2 Kɔlɛ̂ŋtɛ 9:7 - Kɑɑ Fí

⁷ Pɔ́Ꞌɔ lɑ́, ɛ́ pɔŋ ŋɡɔ mbɑ wɔ̌ lɑ́ ɡɑ́ yúu pɔ pɑ́Ꞌ ɑ ŋ́kwɑŋɛnɛ tsɛt tʉ́m yɛ́, ŋ́ɡɑ́ kɛ́ ńzɑ́ŋ lɔ́ŋ, kɛ́ pɔ́ yi pɛ́ fyɛ́t wɛ́ fyɛ́tnɛ, mbíꞋŋɡɔ Sɛ́ kɔŋ ŋu ẅí ɑ lɔk tsɑ́ɑtɛ ŋ́ɡɑ́ yúu.

2 Kɔlɛ̂ŋtɛ 9:7 Referans Kwoze

2 Kɔlɛ̂ŋtɛ 8:12

Ŋu ɡɑ́ yúu nɛ́ tʉ́m sʉ́Ꞌnɛ, Sɛ́ ɡɔ́ ḿbɛ́m yúu mi ŋɡɑŋ ɡɑ́nɛ, ɛ́fú pɔ nǔu yi ŋɡɑŋ ɡẅɛɛnɛ, ɑ kɛ́ fú nǔu yi ŋɡɑŋ kɑ́ ɡẅɛɛ pɔ́.

ŊwɑꞋnɛ-Gɑŋntúu Yɛ́su Kɛlístɔ 20:35

Ŋ kɑ pɔ́ ńnyɛt wʉ́ʉ ŋkɑ́ tsʉʉ ntɛ́ yi ɛ́ sɛ́ ḿbíkŋɛ ŋɡɔ pɛ́ fɑꞋ pɔ́Ꞌɔ, ńjí ŋɡɔ pɛ́ ɡʉ cẅɛ́lɛ́ pɑ kɛ́ yúu. Ɛ́ pɔŋ nɛkẅíitɛ nu yi kwɑꞋ Tsɑpʉɔ Yɛ́su kɑ cúnɛ ŋɡɔ: “Ŋu ɑ ɡɑ́nɛ yúu ɡẅɛɛ pɔ́ttú ńtsɑ ŋu ɑ cẅɛ́ɛnɛ.”»

Pʉɔ-Lɔ́mɑ 12:8

FuꞋ-ŋu pɔ́ nɛníꞋ mɛtʉʉ-pɛcɔ́ pʉɔ, ɑ ńníꞋ. Ŋu lɑɑ ḿbɔ́ ŋ́ɡɑ́ yúu mbɔ̌ ŋu, ɑ ɡɑ́ kɛ́ sɑ́ŋ. Ŋu lɑɑ ḿbɔ́ ŋu ẅí ɑ niitɛ́nɛ cúꞋlɛ, ɑ niitɛ tɛ ńjí yúu mi ɑ ɡɛnɛ yɛ́tɛ́. Ŋu lɑɑ ḿbɔ́ ńcẅɛ́lɛ pɛpúŋ, ɑ cẅɛ́lɛ́ nɛ́ tʉ́m sʉ́Ꞌnɛ.

1 Pyɛ̂ 4:9

Pʉʉ kúkŋɛ pɔ́ɔpɛ́mɑ́ pʉʉ tsɛtsɛt pʉʉ tsɛt mɛndɑ́ mʉ́ʉ kɛ́ pɔ́ ńcútɛ.

Jɑ̂k 5:9

Pɔ́ɔpɛ́mɑ́ pɑ́ɑ, pʉʉ pɑ́ɑ nɛɡẅɛɛ sẅíitɛ tsɛtsɛt pʉʉ, ńjí ŋɡɔ Sɛ́ kɛ́ ɡɛ ńcú ŋɡɔ pʉʉ vu ntsɑŋ pɔ́, nzɑ́Ꞌmɛntsɑŋ tɔ́ tɛ ńtʉ́ʉ ntsundɑ́.

Filɛmɔ̂ŋ 1:14

Lɑ́, mɔ ŋ́kɑ́ɑ ŋ́kɔŋ nɛɡɛ yɛcɔ́ yúu tɛ ɔ zúꞋ zúꞋnɛ pɔ́. Ŋ kɑ́ pɔ́ ŋ́kɔŋ nɛtsʉ́ʉnɛ wú tsʉ́ʉnɛ́nɛ lɑ ɔ ɡɛ nu sʉ́Ꞌnɛ nǔu mɔ pɔ́. Mɔ sɛ́ ńtsɑ́ɑ ŋɡɔ ɔ ɡɛ pɔ yúu mi ɔ kɔŋnɛ.