2 Tɛsɑlɔník 3:2 - Kɑɑ Fí

² Pʉʉ pɛn ḿbúꞋ mbɔ́ mbɔ̌ Sɛ́ ŋɡɔ kɔɔ pɛk vu mbɔ̌ pʉɔ kɛpɔŋ, pi pɔ́p pɑlɔɔ mɛlɑ́Ꞌ. Pɔ́Ꞌɔ, mbíꞋŋɡɔ pʉɔ tsʉʉ kɑ́ nɛ pɛ́m nɛzɑ́p tʉ́m nǔu Sɛ́ pɔ́.

2 Tɛsɑlɔník 3:2 Referans Kwoze

Pʉɔ-Lɔ́mɑ 15:31

nɛpɔ́ yi ŋ kɛ́ vu nǔu mbɔ́-pʉɔ-Judɛ̂ pi pɔ́p kɑ́ pɔ́ ńzɑ́p tʉ́m nǔu Kɛlístɔ pɔ́ pɔ́, ḿbɛn ḿbúꞋ mbɔ́ mbɔ̌ Sɛ́ ŋɡɔ ɑ ɡɛ pʉɔ-Kɛlístɔ pi pɔ́p Yɛlúsɑlɛm lɔk tʉ́m sʉ́Ꞌnɛ ńcẅɛ́ɛ yúu mi n dɔknɛ ŋ́ɡʉ nɛ́ zúꞋu nɛcẅɛ́lɛ wɔ́p.

Pʉɔ-Lɔ́mɑ 10:16

Lɑ́ pʉɔ pɛtsʉʉ ŋkɑɑ zúꞋ Ŋkʉʉ Sʉ́Ꞌnɛ ḿbɛ́m pɔ́. Ŋɡɛ́mndʉ̈ɔ́Ꞌ-Sɛ́ Ɛsɑ̌yɑ kɑ zɛɛ ńcú ŋɡɔ: «Tsɑpʉɔ, pɛk kɑ cú nu yú wɔ̌ kɛ́ ḿbɛ́m»?

ŊwɑꞋnɛ-Gɑŋntúu Yɛ́su Kɛlístɔ 28:24

Pɛcɔ́ pʉɔ tsɛtsɛt pɔ́p zúꞋ nu yi ɑ cúnɛ ḿbɛ́m. Pɛcɔ́ pʉɔ lʉꞋ lʉꞋnɛ.

1 Tɛsɑlɔník 2:18

Ɛ́ nɛ́nẅín ŋɡɔ pɛk kɑ kɔŋ nɛpɛn ńtɔ́ lɑ́Ꞌ pʉʉ, kwɑꞋ mɔ Pɔ̂l, n dɔɔ mɛshʉ́ mɛku tɛ ńzɑ́ɑ lɑ́ Sɑ́ttɑ kɛ́ ńtɑɑtɛ wɛ́k tɑɑtɛ́nɛ.

ŊwɑꞋnɛ-Gɑŋntúu Yɛ́su Kɛlístɔ 14:2

Lɑ́ pɛcɔ́ pɑyúdɑ lʉꞋ nɛpɛ́m, ńdẅɑklɛ pʉɔ pí pɔ́p kɑ́ pɔ́ pɑyúdɑ pɔ́, pɔ́p zɛ nɛlíŋɛ pɔ́ɔpɛ́mɑ́ kɛpɔŋ.

ŊwɑꞋnɛ-Gɑŋntúu Yɛ́su Kɛlístɔ 13:50

Lɑ́ pɑyúdɑ ɡɔ́ɔ ŋ́kɛ́ ńníꞋ mɛtʉʉ pɛcɔ́ pɑŋɡɛ́ pi pɔ́p tʉ́sɔŋ-Antíyɔshɛ ɛ̂wɑ́ ŋ́ɡẅɛɛ yúu. Mbɔ pɔ́p kɑ pɔ́ ńcɛꞋlɛ Sɛ́ pɑ́Ꞌ pɑyúdɑ, ńníꞋ mɛtʉʉ mbɑ pɛcɔ́ pɛkɛ́m pi pɔ́p tʉ́sɔŋ. Pɔ́p pɛ́ pɔ́p zɑ́ɑ sɔ́ɔ nǔu Pɔ̂l pɔ́p Pɑnɛpɑ́ɑshi, ńzuŋ wɔ́p tɛ pɔ́p fú lɑ́Ꞌ pɔ́p ŋ́kɛ́ ŋ́ɡʉ ɡʉnɛ.

ŊwɑꞋnɛ-Gɑŋntúu Yɛ́su Kɛlístɔ 13:45

Pɑyúdɑ jʉ́ɔ ndɛn lɑ́Ꞌ yi ɛ́ kɔ́Ꞌnɛ, ŋ́kɔ́Ꞌ lɔ́ŋ, ńzɛ nɛsɑ shuk-nu yí Pɔ̂l pɔ́p Pɑnɛpɑ́ɑshi cúnɛ, ńzɛ nɛzɔɔtɛ wɔ́p.

Lúkɑ́shi 18:8

Tsʉ́Ꞌnɛ ŋ kɛ sẅíi wʉ́ʉ, ɑ kɛ́ lɑ́ɑtɛ nɛtɔ́ ńcẅɛ́lɛ́ wɔ́p pɔ́. Lɑ́, tɛ ɛ́ pɑꞋɑ, Mɔ́ɔ-ŋu ŋ́ɡɛ ŋ́ɡɔ ńtɔ́ ndǔ tsɛ́tsɑ́Ꞌ, ńjʉ́ɔ pʉɔmɛsɔŋ pɔ́ ńzɑ́p tʉ́m nǔu Sɛ́?»

Mɑtʉ̈ɔ 23:23

Pʉʉ pɛpʉ́ktú, pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pʉʉ pɑfɑlísɑy, pʉʉ pɑŋkɔŋmík, pʉʉ ɡɑptɛ yúu-nɑ́Ꞌ yʉ́ʉ tɛ mbɑ nzɑp yʉʉ, nji nɛɡɛ́m, ŋ́ɡɑ́ tɑ́Ꞌ nji mbɔ̌ Sɛ́, lɑ́, ŋ́ɡwɑ́ktɛ mɛnu mi nɛpʉ́ʉ-Sɛ́ zíꞋnɛ, ɛ́ pɔ́ kwɑꞋ mɛnu mí ɛ́ cẅɛ́lɛ́nɛ. Nu pɑ́Ꞌ nɛsẅíi nu nɛ́nẅín, nɛtsɑ́ɑ mɛjʉ́ŋ, nɛɡúꞋlɛ pɔ ndɑꞋ Sɛ́, lɑ́ yɛ́tɛ́ pɔ́nɛ yúu mi ɛ́ ḿbɔ́ ḿbíkŋɛ ŋɡɔ pʉʉ ɡɛ. Pʉʉ ɡɛ pɔ́Ꞌɔ, lɑ́ ŋ́kɛ́ mbɔɔ yɛcɔ́ ɡɛ́ɡɛ́ yúu likŋɛ.

Mɑtʉ̈ɔ 17:17

Yɛ́su zúꞋ pɔ́Ꞌɔ, ŋɡɔ: «Yɛ̌ɛ! Pʉʉ pʉɔ-ŋɡuꞋ yɔ, pʉʉ pɛkɛ́tú. Pʉʉ kɑ́ zɑ́p tʉ́m nǔu Sɛ́ pɔ́, ɛ́ pɑ́Ꞌɑ pɛkŋɛ ńdɑ́Ꞌ ńnɑ́ŋ tɛ ŋ́kúu pɔ shʉ́n? Ŋ ɡʉ ńdɑ́Ꞌ ɛ́sʉk nǔu mɛnu mʉ́ʉ tɛ ŋ́kúu pɔ shʉ́n? Pʉʉ lɔk mɔ́ɔ ɛ̂wɑ́ ńtɔ́ zɑꞋnɛ ŋ́ɡɑ́ mbɔ̌ mɔ.»

2 Timɔtɛ́ɛ 4:17

Pɔ́p kɑ mɛꞋ wɑ́ɑ pɔ́Ꞌɔ, Tsɑpʉɔ pɔ́ ńtɔ́ɔtɛ wɑ́ɑ. Ɛ́fú ntsu-pɛpúꞋntʉʉ ńcẅɛɛtɛ wɑ́ɑ, ŋ́ɡɑ́ mɛtʉʉ mbɔ̌ mɔ, n cẅi Ŋkʉʉ wɛ́ pɑ́Ꞌ ɛ́ sɛ́ ḿbíkŋɛ ŋɡɔ pɛ́ cẅi, tɛ pʉɔ pi pɔ́p kɑ́ pɔ́ pɑyúdɑ pɔ́ zúꞋ pɛtsʉʉ.

1 Kɔlɛ̂ŋtɛ 15:32

Ŋ kɑ tɔ́ Ɛ́fɛ̂zɛ wɔ pɛk pʉɔ mɑꞋ, yɔ́p ntɛ́ pɔ́ tɛ pɔ́p mɛyúu mɛku pɔ́ pɔ tɑ́Ꞌ yúu. Ɛ́ lɑɑ ḿbɔ́ yi pɛkŋɛ pɛpɔ́p kɑ pɔ́ ḿmɑꞋ pɔ́Ꞌɔ, yɑ́ɑ jínu tʉ́ʉ pɔ nǔu yúu mi ɛ́ tsɛt yɔ ndǔmbí, mbɔ pii yi ŋ kɑ jʉ́nɛ nǔu kʉ̈ɔ́? Ɛ́ lɑɑ ḿbɔ́ yi pɛ́ pfú ḿbɛn ḿbɔɔ ńzẅíimɛ nǔu nɛvú pɔ́, mbɔ ɛ́ tsʉ́Ꞌ ḿbíkŋɛ pɔ ŋɡɔ pɛkŋɛ ɡɛ pɑ́Ꞌ sɑknɛkɛt kɑ cúnɛ lɑ́ ŋɡɔ: «Yɛ ŋu yɛ́ ntsu wɛ́, mbíꞋŋɡɔ njí ŋ́kiɛ pɛ́ ɡʉ.»

ŊwɑꞋnɛ-Gɑŋntúu Yɛ́su Kɛlístɔ 17:5

Lɑ́ pɑyúdɑ pinɛ pɔ́p lʉꞋnɛ jʉ́ɔ pɔ́Ꞌɔ, ŋ́kɔ́Ꞌ lɔ́ŋ, ŋ́ɡʉ mɛtú-ndúŋ-ńcúꞋlɛ pɑ kɛ́ kúu nǔu nu, pɔ́p pɛ́ pɔ́p kuutɛ lɑ́Ꞌ, ḿmɑꞋ vɑꞋ tʉ́sɔŋ. Pɔ́p ɡʉ ndɑ́-Jɑ́sɔŋ nɛlɔɔ Pɔ̂l pɔ́p Sílɑs pɑ́Ꞌ pɔ́p ɡʉ ŋ́ɡẅɛɛ wɔ́p ŋ́ɡʉ tík wɔ́p mbi lɑ́Ꞌ,

ŊwɑꞋnɛ-Gɑŋntúu Yɛ́su Kɛlístɔ 25:27

N dɑɑ ńzɛɛ ńtúu ŋɡɑŋtsɑ́ŋ, ŋ́ɡɑ́ mbɔ̌ Kɑ́sɑ kɛ́ cú yúu mi ɑ fɑɑnɛ́nɛ, ɛ́ tsʉ́Ꞌ ḿbɔ́ pɔ nu ɡʉɡʉʉ.»