2 Timɔtɛ́ɛ 2:11 - Kɑɑ Fí

¹¹ Mɛnu mi mɔ ńcú lɑɑ ɛ́ zúꞋu ḿbɔ́ pɔ́Ꞌɔ: «Ɛ́ lɑɑ ḿbɔ́ yi pɛkŋɛ pɛ Kɛlístɔ kɑ tɛmtɛ ḿpfú, mbɔ pɛkŋɛ pɛpɔ́p ŋ́ɡɛ ńtɛmtɛ ḿbɔ́ ɡú.

2 Timɔtɛ́ɛ 2:11 Referans Kwoze

Pʉɔ-Lɔ́mɑ 6:8

Pɑ́Ꞌ pɛkŋɛ pɛ Kɛlístɔ kɑ tɛmtɛ́nɛ ḿpfú lɑ́, ɛ́ lɔk ḿbɔ́ ŋɡɔ pɛkŋɛ pɛpɔ́p ɡʉ ŋ́ɡɛ ńtɛmtɛ ḿbɔ́ ɡú.

1 Timɔtɛ́ɛ 1:15

Yɛ́su Kɛlístɔ kɑ tɔ́ ndǔmbí nɛɡɛ pʉɔ kɛpɔŋ luk, yîyɑ́ nu ɛ́ zúꞋu ḿbɔ́ pɔ́Ꞌɔ, ɛ́ lɑɑ ḿbɔ́ ŋu zɑ́p tʉ́m yɛ́ nǔu tsʉʉ tsʉʉ. M bɛn ḿbɔ́ tsɛtsɛt pʉɔ kɛpɔŋ ḿbɔ́ ndúu.

Pʉɔ-Lɔ́mɑ 6:5

Ɛ́ zɛɛ ḿbɔ́ pɑ́Ꞌɑ, mbɔ pɛkŋɛ kɑ pfú nɛvú ẅí ɛ́ fí wɛ, ńdɔk pɔ́Ꞌɔ, pɛkŋɛ pɛpɔ́p puutɛ nǔu tɑ́Ꞌ nu ɛ́ pɛn ḿbɔ́ pɔ pɑ́Ꞌ pɛkŋɛ pɛpɔ́p ɡʉ ŋ́ɡɛ ḿbɛn ḿbuutɛ nǔu nɛzẅíimɛ nǔu nɛvú.

2 Kɔlɛ̂ŋtɛ 4:10

Pɛk pɔ́ ŋkɑ́ tsʉʉ, ḿbɔ́ ḿbɛ́m ŋɡɔ pɛk ɡʉ ḿpfú ntɛ́ nɛvú ni Yɛ́su kɑ pfúnɛ. Pɔ́Ꞌɔ, nɛpɔ́ yi pɛ́ ɡʉ ńjʉ́ɔ ŋɡɔ luk-Yɛ́su ɛ́ yɛ́ sɔŋ mbʉʉ pɛk.

Jɑ̂ŋ 14:19

Ɛ́ tsʉꞋ pɔ mɔ́zʉꞋ, pʉɔ-ndǔmbí pɔɔ pɛn ńjʉ́ɔ wɑ́ɑ pɔ́, lɑ́ ŋ́ɡʉ nǔu pʉʉ, pʉʉ pɔ́ ńjʉ́ɔ wɑ́ɑ jʉ́ɔnɛ, mbíꞋŋɡɔ mɔ pɔ ntʉʉ. Pʉʉ ɡʉ ḿbɛn ḿbɔ́ yʉ́ʉ ntʉʉ.

Tîtɛ 3:8

Mɛnu mɔnɛ mi ɛ fúnɛ nɛcú lɑɑ zúꞋu ḿbɔ́ pɔ́Ꞌɔ. M bɛn ḿbɔ́ ŋ́kɔŋ ŋɡɔ ɔ tsuŋ ɛ́sẅíi wɔ́p sʉ́Ꞌnɛ, ńjí ŋɡɔ pʉɔ tsʉʉ pi pɔ́p zɑ́pnɛ tʉ́m yɔ́p nǔu Sɛ́ ɡʉ ɛ́sɑ́Ꞌ tʉʉ nɛɡɛ mɛfɑꞋ sʉ́Ꞌnɛ, ɛ́ pɔ́ pɔ́Ꞌɔ, yúu mi ɔ zíꞋnɛ pɔŋ ḿbɛn ḿbɔ́ yúu mi ɛ́ ńcẅɛ́lɛ́ pʉɔmɛsɔŋ.

1 Tɛsɑlɔník 5:10

A kɑ pfú nǔu tú yɛ́kŋɛ, nɛpɔ́ yi pɛkŋɛ lɑɑ ńzɛɛ ḿpfú mbɑ pfúnɛ, kɛ ḿbɛ́t pɔ ntʉʉ ɔɔ, mbɔ pɛkŋɛ pɛ́pɔ́p zɛɛnɛ ḿbɔ́.

1 Tɛsɑlɔník 4:17

Pɛkŋɛ pi pɛkŋɛ ɡʉ ńdɑ́Ꞌ ḿbɛ́t ntʉʉ, Sɛ́ pɑ́ɑtɛ ńtíi wɔ́p pɛpɔ́p nǔu mɛlɑ́ɑ, pɔ́p pɛpɔ́p pɛ́tsʉʉ ɡʉ ŋ́kẅɛ́ɛtɛ Tsɑpʉɔ wɛkŋɛ tʉ́. Pɛkŋɛ pɛ Tsɑpʉɔ lɑ́Ꞌnɛ ńtsʉ́Ꞌ ḿbɔ́.

2 Kɔlɛ̂ŋtɛ 13:4

Ɛ́ nɛ́nẅín ŋɡɔ ɑ kɑ pɔ́ yɛcɔ́ ŋkɑ́, ḿbɔ́t pɑ́Ꞌ ŋumɛsɔŋ, pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ. Lɑ́ ɑ kɛ́ ḿbɔ́ ŋkɔ̂ɔnɛ ḿbɔ́ ntʉʉ, ɛ́ pɔ́ mɛtʉʉ-Sɛ́. Pɛk yɛ́k, pɛk fú nǔu pɑ́Ꞌ pɛk lɑtnɛ mbʉʉ nǔu wɛ́, ḿbɔ́t pɑ́Ꞌ ɑ kɑ pɔ́nɛ. Lɑ́ ŋ́kɛ́ ŋ́ɡɛ ńdɔk yɛk ntɛ́ nɛɡẅɛɛ wʉ́ʉ, ńnyɛt wʉ́ʉ ŋɡɔ pɛkŋɛ pɛ́ Kɛlístɔ ntʉʉ, ɛ́ pɔ́ mɛtʉʉ-Sɛ́.

1 Timɔtɛ́ɛ 3:1

Nu yi ŋ ɡʉ ńcú ɛ́ nɛ́nẅín. Ŋu lɑɑ ḿbɔ́ ńtsɑ́ɑ nɛpɔ́ ńdíŋɛ cúꞋlɛ-pʉɔ-Kɛlístɔ, mbɔ ɑ tsɑ́ɑ fɑꞋ yi ɛ́ ɡẅɛɛnɛ mɛkuꞋ.