Biblia Todo Logo
Bib sou entènèt

- Piblisite -




2 Tɛsɑlɔník 2:7 - Kɑɑ Fí

7 Mɛnu mí fɔɔ-mɛnu kɛpɔŋ ɡʉ ńdɑ́Ꞌ ŋ́ɡɛ, ɛ́ kɛ́ mɔ́ ńzɛɛ ńzɛ, lɑ́ ŋ́kɛ́ ḿbɛ́t ɛ́sɔ́tɛ sɔ́tɛ́nɛ, ɛ́ tsʉ́Ꞌ pɔ ndɑꞋ pɑ́Ꞌ pɛ́ ɡʉ ḿbɑꞋnɛ ŋu ẅí ɑ tɑɑtɛ́nɛ wɛ́.

Gade chapit la Kopi




2 Tɛsɑlɔník 2:7
9 Referans Kwoze  

Mbɔ́ŋkʉ̈ɔ́ pɑ́ɑ, ndẅiknzʉʉ ŋkɑ́ sɛ́ ŋ́kuꞋ. Pʉʉ kɑ zúꞋ pɛ́ cú ŋɡɔ, ŋɡɑŋmbuu-Kɛlístɔ ɡʉ ńdɑ́Ꞌ ńtɔ́. Ɛ́ ŋkɔ̂ɔnɛ, mbɔ ɡɑŋmbuu-Kɛlístɔ tɔ́ tɛ ńzɑ́ɑ zɑ́ɑnɛ. Ɛ́ yúu mi ɛ́ ɡɛnɛ pɛkŋɛ jí ŋɡɔ ndẅiknzʉʉ ŋkɑ́ sɛ́ ŋ́kuꞋ.


N jí ŋɡɔ ŋ ɡʉ ḿbɔ́ tɛ ŋ́ɡʉ, mɛnɑɑŋɡwɛ kúu tsɛtsɛt pʉʉ ńzɑ́p nu.


Lɑ́ ŋu lɑɑ ŋ́kɛ́ ńdʉꞋ nɛpɛ́m ŋɡɔ Yɛ́su Kɛlístɔ kɑ tɔ́ ḿbɔ́ ŋumɛsɔŋ, mbɔ ŋɡɑŋ kɑ́ ɡẅɛɛ Zẅikŋɛ yi ɛ́ fúnɛ mbɔ̌ Sɛ́ pɔ́, yɛ́ zẅikŋɛ ɛ́ yi ɛ́ fúnɛ mbɔ̌ ŋɡɑŋmbuu-Kɛlístɔ wi pʉʉ kɑ zúꞋ pɛ́ cú ŋɡɔ ɑ sɛ́ ńtɔ́ lɑ́. A kɑ kɛ́mɔ́ ńdɑ́Ꞌ ńtɔ́ tɛ ḿbɔ́ ndǔmbí.


Lɑ́ Cʉ̈ɔꞋ-Sɛ́ cú mbɔ̌ mɔ ŋɡɔ: «Ɔ mɑɑ kʉ̈ɔ́? Ŋ ɡʉ kyɛꞌ ntsɛm-mɑŋɡɛ́ wɑ́, ẅi ɑ ndǔ nɑɑ lɑ́ ɛ́sẅíi wú, mbɑ jʉ́ nɑɑ ẅí tú yɛ́ sɑɑmbɑ́, mɛndɔ́ŋ mɛ́ pɔ́ nɛɡɛ́m lɑ́.


Mbɔ pɛ́ kɑ ŋwɑꞋnɛ yɛcɔ́ lík nǔu nɛzíi nɛ́. Nɛjí yúu mi ɛ́ lɔknɛ ńcú tɛn tɛꞋ. Lík ɛ̂yɑ́ lɔk ḿbɔ́ ŋɡɔ mɑ́mɑ́ tʉ́sɔŋ-Mbɑbilɔ̂nɛ, mɑ́ pɛ́ pɑɡɛɡɑp mbɑ ntɛ́ ntɛ́ mɛnu kɛpɔŋ mi ɛ́ ndǔ tsɛ́tsɑ́Ꞌ.


Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.


Pʉʉ sɛ́ ńjí yúu mi ɛ́ tɑɑtɛ́nɛ fɔɔ-mɛnu kɛpɔŋ lɑ ɑ pɔɔ cẅɛt ńtʉ́ʉ ŋkɔ̂ɔnɛ pɔ́. Yîyɑ́ ŋkɑ́ ɡʉ ŋ́ɡɛ ŋ́kuꞋ, lɑ ɑ cẅɛt.


Swiv nou:

Piblisite


Piblisite