2 Kɔlɛ̂ŋtɛ 3:17 - Kɑɑ Fí

¹⁷ mbíꞋŋɡɔ Tsɑpʉɔ pɔ́ pɔ Zẅikŋɛ, zʉꞋ yi Zẅikŋɛ-Tsɑpʉɔ pɛn ḿbɔ́ zúꞋu lɑ́, yɛcɔ́ yúu mi ḿbɔ́ ɛ́ tɑ́ɑtɛ ŋu, pɔɔ pɛn ḿbɔ́ zúꞋu pɔ́.

2 Kɔlɛ̂ŋtɛ 3:17 Referans Kwoze

Pʉɔ-Lɔ́mɑ 8:2

mbíꞋŋɡɔ ŋu zɛɛ ḿbɔ́ tɛ ńdɑt mbʉʉ yɛ nǔu Yɛ́su Kɛlístɔ nɛpʉ́ʉ ni ɛ́ tsʉ́Ꞌnɛ ɛ́sɑ́Ꞌ wɛ́ pɔ́ pɔ yɛ Zẅikŋɛ Lɛ́ɛnɛ́nɛ yi ɛ́ ŋ́ɡɛ pɛ́ pɔ́ ɡú. Mîmɑ́ mbʉ́ʉ kɑ cẅɛ́ɛ wɑ́ɑ mbɔ̌ nɛpʉ́ʉ ni ɛ́ jínɛ nu kɛpɔŋ, ḿbɔ́ mi ɛ́ ɡɛnɛ pɛ́ pfú.

Ŋɡɑlɑ̂t 5:13

Pɔ́ɔpɛ́mɑ́ pɑ́ɑ, ɛ́ ɡʉ nǔu pʉʉ, mbɔ Sɛ́ kɑ fúŋnɛ wʉ́ʉ pɑ́Ꞌ pʉʉ ɡʉ ńduk kwɑɑ-nɛpʉ́ʉ. Lɑ Kɔɔ pʉʉ lɛɛtɛ nǔu, ŋ́ɡɛ yúu mi mbʉʉ yʉʉ sɑ́Ꞌnɛ wʉ́ʉ pʉʉ ɡɛ. Tɛ ńtsʉ́Ꞌ pɔ́Ꞌɔ, pʉʉ ɡɛ ŋkɔŋɛ pɔ́ tsɛtsɛt pʉʉ, pʉʉ cẅɛ́lɛ́ mɛmbʉʉ mʉ́ʉ.

Ŋɡɑlɑ̂t 4:6

Ɛ́ nɛ́nẅín pʉʉ tsuŋ ḿbɔ́ kwɑꞋ pɔ́ɔ-Sɛ́. Lii pɑ́Ꞌ Sɛ́ kɑ níꞋnɛ Zẅikŋɛ-Mɔ́ɔ nɛ tsɛt mɛtʉ́m mɛkŋɛ, Zẅikŋɛ yi ɛ́ ɡɛnɛ pɛkŋɛ fúŋ Sɛ́ ŋɡɔ Ábɑ. Ńdɔk ńcú ŋɡɔ Tɑ̌ɑ.

Jɑ̂ŋ 8:32

Mbɔ pʉʉ ɡʉ ńjí nu nɛ́nẅín, nu nɛ́nẅín ńtsúꞋ wʉ́ʉ.»

Ŋɡɑlɑ̂t 5:1

Kɛlístɔ kɑ zɑ́Ꞌ ŋkʉ-puꞋ lɔ́ŋ pɛkŋɛ nɛpɔ́ yi pɛkŋɛ ɡʉ ḿbɔ́ pʉɔ pi pɔ́p tsuŋ ńduk kwɑɑ-nɛpʉ́ʉ. Pɔ́Ꞌɔ lɑ́, pʉʉ kúꞋlɛ nînɑ́ nɛpɔ́ sʉ́Ꞌnɛ, ḿbɑ́ɑ nɛpɛn ḿbɛ́m yɛcɔ́ yúu pɛn ńdɔk wʉ́ʉ ŋ́ɡɛ pɛkwɑɑ.

2 Timɔtɛ́ɛ 1:7

N cú mbíꞋŋɡɔ Zẅikŋɛ yi Sɛ́ kɑ zɛɛ ŋ́ɡɑ́ mbɔ̌ pɛkŋɛ, ɛ́ kɑ́ pɔ́ yi ɛ́ ŋ́ɡɛ pɛkŋɛ pɔ́k pɔ́knɛ pɔ́. Tɛ ńtsʉ́Ꞌ pɔ́Ꞌɔ, mbɔ Zẅikŋɛ ɛ̂yɑ́ níꞋ mɛtʉʉ nǔu pɛkŋɛ, ŋ́ɡɛ pɛkŋɛ kɔŋ pʉɔmɛsɔŋ, ḿbɛn ŋ́kúꞋlɛ mbʉʉ yɛkŋɛ.

Jɑ̂ŋ 6:63

Zẅikŋɛ-Sɛ́ ɡɛnɛ pɛ́ tsuŋ ḿbɔ́ ɡú. Ŋumɛsɔŋ nɛ́ tú yɛ́ kɑ́ kuꞋ nɛɡɛ yɛcɔ́ yúu pɔ́. Sẅiŋɛ yí ŋ ɡɑ́nɛ mbɔ̌ pʉʉ fú mbɔ̌ Zẅikŋɛ-Sɛ́, yîyɑ́ sẅiŋɛ ɡɛnɛ lɑ pɛ́ pɔ́ ɡú.

2 Kɔlɛ̂ŋtɛ 3:6

Jʉ́ kɑ ɡɛnɛ pɛk kuꞋ nɛpɔ́ pɑfɑꞋ fɑꞋ, nǔu kɑɑ yɛ́ fí. Yîyɑ́ kɑɑ kɑ́ pɔ́ fú pɔ nǔu nɛpʉ́ʉ ni pɛ́ kɑ ŋwɑꞋnɛ́nɛ pɔ́, ɛ́ fú pɔ nǔu Zẅikŋɛ-Sɛ́. Nɛpʉ́ʉ ni pɛ́ kɑ ŋwɑꞋnɛ́nɛ, ɛ́ ɡɛ ŋu pfú pfúnɛ, Zẅikŋɛ ɡɛ ŋu pɔ́ pɔ ɡú.

1 Kɔlɛ̂ŋtɛ 15:45

Ɛ́ yúu mi ɛ́ kɑ ɡɛnɛ pɛ́ ŋwɑꞋnɛ ŋɡɔ Ádɑm ẅí ɑ kɑ pɔ́nɛ nduŋmbi ŋumɛsɔŋ, Sɛ́ kɑ ɡɛ lɑ ɑ pɔ́ ɡú, lɑ́ ndẅiknzʉʉ Ádɑm tɔ́ ḿbɔ́ pɔ Zẅikŋɛ yi ɛ́ ŋ́ɡɛ pɛ́ pɔ́ ɡú.

2 Kɔlɛ̂ŋtɛ 3:18

Pɛkŋɛ pɛtsʉʉ kɑ́ pɛn ŋ́ɡẅɛɛ yɛcɔ́ ŋkwɑ́ nǔu shʉ́ wɛkŋɛ pɔ́, nɛŋwɑ́ŋɛ Tsɑpʉɔ sɛ́ ńtɛ́mɛ nǔu pɛkŋɛ ḿbɛn nzʉʉ pɑ́Ꞌ kyɛꞌ yi ɛ́ tɛ́mɛ́nɛ nǔu jʉ́ɔ shʉ́ lɑ́. Tsɑpʉɔ ẅi ɑ pɔ́ pɔ Zẅikŋɛ, ɑ sɛ́ ŋ́ɡɛ pɛkŋɛ kúpmɛ ntɛ́, ŋ́ɡɛ pɛkŋɛ fí wɛ́, nɛŋwɑ́ŋɛ ẅi ɛ́ nǔu pɛkŋɛ, pɛn ḿbɔ́ ŋ́kẅiꞋ kẅiꞋnɛ.