1 Jɑ̂ŋ 5:7 - Kɑɑ Fí

⁷ ɛ́ lɔk ḿbɔ́ mɛnu mɛ́ntɑ́t mi ɛ́ lɛ́Ꞌlɛ́nɛ wɛkŋɛ nɛ́ nu nǔu Yɛ́su.

1 Jɑ̂ŋ 5:7 Referans Kwoze

Mɑtʉ̈ɔ 28:19

Pɔ́Ꞌɔ lɑ́, pʉʉ ɡʉ túu nɛ́ túu, ńdɔk pʉɔmɛsɔŋ ŋ́ɡɛ ɡɑŋku pɑ́ɑ, ńnuꞋ wɔ́p ŋki nǔu lík Tɑ́t, mbɑ Mɔ́ɔ, mbɑ zẅikŋɛ Lɛ́ɛnɛ́nɛ,

ŊwɑꞋnɛ-Gɑŋntúu Yɛ́su Kɛlístɔ 5:32

Pɛk cú pɑ́Ꞌɑ ḿbɔ́ pɑjʉ́ ńjʉ́ɔ nǔu mɔnɛ mɛnu. Zẅikŋɛ Lɛ́ɛnɛ́nɛ yi Sɛ́ sɛ́ ŋ́ɡɑ́ mbɔ̌ pʉɔ pi pɔ́p sɛ́ ńzúꞋ ntsu wɛ́ tsʉ́ʉnɛ́nɛ wɛk nɛcú.»

Jɑ̂ŋ 1:1

Píimbí kɑ ɡɔ́ ńzɛ, sẅiŋɛ pɔ́ pɔ ɡú, yîyɑ́ sẅiŋɛ pɔ́p Sɛ́ m̄bɔ́nɛ ɡú. Ɛ́ pɛn ḿbɔ́ pɔ Sɛ́.

ŊwɑꞋnɛ-Gɑŋntúu Yɛ́su Kɛlístɔ 2:33

Sɛ́ kɑ ɡɛ, ɑ kɔ́Ꞌ tɛ ńnɑ́ŋ nǔu ɡúŋ pɔ́ yɛ́ yi tʉʉ. Ɛ́ ŋkɔ̂ɔnɛ pɑ́Ꞌɑ, mbɔ Tɑ́t wɛ́ Sɛ́ cɔ́kŋɛ Zẅikŋɛ Lɛ́ɛnɛ́nɛ mbɔ̌ wɛ́, ɛ́ pɔ́ pɑ́Ꞌ jʉ́ Sɛ́ kɑ kɑꞋnɛ. Yúu mi pʉʉ zúꞋnɛ ḿbɛn ńjʉ́ɔ lɑ́ɑ, ɛ́ Zẅikŋɛ Lɛ́ɛnɛ́nɛ ɛ̂yɑ́ yi Yɛ́su tswɛtnɛ nǔu pʉɔ pɛ́.

1 Jɑ̂ŋ 5:6

Pɛ́ lɑ́Ꞌ Yɛ́su Kɛlístɔ ẅí ɑ kɑ tɔ́nɛ, pɛ́ nuꞋ wɛ́ tsɛt ŋki, ɑ ɡɛ ńtsẅɛt mɛci mɛ́, pɛ́ ŋkɑɑ nuꞋ wɛ́ pɔ ndɑꞋ tsɛt ŋki pɔ́, pɛ́ kɑ nuꞋ wɛ́ tsɛt ŋki, mbɑ tsɛt mɛci. Zẅikŋɛ-Sɛ́ nǔu ḿbɔ́ jʉ́njʉ́ɔ ŋɡɔ ɛ́ nu nɛ́nẅín. Zẅikŋɛ-Sɛ́ zɛɛ ḿbɔ́ pɔ nɛ́nẅín,

Jɑ̂ŋ 8:54

Yɛ́su tsɔ́Ꞌ mbɔ̌ pɔ́p ŋɡɔ: Ŋ kɑ́ pɔ́ ńdɔɔ wɑɑ nɛɡúꞋ pɔ́, n dɑɑ ŋ́ɡɛ pɔ́Ꞌɔ, wɑɑ nɛɡúꞋ pɔɔ yɛcɔ́ nu pɔ́. Ŋu ẅí ɑ ɡɑ́nɛ nɛɡúꞋ wɑɑ ɑ tɑ̌ɑ mɔ. Pʉʉ pɔ́ ńcú yʉ́ʉ ŋɡɔ ɑ Sɛ́ wʉʉ.

Mɑtʉ̈ɔ 17:5

A pɛ́t ńcú cúnɛ, yɛcɔ́ lɑ́ɑ, yi ɛ́ ŋwɑŋɛ ŋwɑŋɛ́nɛ ńcúŋ ŋ́kẅíipɛ wɔ́p, ŋɡi-ŋu fú tsɛtú ńcú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ, pʉʉ zúꞋ ntsu wɛ́.»

Jɑ̂ŋ 10:30

Pɛk Tɑ̌ɑ mɔ pɔ́ pɔ tɑ́Ꞌ ŋu.

Jɑ̂ŋ 5:26

Ɛ́ pɔ́Ꞌɔ mbíꞋŋɡɔ Sɛ́ Tɑ́t ẅi ɑ nɛsɑ́Ꞌ-kwɑꞋ luk, ɑ kɑ ɡɑ́ mîmɑ́ mɛtʉʉ mbɔ̌ mɔ́ɔ nɛ.

Mɛnu ɛ́ ńdɑ́Ꞌ ńcẅɛt 19:13

A mɑꞋ yɛcɔ́ ndẅí-fɑ́k, mbɔ pɛ́ kɑ nuꞋ tsɛt mɛci. Pɛ́ fúŋ wɛ́ ŋɡɔ sẅiŋɛ-sɛ́.

Jɑ̂ŋ 12:28

Tɑ̌ɑ mɔ, ɡúꞋlɛ lík yú. Ŋɡi-ŋu ɡɔ́ɔ ŋ́kɛ́ ɛ́fú nɛpú ńcú ŋɡɔ: «Ŋ ɡúꞋlɛ mɔ. Ŋ ɡʉ ḿbɛn ŋ́ɡúꞋlɛ fí fí.»

Jɑ̂ŋ 8:18

Mɔ pɑ́Ꞌɑ ńcú nu yí n jínɛ nǔu túmbʉʉ yɑ́ɑ, Tɑ̌ɑ mɔ ẅí ɑ kɑ túunɛ wɑ́ɑ, ɑ pɛn ḿbɔ́ ńcú yɛ́ nu yí ɑ jínɛ nǔu mɔ.»

Mɑtʉ̈ɔ 18:16

Lɑ́ ŋ́kɛ́ mbɔɔ zúꞋ ɔ lɔɔ tɑ́Ꞌ ŋu kɛ pʉɔ pɛ́pɑ́ ɔɔ, ńjí ŋɡɔ pɛ́ ɡʉ ŋ́ɡɔ ɛ́sẅíi yɔ nu pɑjʉ́ ńjʉ́ɔ pɔ́ sɛ́ pɛ́pɑ́ kɛ pɛtɑ́t ɔɔ.

1 Jɑ̂ŋ 1:1

Pɛk ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉʉ ńdɔk ɛ́sẅíi wʉ́ʉ nɛ́ nu nǔu sẅiŋɛ yi ɛ́ ɡɛnɛ pɛ́ pɔ́ ɡú, yi ɛ́ pɔ́ pɔ ɡú tɛ ɛ́fúnɛ nzɛnɛ-yúu tsʉʉ, pɛk kɑ lɔk mɛtúutɛ mɛ́k ńzúꞋ, ńdɔk mík mɛ́k ńjʉ́ɔ, ńniitɛ ńdíŋɛ ńdɔk mbɔ́ mɛ́k ŋ́kuu.

Jɑ̂ŋ 14:17

Ncẅɛ́ɛntɑ́ŋ ɛ̂wɑ́ pɔ́ pɔ zẅikŋɛ yí ɛ́ lɛ́Ꞌlɛ́nɛ nu nɛ́nẅín nǔu Sɛ́. Pʉɔ-ndǔmbí kɑ́ kuꞋ nɛkúkŋɛ zẅikŋɛ ɛ̂yɑ́ pɔ́, mbíꞋŋɡɔ pɔ́p kɑ́ pɔ́ ńjʉ́ɔ mɛfɑꞋ mɛ́ pɔ́, ḿbɛn ŋ́kɛ́ ḿbɔɔ pɔ́ ńjí wɛ́ pɔ́. Lɑ́ pʉʉ pɔ́ ńjí wɛ́, mbíꞋŋɡɔ ɑ nɛjɔ́ŋ pʉʉ, ḿbɛn ḿbɔ́ nǔu pʉʉ.

Jɑ̂ŋ 15:26

«Ncẅɛ́ɛntɑ́ŋ ẅi ŋ ɡʉ ŋ́ɡɛ ɛ́fú nɛjɔ́ŋ Tɑ̌ɑ mɔ túu mbɔ̌ pʉʉ, ɛ́ zẅikŋɛ yí ɛ́ fúnɛ mbɔ̌ Tɑ̌ɑ mɔ, ɛ́ lɛꞋlɛ nu nɛ́nẅín nǔu Sɛ́. Jʉ́ ɡʉnɛ ŋ́ɡɛ ɛ́sẅíi nu yí ɑ jínɛ nǔu mɔ.»

1 Jɑ̂ŋ 5:8

Yɔ Zẅikŋɛ-Sɛ́, yɔ pɔ́ ŋki, ŋ́ɡɛ mɛci, pɔ́p pɛtɑ́t sɛ́ ńdɛꞋlɛ tɑ́Ꞌ nu wɛ́mɔ́Ꞌ.