2 Tɛsɑlɔník 3:7 - Kɑɑ Fí

⁷ KwɑꞋ pʉʉ yʉ́ʉ sɛ́ ńjí pɑ́Ꞌ ɛ́ sɛ́ ḿbíkŋɛ ŋɡɔ pʉʉ ɡɛ pɔ́Ꞌɔ, ńdɔk ńnɛn nǔu mɛku mɛ́k, mbíꞋŋɡɔ pɛk kɑ pɔ́ tsɛtsɛt pʉʉ, ḿbɔɔ ḿbɔ́k fɑꞋ pɔ́.

2 Tɛsɑlɔník 3:7 Referans Kwoze

2 Tɛsɑlɔník 3:6

Pɔ́ɔpɛ́mɑ́, pɛk lɔk lík-Tsɑpʉɔ Yɛ́su Kɛlístɔ, ńtsuŋ ńcú mbɔ̌ pʉʉ ŋɡɔ pʉʉ lʉ́ɔꞋ mbɑ wɛ́tɛ́ mɔ́ɔmɑ́ wʉʉ ẅi ɑ pɔ́k fɑꞋ pɔ́knɛ, ḿbɛn ŋ́kɛ́ ḿbɔɔ ḿbɔ́ ńnɛn nǔu ntɛ́ yi pɛk kɑ zíꞋnɛ wʉ́ʉ lɑ́ pɔ́.

2 Tɛsɑlɔník 3:9

Pɛk kɑ zɛɛ ńtsuŋ ŋ́ɡẅɛɛ nɛcú ŋɡɔ pʉʉ ńzẅík wɛ́k, lɑ́ ŋ́ɡɔ ŋ́ɡɛ pɔ́Ꞌɔ, ḿbɔ́ ńtsɑ́ɑ pɔ ŋɡɔ pʉʉ pɛ́ɛ fʉꞋ nǔu pɛk.

1 Kɔlɛ̂ŋtɛ 4:16

Pɔ́Ꞌɔ lɑ́, n dɔk ńcú mbɔ̌ pʉʉ ŋɡɔ, pʉʉ pɛ́ɛ fʉꞋ nǔu mɔ.

1 Kɔlɛ̂ŋtɛ 11:1

Pʉʉ pɔ́ pʉɔ pi pʉʉ pɛ́ɛnɛ fʉꞋ nǔu mɔ, ndʉ́ŋndʉŋ pɑ́Ꞌ m bɛ́ɛnɛ fʉꞋ nǔu Kɛlístɔ.

Filipɛ 3:17

Pɔ́ɔpɛ́mɑ́ pɑ́ɑ, pʉʉ pɛtsʉʉ, pʉʉ pɛ́ɛ fʉꞋ nǔu mɔ. Pɛk kɑ nyɛt wʉ́ʉ pɑ́Ꞌ pʉʉ ɡʉ ńnɛn pɔ́Ꞌɔ. Pʉʉ líŋɛ pʉɔ pi pɔ́p sɛ́ ńnɛn pɔ́Ꞌɔ, ńnɛn yʉ́ʉ.

Tîtɛ 2:7

mbɑ nǔu kʉ̈ɔ́ lɑ́. KwɑꞋ ɡu tʉ́ʉ nǔu kʉ̈ɔ́ lɑ́, ńnyɛt pɔ fʉꞋ-yúu sʉ́Ꞌnɛ. Ɔ lɑɑ ḿbɔ́ ńzíꞋ pʉɔ nɛ́ yúu, ɔ zíꞋ wɔ́p pɔ ndɑꞋ nɛ́ nu yi Sɛ́ kɔŋnɛ, ḿbɛn ńzíꞋ tɛ ńjí yúu mi ɔ zíꞋnɛ yɛ́tɛ́.

1 Timɔtɛ́ɛ 4:12

Pɛ́ ŋ́ɡʉ ŋ́ɡwɑ́k wú mbíꞋŋɡɔ ɔ mɔ́ɔ pɔ́. Sɑ́Ꞌ tʉʉ tɛ pʉɔ-Kɛlístɔ pɛ́ɛ fʉꞋ nǔu ɡu. Ɛ́ lɛɛ nǔu sẅiŋɛ yú, nǔu nɛnnɛ mú, nǔu yú ntɛ́ nɛkɔŋ ŋumɛsɔŋ, nǔu yú ntɛ́ nɛzɑ́p tʉ́m nǔu Sɛ́, nǔu wu nɛpɑ́ɑ kwɑŋɛ yi ḿbɔ́ ɛ́ pʉ́ʉpɛ wú.

1 Tɛsɑlɔník 2:10

Pʉʉ sɛ́ ńjí yúu mi pɛk kɑ ɡɛnɛ, Sɛ́ pɛn ḿbɔ́ ńjí yɛ́ mɑt wɛk tsɛtsɛt pʉʉ pɑpɛ́m sẅiŋɛ-sɛ́, Ɛ́ kɑ pɔ́ sʉ́Ꞌnɛ. Pɛk pɔ́ ndʉ́ŋndʉŋ yɛcɔ́ lɔ́Ꞌ yɛ́k pɔɔ ɡú pɔ́.

Filipɛ 4:9

Kʉ̈ɔ́ lɑ́ yi ŋ kɑ zíꞋnɛ wʉ́ʉ, kʉ̈ɔ́ lɑ́ yi pʉʉ kɑ zúꞋnɛ ntsu mɔ, kʉ̈ɔ́ lɑ́ yi pʉʉ kɑ jʉ́ɔnɛ ŋ ɡɛ, pʉʉ ɡɛ pɔ́Ꞌɔ pɛ́ jʉ́ɔ. Sɛ́ ẅí ɑ ɡɑ́nɛ mɔ́fíitɛ pɔ́ mbɔ̌ pʉʉ.

1 Pyɛ̂ 5:3

Kɔɔ pʉʉ lɔk mɛtʉʉ ɛ́sɑ́Ꞌ pʉɔ pi Sɛ́ kɑ ɡɑ́nɛ mbɔ̌ pʉʉ, pʉʉ nɛn pɔ nǔu ntɛ́ yi pɔ́p ɡʉ ḿbɛ́ɛ fʉꞋ nǔu pʉʉ.

1 Tɛsɑlɔník 5:14

Pɔ́ɔpɛ́mɑ́, pɛk sɛ́ ḿbúꞋ mbɔ́ mbɔ̌ pʉʉ ŋɡɔ pʉʉ ɡɑ́ ntík mbɔ̌ pɛlɔ́ŋ, ńní mɛtʉʉ-pʉɔ pi pɔ́p kɑ́ ɡẅɛɛ mbɔŋyúu pɔ́, ńtɔ́ɔtɛ pʉɔ pi pɔ́p pɛ́t pɔ kɛ́ tɛntɛ, ŋ́ɡẅɛɛ pɔ kɔkmbʉʉ nzʉʉ mbɑ wɔ̌ lɑ́.