ɛ́ cẅɛ́lɛ́nɛ, nǔu mɛnu mi pɛ́ sɛntɛ ŋu nǔu.

1 Kɔlɛ̂ŋtɛ 12:8

Ɛ́ pɔ́Ꞌɔ lɑ Zẅikŋɛ ɡɑ́ pɔ́fɑꞋ wɛcɔ́ ŋu, ɑ pɔ́ ŋ́ɡẅɛɛ shʉ́ nɛlɔk jínu ḿbʉ̈ɔt nu, wɛcɔ́ ɡẅɛɛ shʉ́ nɛpʉ̈ɔt nu nǔu ntɛ́ yi pɛ́ ɡʉ ńjí nu nɛ́nẅín, tɑ́Ꞌ zẅikŋɛ kɛ́nɛ ŋ́ɡɛ.

ŊwɑꞋnɛ-Gɑŋntúu Yɛ́su Kɛlístɔ 7:10

ńcẅɛɛtɛ wɛ́ tsɛt ŋɡʉ̈ɔ́Ꞌ tsʉʉ yi ɛ́ kɑ kúunɛ wɛ́, ḿbɛn ŋ́ɡɑ́ wɛ́ nɛ́ jínu tɛ Fɑlɑhɔ̂ŋ fɔɔ-Pʉɔ-Ɛɡíptɔ, kɔŋ wɛ́, ńdɔk wɛ́ ŋ́ɡɛ ŋútlɑ́Ꞌ túmbʉ́ʉ pɑ́Ꞌ ɑ ɡʉ ńdíŋɛ ŋɡɔŋ-Ɛɡíptɔ tɛ mbɑ mɛnu mi ɛ́ tsɛnntɔ́Ꞌ.

Jɑ̂k 3:15

Yîyɑ́ ntɛ́ jínu kɑ́ pɔ́ ɛ́fú tʉ́nɛ́pú pɔ́. Ɛ́ pɔ́ pɔ yɛ́ ndǔ tsɛ́tsɑ́Ꞌ yɔ, ḿbɔ́ pɔ yɛ́ pʉɔmɛsɔŋ, ɛ́fú mbɔ̌ mɛzẅikŋɛ kɛpɔŋ.

Lúkɑ́shi 9:44

«Pʉʉ tsúŋ ńzúꞋ nu yi ŋ ɡɛ ńcú lɑɑ sʉ́Ꞌnɛ, ḿbɛn ŋ́kẅíitɛ. Pɛ́ sɛ́ ŋ́ɡʉ nɛfɛn mɔ́ɔ-ŋu mbɔ̌ pʉɔmɛ́sɔŋ.»

2 Timɔtɛ́ɛ 2:6

Nzʉ́Ꞌnɑŋ ẅí ɑ ŋ́kíɛnɛ ziꞋnɛ sʉ́Ꞌnɛ, ḿbɔ́ nduŋmbi nɛkwɛ́t yúu mi ɛ́ fúnɛ ŋkɑ́Ꞌ yɛ́.

2 Timɔtɛ́ɛ 2:8

Kẅíitɛ Yɛ́su Kɛlístɔ, pɑ́Ꞌ ɑ kɑ zẅíimɛ́nɛ nǔu nɛvú, ɑ kɑ fú nǔu njẅɛt-fɔɔ Ndɑvît, ɛ́ pɑ́Ꞌ Ŋkʉʉ sʉ́Ꞌnɛ ẅi mɔ sɛ́ ńcẅi ńcúnɛ.