2 Kɔlɛ̂ŋtɛ 13:2 - Kɑɑ Fí

² Mɔ zɑ́Ꞌnɛ njí ŋkɔ̂ɔnɛ, ḿbɛn ńcú nu mbɔ̌ pʉɔ pi pɔ́p kɑ ɡɔ́ ḿbɔ́ mɛcɔ́ mɛku, mbɔ pɔ́p ɡɛ mɛnu kɛpɔŋ mbɑ mbɔ̌ pʉɔ tsʉʉ. Ɛ́ nǔu lɔ́Ꞌnɛ, ŋ kɑ́ pɔ́ tsɛtsɛt pʉʉ pɔ́, lɑ́ mɔ ŋ́kẅíitɛ wʉ́ʉ nɛ́ nu yi ŋ kɑ cúnɛ mbɔ̌ pʉʉ ŋkɑ́ yi ŋ kɑ tɔ́nɛ lɑ́Ꞌ pʉʉ nǔu mbɑ́ɑtɛ yɛ́pɑ́. Ŋ kɑ cú ŋɡɔ ŋ ɡʉ ŋ́ɡɛ ńtɔ́, ńníꞋ ntsɑŋ tú-pʉɔ tsʉʉ pi pɔ́p fɑɑnɛ́nɛ nu.

2 Kɔlɛ̂ŋtɛ 13:2 Referans Kwoze

2 Kɔlɛ̂ŋtɛ 1:23

Pʉʉ tsʉ́Ꞌ ɛ sẅíi wʉ́ʉ nɛ́ yúu mi ɛ́ kɑ ɡɛnɛ lɑ m bɔɔ pɛn ńtɔ́ lɑ́Ꞌ pʉʉ Kɔlɛ̂ŋntɛ pɔ́, mɔ ŋ́kɑɑ ḿbɔ́ ŋ́kɔŋ nɛɡɛ pʉʉ zúꞋ kɛ́kɑ́ŋ pɔ́. N cú pɑ́Ꞌɑ ɛ́sẅíi nu. N dɑɑ ńcʉ̈ɔt nu, Sɛ́ jẅí wɑ́ɑ.

2 Kɔlɛ̂ŋtɛ 13:10

Yúu mi ɛ́ ɡɛnɛ, m bɛ́t pɔ ŋɡɑ sɛsɑ ŋ́ŋwɑꞋnɛ yɔ nu tsʉʉ, ḿbɔ́ ńtsɑ́ɑ ŋɡɔ ŋ kɛ́ ɡɛ ńtɔ́ tɛ kúu tsɛtsɛt pʉʉ ńdɔk pɑ́Ꞌ Tsɑpʉɔ kɑ tíknɛ wɑ́ɑ mbi pʉʉ, ńcʉ̈ɔ́k wʉ́ʉ cʉ́ɔknɛ pɔ́. Tsɑpʉɔ kɑ tík wɑ́ɑ mbi pʉʉ pɔ nɛɡɛ cúꞋlɛ kẅiꞋ ŋ́ɡʉ nɛ́ mbi. A ŋkɑɑ tík wɑ́ɑ ŋɡɔ n tɑ́k tɑ́knɛ pɔ́.

1 Kɔlɛ̂ŋtɛ 5:5

ńcɑklɛ ẅîwɑ́ ŋu ŋ́ɡɑ́ mbɔ̌ Sɑ́ttɑ. A sɑt mbɑp-mbʉʉ-ŋɡɑŋ nɛpɔ́ yi ɛ́ ɡʉ ńdɑ́Ꞌ lɛ́Ꞌ yi Tsɑpʉɔ ɡʉ ńdɑ́Ꞌ ńtɔ́, zẅikŋɛ ŋɡɑŋ luk.»

2 Kɔlɛ̂ŋtɛ 12:14

Ɛ́ pʉ́ɔlɑɑ yi mɔ sɛ́ ŋ́kwɑŋɛ nɛtɔ́ lɑ́Ꞌ pʉʉ nǔu mbɑ́ɑtɛ yɛ́tɑ́t lɑɑ. Lɑ́ mɔ ńtɔ́, pʉʉ kɛ́ ḿbɔɔ wɛcɔ́ pɛ́ tú mɔ tɑ́ŋ, mbíꞋŋɡɔ ŋ kɑ́ pɔ́ ńtɔ́ lɔɔ yúu pʉ́ʉ pɔ́, n tɔ́ pɔ lɔɔ wʉ́ʉ. Ɛ́ zɛɛ ḿbɔ́ pɑꞋnɛ, ɡɛ́ɡɛ́ mbɔ́ŋkʉ̈ɔ́ kɑ́ ɡẅɛɛ nɛlɛp ŋkɑ́p ŋ́ɡɑ́ mbɔ̌ pɛtɑ́t pɔ́p pɔ́, pɛtɑ́t-pɔ́ɔ ɡẅɛɛnɛ nɛlɛp ŋkɑ́p ŋ́ɡɑ́ mbɔ̌ mbɔ́ŋkʉ̈ɔ́ pɔ́p.