2 Timɔtɛ́ɛ 1:7 - Kɑɑ Fí

⁷ N cú mbíꞋŋɡɔ Zẅikŋɛ yi Sɛ́ kɑ zɛɛ ŋ́ɡɑ́ mbɔ̌ pɛkŋɛ, ɛ́ kɑ́ pɔ́ yi ɛ́ ŋ́ɡɛ pɛkŋɛ pɔ́k pɔ́knɛ pɔ́. Tɛ ńtsʉ́Ꞌ pɔ́Ꞌɔ, mbɔ Zẅikŋɛ ɛ̂yɑ́ níꞋ mɛtʉʉ nǔu pɛkŋɛ, ŋ́ɡɛ pɛkŋɛ kɔŋ pʉɔmɛsɔŋ, ḿbɛn ŋ́kúꞋlɛ mbʉʉ yɛkŋɛ.

2 Timɔtɛ́ɛ 1:7 Referans Kwoze

Pʉɔ-Lɔ́mɑ 8:15

Zẅikŋɛ yi pɛ́ kɑ níꞋnɛ nǔu pʉʉ, zɛɛ mbɔɔ Zẅikŋɛ yi ɛ́ ɡʉ ŋ́ɡɛ pʉʉ pɛn ḿbɔ́ pɔ pɛkwɑɑ pi pɔ́p ŋ́ɡɛ ḿbɔ́ ńcʉ̈ɔꞋ cʉɔꞋnɛ pɔ́. Ɛ́ pɔ́ pɔ Zẅikŋɛ yi ɛ́ ŋ́ɡɛ ŋ́ɡɛ pʉʉ tsʉ́Ꞌ pɔ́ɔ-Sɛ́. Pɛkŋɛ pɛn ńdúꞋnɛ yîyɑ́ Zẅikŋɛ, ɛ́fúŋ wɛ́ ŋɡɔ Ábɑ; ɛ́ pɔ́ ŋɡɔ Tɑ̌ɑ.

1 Jɑ̂ŋ 4:18

Ŋkɔŋɛ piitɛ tɛ ḿbɔ́ sɛ́, cʉɔꞌ mɛ. Ŋkɔŋɛ lɑɑ ḿbɔ́ tɛ yɛcɔ́ yúu pɔɔ jɑ́k nǔu pɔ́, ɛ́ pík cʉɔꞌ, ŋu ɡɔ́ ńcʉ̈ɔꞋ, mbɔ ɑ fɑɑnɛ nu lɑ ḿbɔ́ ḿbɔ́k. Pɔ́Ꞌɔ lɑ́, ŋu lɑɑ ńcʉ̈ɔꞋ, mbɔ ɛ́ lɔk ḿbɔ́ ŋɡɔ yúu pɛ́t ńjɑ́k nǔu ŋkɔŋɛ yi ɑ ɡẅɛɛnɛ.

Ŋɡɑlɑ̂t 5:22

Lɑ́, mɛnu sʉ́Ꞌnɛ mi Zẅikŋɛ Lɛ́ɛnɛ́nɛ ɡɛnɛ ŋu ɡɛ ɛ́ mɔnɛ: Ḿbɔ́ nɛɡẅɛɛ ŋkɔŋɛ, ḿbɔ́ nɛnɑ́ŋ nɛ́ tsɑ́ɑtɛ, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛɡẅɛɛ kɔkmbʉʉ, ḿbɔ́ nɛtʉ́ʉ nɛcẅɛ́lɛ pʉɔ, ḿbɔ́ nɛɡẅɛɛ pɔŋtʉ́m, ḿbɔ́ nɛnɑ́ŋ kɛ́ pɔ́ ŋɡɑŋ mɛfúklɛ,

Jɑ̂ŋ 14:27

«Kɔɔ pʉʉ tsʉꞋ nzʉʉ tʉ́m yʉ́ʉ pɛn ḿvukŋɛ, kɔɔ pʉʉ cʉɔꞌ. Ŋ ɡʉ ńníꞋ mbɔ́tnɛ tsɛt tʉ́m yʉ́ʉ, ɛ́ pɔ́ mbɔ́tnɛ yi ɛ́ fúnɛ nǔu mɔ, ɛ́ kɑ́ pɔ́ yi pɛ́ lɔɔnɛ ndǔ yɔ mbí pɔ́.»

Lúkɑ́shi 10:19

Pʉʉ zúꞋ, ŋ kɑ ɡɔ́ ńtúu wʉ́ʉ pɑ́Ꞌɑ, ŋ́ɡɑ́ wʉ́ʉ nɛ́ mɛtʉʉ nɛlɔk ńnʉŋtɛ mɛnɔ́ pɔ́p pɛmɑ́ŋɡɑ́ɑsɛ́, ḿbɛn ŋ́ɡɑ́ wʉ́ʉ nɛ́ mɛtʉʉ nɛlɔk ńtsɑ sɑ́ttɑ ŋɡɑŋmbuu, mbɑ yɛcɔ́ yúu pɔɔ wʉ́ʉ ɡɛ.

ŊwɑꞋnɛ-Gɑŋntúu Yɛ́su Kɛlístɔ 1:8

Pʉʉ ńjí pɔ ndɑꞋ ŋɡɔ Zẅikŋɛ-Sɛ́ ɡʉ ŋ́ɡɛ ńtɔ́ nǔu pʉʉ, ŋ́ɡɑ́ wʉ́ʉ nɛ́ mɛtʉʉ. Pʉʉ lɔk ŋ́kuꞋ nɛsẅíŋɛ mbɑ kʉ̈ɔ́ lɑ́ yi pʉʉ jínɛ nǔu mɔ! Ńzɛ Yɛlúsɑlɛm ɛ́sẅíi sẅíinɛ ḿmɛk Judɛ̂. Ḿbɛn ɛ́fú Sɑmɑlîi, ɛ́sẅíi sẅíinɛ ŋ́kúu zʉꞋ yi tsɛ́tsɑ́Ꞌ lẅiklɛ́nɛ zúꞋu.»

Pʉɔ-Lɔ́mɑ 5:5

Pɛkŋɛ kɛ́ ḿbɔɔ ńzẅíꞋlɛ pɔ́Ꞌɔ pɔ zʉꞋ níinɛ pɔ́, mbíꞋŋɡɔ Sɛ́ ɛ́fú nǔu Zẅikŋɛ yɛ́ yi ɑ kɑ ɡɑ́nɛ mbɔ̌ pɛkŋɛ, ńnyɛt wɛkŋɛ pɑ́ꞋtɛꞋ ŋɡɔ ɑ kɔŋ wɛkŋɛ.

Ɛ́bɛlʉʉ 2:15

A kɑ ńtɑ́ɑ ḿpfú, nɛlɔk pɔ́Ꞌɔ, ɛ́fú tsɛt ndɑ́-ŋkwɑɑ, ńcẅɛɛtɛ pʉɔ tsʉʉ pi tɛ fúnɛ pɑ́Ꞌ pɛ́ kɑ pínɛ wɔ́p, pɔ́p ńjúk ḿbɔ́k nɛpfú tɛ mbɔ pɔ́p kɑ tsʉ́Ꞌmɔ́ ḿbɔ́ mbɔ̌ nɛvú ḿbɔ́ pɔ pɛkwɑɑ pɛ́.

ŊwɑꞋnɛ-Gɑŋntúu Yɛ́su Kɛlístɔ 20:24

Lɑ́ ɛ́ ɡʉ nǔu mɔ, mbɔ wɑɑ nɛpɔ́ kɑ́ síi ḿbɔ́ pɔ yúu tʉʉndɛn mbɔ̌ mɔ pɔ́. Yúu mi mɔ sɛ́ ńtsɑ́ɑ, ɛ́ pɔ́ pɔ ŋɡɔ, ɛ fɑꞋ fɑꞋ yi pɛ́ ɡɑ́nɛ mbɔ̌ mɔ tɛ ḿmɛk. Ɛ́ pɔ́ nɛɡɛ ŋ́ɡɛ mbɑ kʉ̈ɔ́ lɑ́ yi Tsɑpʉɔ Yɛ́su kɑ cúnɛ ŋɡɔ ŋ ɡɛ. N cú nɛɡʉ ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ pʉɔmɛsɔŋ nɛlɔk ɛ́sẅíi wɔ́p pɑ́Ꞌ Sɛ́ fú nǔu Yɛ́su ŋ́ɡɑ́ fuꞋ níinɛ mbɔ̌ pʉɔ pɔ́Ꞌɔ.»

1 Kɔlɛ̂ŋtɛ 2:4

Sẅiŋɛ yi ɛ́ kɑ pɔ́ ńcẅɛt ntsu mɔ, mbɑ nu-Kɛlístɔ yi ŋ kɑ pɔ́ ɛ́sɑ́Ꞌ mbɔ̌ pʉʉ, kɑ́ pɔ́ ńnyɛt jínu-ŋumɛsɔŋ yi pɛ́ lɔknɛ ŋ́ɡɛ ŋu pɛ́m nu pɔ́. Mɛtʉʉ-Zẅikŋɛ-Sɛ́ kɑ pɔ́ ŋ́ɡɛ pʉɔ jʉ́ɔ ŋɡɔ ɛ́ nu nɛ́nẅín.

Lúkɑ́shi 24:49

Pʉʉ jí ŋɡɔ ŋ ɡɛ ńtɔ́ ńtúu yúu mi Tɑ̌ɑ mɔ kɑ kɑꞋnɛ nɛɡɑ́ mbɔ̌ pʉʉ. Pʉʉ kɛ ńzẅíꞋlɛ pɔ tʉ́sɔŋ tɛ ŋ́kúu ŋkɑ́ yi mɛtʉʉ-Sɛ́ ɡʉ ɛ́fú tʉ́nɛ́pú ńcúŋ ŋ́kúu nǔu pʉʉ.

ŊwɑꞋnɛ-Gɑŋntúu Yɛ́su Kɛlístɔ 10:38

Pʉʉ pɛn ḿbɔ́ ńjí ŋɡɔ Sɛ́ kɑ ɡɑ́ mɛtʉʉ-Zẅikŋɛ Lɛ́ɛnɛ́nɛ mbɔ̌ Yɛ́su mɔ́ɔ-Nɑ̌zɑlɛt ńdɔk pɔ́Ꞌɔ, ńcɔꞋ wɛ́ ḿbɛn ḿbɔ́ ńtʉ̈ɔ́Ꞌlɛ wɛ́. A ɡʉ zʉꞋ tsʉʉ, ḿbɔ́ ŋ́ɡɛ mɛnu sʉ́Ꞌnɛ, ḿbɔ́ ńcẅɛ́ɛ pʉɔ tsʉʉ pí pɔ́p ḿbɔ́nɛ ɡɑŋtsɑ́ŋ nǔu mbɔ́-Sɑ́ttɑ mbíꞋŋɡɔ Sɛ́ kɑ pɔ́ nɛ́ jʉ́.

1 Pyɛ̂ 1:22

Pʉʉ kɑ lɔk nɛpɛ́m nu yi ɛ́ nɛ́nẅín, ɛ́suk tʉ́m yʉ́ʉ. Nɛpɔ́ yi pʉʉ ɡʉ ŋ́kɔŋ pɔ́ɔpɛ́mɑ́ pʉ́ʉ pi pʉʉ pɛpɔ́p zɑ́pnɛ tʉ́m nǔu Sɛ́, ŋ́kɔŋ wɔ́p tɛ ɛ́sẅíi nu. Pɔ́Ꞌɔ lɑ́, pʉʉ ɡẅɛɛ kwɑꞋ ŋkɔŋɛ tsɛtsɛt pʉʉ, ŋu kɔŋ mɔ́ɔmɑ́ wɛ nɛ́ tʉ́m yɛ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 21:13

Lɑ́ Pɔ̂l tsɔ́Ꞌ ŋɡɔ: «Pʉʉ lɔk nɛlɑɑ ńdɔk ḿvukŋɛ wɑ́ɑ mɛlɑ́Ꞌ kʉ̈ɔ́. N tʉ́ʉ pɑ́Ꞌɑ, mbɔ mɔ niitɛ mbʉʉ yɑɑ tɛ ḿbɔ́ yi pɛ́ lɑɑ ŋ́kúu Yɛlúsɑlɛm, ŋ́kút wɑ́ɑ kútnɛ, ńjẅí wɑ́ɑ jẅínɛ ntɛ́ Ndɛ wɛkŋɛ Yɛ́su m bɔɔ lʉꞋ.»

Kɔlɔsíyɛ̂ŋ 1:8

A kɑ sẅíi wɛ́k nɛ́ ntɛ́ ŋkɔŋɛ yi Zẅikŋɛ Lɛ́ɛnɛ́nɛ kɑ níꞋnɛ tʉ́m pʉʉ.

ŊwɑꞋnɛ-Gɑŋntúu Yɛ́su Kɛlístɔ 6:8

Ɛtiyɛ̂n ẅí pɛ́ kɑ tsɔ́Ꞌnɛ wɛ́ lɑ́, ɑ m̄bɔ́ ŋu, mbɔ Sɛ́ kɑ tẅiktɛ pɔ́ yɛ́, ḿbɔ́ ŋ́ɡɑ́ wɛ́ nɛ́ mɛtʉʉ. A lɔk ŋ́ɡɛ mɛŋkʉꞋnɛ mɛnu pɔ́p mɛnu mɑ̌ɑmɑɑnɛ tsɛtsɛt pʉɔ.

ŊwɑꞋnɛ-Gɑŋntúu Yɛ́su Kɛlístɔ 9:22

Sɔ̂l kɛ ńniitɛ ŋ́kẅiꞋ ńcú nu pɔ kɛ́ pɔ́k. Ńtsuŋ ńdɛꞋlɛ mbɔ̌ pɑyúdɑ pi pɔ́p Ndɑmɑs ŋɡɔ Yɛ́su Nzɑ́Ꞌŋkʉ ẅi Sɛ́ kɑ kɑꞋnɛ, ŋ́ɡɛ pɔ́Ꞌɔ, pɔ́p pɔɔ pɛn ńjí yɛcɔ́ nu yi pɔ́p ɡʉ ńcú mbɔ̌ wɛ́ pɔ́.

Lúkɑ́shi 8:35

Lɑ́Ꞌ zúꞋ, ŋ́ɡɔ́ɔ ńcẅɛt, ńtɔ́ nɛjʉ́ɔ nu ɛ̂yɑ́. Ŋ́ɡʉ tɛ ŋ́kúu zʉꞋ yi Yɛ́su kɑ pɔ́nɛ zúꞋu, ńjʉ́ɔ ŋu ẅi mɛzẅikŋɛ kɛpɔŋ lɑ́Ꞌnɛ ńcẅɛt nǔu wɛ́ lɑ́, ɑ nɑ́ŋ nɛjɔ́ŋ Yɛ́su, mbɔ ɑ fíitɛ, jínu yɛ́ pɛn tɛ ɑ mɑꞋ ndẅí. Pɔ́p jʉ́ɔ pɔ́Ꞌɔ, ŋ́ɡɔ́ɔ ńtsʉ́Ꞌ ḿbɔ́k pɔ́knɛ.

ŊwɑꞋnɛ-Gɑŋntúu Yɛ́su Kɛlístɔ 26:25

Pɔ̂l tsɔ́Ꞌ ŋɡɔ: «Ndɛ, ŋ kɑ́ pɔ́ pɑ́lɛ pɔ́. Mɛnu mi n cúnɛ ɛ́ zúꞋu ḿbɔ́ pɔ́Ꞌɔ. Mbɔ n zɛɛ ŋ́kwɑŋɛ, lɑ ńcú.

Lúkɑ́shi 15:17

A nɑ́ŋ tɛ ŋ́kwɑŋɛ tʉ́m yɛ́ ŋɡɔ: «GɑŋfɑꞋ-Tɑ̌ɑ mɔ njɛ́Ꞌ pɛk ńjʉ́ yúu tɛ ḿmɛꞋ yɛcɔ́, m bɔ́ zɑꞋnɛ ḿpfú njí lɑɑnɛ!

ŊwɑꞋnɛ-Gɑŋntúu Yɛ́su Kɛlístɔ 26:11

Ŋ kɑ pɔ́ ńdɛɛ tsɛt mɛndɑ́-cúꞋlɛ-pɑyúdɑ, ńnyɛt pʉɔ pɛ́ nɛ́ ŋɡʉ̈ɔ́Ꞌ. Ŋ kɑ pɔ́ ńtsʉ́ʉnɛ wɔ́p ŋɡɔ pɔ́p ńzɔɔtɛ lík-Yɛ́su. Ŋ kɑ puu ḿbɑɑ wɔ́p pɑɑnɛ tɛ ŋ́ɡʉ mbɑ tsɛt mɛtʉ́sɔŋ-lɑ́Ꞌ ndɛꞋ, ńdɔɔ wɔ́p, ńnyɛt wɔ́p nɛ́ ŋɡʉ̈ɔ́Ꞌ.»