2 Kɔlɛ̂ŋtɛ 6:9 - Kɑɑ Fí

⁹ Pɛ́ sɛ́ ḿmuŋɛ wɛ́k, lɑ́ ŋ́kɛ́ ḿbɔ́ ńjí wɛ́k jínɛ, ńdɔk wɛ́k ɛ́fúŋ pɛpfú lɑ́ pɛk tsuŋ ḿbɔ́ pɔ́p ntʉʉ, ńnyɛt wɛ́k nɛ́ ŋɡʉ̈ɔ́Ꞌ, lɑ́ ŋ́kɛ́ mbɔɔ wɛ́k jẅí.

2 Kɔlɛ̂ŋtɛ 6:9 Referans Kwoze

Pʉɔ-Lɔ́mɑ 8:36

Ɛ́ lɔk ḿbɔ́ yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-Sɛ́ ŋɡɔ: «Lɛ́Ꞌ tsʉʉ nɛvú sɛ́ ńnʉk wɛk nʉknɛ mbíꞋ wú. Pɛ́ pɔ́ ńdíŋɛ wɛ́k pɑ́Ꞌ mɛnjinjɔ mi pɛ́ ɡʉnɛ nɛ ɡwɑt lɑ́».

2 Kɔlɛ̂ŋtɛ 11:6

Líkcɔ́ ɛ́ nɛ́nẅín ŋɡɔ ḿmʉꞋ mʉꞋnɛ lɑ́, ŋ́ɡʉ nǔu nɛjí nu-Sɛ́, yɛcɔ́ lɔ́Ꞌ kɑ́ cẅɛt. Pɛk kɑ nyɛt mɔ́ yîyɑ́ luk mbɔ̌ pʉʉ nǔu mɛntɛ́ tɛ ńzɑ́ɑ, ŋɡɔŋ ŋkɑ́ tsʉʉ yi ɛ́ kɑ ɡɑ́nɛ shʉ́.

2 Kɔlɛ̂ŋtɛ 4:2

Pɛk pɔɔ nǔu mɛntɛ́ lɔk ɛ́fɑꞋ mɛfɑꞋ mi ɛ́ mɛ́ ntsɛm, ḿbɛn ḿbɔ́ mɛ́ sʉ́ʉ pɔ́, wɛcɔ́ ŋkʉŋkʉ pɔɔ nǔu ku-nɛnɛn yɛ́k pɔ́, pɛk pɛn ŋ́kɛ́ ḿbɔɔ ḿbɔ́ ńdɔk mɛcɔ́ mɛnu ɛ́fɛntɛ sẅiŋɛ-Sɛ́ pɔ́, tɛ ńtsʉ́Ꞌ pɔ́Ꞌɔ, pɛk lɔk pɑ́Ꞌ pɛk mbi Sɛ́ ńdɛꞋlɛ pɔ́ nu nɛ́nẅín mbɔ̌ pʉɔmɛsɔŋ, tɛ ḿbɔ́ yi ɛ́ lɑɑ ḿbɔ́ ŋu pɔɔ lɑ́Ꞌ wɛ́k nǔu yɛcɔ́ nu pɔ́.

1 Kɔlɛ̂ŋtɛ 4:9

Mɔ sɛ́ ńjʉ́ɔ yɑ́ɑ ŋɡɔ Sɛ́ kɑ ɡʉ nǔu pɛk ɡɑŋntúu ŋ́ɡɑ́ yɛ́k zʉꞋ ɛ́ pɔ́ pɔ ndẅiknzʉʉ. Pɑ́Ꞌ pʉɔ pinɛ pɛ́ zɑ́Ꞌnɛ ntsɑŋ yɔ́p tɛ pɛ́ lɔk wɔ́p ŋ́kɔ́Ꞌ nɛ́ zɑ́n pɑ́Ꞌ pɛ́ ɡʉ ńjẅítɛ wɔ́p. Ŋɡɔŋ nɛ́ ŋɡɔŋ pɔ́ ńjʉ́ɔ, pʉɔmɛsɔŋ mbɑ pɛcʉ̈ɔ́Ꞌ-Sɛ́ pɔ́ ńjʉ́ɔ yɔ́p.

2 Kɔlɛ̂ŋtɛ 5:11

Pɑ́Ꞌ pɛk sɛ́ ńjí yúu mi pɛ́ fúŋnɛ ŋɡɔ nɛpɔ́k Tsɑpʉɔ lɑ́, pɛk nɑ́ŋ ńdɔɔ pɔ shʉ́, ŋ́ɡɛ pʉɔ tsuŋ ńjí pʉɔ pi pɛk pɛ́tɛ. Sɛ́ sɛ́ ńtsuŋ ńjí pʉɔ pi pɛk pɛ́tɛ, mɔ sɛ́ ŋ́kwɑŋɛ ŋɡɔ pʉʉ tsɛt tʉ́m pʉ́ʉ ḿbɔ́ ńtsuŋ ńjí ŋu wi mɔ wɛ́tɛ́.

1 Kɔlɛ̂ŋtɛ 15:31

Pɔ́ɔpɛ́mɑ́ pɑ́ɑ, lɛ́Ꞌ tsʉʉ n cẅɛt ntsu-nɛvú cẅɛtnɛ, n cú pɑ́Ꞌɑ, yúu mi n dɔknɛ ńzɑ́Ꞌ ŋkwɑɑ ŋɡɔ ɛ́ nɛ́nẅín, ɛ́ pɔ pɑ́Ꞌ n dɔknɛ wʉ́ʉ ŋ́kɑꞋmɛ tɛꞋ, ńdɛɛ nǔu pɑ́Ꞌ pɛkŋɛ nzʉʉ Tsɑpʉɔ wɛkŋɛ Yɛ́su Kɛlístɔ.

1 Kɔlɛ̂ŋtɛ 11:32

Lɑ́ Tsɑpʉɔ ŋ́ŋɑk wɛkŋɛ, ńdɔk ńtík wɛkŋɛ, ḿbɔ́k pɑ́Ꞌ mbɔ pɛ́ lɑ́Ꞌ ńtɛmtɛ wɛkŋɛ pɛ́ pʉɔ-ndǔmbí ŋ́ŋɑk.

Pʉɔ-Lɔ́mɑ 15:19

ńdɛɛ nǔu mɛlii-mɛnu pɔ́p mɛnu mɑ̌ɑmɑɑnɛ, ḿbɛn ńdɛɛ nǔu mɛtʉʉ-Zẅikŋɛ-Sɛ́. Yɔ ntɛ́ yi ŋ kɑ lɔknɛ ńniitɛ ńcẅi Ŋkʉʉ Sʉ́Ꞌnɛ-Kɛlístɔ zʉꞋ tsʉʉ, nɛfú Yɛlúsɑlɛm ŋ́ɡʉ ŋ́kúu Ilylî.

ŊwɑꞋnɛ-Gɑŋntúu Yɛ́su Kɛlístɔ 25:26

Ŋ ɡʉ ńtúu wɛ́ pɑ́Ꞌɑ lɑ́, ŋ́kɛ́ ḿbɔɔ ḿbɔ́ ńjí yɛcɔ́ nu yi n tsuŋnɛ ńzúꞋ tɛ ŋ́ŋwɑꞋnɛ nǔu ŋwɑꞋnɛ, nɛlɔk ńtúu wɛ́ ŋ́ɡɑ́ mbɔ̌ Kɑ́sɑ pɔ́. Ɛ́ yúu mi ɛ́ ɡɛnɛ n dɔk wɛ́ ńtɔ́ mbi pʉʉ. Lɑ́, ŋ kɛ́ ńtík wɛ́ pɔ mbi nɑɑ kɛ́mɑꞋ fɔɔ Aŋɡɛlípɑ. Nɑɑ kɛ́mɑꞋ, kwɑꞋ ɡu píkŋɛ wɛ́ nɛ́ nu, kɛ ɛ́ lɑɑ ḿbɔ́ n dík, ŋ́ɡẅɛɛ nu yi ŋ ɡʉ ŋ́ŋwɑꞋnɛ tsɛt ŋwɑꞋnɛ lɑ́ ńdɔk ńtúu wɛ́, ŋ́ɡɑ́ mbɔ̌ Kɑ́sɑ ɔɔ.

ŊwɑꞋnɛ-Gɑŋntúu Yɛ́su Kɛlístɔ 25:19

ńjʉ́ɔ pɔ́p pɛpɔ́p pɔ́ ńzɔŋ nu pɔ nǔu nu-sɛ́ wɔp. Mbɑ nǔu nu-wɛcɔ́ ŋu ẅí pɛ́ fúŋnɛ wɛ́ ŋɡɔ Yɛ́su. Mbɔ ɑ kɑ pfú, Pɔ̂l pɛn ḿbɔ́ ńcú ŋɡɔ ɑ ntʉʉ.

ŊwɑꞋnɛ-Gɑŋntúu Yɛ́su Kɛlístɔ 19:26

Lɑ́, pʉʉ sɛ́ ńjʉ́ɔ yʉ́ʉ ḿbɛn ḿbɔ́ ńzúꞋ yúu mi ŋu wɔ ẅí pɛ́ fúŋnɛ ŋɡɔ Pɔ̂l sɛ́ ńcú. A sɛ́ ɛ́sẅíi pʉɔ ŋɡɔ mɛsɛ́ mi pɛ́ lɔknɛ pɔ mbɔ́ ńniitɛ kɑ́ pɔ́ Sɛ́ pɔ́. A cú pɔ́Ꞌɔ, tɛ nɛzɑ́ɑ pʉɔ zɑꞋnɛ pɛ́m. Ɛ́ kɑ́ pɔ́ pɔ ndɑꞋ Ɛ́fɛ̂zɛ pɔ́. Ɛ́ tsʉ́Ꞌ pɔ mɔ́zʉꞋ ɛ́ pɔ́ pɔ pɑk-ŋɡɔŋ-Azîi tsʉʉ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 17:18

Pɔ́p pɛcɔ́ pɑkwɑŋɛ nu, kɑ pɛn ḿbɔ́ ɛ́sẅíŋɛ, pɔ́p pɔ́ pʉɔ pi pɔ́p tsɛtsɛt pʉɔ-Ɛ́pikẅíl mbɑ pinɛ pɔ́p tsɛtsɛt pʉɔ-Sɛtɔyisíyɛ̂ŋ. Ɛ́ kɑ pɔ́ pɔ́Ꞌɔ, Pɔ̂l pɔ́ ńcú nu-Yɛ́su mbɔ̌ pɔ́p, mbɑ nu nǔu nɛzẅíimɛ nǔu nɛvú. Pɛcɔ́ zúꞋ pɔ́Ꞌɔ, ḿbíkŋɛ ŋɡɔ: «Wɑ́ ŋɡɑŋ-nɛsẅii cú ŋɡɔ kʉ̈ɔ́ lɑ́?» Pɛcɔ́ pɔ́ ŋɡɔ ɛ́ fí pɔ pɑ́Ꞌ ɑ sẅíi wɛkŋɛ nɛ́ nu nǔu mɛcɔ́ mɛsɛ́ mɛndɛꞋ.