2 Kɔlɛ̂ŋtɛ 2:11 - Kɑɑ Fí

¹¹ ńjí ŋɡɔ pɛkŋɛ kɛ́ nɑ́ Sɑ́ttɑ ɑ lɛɛ wɛkŋɛ pɔ́, mbíꞋŋɡɔ pɛkŋɛ kɑ́ pɔ́ ḿmuŋɛ yúu mi ɑ nzʉʉ pɛkŋɛ ńdɔɔ pɔ́.

2 Kɔlɛ̂ŋtɛ 2:11 Referans Kwoze

1 Pyɛ̂ 5:8

Kɔɔ pʉʉ mɛꞋ mbʉʉ yʉʉ, kɔɔ pʉʉ lɛ́. Ŋɡɑŋmbuu wʉʉ, Sɑ́ttɑ, ɑ sɛ́ ḿbɔ́ ŋ́kɑ́t ńzɛmɛ, ńdɔ́ɔ ŋu ẅí ɑ ɡʉ ŋ́ɡẅɛɛ wɛ́, pɑ́Ꞌ púꞋntʉʉ ẅí ɑ kíinɛ ḿbɔ́ ńdɔɔ yúu mi ɑ ɡʉ ŋ́kwɛ́t lɑ́.

2 Kɔlɛ̂ŋtɛ 11:3

Lɑ́ ŋ kɑ pɔ́k pɔ ŋɡɔ, ɛ́ lɑɑ ḿbɔ́ wɛcɔ́ ŋu pʉ́ʉpɛ tú yʉ́ʉ pɑ́Ꞌ nɔ́ kɑ lɔknɛ mɛzúŋ ɛ́fúklɛ Ɛ́fɑ, pʉʉ pɔɔ pɛn ḿbɔ́ pʉɔ pi pɔ́p ɡɔ́ ńcú ŋɡɔ pɔ́p jí yɔ́p pɔ ndɑꞋ nu-Kɛlístɔ ńcú ɛ́sẅíi nu pɔ́.

Lúkɑ́shi 22:31

Yɛ́su pɛn ńcú mbɔ̌ Pyɛ̂ ŋɡɔ: «Símɔ̂ŋ, Símɔ̂ŋ, Sɑ́ttɑ ńdɑ́Ꞌ mɔ́ ńdɔ́ɔ nɛtɑꞋ wʉ́ʉ pɛtsʉʉ ńtíitɛ, pɑꞋ pɛ́ tɑꞋnɛ mɛkúu ńtíitɛ lɑ́.

2 Kɔlɛ̂ŋtɛ 4:4

ɛ́ pɑzúꞋ nu-Sɛ́ kɛ́ zɑ́p tʉ́m nǔu, pi sɛ́ wɛ yɔ mbí kɑ kɛ́mɔ́ ńjʉ́ɔꞋ jínu yɔ́p ńdɔk ńtɔ́Ꞌ wɔ́p nɛjʉ́ɔ kyɛꞌ yi ɛ́ fúnɛ nǔu Ŋkʉʉ sʉ́Ꞌnɛ. Pɔ́Ꞌɔ, pɔ́p pɔɔ jí pɑ́Ꞌ nɛŋwɑ́ŋɛ-Kɛlístɔ pɔ́nɛ pɔ́. Jʉ́ Kɛlístɔ pɑ́Ꞌ Sɛ́ pɔ́nɛ.

Mɑtʉ̈ɔ 4:10

Yɛ́su cú mbɔ̌ wɛ́ ŋɡɔ: «Sɑ́ttɑ, fú nɛjɔ́ŋ mɔ kẅɛ́Ꞌlɛ, mbíꞋŋɡɔ pɛ́ kɑ ŋwɑꞋnɛ tsɛt ŋwɑꞋnɛ-Sɛ́ ŋɡɔ: “Ŋu ɡúꞋlɛ pɔ ndɑꞋ Tsɑpʉɔ Sɛ́ wɛ zɛnɛ́jʉ́ ḿbɛn ńzúꞋ pɔ ndɑꞋ ntsu wɛ́.”»

2 Kɔlɛ̂ŋtɛ 11:14

Ɛ́ kɑ́ pɔ́ pɔ́Ꞌɔ, ḿbɔ́ pɔ yɛcɔ́ nu mɑ̌ɑmɑɑnɛ pɔ́, mbíꞋŋɡɔ Sɑ́ttɑ pɛn ńnɑ́ŋ yɛ́ tɛ ɛ́shɔtnɛ ńtsʉ́Ꞌ ḿbɔ́ pɔ pɑ́Ꞌ Cʉ̈ɔꞋ-Sɛ́ ẅi ɑ fúnɛ zʉꞋ yi kyɛꞌ zúꞋu lɑ́.

1 Kɔlɛ̂ŋtɛ 7:5

Kɔɔ ŋu mbɛ́ɛnɛ lʉꞋ nu mbɔ̌ nzwɛ́ wɛ, kɔɔ mɑŋɡɛ́ kɛ́ ńdʉꞋnɛ yɛ́ mbɔ̌ ndúu mɛ. Ɛ́ lɑɑ ḿbɔ́ pʉʉ ɡɛ pɔ́Ꞌɔ, pɔ nǔu mɔ́ɔ mɔ́ŋkɑ́ ẅi pʉʉ lɔknɛ tɑ́Ꞌ ntsu ńjʉ́ɔ ŋɡɔ pʉʉ ɡʉ ḿbúꞋ mbɔ́ mbɔ̌ Sɛ́, ḿbúꞋ mbɔ́ mbɔ̌ Sɛ́ tɛ ḿbɔ́tnɛ ńnɑ́ŋ, pʉʉ pɛn ńnɑ́ŋ tsɛt lɑ́ɑndɑ́ yʉ́ʉ pɑ́Ꞌ pʉʉ zɛɛnɛ ńnɑ́ŋ, ḿbɔ́k nɛpɔ́ yi ɛ́ lɑɑ ḿbɔ́ Sɑ́ttɑ lɔk pɑ́Ꞌ pʉʉ kɑ́ɑnɛ nɛɡẅɛɛtɛ mbʉʉ yʉ́ʉ ŋ́kwɑꞋnɛ wʉ́ʉ.

2 Timɔtɛ́ɛ 2:25

A ɡẅɛɛ nɛlɔk mbɔ́tnɛ ńdɛꞋlɛ yúu mbɔ̌ pʉɔ pi ɑ cúnɛ nu pɔ́p kúp pɔ shʉ́-nu yîyɑ́. Líkcɔ́ Sɛ́ ɡʉ ŋ́ɡɑ́ shʉ́ mbɔ̌ pîpɑ́ pʉɔ pɔ́p kúpmɛ yɔp ntɛ́ nɛsɑ́ŋ nu, ɛ́fú pɔ́Ꞌɔ, ńjí nu yi ɛ́ nɛ́nẅín,

Jɑ̂ŋ 13:2

Ntsuŋkẅɛ́Ꞌ ɡɛ ḿbɔ́, pɔ́p pɛ́ pɔ́p nɑ́ŋ sɛ́ nɛjʉ́ yúu. Ɛ́ ɡɔ́ ḿbɔ́, mbɔ Sɑ́ttɑ lɑ́Ꞌ mɔ ńníꞋ kwɑŋɛ nɛfɛn Yɛ́su tsɛt tʉ́m Júdɑs Iskɑlyɔt, mɔ́ɔ-Símɔ.

Mɛnu ɛ́ ńdɑ́Ꞌ ńcẅɛt 2:24

Ŋ ɡʉ ńcú nu ŋkɔ̂ɔnɛ mbɔ̌ pʉʉ pɛcɔ́ pʉɔ tsɛt cúꞋlɛ-pʉɔ-Kɛlístɔ yi ɛ́ tʉ́sɔŋ-Tyɑtîi, pʉʉ pí pʉʉ kɑ́ pɔ́ ḿbɛ́m ndɔktɛlɛ pîpɑ́ pʉɔ pɔ́, ŋ́kɛ́ ḿbɔɔ pɔ́ ńdɔɔ nɛjí yúu mi pɔ́p fúŋnɛ ŋɡɔ kwɑꞋ nu nɛ́nẅín yi Sɑ́ttɑ kɑ ɡɛnɛ pɔ́p jí pɔ́. Ɛ sẅíi wʉ́ʉ ŋɡɔ: Mɔ ŋ́ɡʉ ńzɑ́p yɛcɔ́ piꞋ yɛ́ ndɛꞋ tú pʉʉ pɔ́.

ŊwɑꞋnɛ-Gɑŋntúu Yɛ́su Kɛlístɔ 1:25

Ẅîwɑ́ ŋu tsʉ́Ꞌ ŋɡɑŋtúu Yɛ́su, ńtʉ́ʉ nǔu zʉꞋ-Jẅidɑ ḿbɔ́nɛ zúꞋu lɑ ḿmɛꞋ ŋ́ɡʉ nɛ́ yɛ́ zʉꞋ lɑ́.»

Mɛnu ɛ́ ńdɑ́Ꞌ ńcẅɛt 13:8

Pʉɔ tsʉʉ pí pɔ́p ndǔ tsɛ́tsɑ́Ꞌ ɡʉ ŋ́ɡɛ ŋ́kẅíꞋlɛ mbi yɛ́, ŋ́ɡúꞋlɛ wɛ́. Pɛ́ lɑ́Ꞌ ŋɡɔŋ pʉɔ tsʉʉ pí pɛ́ ŋ́kɑɑ ŋwɑꞋnɛ lík yɔ́p tsɛt ŋwɑꞋnɛ-luk tɛ ɛ́fú ŋkɑ́ yi mbí kɑ zɛnɛ pɔ́, ŋwɑꞋnɛ ɛ̂yɑ́ yɛ́ mɔ́ɔ-Njinjɔ ẅí pɛ́ kɑ jẅínɛ wɛ́.