2 Kɔlɛ̂ŋtɛ 1:3 - Kɑɑ Fí

³ Pɛkŋɛ ɡɑ́ pɑ́Ꞌlɑ́ mbɔ̌ Sɛ́, Lɑ́ pɑꞋ Tsɑpʉɔ wɛkŋɛ Yɛ́su Kɛlístɔ, ẅi nɛtsɑ́ɑ mɛjʉ́ŋ-pʉɔ fú pɔ nǔu wɛ́, nɛtɔ́ɔtɛ wɔ́p fú pɔ nǔu wɛ́.

2 Kɔlɛ̂ŋtɛ 1:3 Referans Kwoze

1 Pyɛ̂ 1:3

Pɛkŋɛ ɡɛ́mtɛ Sɛ́ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ. A kɑ tsɑ́ɑ mɛjʉ́ŋ mɛkŋɛ, ŋ́ɡɛ pɛ́ pí wɛkŋɛ nɛpí wɛ fí, ńdɛɛ nǔu Yɛ́su Kɛlístɔ ẅí ɑ kɑ zẅíimɛnɛ nǔu nɛvú. Ɛ́ lɛɛ pɔ́Ꞌɔ, pɛkŋɛ ńnɑ́ŋ ŋkɑ́ tsʉʉ, ḿbɔ́ ńzẅíꞋlɛ kwɑꞋ luk,

Ɛ́fɛ̂zɛ 1:3

Pɛkŋɛ sɛ́ ŋ́ɡúꞋlɛ Sɛ́ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ. A kɑ ɡɛ nu sʉ́Ꞌnɛ nǔu pɛkŋɛ, ŋ́ɡɑ́ yúu sʉ́Ꞌnɛ tsʉʉ yi ɛ́ fúnɛ tɛ tʉ́nɛpú mbɔ̌ pɛkŋɛ, ŋ́ɡɑ́ pɔ́Ꞌɔ, ńdɛɛ nǔu pɑ́Ꞌ ɑ kɑ lɑ́Ꞌnɛ tɛmtɛ wɛkŋɛ pɛ́ Kɛlístɔ,

Filipɛ 2:11

Ɛ́ pɛn ḿbɔ́ ḿbíkŋɛ ŋɡɔ mbɑ wɔ̌ lɑ́ ɛ́sɑ́Ꞌ ŋɡɔ Yɛ́su Kɛlístɔ Tsɑpʉɔ. Pɛ́ ɡʉ ńcú pɔ́Ꞌɔ, ɛ́ lɔk ŋ́ɡɑ́ mɛkuꞋ mbɔ̌ Sɛ́ Tɑ́t.

Ɛ́fɛ̂zɛ 1:17

Mɔ sɛ́ ḿbúꞋ mbɔ́ mbɔ̌ Sɛ́ Tsɑpʉɔ wɛkŋɛ Yɛ́su Kɛlístɔ, jʉ́ ẅi ɑ ɡẅɛɛnɛ nɛɡúꞋ, ŋɡɔ ɑ ɡɑ́ wʉ́ʉ nɛ́ jínu, ŋ́ɡɑ́ wʉ́ʉ nɛ́ shʉ́ nɛlɔk ńtsuŋ ńjí wɛ́ tɛ ɛ́sẅíi nu.

2 Jɑ̂ŋ 1:9

Ŋu lɑɑ mbɔɔ kúꞋlɛ pɔ ndɑꞋ nu yi Kɛlístɔ kɑ zíꞋnɛ wɛkŋɛ pɔ́, ŋ́ɡʉ nǔu ŋ́kẅiꞋ yɛcɔ́ yúu, mbɔ ŋɡɑŋ pɔ́p Sɛ́ kɛ́ tɛmtɛ. Ŋu ẅí ɑ kúꞋlɛ́nɛ nu yi Kɛlístɔ kɑ zíꞋnɛ wɛk, pɔ́p Tɑ̌ɑ tɛmtɛ, mbɑ pɔ́p Mɔ́ɔ pɛn ńtɛmtɛ.

2 Kɔlɛ̂ŋtɛ 11:31

Sɛ́ ẅi ɑ tɑ́t pɛ́ Ndɛ wɛkŋɛ Yɛ́su Kɛlístɔ, jʉ́ Sɛ́ ẅi ɑ sɛ́ ḿbíkŋɛ ŋɡɔ pɛ́ ɡúꞋlɛ wɛ́ kɛ́ zɑ́Ꞌ nɛpɑt, ɑ sɛ́ ńjí ŋɡɔ ŋ kɑ́ pɔ́ ńcú pɑ́Ꞌɑ ńdɔk ńcʉ̈ɔt nu pɔ́.

2 Jɑ̂ŋ 1:4

Nu kɑ tsuŋ ḿbɔŋ wɑ́ɑ tɛꞋ pɑ́Ꞌ ŋ kɑ zúꞋnɛ ŋɡɔ pɛcɔ́ mbɔ́ŋkʉ̈ɔ́ sɛ́ ńnɛn nǔu sɛ̂ndúŋ-nu nɛ́nẅín pɑ́Ꞌ Tɑ́t wɛkŋɛ kɑ cúnɛ mbɔ̌ pɛkŋɛ lɑ́.

Jɑ̂ŋ 10:30

Pɛk Tɑ̌ɑ mɔ pɔ́ pɔ tɑ́Ꞌ ŋu.

Jɑ̂ŋ 20:17

Yɛ́su cú mbɔ̌ wɛ́ ŋɡɔ: «Kɔɔ lɑ́ɑtɛ wɑ́ɑ, mbíꞋŋɡɔ n zɛɛ ḿbɛ́t kɛ́ kɔ́Ꞌ tɛ ŋ́kúu nɛjɔ́ŋ Tɑ̌ɑ. Kɛ́ ŋ́ɡʉ ńjʉ́ɔ pɔ́ɔpɛmɑ́ pɑ́ɑ, ńcú mbɔ̌ pɔ́p ŋɡɔ: Mɔ kɔ́Ꞌ nɛ́ nɛjɔ́ŋ Tɑ̌ɑ ẅi ɑ pɛn ḿbɔ́ Tɑ̌ɑ wʉʉ. Nɛjɔ́ŋ Sɛ́ wɑɑ ẅi ɑ pɛn ḿbɔ́ Sɛ́ wʉʉ.»

2 Kɔlɛ̂ŋtɛ 7:6

Lɑ́, Sɛ́ tuk ŋki-mík mɛ́k pɑ́Ꞌ ɑ tuknɛ ŋki-mík-pʉɔ pi pɔ́p sɛ́ ńdɑɑ. Ɛ́ pɔ́ pɑ́Ꞌ ɑ kɑ ɡɛnɛ Titɛus lutnɛ ńtɔ́ ńjʉ́ɔ wɛ́k.

Kɔlɔsíyɛ̂ŋ 1:3

Pɛk ŋkɑ́ tsʉʉ ŋ́ɡɔ́ ḿbɔ́ ŋ́ɡɑ́ pɑ́Ꞌlɑ́ mbɔ̌ Sɛ́ nǔu tú yʉ́ʉ, ḿbɔ́ ŋ́ɡɛ́mtɛ wɛ́ ɡɛ́mtɛnɛ. Pɛk ɡɛ́mtɛ wɛ́ ẅí ɑ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ,