1 Jɑ̂ŋ 5:3 - Kɑɑ Fí

³ MbíꞋŋɡɔ nɛkɔŋ Sɛ́ ɛ́ píkŋɛ nɛtík ku nǔu mbʉ́ʉ mɛ́, nɛpʉ́ʉ nɛ́ pɛn ŋ́kɛ́ mbɔɔ tɛn ńdɛɛ wɛkŋɛ pɔ́.

1 Jɑ̂ŋ 5:3 Referans Kwoze

Jɑ̂ŋ 14:15

Pʉʉ lɑɑ ŋ́kɔŋ wɑ́ɑ, mbɔ pʉʉ ɡʉ ŋ́ɡɛ ŋ́ɡẅɛɛ nɛpʉ́ʉ nɑ́ɑ.

Jɑ̂ŋ 15:10

«Pʉʉ lɑɑ ŋ́ɡẅɛɛ nɛpʉ́ʉ nɑ́ɑ, mbɔ ŋ ɡʉ ḿbɔ́ ŋ́kɔŋ wʉ́ʉ kɔŋnɛ. Ndʉ́ŋndʉŋ pɑ́Ꞌ ŋ kɑ ɡẅɛɛnɛ nɛpʉ́ʉ-Tɑ̌ɑ mɔ ɑ pɛn ḿbɔ́ ŋ́kɔŋ wɑ́ɑ kɔŋnɛ.»

2 Jɑ̂ŋ 1:6

Nɛɡẅɛɛ ŋkɔŋɛ ɛ́ pɔ́ pɔ nɛkúꞋlɛ mbʉ́ʉ-Sɛ́. Nɛpʉ́ʉ ni pʉʉ kɑ zúꞋnɛ tɛ ɛ́fú nzɛnɛ ɛ́ pɔ́ pɔ ŋɡɔ pʉʉ nɑ́ŋ nɛ́ ŋkɔŋɛ.

1 Jɑ̂ŋ 2:3

Pɛkŋɛ lɑɑ ŋ́ɡɛ yúu mi Sɛ́ sɛ́ ńcú mbɔ̌ pɛkŋɛ, mbɔ ẅîwɑ́ nɛpɔ́ ɡʉ ńnyɛt wɛkŋɛ ŋɡɔ pɛkŋɛ jí Sɛ́.

Pʉɔ-Lɔ́mɑ 7:22

Mɔ kwɑꞋ tsɛt tʉ́m mɔ, nɛpʉ́ʉ-Sɛ́ pɔŋ wɑ́ɑ tɛꞋ.

Jɑ̂ŋ 15:14

«Pʉʉ lɑɑ ŋ́ɡɛ yúu mi m bíkŋɛ́nɛ wʉ́ʉ, mbɔ pʉʉ tsʉ́Ꞌ ḿbɔ́ pɔ pɛsúu pɑ́ɑ.»

Ɛ́bɛlʉʉ 8:10

Lɑ́ kɑɑ yi mɔ ŋ́ɡwɑt tsɛtsɛt pɛkŋɛ pɛ pʉɔ-Íslɑyɛ̂l pʉ́ɔ. Yîyɑ́ ŋkɑ́ ɡʉ ŋ́ɡɛ ḿbɔ́ tɛ ńdɛɛ, mɔ Tsɑpʉɔ cúnɛ Mɔ ŋ́ɡɛ jínu yɔ́p nɑ́ŋ ńtʉ́ʉ pɔ nǔu mɛnɛpʉ́ʉ mɑ́ɑ mbɑ tʉ́m yɔ́p tʉ́ʉ pɔ nǔu. M bɔ́ Sɛ́ yɔp pɔ́p pɔ́ pʉɔ pɑ́ɑ.

Pʉɔ-Lɔ́mɑ 7:12

Nɛpʉ́ʉ lɔk pɔ́Ꞌɔ, ɛ́fú mbɔ̌ Sɛ́, nu yi ɛ́ cúnɛ ŋɡɔ pɛ́ ɡɛ pɛn ɛ́fú yɛ́ pɔ mbɔ̌ Sɛ́, ḿbɔ́ nu yi ɛ́ ndʉ́ŋndʉŋ, ḿbɔ́ yi ɛ́ pɔŋnɛ.

Mɑtʉ̈ɔ 23:4

Pɔ́p cúꞋlɛ piꞋ yi ɛ́ jɔtnɛ tɛꞋ, ńzɑ́p ŋkɑmbʉ̈ɔꞋ-pʉɔmɛsɔŋ, lɑ́ ńdʉꞋ nɛpɔ́ yi kwɑꞋ pɔ́p ɡʉ sǐi ńdɔk mɔ́ncɛꞋ tɔ̂pɔ́ ŋ́ŋɑ́Ꞌ mbɑ ŋɑ́Ꞌnɛ.