1 Jɑ̂ŋ 2:21 - Kɑɑ Fí

²¹ Ŋ kɑ ɡɔ́ ŋwɑꞋnɛ ŋwɑꞋnɛ ŋ́ɡɑ́ mbɔ̌ pʉʉ mbɔɔ ńdɔk ńcú ŋɡɔ pʉʉ kɑ́ pɔ́ ńjí nu nɛ́nẅín pɔ́ pɔ́. Ɛ́ pɔ́ pɔ nu yi pʉʉ sɛ́ ńjí. Pʉʉ pɛn ḿbɔ́ ńjí ŋɡɔ, mbɔ yɛcɔ́ cɔtnu pɔɔ tsɛt nu nɛ́nẅín cẅɛt.

1 Jɑ̂ŋ 2:21 Referans Kwoze

2 Pyɛ̂ 1:12

Ɛ́ yúu mi ɛ́ ɡɛnɛ ŋ ɡʉ ńdɑ́Ꞌ ńjúk kẅíitɛ wʉ́ʉ nɛ́ mɔnɛ mɛnu kẅíitɛ́nɛ tɛ mbɑ pɑ́Ꞌ pʉʉ sɛ́ ńjí, ḿbɛn ḿbɔ́ ńnɛn pɔ nǔu nu yi ɛ́ nɛ́nẅín yi pɛ́ kɑ sẅíinɛ wʉ́ʉ lɑ́.

Jẅidɛ 1:5

Mɔ sɛ́ ŋ́kɔŋ nɛkẅíitɛ wʉ́ʉ nɛ́ nu yi pʉʉ tsuŋ ḿbɔ́ ńjí sʉ́Ꞌnɛ, ɛ́ pɔ́ pɑ́Ꞌ Tsɑpʉɔ kɑ cẅɛɛtɛ́nɛ pʉɔ pɛ́ pʉɔ-Isɑyɛ̂l tsɛt ŋɡɔŋ-Ɛ́ɡíptɔ pɔ́p luk, ḿbɑ́ɑtɛ ŋ́ɡɛ pʉɔ pi pɔ́p ŋ́kɑɑ zɑ́p tʉ́m nǔu wɛ́ tsɛtsɛt pɔ́p pɔ́ lɑ́kŋɛ.

Jɑ̂ŋ 8:44

Wʉʉ tɑ́t ɑ sɑ́ttɑ, pʉ́ʉ pɛn mbɔ̌ ŋ́kɔŋ nɛɡɛ yúu mi ɑ sɛ́ ńtsɑ́ɑ. Ɛ́ ɡʉ nǔu wɛ́, mbɔ tɛ ɛ́fú nzɛnɛ, ɑ pɔ́ pɔ njẅíŋu. A ŋkɑɑ mɔ́ ńnɛn tsɛt nu nɛ́nẅín pɔ́. MbíꞋŋɡɔ ɑ kɑ́ ɡẅɛɛ nu nɛ́nẅín tsɛt tʉ́m yɛ́ pɔ́, tɛ kɑ́ɑ mɔ́zʉꞋ. A pɔ́ tɛ ḿbɔ́ ńcɔt nu, ɛ́ pɔ́ pɔ kwɑꞋ sẅiŋɛ yɛ́, mbíꞋŋɡɔ ɑ ŋɡɑŋ cɔtnu, ḿbɔ́ ŋu ẅi jʉ́ kɑ nɔŋnɛ cɔtnu.

Jɑ̂ŋ 18:37

Pilɑ́tɔ píkŋɛ wɛ́ ŋɡɔ: «Ɔ lɔk ḿbɔ́ fɔɔ pɔ́ ɔɔ?» Yɛ́su tsɔ́Ꞌ ŋɡɔ: «Gu cúnɛ pɔ́Ꞌɔ, mɔ fɔɔ. ZúꞋ yúu mi ɛ́ kɑ ɡɛnɛ pɛ́ pí wɑ́ɑ, ḿbɛn ńzúꞋ yúu mi ɛ́ kɑ ɡɛnɛ n tɔ́ ndǔmbí. Ŋ kɑ tɔ́ nɛcú yúu mi n jínɛ nǔu nu nɛ́nẅín. Ŋu pɔ́ nǔu nu nɛ́nẅín, ńzúꞋ ŋɡi yɑɑ.»

Jɑ̂k 1:19

Pɔ́ɔpɛ́mɑ́ pɑ́ɑ pɛtʉʉndɛn, pʉʉ jí ŋɡɔ ɛ́ pɔŋ mbɔ̌ ŋu nɛjí nɛzẅíꞋlɛ nu yi pɛ́ cúnɛ, ḿbɛn ńcú yɛ́ nu ɛ́ kuꞋ kuꞋnɛ, ŋ́kɛ́ mbɔɔ fɛ́Ꞌnɛ ńzɑ́ŋ lɔ́ŋ pɔ́,

1 Jɑ̂ŋ 3:19

Pɛkŋɛ ɡʉ ŋ́ɡɛ pɔ́Ꞌɔ, lɑ́ ńjí ŋɡɔ pɛkŋɛ nǔu ɡúŋ nu nɛ́nẅín, tʉ́ʉ mbi Sɛ́ tʉ́m yɛkŋɛ pɔɔ ɡwɛt.