2 Tɛsɑlɔník 3:9 - Kɑɑ Fí

⁹ Pɛk kɑ zɛɛ ńtsuŋ ŋ́ɡẅɛɛ nɛcú ŋɡɔ pʉʉ ńzẅík wɛ́k, lɑ́ ŋ́ɡɔ ŋ́ɡɛ pɔ́Ꞌɔ, ḿbɔ́ ńtsɑ́ɑ pɔ ŋɡɔ pʉʉ pɛ́ɛ fʉꞋ nǔu pɛk.

2 Tɛsɑlɔník 3:9 Referans Kwoze

2 Tɛsɑlɔník 3:7

KwɑꞋ pʉʉ yʉ́ʉ sɛ́ ńjí pɑ́Ꞌ ɛ́ sɛ́ ḿbíkŋɛ ŋɡɔ pʉʉ ɡɛ pɔ́Ꞌɔ, ńdɔk ńnɛn nǔu mɛku mɛ́k, mbíꞋŋɡɔ pɛk kɑ pɔ́ tsɛtsɛt pʉʉ, ḿbɔɔ ḿbɔ́k fɑꞋ pɔ́.

1 Tɛsɑlɔník 2:6

Pɛk ŋ́kɑɑ píkŋɛ ŋɡɔ pɛ́ ɡɑ́ mɛkuꞋ mɛ́k pɔ́, kɛ pɔ pʉʉ nɛɡɑ́ pɔ́, kɛ pɔ pɛcɔ́ pʉɔ pɔ́.

Ŋɡɑlɑ̂t 6:6

Ɛ́ pɔ́ŋ ŋɡɔ ŋu ẅí pɛ́ sɛ́ ńzíꞋ wɛ́ nɛ nu-Sɛ́ ɡɑp yúu pɛ́ ŋ́ɡɑ́ yɛ ŋu ẅí ɑ sɛ́ ńzíꞋ wɛ́.

1 Pyɛ̂ 2:21

Sɛ́ kɑ ɡɔ́ ɛ́fúŋ wʉ́ʉ, ḿbɔ́ ńdɔɔ ŋɡɔ pʉʉ ɡɛ pɔ pɔ́Ꞌɔ. Kɛlístɔ kɑ jʉ́ɔ yɛ́ ŋɡʉ̈ɔ́Ꞌ mbíꞋ wʉ́ʉ, ńdɔk ŋ́ɡɑ́ wʉ́ʉ nɛ́ fʉꞋ, ŋɡɔ pʉʉ nɛn pɑ́Ꞌ jʉ́.

Jɑ̂ŋ 13:15

Mbíꞌŋɡɔ, n nyɛt wʉ́ʉ nɛ́ fʉꞋ nɛpɔ́ yi pʉʉ yʉ́ʉ pʉʉ ɡʉ ŋ́ɡɛ pɑ́Ꞌ pʉʉ jʉ́ɔnɛ ŋ ɡɛ lɑɑ.

Mɑtʉ̈ɔ 10:10

Kɔɔ pʉʉ ɡɔ ńcʉ́ɔ sɛ̂ndúŋ ńdyɛp pɑɑ, kɔɔ pʉʉ pɛ́ɛ ŋkúpmɛ-ndẅí, kɔɔ pʉʉ pɛ́ɛ ŋkúp-mɛtɑp, kɔɔ pʉʉ tẅɛꞋ ntẅí. N cú pɑ́Ꞌɑ mbíꞋŋɡɔ ŋu lɑɑ ḿbɔ́ ɛ́fɑꞋ ɡɔ́ lɑ́, mbɔ yúujʉ́ pɛ́ ɡʉ ɛ́fú zúꞋu.

1 Kɔlɛ̂ŋtɛ 4:16

Pɔ́Ꞌɔ lɑ́, n dɔk ńcú mbɔ̌ pʉʉ ŋɡɔ, pʉʉ pɛ́ɛ fʉꞋ nǔu mɔ.

1 Pyɛ̂ 5:3

Kɔɔ pʉʉ lɔk mɛtʉʉ ɛ́sɑ́Ꞌ pʉɔ pi Sɛ́ kɑ ɡɑ́nɛ mbɔ̌ pʉʉ, pʉʉ nɛn pɔ nǔu ntɛ́ yi pɔ́p ɡʉ ḿbɛ́ɛ fʉꞋ nǔu pʉʉ.