2 Kɔlɛ̂ŋtɛ 8:1 - Kɑɑ Fí

¹ Pɔ́ɔpɛ́mɑ́ pɛ́k, pɛk sɛ́ ńdɔɔ nɛɡɛ pʉʉ jí yúu mi Sɛ́ kɑ ɡɑ́nɛ fuꞋ níinɛ mɛcúꞋlɛ-pʉɔ-Kɛlístɔ mi ɛ́ Mɑsɛndwɑn pɔ́p ɡɛ.

2 Kɔlɛ̂ŋtɛ 8:1 Referans Kwoze

Kɔlɔsíyɛ̂ŋ 1:29

Pʉʉ zúꞋ yúu mi m pfúnɛ nǔu. Ŋ kɛ́ ńdɔk pɔ mɛtʉʉ mi ɛ́ fúnɛ mbɔ̌ Kɛlístɔ lɑ ɛ́fɑꞋ yɔ fɑꞋ. Mîmɑ́ mɛtʉʉ tsuŋ ḿbɔ́ sɔŋ mbʉʉ mɔ ḿbɔ́ ɛ́fɑꞋ.

1 Tɛsɑlɔník 4:10

Pʉʉ sɛ́ ḿbɛn ḿbɔ́ ŋ́kɔŋ pɔ́ɔpɛ́mɑ́ pi pɔ́p Mɑsɛndwɑn tsʉʉ. Pɔ́Ꞌɔ lɑ́, pɛk sɛ́ ńcú mbɔ̌ pʉʉ ŋɡɔ pʉʉ pɛn ŋ́kẅiꞋ ńdɔk ŋ́ɡʉ nɛ́ mbi.

1 Kɔlɛ̂ŋtɛ 15:10

Ɛ́ kɑ kɛ́ ńdɛɛ pɔ nǔu pɑ́Ꞌ Sɛ́ ɡɑ́nɛ fuꞋ níinɛ yɑ́ɑ, ńnɑ́ŋ ńcẅɛ́lɛ wɑ́ɑ lɑ́ n tsʉ́Ꞌ yúu mi mɔ yɛ́tɛ́ lɑɑ. Yîyɑ́ ntɛ́ nɛɡɑ́ fuꞋ níinɛ yɑ́ɑ ŋkɑɑ lɛɛ níinɛ pɔ́, ɛ fɑꞋ fɑꞋ ńdɛɛ pɛcɔ́ ɡɑŋntúu, lɑ́ mɔ kɑ́nɛ pɔ́ ńdɔk mɑ́ɑ mɛtʉʉ ɛ́fɑꞋ pɔ́. Sɛ́ cẅɛ́lɛ́nɛ wɑ́ɑ ŋ́ɡɑ́ mɛtʉʉ n dɔk ɛ́fɑꞋ.

ŊwɑꞋnɛ-Gɑŋntúu Yɛ́su Kɛlístɔ 16:9

Ɛ́ ɡɛ ḿbɔ́ yɛcɔ́ nɛtúꞋ, Sɛ́ ŋíɛꞋ mík-Pɔ̂l, ɑ jʉ́ɔ yɛcɔ́ ŋkʉꞋnɛ nu. A jʉ́ɔ wɛcɔ́ ŋu-Mɑsɛ́ndwɑn tʉ́ʉ, ḿbɔ́ ḿbúꞋ mbɔ́ mbɔ̌ wɛ́ ńcú ŋɡɔ: «Sɛ́sẅíi, tɔ́ tɛ ŋ́kúu Mɑsɛ́ndwɑn, ńcẅɛ́lɛ́ wɛ́k.»

Ɛ́fɛ̂zɛ 3:8

Tɛ mbɑ pɑ́Ꞌ mɔ tsɛtsɛt pʉɔ-Sɛ́ pɛtsʉʉ ḿbɔ́ pɔ ndẅiknzʉʉ, ɑ kɑ kɛ́ ḿbɛ́m pɛ́mnɛ ŋɡɔ mɔ ɡʉnɛ ńcẅi Ŋkʉʉ Sʉ́Ꞌnɛ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńdɛꞋlɛ pii kɛ́mɛ yi ɛ́ nǔu nu-Kɛlístɔ.

2 Kɔlɛ̂ŋtɛ 9:2

MbíꞋŋɡɔ mɔ sɛ́ ńjí ŋɡɔ pʉʉ ɡẅɛɛ pɔŋtʉ́m nǔu yɔ nu, lɑ́ mbɔ ŋ kɑ lɔk nu yʉ́ʉ ŋ́kɑꞋmɛ mbi pʉɔ-Kɛlístɔ pi pɔ́p Mɑsɛndwɑn. Ŋ kɑ sẅíi wɔ́p ŋɡɔ pʉɔ-Kɛlístɔ pi pɔ́p nǔu pɑk-ŋɡɔŋ-Akɑ̂y, tʉ́ʉ nɛɡɑ́ yúu tɛ ɛ́fú ŋɡuꞋlɑɑ. Wʉʉ nɛzɑŋɛ mbʉʉ ŋ́ɡɑ́ yúu kɑ ɡɛ nɛzɑ́ɑ pʉɔ nǔu pɔ́p ɡẅɛɛ pɔŋtʉ́m nɛɡɑ́ yɔ́p yúu.

Pʉɔ-Lɔ́mɑ 15:26

MbíꞋŋɡɔ pʉɔ-Kɛlístɔ pi pɔ́p Mɑsɛndwɑn mbɑ pɛ́ Akɑ̂y kɑ jʉ́ɔnɛ ŋɡɔ pɔ́p ɡʉ ḿmɑꞋ ŋkɑ́p ńdɔk cẅɛ́lɛ́ pʉɔ-Kɛlístɔ pi pɔ́p Yɛlúsɑlɛm, ḿbɔ́ pɛpúŋ.

ŊwɑꞋnɛ-Gɑŋntúu Yɛ́su Kɛlístɔ 11:23

A ɡʉ tɛ ŋ́kúu zúꞋu, ńjʉ́ɔ yɛ́ pɑ́Ꞌ Sɛ́ líŋɛ́nɛ pʉɔ pi pɔ́ zɑ́pnɛ tʉ́m nǔu wɛ́ pɔ́Ꞌɔ, nu pɔŋ wɛ́ tɛꞋ. A níꞋ mɛtʉʉ mɔ́p pɛ́tsʉʉ, ŋɡɔ pɔ́p kɛ ńjí pɔ ndɑꞋ Tsɑpʉɔ, ḿbɛn ńcʉŋɛ pɔ nǔu wɛ́.

2 Kɔlɛ̂ŋtɛ 11:9

Ŋ kɑ pɔ́ lɑ́Ꞌ pʉʉ, ɛ́ pɔ́ ŋkɑ́ n jɑ́knɛ yúu, m bɔɔ cẅɛ́ɛ yúu mbɔ̌ wɛcɔ́ ŋu wʉ́ʉ pɔ́. Pɔ́ɔpɛ́mɑ́ pi pɔ́p kɑ fúnɛ Mɑsɛndwɑn kɑ ɡɑ́ kʉ̈ɔ́ lɑ́ yi ɛ́ kɑ pɔ́ ńjɑ́k mbɔ̌ mɔ. Ɛ́ kɑ ɡʉ nǔu kʉ̈ɔ́ lɑ́, m bɔɔ pɛ́m nɛpɔ́ piꞋ mbɔ̌ wɛcɔ́ ŋu wʉ́ʉ pɔ́, ŋ́kɛ́ mbɔɔ lɑ́Ꞌ yɛcɔ́ lɛ́Ꞌ lɑ ḿbɔ́ piꞋ mbɔ̌ wɛcɔ́ ŋu wʉ́ʉ pɔ́.

2 Kɔlɛ̂ŋtɛ 9:12

Pʉʉ zɛɛ ńjí ŋɡɔ yɔ ntsup yi pʉʉ mɑꞋnɛ ɛ́ kɛ́ ɡɛ pʉɔ-Kɛlístɔ pi pɔ́p Yɛlúsɑlɛm pɔ́p ɡẅɛɛ yúu mi ɛ́ jɑ́knɛ mbɔ̌ pɔ́p ndɑꞋ pɔ́, ɛ́ ɡʉ ḿbɛn ŋ́ɡɛ pʉɔ kẅiꞋ ŋ́ɡɑ́ pɑ́Ꞌlɑ́ mbɔ̌ Sɛ́ tɛꞋ.

2 Kɔlɛ̂ŋtɛ 9:4

mbíꞋŋɡɔ pɛkŋɛ pɛcɔ́ pʉɔ-Mɑsɛndwɑn lɑɑ ńtɔ́, ŋ́kɛ́ mbɔɔ jʉ́ɔ pʉʉ tʉ́ʉ nɛɡɑ́ yúu pɔ́, mbɔ nɛpɔ́ ẅi pɛk kɑ lɛꞋlɛ́nɛ yúu mi pʉʉ tʉ́ʉ nɛɡɛ, tɛ pɛk pɔɔ ḿmʉꞌlɛ, ɡʉ shɔtnɛ ŋ́ɡɛ sʉ́ʉ kɔ́ wɛ́k. Yʉ́ʉ pɛn ńdɛɛ yɛ́k.

ŊwɑꞋnɛ-Gɑŋntúu Yɛ́su Kɛlístɔ 24:17

Pɔ̂l pɛn ńcú ŋɡɔ: «Ŋ kɑ nɑ́ŋ túu tɛꞋ. Mɔ ḿbɔ́ pɑ́Ꞌɑ, mbɔ m bɛn Yɛlúsɑlɛm pɔ nɛɡɑ́ ŋkɑ́p pɛ́ tsupnɛ ńdɔk ńcẅɛ́lɛ́ lɑ́Ꞌ yɛ́k, mbɑ nɛɡɑ́ yúu nɛlɔk ŋ́ɡúꞋlɛ Sɛ́.

Mɑtʉ̈ɔ 25:22

Ŋu ẅí ɑ kɑ nɑ́nɛ ŋkɑ́p pɑk ŋkʉ yɛ́pɑ́ mbɔ̌ wɛ́ lɑ́ tɔ́ yɛ́, ńcú ŋɡɔ: «Ndɛ, ɔ kɑ nɑ́ ŋkɑ́p mbɔ̌ mɔ pɑk ŋkʉ yɛ́pɑ́, jʉ́ɔ yɛcɔ́ pɑk ŋkʉ yɛ́pɑ́ yi ɛ́ zɑ́pmɛ́nɛ nǔu.»