1 Jɑ̂ŋ 2:4 - Kɑɑ Fí

⁴ Ŋu ẅí ɑ cúnɛ ŋɡɔ: «N jí wɛ́» Lɑ́ ŋ́kɛ́ ḿbɔɔ mbʉ́ʉ mɛ́ kúꞋlɛ, mbɔ ŋɡɑŋ ncɔtnu, nu nɛ́nẅín yi ɛ́ fúnɛ mbɔ̌ Sɛ́ lɔk ḿbɔɔ ḿbɔ́ tsɛt tʉ́m-ŋɡɑŋ pɔ́.

1 Jɑ̂ŋ 2:4 Referans Kwoze

1 Jɑ̂ŋ 1:6

Pɛkŋɛ lɑɑ ńcú ŋɡɔ pɛkŋɛ pɛpɔ́p tɛmtɛ, lɑ́ ḿbɛn ḿbɔ́ ńnɛn tsɛt nzɛ́nzʉ́ʉ, mbɔ pɛkŋɛ cɔtnu, ńdɔk ḿbɔɔ ŋ́ɡɛ yúu mi ɑ sɛ́ ŋ́kɔŋ pɔ́.

Tîtɛ 1:16

Pɔ́p tʉ́ʉ ńcú ŋɡɔ pɔ́p jí Sɛ́, lɑ́ mɛnu mi pɔ́p ɡɛnɛ nyɛt ŋɡɔ pɔ́p kɑ́ jí wɛ́ pɔ́. Pɔ́p ɡɛ yúu mi ɛ́ shẅɛt shẅɛtnɛ, ńtʉʉ tú mbɔ̌ Sɛ́ tɛꞋ, mbɔ pɔ́p zɛɛ mbɔɔ ɡɛ nu sʉ́Ꞌnɛ pɔ́.

1 Jɑ̂ŋ 1:8

Pɛkŋɛ lɑɑ ńcú ŋɡɔ nu kɛpɔŋ kɑ́ pɔ́ nǔu pɛkŋɛ pɔ́, mbɔ pɛkŋɛ lɔk pɔ́Ꞌɔ, ɛ́fɑɑnɛ sɛ̂ndúŋ, ḿbɛn ŋ́kɛ́ ḿbɔɔ ńjí nu nɛ́nẅín yi ɛ́ fúnɛ mbɔ̌ Sɛ́ pɔ́.

1 Jɑ̂ŋ 4:20

Ŋu lɑɑ ńcú ŋɡɔ ɑ sɛ́ ŋ́kɔŋ Sɛ́, ŋɡɔ ńcú pɔ́Ꞌɔ, ḿbɔ́ ḿbɑɑ mɔ́ɔmɑ́ wɛ, mbɔ ɑ ŋɡɑŋ cɔtnu. MbíꞋŋɡɔ ŋu lɑɑ mbɔɔ kɔŋ mɔ́ɔmɑ́ wɛ ẅí ɑ sɛ́ ńjʉ́ɔ wɛ́ pɔ́, ɑ pɔɔ kuꞋ nɛkɔŋ Sɛ́ ẅí ɑ kɑ́ pɔ́ ńjʉ́ɔ wɛ́ pɔ́ pɔ́.

1 Jɑ̂ŋ 2:9

Ŋu ẅí ɑ cúnɛ ŋɡɔ ŋɡɛnɛ mɛnu mɛ́ ɛ́ mɛ́ zʉꞋ fúknɛ, ḿbɛn ḿbɔ́ ḿbɑɑ mɔ́ɔmɑ́ wɛ, ŋɡɑŋ lɔk ḿbɛ́t ḿbɔ́ pɔ tsɛt nzɛ́nzʉ́ʉ.

1 Jɑ̂ŋ 1:10

Pɛkŋɛ kɛ ńcú ŋɡɔ pɛkŋɛ kɑ́ pɔ́ ɡɑŋmɛfɑɑnɛ pɔ́, mbɔ pɛkŋɛ lɔk Sɛ́ ɛ́fúŋ ŋɡɑŋ cɔtnu, sẅiŋɛ yɛ́ pɔɔ lɔk ḿbɔ́ nǔu pɛkŋɛ pɔ́.

Jɑ̂ŋ 8:44

Wʉʉ tɑ́t ɑ sɑ́ttɑ, pʉ́ʉ pɛn mbɔ̌ ŋ́kɔŋ nɛɡɛ yúu mi ɑ sɛ́ ńtsɑ́ɑ. Ɛ́ ɡʉ nǔu wɛ́, mbɔ tɛ ɛ́fú nzɛnɛ, ɑ pɔ́ pɔ njẅíŋu. A ŋkɑɑ mɔ́ ńnɛn tsɛt nu nɛ́nẅín pɔ́. MbíꞋŋɡɔ ɑ kɑ́ ɡẅɛɛ nu nɛ́nẅín tsɛt tʉ́m yɛ́ pɔ́, tɛ kɑ́ɑ mɔ́zʉꞋ. A pɔ́ tɛ ḿbɔ́ ńcɔt nu, ɛ́ pɔ́ pɔ kwɑꞋ sẅiŋɛ yɛ́, mbíꞋŋɡɔ ɑ ŋɡɑŋ cɔtnu, ḿbɔ́ ŋu ẅi jʉ́ kɑ nɔŋnɛ cɔtnu.

Tîtɛ 1:10

N cú ŋɡɔ ɔ zɑ́p pʉɔ pɑ́Ꞌɑ, mbíꞋŋɡɔ pʉɔ tɛ ńzɑ́ɑ sɛ́ ḿbɔ́ ńtʉʉ tú. Pɔ́p sɛ́ ńzíꞋ pʉɔ nɛ́ mɛnu mí ɛ́ kɑ́ tʉ́ʉ, ńdɔk ɛ́fúklɛ wɔ́p. Nɛzɑ́ɑ pɔ́ pɑyúdɑ pi pɔ́p pɛ́mnɛ nu-Yɛ́su Kɛlístɔ.

1 Jɑ̂ŋ 2:3

Pɛkŋɛ lɑɑ ŋ́ɡɛ yúu mi Sɛ́ sɛ́ ńcú mbɔ̌ pɛkŋɛ, mbɔ ẅîwɑ́ nɛpɔ́ ɡʉ ńnyɛt wɛkŋɛ ŋɡɔ pɛkŋɛ jí Sɛ́.

1 Jɑ̂ŋ 3:6

Ɛ́ yɛ́tɛ́, mbɑ wɔ̌ lɑ́ ẅí ɑ lɑtnɛ mbʉʉ yɛ nǔu wɛ́, ɑ kɑ́ pɛn ɛ́fɑɑnɛ nu pɔ́, mbɑ wɔ̌ lɑ́ ẅi ɑ nɑ́ŋ ɛ́fɑɑnɛ pɔ nu, ɑ ŋkɑɑ mɔ́ Yɛ́su jʉ́ɔ, ŋ́kɛ́ mbɔɔ wɛ́ jí.

1 Jɑ̂ŋ 4:7

Pɛsúu pɑ́ɑ pɛ́ tʉʉndɛn, pɛkŋɛ ɡẅɛɛ ŋkɔŋɛ tsɛtsɛt pɛkŋɛ, mbíꞋŋɡɔ ŋkɔŋɛ ɛ́fú mbɔ̌ Sɛ́. Ŋu ẅí ɑ ɡẅɛɛnɛ ŋkɔŋɛ ɑ mɔ́ɔ-Sɛ́, ḿbɔ́ ńjí Sɛ́.