1 Pyɛ̂ 3:8 - Kɑɑ Fí

⁸ Mɔ ŋ́ɡɔ́ ńdẅiklɛ, ńcú ŋkɔ̂ɔnɛ mbɔ̌ pʉɔ tsʉʉ ŋɡɔ, pʉʉ ɡẅɛɛ tɑ́Ꞌ ntsu, ŋu wʉʉ jʉ́ɔ nu-ŋu pɑ́Ꞌ yɛ́, ḿbɔ́ ŋɡɑŋ tsɑ́ɑ mɛjʉ́ŋ, ŋ́ɡẅɛɛ ŋkɔŋɛ tsɛtsɛt pɔ́ɔpɛ́mɑ́, ŋ́ɡɑ́ mbʉʉ sɛ́.

1 Pyɛ̂ 3:8 Referans Kwoze

Pʉɔ-Lɔ́mɑ 12:10

Pʉʉ lɔk pɑ́Ꞌ pʉʉ pɔ́ɔpɛ́mɑ́, ŋ́kɔŋɛ pʉʉ nɛ́ pʉʉ, ŋu wʉʉ piitɛ ŋ́ɡɑ́ mɛkuꞋ mɔ́ɔmɑ́ wɛ.

1 Pyɛ̂ 1:22

Pʉʉ kɑ lɔk nɛpɛ́m nu yi ɛ́ nɛ́nẅín, ɛ́suk tʉ́m yʉ́ʉ. Nɛpɔ́ yi pʉʉ ɡʉ ŋ́kɔŋ pɔ́ɔpɛ́mɑ́ pʉ́ʉ pi pʉʉ pɛpɔ́p zɑ́pnɛ tʉ́m nǔu Sɛ́, ŋ́kɔŋ wɔ́p tɛ ɛ́sẅíi nu. Pɔ́Ꞌɔ lɑ́, pʉʉ ɡẅɛɛ kwɑꞋ ŋkɔŋɛ tsɛtsɛt pʉʉ, ŋu kɔŋ mɔ́ɔmɑ́ wɛ nɛ́ tʉ́m yɛ́ tsʉʉ.

Ɛ́fɛ̂zɛ 4:31

Pʉʉ cẅɛɛtɛ yúu mi ɛ́ tʉ́m pʉʉ ŋ́ɡɛ ntsu wʉ́ʉ pʉ́k, ńcẅɛɛtɛ zɑ́Ꞌ ŋkwɑɑ, ńcẅɛɛtɛ zɑ́ŋ lɔ́ŋ, kɔɔ pʉʉ pɛn ńtɑ́k mɛfɛꞋ, kɔɔ pʉʉ kɔ́ɔmɛ ntsu, pʉʉ mɛꞋ fʉꞋnɛ ntɛ́ nɛ́ ntɛ́,

Jɑ̂k 3:17

Lɑ́ ŋu ẅí ɑ ɡẅɛɛnɛ jínu yi ɛ́ fúnɛ tʉ́nɛ́pú, ɑ zɛɛ ḿbiitɛ ḿbɔ́ ŋu ẅí yɛcɔ́ lɔ́Ꞌ kɑ́ pɔ́ nǔu ŋɡɛnɛ mɛnu mɛ́ pɔ́, ḿbɑ́ɑtɛ ńnɛn pɔ nɛ́ mbɔ́tnɛ, ḿbɑ́ɑtɛ ḿbɔ́ ŋu ḿbɔ́tnɛ pɔ́tnɛ́nɛ, ŋ́ɡɛ nu ɛ́ kuꞋ kuꞋnɛ, ńjí nɛtsɑ́ɑ mɛjʉ́ŋ tɛꞋ, ɛ́fɑꞋ mɛfɑꞋ sʉ́Ꞌnɛ pɔ pɔ́Ꞌɔ. A kɑ́ ɡɛ tɔŋ pɔ́, ŋ́kɛ́ mbɔɔ ŋkɔŋmík pɔ́.

Ɛ́fɛ̂zɛ 4:2

Pʉʉ kɔk mbʉʉ yʉʉ ŋ́ɡɑ́ Sɛ́, ḿbɔ́ pʉɔ pɔ́tnɛ́nɛ, ŋ́ɡẅɛɛ kɔkmbʉʉ. Ńdɛɛ nǔu kɔŋɛ yi ɛ́ tsɛtsɛt pʉʉ, ḿmɛꞋ zɑ́ŋ lɔ́ŋ.

Kɔlɔsíyɛ̂ŋ 3:12

Sɛ́ kɑ kɔŋ wʉ́ʉ, ńtsɔ́Ꞌ wʉ́ʉ, ńdɔk ŋ́ɡɛ pʉɔ pɛ́. Pɔ́Ꞌɔ lɑ́, pʉʉ pɛ́ɛ tsẅɛ́ fí ḿmɑꞋ, ńtsɑ́ɑ mɛjʉ́ŋ pɛcɔ́ pʉɔ tɛꞋ, ŋ́ɡẅɛɛ pɔŋtʉ́m, ŋ́ɡɑ́ mbʉʉ sɛ́, ḿbɔ́ ŋɡɑŋ-mbɔ́tnɛ, ŋ́ɡẅɛɛ sʉk tʉ́m.

1 Kɔlɛ̂ŋtɛ 12:26

Lɑ́ ḿbɔ́ yi mɛcɔ́ mɛzʉꞋ-mbʉʉ lɑɑ ḿbɔ́ ńjʉ́ɔ ŋɡʉ̈ɔ́Ꞌ, mɛcɔ́ pɛn ńjʉ́ɔ yɔ́p ŋɡʉ̈ɔ́Ꞌ yîyɑ́ ɡúu, ḿbɔ́ yi pɛ́ lɑɑ ḿbɔ́ ŋ́ɡɑ́ mɛku yɛcɔ́ zʉꞋ-mbʉʉ, mɛcɔ́ pɛn ńtsɑ́ɑtɛ yɔ́p ɡúu.

Mɑtʉ̈ɔ 18:33

Mɛlɑ́Ꞌ kʉ̈ɔ́ ɔ kɑ́ tsɑ́ɑ mɛjʉ́ŋ súu nu, pɑ́Ꞌ n dɑ́Ꞌnɛ ńtsɑ́ɑ mú pɔ́ ɔɔ?»

1 Jɑ̂ŋ 3:14

Pɛkŋɛ fú nǔu pɑ́Ꞌ pɛkŋɛ sɛ́ ŋ́kɔŋ pɔ́ɔpɛ́mɑ́ pɛkŋɛ, ńjí ŋɡɔ pɛkŋɛ kɑ́ pɛn ḿbɔ́ pɛpfú pɔ́, pɛkŋɛ ntʉʉ. Ŋu ẅí ɑ kɑ́ kɔŋ ŋumɛsɔŋ pɔ́, pɛ́t ḿbɔ́ pɔ mpfú.

1 Kɔlɛ̂ŋtɛ 1:10

Pɔ́ɔpɛ́mɑ́, n dɔk lík-Tsɑpʉɔ wɛkŋɛ Yɛ́su Kɛlístɔ ńcú mbɔ̌ pʉʉ ŋɡɔ: «Pʉʉ ɡẅɛɛ tɑ́Ꞌ ntsu, ŋɡɔ kɔɔ fɑkŋɛ pɔ́ tsɛtsɛt pʉʉ, ŋɡɔ pʉʉ ɡẅɛɛ tɑ́Ꞌ ntɛ́ nɛsɑ́ŋ nu, ŋ́ɡẅɛɛ tɑ́Ꞌ kwɑŋɛ.

ŊwɑꞋnɛ-Gɑŋntúu Yɛ́su Kɛlístɔ 4:32

Nɔɔ-pʉɔ-Yɛ́su kɑ pɔ́ ŋ́ɡẅɛɛ pɔ tɑ́Ꞌ ntsu, ŋ́ɡẅɛɛ pɔ tɑ́Ꞌ tʉ́m. Sɑ̌ɑ ŋu nǔu pɔ́p ŋkɑɑ pɔ́ ŋ́ɡẅɛɛ yúu ŋɡɔ ɛ́ pɔ́ pɔ yɛ́ pɔ́. Pɔ́p kɑ pɔ́ ńtɛmtɛ yúu tɛmtɛnɛ.

1 Pyɛ̂ 5:5

Ɛ́ ɡʉ nǔu pʉʉ ɡúu pɔ́ɔsuu, pʉʉ ɡɑ́ mbʉʉ yʉʉ sɛ́ mbi pɑcẅɛ́ɛmbi tsɛt cúꞋlɛ, ŋ́ɡʉ nǔu pʉɔ tsʉʉ, kɔɔ pʉʉ pɔ́ ŋ́ɡɛ yɛcɔ́ yúu, tɛ ŋu wʉʉ kwɑŋɛ ŋɡɔ ɑ lɛɛ wɛcɔ́. MbíꞋŋɡɔ ŋwɑꞋnɛ-Sɛ́ cú ŋɡɔ: Sɛ́ lʉꞋ pɑŋɑꞋtɛ mbʉʉ lʉꞋnɛ, ŋ́kɛ́ ńdɔk pɔŋtʉ́m ńdíŋɛ pʉɔ pi pɔ́p kɔknɛ mbʉʉ yɔp ŋ́ɡɑ́ sɛ́.

Ɛ́bɛlʉʉ 13:1

Pʉʉ kẅiꞋ ŋ́ɡẅɛɛ ŋkɔŋɛ tsɛtsɛt pʉʉ, pɑ́Ꞌ ɛ́ sɛ́ ḿbíkŋɛ ŋɡɔ pʉɔ-Kɛlístɔ ɡɛ pɔ́Ꞌɔ, tsɛtsɛt pɔ́p.

2 Pyɛ̂ 1:7

ŋ́ɡʉ nǔu nɛjí pɔ ndɑꞋ Sɛ́, ŋ́kẅiꞋ pɑ́Ꞌ nu-pɔ́ɔpɛ́mɑ́ pʉ́ʉ ɡʉ ḿbɔŋ wʉ́ʉ, ŋ́ɡʉ nǔu pɑ́Ꞌ nu-pɔ́ɔpɛ́mɑ́ pʉ́ʉ sɛ́ ḿbɔŋ wʉ́ʉ, ŋ́kẅiꞋ ŋkɔŋɛ.

1 Pyɛ̂ 2:17

Pʉʉ ɡɑ́ mɛkuꞋ pʉɔtsʉʉ, ŋ́kɔŋ pɔ́ɔpɛ́mɑ́ pʉʉ pʉɔ-Kɛlístɔ, ḿbɔ́k Sɛ́, ŋ́ɡɑ́ mɛkuꞋ-fɔɔ.

Jɑ̂k 5:11

Pʉʉ jʉ́ɔ pɑ́Ꞌ pɛkŋɛ fúŋnɛ pʉɔ pí pɔ́p kɑ sʉknɛ ŋɡɔ pɛpɔ́ttú. Pʉʉ kɑ zúꞋ pɑ́Ꞌ pɛ́ kɑ lɛ́Ꞌlɛ́nɛ ntɛ́ yi Jɔp kɑ lɔknɛ ɛ́sʉk pɔ́Ꞌɔ. Pʉʉ pɛn ńjí yúu mi ɛ́ kɑ tsʉ́Ꞌ nɛmɛkŋɛ Tsɑpʉɔ ɡɛ nǔu wɛ́, mbíꞋŋɡɔ Tsɑpʉɔ ɡẅɛɛ pɔŋtʉ́m tɛꞋ, ńtsɑ́ɑ mɛjʉ́ŋ pɔ pɔ́Ꞌɔ.

Jɑ̂k 2:13

Sɛ́ ɡʉ ńdɑ́Ꞌ ḿbɔ́ ńzɑ́Ꞌ mɛntsɑŋ, mbɔɔ tsɑ́ɑ mɛjʉ́ŋ kɛ́tsɑ́ɑmɛjʉ́ŋ pʉɔ pɔ́, lɑ́ ḿbɔ́ yi ŋu kɑ tsɑ́ɑ mɛjʉ́ŋ, mbɔ ɑ ɡʉ ńdɑ́Ꞌ ńdɔk pɔ́Ꞌɔ, Sɛ́ pɔɔ wɛ́ ŋɑk.

Filipɛ 3:16

Nu ɡwɛ́ pɔ ŋɡɔ, zʉꞋ yi pɛkŋɛ ɡʉ tɛ ŋ́kúu zúꞋu lɑɑ, pɛkŋɛ tɛmtɛ kɛ́ ŋ́ɡʉ pɔ nɛ́ mbi.

Pʉɔ-Lɔ́mɑ 15:5

Mɔ sɛ́ ńdɔ́ɔ mbɔ̌ Sɛ́ ŋɡɔ jʉ́ ẅí ɑ níꞋnɛ mɛtʉʉ mɛkŋɛ, ɡɛ ŋɡɔ kɔɔ pɛkŋɛ kɑ́ɑ, ɑ ɡɛ pʉʉ ɡẅɛɛ tɑ́Ꞌ kwɑŋɛ tsɛtsɛt pʉʉ, ɛ́ lɔk pɔ́Ꞌɔ, ḿbɔ́ yúu mi Yɛ́su Kɛlístɔ kɑ zíꞋnɛ wʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 28:7

Tsɛtsɑ́Ꞌ-ŋútlɑ́Ꞌ túmbʉ́ʉ pɔ́ mbʉʉ zúꞋu. Pɛ́ fúŋ ŋɡɑŋ nɛ́ Pubilíyus. A jʉ́ɔ wɛ́k, ŋ́kúkŋɛ wɛ́k pɑ́Ꞌ pɛsúu pɛ́ lɑ́. Pɛk nɑ́ŋ njɛ́Ꞌ yɛ́ lɛ́Ꞌ pɛtɑ́t.

ŊwɑꞋnɛ-Gɑŋntúu Yɛ́su Kɛlístɔ 27:3

Njí ɡɛ ŋ́ɡɔ ŋ́kiɛ, pɛk kúu tʉ́sɔ-Sidɔŋ. Julíyus ɡẅɛɛ tʉ́m sʉ́Ꞌnɛ nǔu Pɔ̂l tɛ ńnɑ́ wɛ́ ɑ cẅɛt tsɛt kɑnúꞋ ŋ́ɡʉ ŋ́ɡwɑ́ pɛsúu pɛ́ pɔ́p kúu ńcẅɛ́lɛ́ wɛ́.

ŊwɑꞋnɛ-Gɑŋntúu Yɛ́su Kɛlístɔ 2:1

Lɛ́Ꞌ-ndínɑ yi pɛ́ fúŋnɛ ŋɡɔ Pɑŋntɛkɔ̂t ɡɛ ńtɔ́, pɑpɛ́m Yɛ́su cúꞋlɛ tɑ́Ꞌ zʉꞋ pɛ́tsʉʉ ndɑ́.

Lúkɑ́shi 10:33

Lɑ́, wɛcɔ́ ŋu-Sɑmɑlîi pɔ́ ŋ́ɡʉ nɛ́ nɛnɛn, ŋ́ɡʉ tɛ ŋ́kúu zúꞋu, ńjʉ́ɔ wɛ́, mɛjʉ́ŋ mɛ́ kɔ́ wɛ́.

Ɛ́fɛ̂zɛ 4:32

ńdíŋɛ pɔ́ɔpɛ́mɑ́ pʉ́ʉ pɔ nɛ́ tʉ́m sʉ́Ꞌnɛ, ŋ́ɡẅɛɛ tsɑ́ɑ mɛjʉ́ŋ nzʉʉ pɛcɔ́ pʉɔ, pʉʉ likŋɛ mɛfɑɑnɛ tsɛtsɛt pʉʉ nɛ́ pʉʉ, ndʉ́ŋndʉŋ pɑ́Ꞌ Sɛ́ kɑ lɛɛnɛ nǔu Kɛlístɔ ńdikŋɛ mʉ́ʉ ŋ́ɡɑ́ mbɔ̌ pʉʉ.

Filipɛ 2:3

Kɔɔ pʉʉ ɡɛ yɛcɔ́ yúu mi ɛ́ pɔ́ nɛlɔk ɛ́sɑ́Ꞌ ndʉꞋ, kɛ pɔ́ nɛlɔk ŋ́ɡúꞋ níinɛ ɔɔ. Pʉʉ kɔk pɔ mbʉʉ yʉʉ ŋ́ɡɑ́ sɛ́, ńdíŋɛ pɛcɔ́ pʉɔ pɔ pɑ́Ꞌ ŋkɑ́ yi pɔ́p lɛɛ wʉ́ʉ lɑ́.