4 Ɛ́ ɡʉ nǔu pʉʉ, mbɔ Tsɑpʉɔ sɛ́ ŋ́ɡɛ pɛk jí ŋɡɔ pʉʉ sɛ́ ŋ́ɡɛ yúu mi pɛk sɛ́ ńcú ŋɡɔ pʉʉ ɡɛ. Ḿbɔ́ yi pɛk lɑɑ ḿbɛn ńcú ŋɡɔ pʉʉ ɡɛ ŋɡɔ́ku ɔɔ, mbɔ pʉʉ ɡʉ ŋ́ɡɛ pɔ pɔ́Ꞌɔ.
Pʉʉ sɛ́ ḿbɛn ḿbɔ́ ŋ́kɔŋ pɔ́ɔpɛ́mɑ́ pi pɔ́p Mɑsɛndwɑn tsʉʉ. Pɔ́Ꞌɔ lɑ́, pɛk sɛ́ ńcú mbɔ̌ pʉʉ ŋɡɔ pʉʉ pɛn ŋ́kẅiꞋ ńdɔk ŋ́ɡʉ nɛ́ mbi.
N jí ŋɡɔ jʉ́ Sɛ́ ẅí ɑ kɑ zɛnɛ mɛfɑꞋ sʉ́Ꞌnɛ tsɛt tʉ́m pʉʉ, ɡʉ ńdɔk ŋ́ɡʉ pɔ nɛ́ mbi tɛ ńdɑ́Ꞌ ŋ́kúu lɛ́Ꞌ yi Yɛ́su Kɛlístɔ ɡʉ ńdɑ́Ꞌ ḿbɛn ńtɔ́.
N dɔk pɔ pɑ́Ꞌ ɔ ŋu ńzúꞋ nu lɑ ŋ́ŋwɑꞋnɛ yɔ ŋwɑꞋnɛ. Mɔ sɛ́ ńjí ŋɡɔ ɔ ɡʉ ŋ́ɡɛ yúu mi mɔ sɛ́ ḿbíkŋɛ mbɔ̌ ɡu tɛ ńdɛɛ pɔ́Ꞌɔ.
Ɛ́ lɛɛ pɔ́Ꞌɔ, mbɑ̌ɑ pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ pʉʉ kɑ kɛ́ ńzɛɛ ńzúꞋ pɔ ntsu-Sɛ́ tɛ fúnɛ pɑ́Ꞌ ŋ kɑ pɔ́nɛ tsɛtsɛt pʉʉ lɑ́, pʉʉ ḿbɛn ḿbɔ́ ńtík ku pɔ nǔu ŋkɔ̂ɔnɛ yi ŋ kɑ́ pɔ́ tsɛtsɛt pʉʉ pɔ́ lɑɑ. Pʉʉ lɔk mɛfɑꞋ mʉ́ʉ ńnyɛt ŋɡɔ Sɛ́ ɡɑ́ luk mbɔ̌ pʉʉ.
Ɛ́ yúu mi ɛ́ kɑ ɡɛnɛ ŋ ŋwɑꞋnɛ pɔ ŋwɑꞋnɛ ŋ́ɡɑ́ mbɔ̌ pʉʉ, nǔu ntɛ́ yi ŋ kɑ ŋwɑꞋnɛ́nɛ lɑ́, mɔ ŋ́kɑɑ ḿbɔ́ ŋ́kɔŋ nɛɡɔ́ ńtɔ́ lɑ́Ꞌ pʉʉ, ńjʉ́ɔ pʉɔ pɔ́p ɡɛ ŋ ɡẅɛɛ nɛmʉk lɑ́ mbɔ pɔ́p ḿbɔ́ ŋ́ɡʉ ŋ́ɡɛ tʉ́m yɑ́ɑ tsɑ́ɑtɛ tsɑ́ɑtɛ́nɛ pɔ́. Mɔ sɛ́ ńjí sʉ́Ꞌnɛ ŋɡɔ n dɑɑ ḿbɔ́ ńtsɑ́ɑtɛ, mbɔ pʉʉ ɡʉ ńtsɑ́ɑtɛ yʉ́ʉ.
Pɛk lɔk lík-Tsɑpʉɔ Yɛ́su Kɛlístɔ ńcú mbɔ̌ pîpɑ́ pʉɔ tɛ ńdɔk ńtík wɔ́p tíknɛ ŋɡɔ pɔ́p pɔ́tnɛ ɛ́fɑ́Ꞌ fɑꞋ, ńjʉ́ yúu pɛjʉ́ pi pɔ́p fɑꞋnɛ.
Pɔ́ɔpɛ́mɑ́, pɛk lɔk lík-Tsɑpʉɔ Yɛ́su Kɛlístɔ, ńtsuŋ ńcú mbɔ̌ pʉʉ ŋɡɔ pʉʉ lʉ́ɔꞋ mbɑ wɛ́tɛ́ mɔ́ɔmɑ́ wʉʉ ẅi ɑ pɔ́k fɑꞋ pɔ́knɛ, ḿbɛn ŋ́kɛ́ ḿbɔɔ ḿbɔ́ ńnɛn nǔu ntɛ́ yi pɛk kɑ zíꞋnɛ wʉ́ʉ lɑ́ pɔ́.
ńzíꞋ wɔ́p nɛtík ku nǔu mɛnu tsʉʉ mi mɔ ńzíꞋnɛ wʉ́ʉ. Pʉʉ jí ŋɡɔ, kwɑꞋ mɔ, ŋ ɡʉ ńdɑ́Ꞌ ḿbɔ́ pɔ tsɛtsɛt pʉʉ tɛ ntsɛ́llɛ́ lɑ́Ꞌ mɛ.
Lɑ́ Tsɑpʉɔ kɛ́ ḿbɔ́ ŋ́ɡɛ n jí ŋɡɔ pʉʉ kɛ́ kẅiꞋ yɛcɔ́ yúu nǔu yúu mi ŋ kɑ zíꞋnɛ wʉ́ʉ pɔ́. M bɛn ḿbɔ́ ńjí ŋɡɔ ŋu ẅí ɑ sɛ́ ḿmɑꞋ ntɑkŋɛ tsɛtsɛt pʉʉ, ɑ lɑɑ ḿbɔ́ pɔ wɔ̌ lɑ́ ɔɔ, mbɔ Sɛ́ ɡʉ ŋ́ɡɛ ńzɑ́Ꞌ ntsɑŋ yɛ́.
Pɛk túu wɔ́p Titɛus, ḿbɛn ŋ́ɡɛ wɛcɔ́ mɔ́ɔmɑ́ wɛkŋɛ. A pɔ́ ŋu ẅí ɑ kɔŋ nɛcẅɛ́lɛ pɛcɔ́ pʉɔ tɛꞋ. Pɛk zɛɛ mɔ́ ńjʉ́ɔ pɔ́Ꞌɔ, nǔu mɛnu tɛ ńzɑ́ɑ. Ɛ́ nǔu ŋkɔ̂ɔnɛ mbʉʉ yɛ́ pɛn ḿbɔ́ ńzɑŋɛ pɑ́ꞋtɛꞋ nɛtɔ́ ńjʉ́ɔ wʉ́ʉ mbíꞋ pɑ́Ꞌ ɛ́ lɑɑ ḿbɔ́ ɑ tɛ́m ŋkwɛn yɛ́ ŋ́ɡɑ́ mbɔ̌ pʉʉ kɛ́ cʉɔꞌ.
Pʉʉ jí ŋɡɔ ŋ kɑ pɛn ŋ́ɡɔ ŋ́ŋwɑꞋnɛ ŋwɑꞋnɛ mbɔ̌ pʉʉ ḿbɔ́ ńdɔɔ nɛkwɑꞋnɛ wʉ́ʉ ńjʉ́ɔ, kɛ pʉʉ kuꞋ nɛzúꞋ ntsu nǔu mɛnu tsʉʉ ɔɔ.
Ŋu lɑɑ ḿbɔ́ ŋ́kwɑŋɛ ŋɡɔ ɑ cẅi Ŋkʉʉ ẅí ɛ́ fúnɛ mbɔ̌ Sɛ́, kɛ pɔ mbɔ̌ Zẅikŋɛ Lɛ́ɛnɛ́nɛ ɔɔ, mbɔ ɑ ɡẅɛɛ nɛjí ŋɡɔ yɔ nu yi ŋ wɑꞋnɛ́nɛ ŋ́ɡɑ́ mbɔ̌ pʉʉ lɑɑ ɛ́ nɛpʉ́ʉ ni ɛ́ fúnɛ mbɔ̌ Tsɑpʉɔ.
Nɛpɔ́ yi pɛ́ kɑ púꞋ ŋu kɛ pɛ́ ŋkɑɑ wɛ́ púꞋ pɔ́ kɑ́ pɔ́ yɛcɔ́ nu mbi Sɛ́ pɔ́. NɛkúꞋlɛ nɛpʉ́ʉ-Sɛ́ pɔ́nɛ nu.
MbíꞋŋɡɔ n dɑɑ ńcú kʉ̈ɔ́ lɑ́ yi ŋ kɑ ɡɛnɛ nǔu fɑꞋ-Sɛ́, mbɔ ɛ́ pɔ́ pɔ yi Kɛlístɔ kɑ lɔknɛ wɑ́ɑ ŋ́ɡɛ. Pɔ́Ꞌɔ, nɛɡɛ pʉɔ pi pɔ́p kɑ́ pɔ́ pɑyúdɑ pɔ́ zúꞋ ntsu-Sɛ́, ɛ́ lɛɛ nǔu sẅiŋɛ yi n cúnɛ mbɑ nǔu mɛfɑꞋ mi ɛ fɑꞋnɛ,
Pɔ́ɔpɛ́mɑ́ pɑ́ɑ, kwɑꞋ mɔ sɛ́ ńjí ŋɡɔ pʉʉ ɡẅɛɛ pɔŋtʉ́m tɛꞋ, ḿbɔ́ ńniitɛ ńjí yúu mi ɛ́ píkŋɛ́nɛ ŋɡɔ pɛ́ jí, ḿbɛn ŋ́kuꞋ nɛtík mɛmbʉʉ mʉ́ʉ pʉʉ nɛ́ pʉʉ.
ŋ́ɡɑ́ luk kɛ́mɛ mbɔ̌ pʉɔ pi pɔ́p kɑ lɔknɛ nɛɡɛ nu sʉ́Ꞌnɛ kɛ́ kɑ́ɑ, ḿbɔ́ ńtsɑ́ɑ ŋɡɔ Sɛ́ ɡɑ́nɛ wɔ́p nɛɡúꞋ, ŋ́ɡɑ́ mɔ́p mɛkuꞋ, ŋ́ɡɛ pɔ́p pɔ́ tsɛt luk yí pɛ́ kɛ́ pɛn ḿpfú nǔu pɔ́.