2 Timɔtɛ́ɛ 2:26 - Kɑɑ Fí

²⁶ ḿbɛn ŋ́kwɑŋɛ nu pɑ́Ꞌ ɛ́ sɛ́ ḿbíkŋɛ ŋɡɔ pɔ́p kwɑŋɛ, ŋ́ɡɔ́ɔ ŋ́kɛ́ ɛ́fú tsɛt mɛɡwɑk mi Sɑ́ttɑ kɑ lɔknɛ ŋ́ɡẅɛɛ wɔ́p ńcẅɛt. Mbɔ pɔ́p kɑ pɔ́ tsɛtú ńtsʉ́Ꞌ ḿbɔ́ pɔ ɡɑŋtsɑ́ŋ, ŋ́ɡɛ pɔ yúu mi Sɑ́ttɑ sɛ́ ŋ́kɔŋ.

2 Timɔtɛ́ɛ 2:26 Referans Kwoze

1 Timɔtɛ́ɛ 3:7

Ɛ́ pɛn ḿbɔ́ ḿbíkŋɛ ŋɡɔ ɑ pɔ́ ŋu ẅí pʉɔ pi pɔ́p kɑ́ pɔ́ pʉɔ-Kɛlístɔ pɔ́, pɔ́ kẅíi lík yɛ́ pɔ sʉ́Ꞌnɛ. Pɔ́Ꞌɔ, mɛcɔ́ mɛnu mɛ́ mi ḿbɔ́ pɛ́ kɛm sʉ́ʉ kɔ́ wɛ́ pɔɔ ɡú pɔ́, Sɑ́ttɑ pɔɔ kuꞋ nɛlʉꞋ ŋkʉ tɛ ńdɔk ŋ́ɡẅɛɛ wɛ́ pɔ́.

Ɛ́fɛ̂zɛ 5:14

Ɛ́ zɛɛ mbɔɔ pɔ́ pɔ ndɑꞋ pɔ́Ꞌɔ pɔ́, yúu piitɛ tɛ ńcẅɛt zʉꞋ fúknɛ, ŋ́kúpmɛ, ńtsʉ́Ꞌ ŋ́kyɛꞋ pɔ zʉꞋ. Ɛ́ pɔ́Ꞌɔ lɑ́ pɛ́ cú ŋɡɔ: Gu ẅí ɔ sɛ́ ńdɛ́, jʉɔmɛ, fú tsɛtsɛt pɛpfú ńdɔ sɛ́, Pɔ́Ꞌɔ, Kɛlístɔ níꞋ kyɛꞌ yɛ́ nǔu ɡu.

Mɛnu ɛ́ ńdɑ́Ꞌ ńcẅɛt 12:9

Pɛ́ tsʉ́ʉ wɛ́ pɔ́p pɛcʉ̈ɔ́ pɛ́, ḿbʉɔt ndǔ tsɛ́tsɑ́Ꞌ. A jʉ́ ḿbɔ́ nɔ́ wɑ́ ẅi ɑ kɑ fúnɛ ŋkɑ́ mbi lɑ́, pɛ́ fúŋ wɛ́ ŋɡɔ ndɛɛbɛlɛ, ḿbɛn ɛ́fúŋ wɛ́ ŋɡɔ Sɑ́ttɑ, ɑ jʉ́ ẅi ɑ fúklɛ́nɛ pʉɔmɛsɔŋ tsʉʉ ndǔ tsɛ́tsɑ́Ꞌ.

1 Timɔtɛ́ɛ 1:20

Ɛ́ tsɛtsɛt pîpɑ́ pʉɔ, Himɛnɛ̂ pɔ́p Lɑksɑ́ndɑ pɔ́ zúꞋu. Ŋ kɑ níꞋ pɔnɛ pʉɔ pɛ́pɑ́ nǔu mbɔ́-Sɑ́ttɑ. Nɛpɔ́ yi pɔ́p ɡʉ ŋ́kúu mbɔ̌ wɛ́, ńzíꞋ pɑ́Ꞌ pɔ́p kɛ́ pɛn ńjúk ḿbɔ́ ḿbʉ́ʉpɛ lík-Sɛ́ pɔ́.

Kɔlɔsíyɛ̂ŋ 1:13

A kɑ sɑꞋ wɛkŋɛ mbɔ̌ mɛtʉʉ-nzɛnzʉ́ʉ, ńcɑklɛ wɛkŋɛ ńníꞋ tsɛt nu-nɛfɔɔ-Mɔ́ɔ nɛ, ɑ kɔŋ Mɔ́ɔ nɛ ɛ̂wɑ́ tɛꞋ.

1 Kɔlɛ̂ŋtɛ 15:34

Pʉʉ ɡẅɛɛ mbʉʉ yʉ́ʉ nǔu ntɛ́ yi ɛ́ ḿbɔŋ Sɛ́, kɔɔ pʉʉ pɛn ŋ́ɡɛ mɛnu kɛpɔŋ. N cú mbíꞋŋɡɔ mɔ sɛ́ ńjʉ́ɔ pɛcɔ́ pʉɔ pɔ́ tsɛtsɛt pʉʉ ḿbɔɔ Sɛ́ jí, n cú pɑ́Ꞌɑ ńtsɑ́ɑ ŋɡɔ sʉ́ʉ kɔ́ wʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 26:18

N túu wú pɔ́Ꞌɔ, ɔ ɡʉ níɛꞋ mík mɔ́p, ŋ́ɡɛ pɔ́p fú tsɛt nzɛ́nzʉ́ʉ ńcẅɛt, ŋ́kúu nǔu zʉꞋ yi ɛ́ sɛ́ fúk. Ɛ́ lɔk ḿbɔ́ ŋɡɔ ɔ ɡʉ ŋ́ɡɛ ŋ́ɡɛ pɔ́p fú nǔu mbɔ́-Sɑ́ttɑ ńcẅɛt, ḿbɛn nǔu mbɔ́-Sɛ́, ńzɑ́p tʉ́m yɔ́p nǔu mɔ, Sɛ́ likŋɛ mɛnu kɛpɔŋ mɔ́p ŋ́ɡɑ́ mbɔ̌ pɔ́p, ḿbɛn ŋ́ɡɑ́ yɔ́p zʉꞋ tsɛtsɛt pʉɔ pɛ́.»

ŊwɑꞋnɛ-Gɑŋntúu Yɛ́su Kɛlístɔ 5:3

Pyɛ̂ píkŋɛ wɛ́ ŋɡɔ: «Anɑníyɑs, mɛlɑ́Ꞌ kʉ̈ɔ́ ɔ pɛ́m Sɑ́ttɑ jʉ́ wú tɛ ɔ fu Zẅikŋɛ-Sɛ́? Mɛlɑ́Ꞌ kʉ̈ɔ́ ɔ fɛn ŋkɑ́Ꞌ wú, ŋ́ɡẅɛɛ yɛcɔ́ ɡúŋ-ŋkɑ́p?

Jɑ̂ŋ 13:27

Jẅidɑ pɔ́ tɛ ńcẅɛ́ɛ, Sɑ́ttɑ kúu tsɛt tʉ́m yɛ́. Yɛ́su ɡɔ́ɔ ŋ́kɛ́ ńcú mbɔ̌ wɛ́ ŋɡɔ: «ɛ́fɛ́Ꞌnɛ ŋ́ɡwɛtnɛ ŋ́ɡɛ yúu mi ɔ ɡẅɛɛnɛ nɛɡɛ.»

Jɑ̂ŋ 13:2

Ntsuŋkẅɛ́Ꞌ ɡɛ ḿbɔ́, pɔ́p pɛ́ pɔ́p nɑ́ŋ sɛ́ nɛjʉ́ yúu. Ɛ́ ɡɔ́ ḿbɔ́, mbɔ Sɑ́ttɑ lɑ́Ꞌ mɔ ńníꞋ kwɑŋɛ nɛfɛn Yɛ́su tsɛt tʉ́m Júdɑs Iskɑlyɔt, mɔ́ɔ-Símɔ.

Lúkɑ́shi 15:17

A nɑ́ŋ tɛ ŋ́kwɑŋɛ tʉ́m yɛ́ ŋɡɔ: «GɑŋfɑꞋ-Tɑ̌ɑ mɔ njɛ́Ꞌ pɛk ńjʉ́ yúu tɛ ḿmɛꞋ yɛcɔ́, m bɔ́ zɑꞋnɛ ḿpfú njí lɑɑnɛ!

Lúkɑ́shi 11:21

Pʉʉ sɛ́ ńjí yʉ́ʉ ŋɡɔ ŋu lɑɑ ŋ́ɡẅɛɛ yúu ntsɔ, ḿbɛn ŋ́ɡẅɛɛ mɛtʉʉ nɛlɔk ḿbyɛ́p njɛ́Ꞌ yɛ, mbɔ ɛ́ lɑɑ ḿbɔ́ yúu yɛ́ pɔɔ pɛ́.

2 Kɔlɛ̂ŋtɛ 2:11

ńjí ŋɡɔ pɛkŋɛ kɛ́ nɑ́ Sɑ́ttɑ ɑ lɛɛ wɛkŋɛ pɔ́, mbíꞋŋɡɔ pɛkŋɛ kɑ́ pɔ́ ḿmuŋɛ yúu mi ɑ nzʉʉ pɛkŋɛ ńdɔɔ pɔ́.

Lúkɑ́shi 5:10

Tɛ mbɑ Jɑ̂ŋ pɔ́p Jɑ̂k, pɔ́ɔ-Zɛbɛdɛ, pɛsúu-Simɔ̂ŋ, pɛn ŋ́ɡɔ́ɔ ḿbɔ́k yɔ́p tɛꞋ. Lɑ́ Yɛ́su cú mbɔ̌ Simɔ̂ŋ ŋɡɔ: «Kɔɔ pɔ́k tɛꞋ, tɛ ɛ́fú lɔ́Ꞌnɛ, ɔ ɡʉ ńnɑ́ nɛɡẅɛɛ mɛshú ńtsʉ́ꞌ ńcúꞋlɛ pɔ pʉɔmɛsɔŋ.