2 Kɔlɛ̂ŋtɛ 8:17 - Kɑɑ Fí

¹⁷ Ɛ́ yúu mi ɛ́ kɑ ɡɛnɛ pɛk cú mbɔ̌ wɛ́ ŋɡɔ ɑ pɛn lɑ́Ꞌ pʉʉ ńdíŋɛ wʉ́ʉ, ɑ ɡɔ́ɔ ḿbɛ́m. A kɑ́ pɔ́ ńtɔ́ mbíꞋ pɔ́ ndɑꞋ pɑ́Ꞌ pɛk túunɛ wɛ́ pɔ́, ɑ kɑ pɔ́ ŋ́kwɑŋɛ nɛtɔ́ ńjʉ́ɔ wʉ́ʉ, tɛ mbʉʉ yɛ pɔ́ ńzɑŋɛ nǔu tɛꞋ.

2 Kɔlɛ̂ŋtɛ 8:17 Referans Kwoze

2 Kɔlɛ̂ŋtɛ 8:6

Ɛ́ yúu mi ɛ́ kɑ ɡɛnɛ pɛk PúꞋ mbɔ́ mbɔ̌ Titɛus ŋɡɔ ɑ ɡʉ lɑ́Ꞌ pʉʉ, ŋ́ɡɛ yɔ fɑꞋ-pɔŋtʉ́m yi ɑ kɑ ɡɛnɛ pʉʉ jí, ɛ́ mɛkŋɛ ńdẅiklɛ.

Ɛ́bɛlʉʉ 13:22

Pɔ́ɔpɛ́mɑ́ pɑ́ɑ pɛ́ mbɛ́ɛnɛ mbɑ pɛ́ pɑŋɡɛ́, mɔ sɛ́ ḿbúꞋ mbɔ́ mbɔ̌ pʉ́ʉ ŋɡɔ pʉʉ lɔk kɔkmbʉʉ, ńzẅíꞋlɛ yɔ sẅiŋɛ yi ŋ ɡɑ́nɛ mbɔ̌ pʉʉ, ńdɔk ńníꞋ mɛtʉʉ mʉ́ʉ lɑɑ. N zɛɛ ŋ́kɛ́ mbɔɔ ŋwɑꞋnɛ ɛ́ sɑk pɔ́.

2 Kɔlɛ̂ŋtɛ 8:10

Ŋ ɡʉ ŋkɔ̂ɔnɛ nɛsẅíi wʉ́ʉ nɛ́ yúu mi mɔ sɛ́ ŋ́kwɑŋɛ nǔu yɔ nu-ŋkɑ́p. Ɛ́ kɑ pɔ́ ŋɡuꞋlɑɑ m biitɛ ŋ́kwɑŋɛ ŋɡɔ mbɔ pɛ́ ɡɑ́ yúu ńdɔk ńcẅɛ́lɛ pʉɔ-Kɛlístɔ. Pʉʉ pɛn ḿbiitɛ nɛzɛ. Yúu mi pʉʉ lɑɑ ŋ́ɡɛ ŋkɔ̂ɔnɛ ɛ́ pɔŋ,

2 Kɔlɛ̂ŋtɛ 8:8

Ŋ kɑ́ pɔ́ ńcú pɑ́Ꞌɑ ńdɔk ńcú pɔ yɛcɔ́ nu yi pʉʉ ɡʉ ŋ́ɡɛ pɔ́. Ɛ sẅíi wʉ́ʉ pɔ pɑ́Ꞌ mɛcɔ́ mɛcúꞋlɛ-pʉɔ-Kɛlístɔ sɛ́ zɑŋɛ mbʉʉ ŋ́ɡɛ pɔ́Ꞌɔ, ńdɔk ŋ́ɡɑ́ wʉ́ʉ nɛ́ shʉ́ nɛɡɛ pɛ́ jí ŋɡɔ pʉʉ ɡẅɛɛ ŋkɔŋɛ tɛ ɛ́sẅíi nu.

2 Kɔlɛ̂ŋtɛ 12:18

Ŋ kɑ PúꞋ mbɔ́ mbɔ̌ Titɛus ŋɡɔ ɑ ɡʉ tɛ ńjʉ́ɔ wʉ́ʉ, ńtúu wɔ́p wɛcɔ́ mɔ́ɔmɑ́ wɛkŋɛ ẅí pʉʉ sɛ́ ńjí wɛ́ lɑ́. Kɛ Titɛus kɑ tɔ́ ɛ́fúklɛ wʉ́ʉ ńcẅɛ́ɛ yɛcɔ́ yúu mbɔ̌ pʉʉ ɔɔ? A ŋkɑɑ ńnɛn pɔ nǔu mɛku mɑ́ɑ pɔ́ ɔɔ? Pɛknɛ kɛ́ mbɔɔ ɡẅɛɛ pɔ tɑ́Ꞌ kwɑŋɛ pɔ́ ɔɔ?