2 Tɛsɑlɔník 1:6 - Kɑɑ Fí

⁶ Pʉʉ jí sʉ́Ꞌnɛ ŋɡɔ Sɛ́ ɡʉ ńdɑ́Ꞌ ŋ́ŋɑk ntsɑŋ pɔ pɑ́Ꞌ ɛ́ sɛ́ ḿbíkŋɛ, ŋ́ɡɑ́ ŋɡʉ̈ɔ́Ꞌ mbɔ̌ pʉɔ pi pɔ́p nyɛtnɛ wʉ́ʉ nɛ́ ŋɡʉ̈ɔ́Ꞌ ŋkɔ̂ɔnɛ lɑɑ,

2 Tɛsɑlɔník 1:6 Referans Kwoze

Kɔlɔsíyɛ̂ŋ 3:25

Lɑ́ ŋ́kɛ́ ḿbɔ́ yi ŋu lɑɑ ŋ́ɡɛ yúu mi ɛ́ kɑ́ pɔŋ, mbɔ Sɛ́ ɡʉ ńdɑ́Ꞌ ŋ́ɡɑ́ pɔ yúu mi ɛ́ kuꞋnɛ nǔu wɛ́ mbɔ̌ wɛ́, mbíꞋŋɡɔ ɑ lɔɔ ŋ́ɡɛ tɔŋ pɔ́.

Mɛnu ɛ́ ńdɑ́Ꞌ ńcẅɛt 6:10

ḿbɔ́ ŋ́kíi nɛ́ ŋɡi tɛnnɛ ńcú ŋɡɔ: Tsɑpʉɔ, ɡu ẅí ɔ Sɛ́, ḿbɔ́ ŋu ẅí ɑ sẅíinɛ nu nɛ́nẅín, ɔ ɡʉ ńzẅíꞋlɛ tɛ ŋ́kúu pɔ shʉ́nɛ, lɑ ŋ́ŋɑk pʉɔ ndǔ tsɛ́tsɑ́Ꞌ, ńníꞋ ŋɡʉ̈ɔ́Ꞌ tú pɔ́p ntɛ́ pɑ́Ꞌ pɔ́p kɑ jẅítɛ́nɛ wɛ́k?

Mɛnu ɛ́ ńdɑ́Ꞌ ńcẅɛt 19:2

mbíꞋŋɡɔ wɛ nɛŋɑk ntsɑŋ ɛ́ nɛ́nẅín ḿbɛn ḿbɔ́ ndʉ́ŋndʉŋ. A kɑ kɛ́mɔ́ ŋ́ŋɑk ntsɑŋ mɑ́mɑ́ ŋɡɑŋɡɑ́ɑ mɑŋɡɛ́ ẅi ɑ ḿbɔ́ ńdɔk nu ɡɑ́ɑ yɛ́, ńtɑ́k zʉꞋ ndǔ tsɛ́tsɑ́Ꞌ. A pɑꞌ pɛnnu-mɛci-ɡɑŋfɑꞌ pɛ́ pinɛ ŋɡɑŋɡɑ́ɑ ɛ̂wɑ́ kɑ tswɛtnɛ. A pɑꞋ pɔ́ kwɑꞋ nǔu wɛ́.»

Mɛnu ɛ́ ńdɑ́Ꞌ ńcẅɛt 18:20

Pʉʉ tʉ́nɛ́pú, pʉʉ tsɑ́ɑtɛ tsɑ́ɑtɛ́nɛ mbíꞋ pɑ́Ꞌ Bɑbilɔ̂n vunɛ sɛ́. Mbɑ pʉʉ pʉɔ-Sɛ́, pʉʉ ɡɑŋntúu nɛ pɑcẅiŋkʉʉ-Sɛ́, pʉʉ tsɑ́ɑtɛ yʉ́ʉ. MbíꞋŋɡɔ Sɛ́ ŋɑk wɛ́ nǔu nu kɛpɔŋ yi ɑ kɑ ɡɛnɛ nǔu pʉʉ.

Mɛnu ɛ́ ńdɑ́Ꞌ ńcẅɛt 15:4

Tsɑpʉɔ, mbɔ wɔ̌ nɑ́ kɛ́ pɔ́k wú? Mbɔ wɔ̌ nɑ́ kɛ́ ɡúꞋlɛ lík yú. NdɑꞋ ɡu pɔ́nɛ Ndɛ́ɛnɛ Lɛ́ɛnɛ́nɛ; Mɛŋɡɔŋ tsʉʉ ɡʉ ŋ́ɡɛ ńtɔ́ ŋ́kẅíꞋlɛ mbi ɡu mbíꞋŋɡɔ mbɑ wɔ̌ lɑ́ ńjʉ́ɔ mɛfɑꞋ mú pɑ́Ꞌ ɛ́ tʉ́ʉnɛ ndʉ́ŋndʉŋ.»

Mɛnu ɛ́ ńdɑ́Ꞌ ńcẅɛt 11:18

Ŋɡɔŋ nɛ ŋɡɔŋ kɑ zɑ́ŋ lɔ́ŋ, lɑ́ yú ŋkɑ́ yi ɔ ɡʉ ńnyɛt yú zɑ́ŋ lɔ́ŋ tɔ́, ḿbɛn ḿbɔ́ ŋkɑ́ yi ɔ ɡʉ ńzɑ́Ꞌ ntsɑŋ-pɛpfúsɛ́, ḿbɔ́ ŋkɑ́ yi ɔ ɡʉ ńtsɔ́Ꞌ fɑꞋ ɡɑŋfɑꞋ pú, pɑcẅiŋkʉʉ pú, ńtsɔ́Ꞌ fɑꞋ-pʉɔ pú, pʉɔ pi pɔ́p ŋ́ɡúꞋlɛ́nɛ lík Yú, mbɔ́ŋkʉ̈ɔ́ mbɑ pɛlʉ́m, ḿbɛn ḿbɔ́ ŋkɑ́ yi ɔ ɡʉ ɛ́sɑt pʉɔ pí pɔ́p júknɛ ḿbʉ́ʉpɛ ndǔ tsɛ́tsɑ́Ꞌ.»

Mɛnu ɛ́ ńdɑ́Ꞌ ńcẅɛt 18:24

Mbɑ mbíꞋŋɡɔ pɛ́ kɑ tɔ́ njɛ́Ꞌ ɡu, ńjʉ́ɔ mɛci-pɑcẅiŋkʉʉ-Sɛ́, ńjʉ́ɔ mɛ́ pʉɔ-Sɛ́ mbɑ mɛ́ pʉɔ tsʉʉ pi pɛ́ kɑ jẅítɛ́nɛ wɔ́p ndǔ tsɛ́tsɑ́Ꞌ.

Ɛ́bɛlʉʉ 6:10

Sɛ́ lɔɔ ŋ́ɡɛ nu yi ɛ́ kɑ́ tʉ́ʉ ndʉ́ŋndʉŋ pɔ́ pɔ́. Mbɔ́ ɑ pɔɔ likŋɛ yúu mi pʉʉ kɑ ɡɛnɛ pɔ́, pɑ́Ꞌ pʉʉ kɑ cẅɛ́lɛ́nɛ pɔ́ɔpɛ́mɑ́ pʉʉ pʉɔ-Kɛlístɔ, pʉʉ zɛɛ ḿbɛ́t ńcẅɛ́lɛ wɔ́p cẅɛ́lɛ́nɛ, ɛ́ lɔk ńnyɛt ŋɡɔ pʉʉ kɔŋ Sɛ́.