1 Jɑ̂ŋ 3:14 - Kɑɑ Fí

¹⁴ Pɛkŋɛ fú nǔu pɑ́Ꞌ pɛkŋɛ sɛ́ ŋ́kɔŋ pɔ́ɔpɛ́mɑ́ pɛkŋɛ, ńjí ŋɡɔ pɛkŋɛ kɑ́ pɛn ḿbɔ́ pɛpfú pɔ́, pɛkŋɛ ntʉʉ. Ŋu ẅí ɑ kɑ́ kɔŋ ŋumɛsɔŋ pɔ́, pɛ́t ḿbɔ́ pɔ mpfú.

1 Jɑ̂ŋ 3:14 Referans Kwoze

1 Jɑ̂ŋ 5:2

Yúu mi pɛkŋɛ ɡʉ ɛ́fú nǔu ńjí ŋɡɔ pɛkŋɛ sɛ́ ŋ́kɔŋ pɔ́ɔ-Sɛ́, ɛ́ pɑ́Ꞌ pɛkŋɛ kɔŋnɛ Sɛ́, ḿbɛn ńtík ku nǔu mbʉ́ʉ mɛ́.

Jɑ̂ŋ 13:35

Pʉʉ lɑɑ ŋ́kɔŋɛ pʉʉ nɛ́ pʉʉ, mbɔ pʉɔ tsʉʉ ɡʉ ńjí ŋɡɔ pʉʉ ɡɑŋku pɑ́ɑ.»

1 Tɛsɑlɔník 4:9

Yɛcɔ́ yúu mi m bɔ́ ŋ́ŋwɑꞋnɛ ŋ́ɡɑ́ mbɔ̌ pʉʉ ntɛ́ ŋkɔŋɛ tsɛtsɛt pɔ́ɔpɛ́mɑ́ ɛ́ kɑ́ pɔ́ ɡú pɔ́, n cú mbíꞋŋɡɔ pʉʉ kɑ zíꞋ pɔ kwɑꞋ mbɔ̌ Sɛ́ nɛkɔŋ mɛmbʉʉ mʉ́ʉ.

Jɑ̂ŋ 5:24

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzúꞋ sẅiŋɛ yɑ́ɑ, ḿbɛn ńzɑ́p tʉ́m nǔu ŋu ẅí ɑ kɑ túunɛ wɑ́ɑ, mbɔ ŋɡɑŋ ɡẅɛɛ luk kɛ́mɛ. Pɛ́ kɛ́ ɡɛ ḿbɛn ŋ́ŋɑk wɛ́ pɔ́, ɑ luk nɛvú ńtsʉ́Ꞌ ŋ́ɡẅɛɛ pɔ luk kɛ́mɛ.

1 Pyɛ̂ 1:22

Pʉʉ kɑ lɔk nɛpɛ́m nu yi ɛ́ nɛ́nẅín, ɛ́suk tʉ́m yʉ́ʉ. Nɛpɔ́ yi pʉʉ ɡʉ ŋ́kɔŋ pɔ́ɔpɛ́mɑ́ pʉ́ʉ pi pʉʉ pɛpɔ́p zɑ́pnɛ tʉ́m nǔu Sɛ́, ŋ́kɔŋ wɔ́p tɛ ɛ́sẅíi nu. Pɔ́Ꞌɔ lɑ́, pʉʉ ɡẅɛɛ kwɑꞋ ŋkɔŋɛ tsɛtsɛt pʉʉ, ŋu kɔŋ mɔ́ɔmɑ́ wɛ nɛ́ tʉ́m yɛ́ tsʉʉ.

Mɑtʉ̈ɔ 25:40

Fɔɔ pʉ̈ɔt mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ yɛ́tɛ́ ŋkɑ́ ɔɔ yi pʉʉ kɑ ɡɛnɛ mɔnɛ mɛnu, nǔu wɛ́t mɔ́ɔ mɔ́ŋu ẅí ɑ mɔ́ɔmɑ́ mɔ lɑ́, mbɔ pʉʉ kɑ pɔ́ ŋ́ɡɛ pɔ nǔu mɔ.»

Ɛ́bɛlʉʉ 13:1

Pʉʉ kẅiꞋ ŋ́ɡẅɛɛ ŋkɔŋɛ tsɛtsɛt pʉʉ, pɑ́Ꞌ ɛ́ sɛ́ ḿbíkŋɛ ŋɡɔ pʉɔ-Kɛlístɔ ɡɛ pɔ́Ꞌɔ, tsɛtsɛt pɔ́p.

Jɑ̂ŋ 15:12

Nɛpʉ́ʉ nɑ́ɑ pʉ́ɔlɑɑnɛ: «Pʉʉ kɔŋɛ pʉʉ nɛ́ pʉʉ pɑ́Ꞌ ŋ kɑ kɔŋnɛ wʉ́ʉ lɑ́.»

1 Jɑ̂ŋ 4:12

Wɛcɔ́ ŋu ẅí ɑ kɑ zɑ́p mɔ́ lík nǔu Sɛ́ kɑ́ pɔ́ ɡú pɔ́. Lɑ́ ḿbɔ́ yi pɛkŋɛ lɑɑ ŋ́ɡẅɛɛ ŋkɔŋɛ tsɛtsɛt pɛkŋɛ, mbɔ pɛkŋɛ pɛ Sɛ́ pɔ́nɛ, ŋkɔŋɛ yɛ́ lɔk ńtsuŋ ḿbɔ́ nǔu pɛkŋɛ tɛ yúu pɔɔ jɑ́k nǔu pɔ́.

1 Jɑ̂ŋ 3:23

Nɛpʉ́ʉ nɛ́ ɛ̂nɑ́, ɛ́ pɔ ŋɡɔ: Pɛkŋɛ zɑ́p tʉ́m nǔu Mɔ́ɔ nɛ Kɛlístɔ, ḿbɛn ŋ́ɡẅɛɛ ŋkɔŋɛ tsɛtsɛt pɛkŋɛ, ɛ́ nɛpʉ́ʉ ni Yɛ́su kɑ zɑ́pnɛ ŋɡɔ pɛkŋɛ nɛn nǔu.

1 Pyɛ̂ 3:8

Mɔ ŋ́ɡɔ́ ńdẅiklɛ, ńcú ŋkɔ̂ɔnɛ mbɔ̌ pʉɔ tsʉʉ ŋɡɔ, pʉʉ ɡẅɛɛ tɑ́Ꞌ ntsu, ŋu wʉʉ jʉ́ɔ nu-ŋu pɑ́Ꞌ yɛ́, ḿbɔ́ ŋɡɑŋ tsɑ́ɑ mɛjʉ́ŋ, ŋ́ɡẅɛɛ ŋkɔŋɛ tsɛtsɛt pɔ́ɔpɛ́mɑ́, ŋ́ɡɑ́ mbʉʉ sɛ́.

Kɔlɔsíyɛ̂ŋ 1:4

mbíꞋŋɡɔ pɛ́ kɑ sẅíi wɛ́k nɛ́ ntɛ́ yi pʉʉ sɛ́ ńdɔk ńzɑ́p tʉ́m nǔu Yɛ́su Kɛlístɔ mbɑ ntɛ́ yi pʉʉ sɛ́ ńdɔk ŋ́kɔŋ pʉɔ-Sɛ́ pɛtsʉʉ.

Ɛ́fɛ̂zɛ 1:15

Pɑ́Ꞌ ŋ kɑ zúꞋnɛ ŋɡɔ pʉʉ sɛ́ ŋ́kẅiꞋ ńzɑ́p tʉ́m yʉ́ʉ nǔu Tsɑpʉɔ Yɛ́su, ḿbɛn ńzúꞋ ŋɡɔ pʉʉ sɛ́ ŋ́kɔŋ pʉɔ-Sɛ́ pɛtsʉʉ lɑ́,

1 Jɑ̂ŋ 5:13

Ŋ ŋwɑꞋnɛ mɔnɛ mɛnu ńdɔk ɛ́sẅíi wʉ́ʉ wi pʉʉ zɑ́pnɛ tʉ́m nǔu mɔ́ɔ-Sɛ́ ŋɡɔ: Pʉʉ ɡẅɛɛ luk kɛ́mɛ.

Jɑ̂ŋ 15:17

«Yúu mi ŋ kɛ́ nɛ ḿbíkŋɛ wʉ́ʉ, ɛ́ pɔ́ pɔ ŋɡɔ, pʉʉ ɡẅɛɛ ŋkɔŋɛ pʉʉ nɛ́ pʉʉ.»

1 Jɑ̂ŋ 2:3

Pɛkŋɛ lɑɑ ŋ́ɡɛ yúu mi Sɛ́ sɛ́ ńcú mbɔ̌ pɛkŋɛ, mbɔ ẅîwɑ́ nɛpɔ́ ɡʉ ńnyɛt wɛkŋɛ ŋɡɔ pɛkŋɛ jí Sɛ́.

2 Pyɛ̂ 1:7

ŋ́ɡʉ nǔu nɛjí pɔ ndɑꞋ Sɛ́, ŋ́kẅiꞋ pɑ́Ꞌ nu-pɔ́ɔpɛ́mɑ́ pʉ́ʉ ɡʉ ḿbɔŋ wʉ́ʉ, ŋ́ɡʉ nǔu pɑ́Ꞌ nu-pɔ́ɔpɛ́mɑ́ pʉ́ʉ sɛ́ ḿbɔŋ wʉ́ʉ, ŋ́kẅiꞋ ŋkɔŋɛ.

Ɛ́fɛ̂zɛ 2:5

ɑ kɑ ɡɛ pɛkŋɛ pɛ Kɛlístɔ pɛn ḿbɔ́ ɡú, tɛ mbɑ pɑ́Ꞌ pɛkŋɛ kɑ pɔ́ mbɔ̌ wɛ́ yɛcɔ́ ŋkɑ́, mbɔ pɛkŋɛ kɑ pfú mbíꞋ mɛfɑɑnɛ mɛkŋɛ lɑ́. A kɑ lɔk pɔ pɔŋtʉ́m yɛ́ ŋ́ɡɛ pɛkŋɛ luk.

2 Kɔlɛ̂ŋtɛ 5:1

Pɛk zɛɛ ḿbɔ́ ńjí ŋɡɔ ntɑp wɔ ẅi pɛkŋɛ tsɛtú, ɛ́ pɔ́ mbʉʉ yɛkŋɛ lɑɑnɛ, ɛ́ lɑɑ ńzɛɛ ḿbɔ́ yɛcɔ́ lɛ́Ꞌ ŋ́kɛmɛ kɛmɛ́nɛ, mbɔ pɛkŋɛ ɡẅɛɛ ndɑ́ tʉ́nɛ́pú, ɛ́ pɔ́ yi ɛ́ ɡʉ ńdɑ́Ꞌ ḿbɔ́ pɔ ɡú. Pʉɔmɛ́sɔŋ ŋkɑɑnɛ pɔ́ɔ, Sɛ́ kɑ pɔ́ɔnɛ.

Ɛ́fɛ̂zɛ 2:1

Pʉʉ kɑ pɔ́ yɛcɔ́ ŋkɑ́ ḿbɔ́ mbɔ̌ Sɛ́, mbɔ pʉʉ kɑ pfú mɔ́ mbíꞋ pɑ́Ꞌ pʉʉ kɑ pɔ́ ɡɑŋmɛfɑɑnɛ ḿbɛn ḿbɔ́ pɑɡɛ mɛnu kɛpɔŋ.

Ŋɡɑlɑ̂t 5:22

Lɑ́, mɛnu sʉ́Ꞌnɛ mi Zẅikŋɛ Lɛ́ɛnɛ́nɛ ɡɛnɛ ŋu ɡɛ ɛ́ mɔnɛ: Ḿbɔ́ nɛɡẅɛɛ ŋkɔŋɛ, ḿbɔ́ nɛnɑ́ŋ nɛ́ tsɑ́ɑtɛ, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛɡẅɛɛ kɔkmbʉʉ, ḿbɔ́ nɛtʉ́ʉ nɛcẅɛ́lɛ pʉɔ, ḿbɔ́ nɛɡẅɛɛ pɔŋtʉ́m, ḿbɔ́ nɛnɑ́ŋ kɛ́ pɔ́ ŋɡɑŋ mɛfúklɛ,

Lúkɑ́shi 15:32

Lɑ́, ɛ́ ḿbɔ́ ḿbɔŋ ŋɡɔ pɛkŋɛ tsɑ́ɑtɛ kwɑꞋ sʉ́Ꞌnɛ, mbíꞋŋɡɔ mɔ́ɔmɑ́ wu wɔnɛ kɑ pfú, ɑ pɛn ḿbɛnɛ, ɑ kɑ pɛ́, m bɛn ńjʉ́ɔ wɛ́.»

Lúkɑ́shi 15:24

mbíꞌŋɡɔ mɔ́ɔ wɑɑ wɔnɛ kɑ pfú, ɑ pɛn ḿbɛnɛ, ɑ kɑ pɛ́, m bɛn ńjʉ́ɔ wɛ́.» A cú pɔ́Ꞌɔ, pɔ́p ɡɔ́ɔ ńzɛ nɛtsɑ́ɑtɛ.

Lúkɑ́shi 7:5

A kɔŋ lɑ́Ꞌ yɛkŋɛ kɔŋnɛ tɛ mbɔ ɑ kɑ kút ndɑ́-cúꞋlɛ mbɔ̌ pɛk.»