2 Timɔtɛ́ɛ 2:25 - Kɑɑ Fí

²⁵ A ɡẅɛɛ nɛlɔk mbɔ́tnɛ ńdɛꞋlɛ yúu mbɔ̌ pʉɔ pi ɑ cúnɛ nu pɔ́p kúp pɔ shʉ́-nu yîyɑ́. Líkcɔ́ Sɛ́ ɡʉ ŋ́ɡɑ́ shʉ́ mbɔ̌ pîpɑ́ pʉɔ pɔ́p kúpmɛ yɔp ntɛ́ nɛsɑ́ŋ nu, ɛ́fú pɔ́Ꞌɔ, ńjí nu yi ɛ́ nɛ́nẅín,

2 Timɔtɛ́ɛ 2:25 Referans Kwoze

Ŋɡɑlɑ̂t 6:1

Pɔ́ɔpɛ́mɑ́, pʉʉ lɑɑ ŋ́kɛm ŋu ɑ pɔ́ ɛ́fɑɑnɛ nu, pʉʉ lɔk pɑ́Ꞌ pʉʉ sɛ́ ńzúꞋ mbɔ̌ Zẅikŋɛ-Sɛ́ lɑ ŋ́ɡɛ ŋɡɑŋ pɛn nǔu sɛ̂ndúŋ ẅí ɛ́ ndʉ́ŋndʉŋ. Lɑ́ ńtsʉ́Ꞌ nɛɡɛ ńdɔk pɔ mbɔ́tnɛ. Mbɑ wɔ̌ lɑ́ nǔu pʉʉ pɛn ḿbɑ́ɑ tú yɛ́ ḿbɔ́k pɑ́Ꞌ ɑ ɡʉ ḿvu yɛ́ tsɛt ŋkwɑꞋnɛ.

ŊwɑꞋnɛ-Gɑŋntúu Yɛ́su Kɛlístɔ 11:18

Pɑpɛm Yɛ́su pi pɔ́p Pɑyúdɑ zúꞋ mɛnu mɔnɛ, ḿbɔ́tnɛ ńnɑ́ŋ, ḿbɛn ḿbɔ́ ŋ́ɡɑ́ pɑꞋlɑ́ mbɔ̌ Sɛ́ ńcú ŋɡɔ: «Ɛ́ pʉ̈ɔ́lɑ́ yi Sɛ́ kɑ ɡɑ́ shʉ́ mbɑ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, nɛkúpmɛ mɑt, ɑ ɡɛ pɔ́p ɡẅɛɛ luk kɛ́mɛ.»

1 Timɔtɛ́ɛ 2:4

Jʉ́ ẅí ɑ sɛ́ ŋ́kɔŋ ŋɡɔ pʉɔmɛsɔŋ tsʉʉ luk, ḿbɛn ńjí nu nɛ́nẅín.

1 Pyɛ̂ 3:15

Tɛ ńtsʉ́Ꞌ pɔ́Ꞌɔ, pʉʉ pɔ́ tsɛt tʉ́m pʉʉ, ḿbɔ́ ŋ́ɡɑ́ pɔ mɛkuꞋ-Kɛlístɔ ŋɡɔ jʉ́ pɔ́nɛ Ndɛ wʉʉ. Pʉʉ pɔ́ ŋkɑ́ tsʉʉ ńtʉ́ʉ pɔ pɑ́Ꞌ ŋu lɑɑ píkŋɛ wʉ́ʉ ŋɡɔ mɛlɑ́Ꞌ kʉ̈ɔ́ pʉʉ tík kwɑŋɛ yʉ́ʉ nǔu Kɛlístɔ ɔɔ, pʉʉ kyɛ́Ꞌtɛ ɛ́sẅíi ŋɡɑŋ.

1 Jɑ̂ŋ 5:16

Ŋu lɑɑ ńjʉ́ɔ mɔ́ɔmɑ́ wɛ pɔ́ ŋ́ɡɛ nu kɛpɔŋ, ɛ́ kɛ́ mbɔɔ nu kɛpɔŋ yi ŋɡɑŋ ɡʉ ɛ́fú nǔu ḿpfú pfúnɛ pɔ́, ɑ ḿbúꞋ mbɔ́ mbɔ̌ Sɛ́ nǔu tú-ŋɡɑŋ, mbɔ Sɛ́ ɡʉ ŋ́ɡɛ ŋɡɑŋ luk, pɑ́Ꞌ ɛ́ lɑɑ ńtsuŋ ḿbɔ́ nu kɛpɔŋ yi ɑ kɛ́ fú nǔu ḿpfú pfúnɛ pɔ́. Lɑ́, yɛcɔ́ nu kɛpɔŋ ɡú yi ŋu ɡɛnɛ, ɛ́fú nǔu ḿpfú pfúnɛ, ŋ kɑ́ pɔ́ ńcú ŋɡɔ pɛ́ cɛꞋlɛ Sɛ́ nǔu yîyɑ́ ntɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 8:22

Kɛ́ ŋ́kúpmɛ kwɑŋɛ kɛpɔŋ yi ɛ́ tʉ́m yú lɑ́, ńcɛꞋlɛ Tsɑpʉɔ kɛ mbɔ ɑ likŋɛ, ŋ́ɡɑ́ mbɔ̌ wu nǔu pɑ́Ꞌ ɔ zɛɛnɛ ŋ́kwɑŋɛ pɑ́Ꞌɑ lɑ́.

2 Timɔtɛ́ɛ 3:7

Ŋkɑ́ yi pɛ́ zíꞋnɛ yîyɑ́ ntɛ́ pɑŋɡɛ́ nɛ́ nu, pɔ́p zẅíꞋlɛ zẅíꞋlɛ́nɛ lɑ́ ŋ́kɛ́ mbɔɔ kuꞋ nɛjí nu nɛ́nẅín pɔ́.

Mɑtʉ̈ɔ 11:29

Pʉʉ tíi mbɑɑndyɔŋ-piꞋ yɑ́ɑ ńzɑ́p mbʉ̈ɔꞋ pʉʉ, ḿbɛn ḿbɛ́m ŋɡɔ n zíꞋ wʉ́ʉ pɑ́Ꞌ pʉʉ ɡʉ ŋ́ɡɛ, mbíꞌŋɡɔ m bɔ́tnɛ, tʉ́m yɑ́ɑ pɛn ŋ́kɛ́ mbɔɔ cʉ́ɔk. Ŋ ɡʉ ŋ́ɡɑ́ zʉꞋ yí pʉʉ ɡʉ fíitɛ tʉ́m yʉ́ʉ zúꞋu.

Jɑ̂k 1:17

Yúu mi ɛ́ pɔŋnɛ tɛꞋ, mbɑ tsɔ́ꞋfɑꞋ sʉ́Ꞌnɛ fú pɔ tʉ́nɛ́pú, mbɔ̌ Sɛ́ ẅi ɑ kɑ niitɛ́nɛ mɔ́nɛm pɔ́p pɛcʉ̈ɔ́Ꞌ-sɑŋ nɛfɑŋ. A kɑ́ kúpmɛ, ŋ́kɛ́ mbɔɔ nzɛ́nzʉ́ʉ ɡẅɛɛ.

Tîtɛ 1:1

Yɔ ŋwɑꞋnɛ fú mbɔ̌ mɔ Pɔ̂l, ɛ fɑꞋ fɑꞋ-Sɛ́, ḿbɛn ḿbɔ́ ŋɡɑŋntúu-Yɛ́su Kɛlístɔ. Sɛ́ kɑ zɑ́p wɑ́ɑ nɛɡɛ ŋɡɔ pʉɔ pi ɑ kɑ tsɔ́Ꞌnɛ zɑ́p tʉ́m nǔu wɛ́. Ḿbɛn ńjí nu nɛ́nẅín yi pɔ́p ńdɛɛtɛ nǔu ńnɑ́ŋ pɑ́Ꞌ ɛ́ pɔŋnɛ Sɛ́.

ŊwɑꞋnɛ-Gɑŋntúu Yɛ́su Kɛlístɔ 20:21

Ńdɔk pɔ́Ꞌɔ, ɛ́fúŋ pɑyúdɑ, mbɑ pʉɔ pinɛ pɔ́p kɑ́ pɔ́ pɑyúdɑ pɔ́, ŋɡɔ pɔ́p shɔtnɛ ńcʉ́ɔ nzʉʉ Sɛ́, ńzɑ́p tʉ́m nǔu Tsɑpʉɔ wɛkŋɛ Yɛ́su.

ŊwɑꞋnɛ-Gɑŋntúu Yɛ́su Kɛlístɔ 5:31

Sɛ́ kɑ ɡɛ ɑ kɔ́Ꞌ nɛ́ tʉ́nɛpú, ɑ tsẅíkŋɛ wɛ́ nǔu ɡúŋ-pɔ́ yɛ́ yi tʉʉ, pɔ́Ꞌɔ, ńdɔk wɛ́ ŋ́ɡɛ fɔɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ. Sɛ́ kɑ ɡɛ pɔ́Ꞌɔ, nɛpɔ́ yi pʉɔ-Íslɑyɛ̂l ɡʉ kúpmɛ mɑt wɔp, ɑ likŋɛ mɛnu kɛpɔŋ mɔ́p.

ŊwɑꞋnɛ-Gɑŋntúu Yɛ́su Kɛlístɔ 2:38

Pyɛ̂ pʉ̈ɔt mbɔ̌ pɔ́p ŋɡɔ: «Pʉʉ kúpmɛ mɑt. Wɛ́t ŋu lɑ́ nǔu pʉʉ pɛ́m pɛ́ nuꞋ wɛ́ ŋki nǔu lík-Yɛ́su Kɛlístɔ. Nɛpɔ́ yi Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́. Sɛ́ ɡɔ́ɔ ŋ́kɛ́ ŋ́ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ.

Jɑ̂ŋ 5:34

Ɛ́ ɡʉ nǔu mɔ, mbɔ ŋ kɑ́ pɔ́ ńtsɑ́ɑ ŋɡɔ ŋumɛsɔŋ cúnɛ nu yí ɑ jínɛ nǔu mɔ pɔ́. Lɑ́, n cú yɔ nu nɛpɔ́ yi pʉʉ ɡʉ ńdɛɛ nǔu ńduk.

Mɑ́lɛ́kúshi 1:15

«Ŋkɑ́ pɑ́Ꞌnɛ mbɔ ɛ́ kuꞋ tɛ Sɛ́ ɡʉ ńzɛ nɛnyɛt nɛfɔɔ nɛ́. Pʉʉ kúpmɛ mɑt wʉʉ, ḿbɛn ḿbɛ́m Ŋkʉʉ Sʉ́Ꞌnɛ ɛ̂wɑ́.»

Tîtɛ 3:2

Cú mbɔ̌ pɔ́p ŋɡɔ kɔɔ pɔ́p cú nu kɛpɔŋ mbɔ̌ ŋu, ŋɡɔ pɔ́p pɑ́ɑ mɛfɛꞋ, ḿbɔ́ pʉɔ mbɔ́tnɛ pɔ́tnɛ́nɛ, ńnɑ́ŋ ŋ́ɡɑ́ mɛkuꞋ mbɑ wɔ̌ lɑ́.

1 Timɔtɛ́ɛ 6:11

Ɛ́ kɛ́ ŋ́ɡʉ nǔu ɡu ẅí ɔ ŋu-Sɛ́, pɔ́ ŋ́kʉɔ mîmɑ́ mɛnu kɛpɔŋ, ḿbɔ́ ɛ́sɑ́Ꞌ tʉʉ ŋ́ɡɛ pɔ mɛnu mi ɛ́ tʉ́ʉnɛ ndʉ́ŋndʉŋ, ḿbɛn ḿbɔ́ yúu mi ɛ́ pɔŋnɛ Sɛ́, ḿbɔ́ ńzɑ́p tʉ́m yú pɔ nǔu wɛ́, ḿbɔ́ ŋ́kɔŋ ŋumɛsɔŋ, ḿbɔ́ ńtɛntɛ tɛntɛnɛ nzʉʉ Sɛ́, ńtʉ́ʉ nǔu yɛ́tɛ́ nu ɔɔ, ḿbɔ́tnɛ pɔ́tnɛ́nɛ.

ŊwɑꞋnɛ-Gɑŋntúu Yɛ́su Kɛlístɔ 5:21

Pɔ́p zúꞋ ntsu wɛ́. Njí kiɛ, pɔ́p mʉ́ʉ ŋ́ɡʉ ZʉꞋ-nɔŋpɔꞋ, ńzɛ nɛzíꞋ nu-Sɛ́ mbɔ̌ lɑ́Ꞌ. Ŋ́ɡɔ́ ḿbɔ́ mbɔ tɑ́tndɑ́-pɑnɔŋpɔꞋ pɔ́p Pɑsɑdukɑy nɑ́ŋ tɛ ńcúꞋlɛ pɑsɑ́Ꞌlɑ́Ꞌ-Íslɑyɛ̂l nǔu nu nɛzɑ́Ꞌ ntsɑŋ. Pɔ́p pɛpɔ́p túu ɡɑŋfɑꞋ ŋɡɔ pɔ́p ɡʉ ndɑ́tsɑ́ŋ ńdɔɔ ɡɑŋntúu-Yɛ́su ńdɔk wɔ́p ńtɔ́.

Mɑtʉ̈ɔ 21:32

ɛ́ lɔk ḿbɔ́ ŋɡɔ Jɑ̂ŋ kɑ tɔ́ ńnyɛt wʉ́ʉ nɛ́ sɛ̂ndúŋ ẅi Sɛ́ sɛ́ ŋ́kɔŋ ŋɡɔ pʉʉ nɛn nǔu, pʉʉ lʉꞋ lʉꞋnɛ nu yí ɑ cúnɛ. Lɑ́ Pɑcẅɛ́ɛ ntsup mbɑ ɡɑŋɡɑ́ɑ pɑŋɡɛ́ kɛ́ ḿbɛ́m yɔ́p, pʉʉ pɛn ŋ́kɛ́ mbɔɔ jʉ́ɔ pɔ́Ꞌɔ, ŋ́kúp mɑt wʉʉ, ḿbɛ́m yʉ́ʉ pɔ́.