1 Jɑ̂ŋ 2:17 - Kɑɑ Fí

¹⁷ Ndǔmbí zɛɛ ḿbɔ́ ńdɛɛ lɛɛnɛ, tɛ mbɑ yúu mi pʉɔmɛsɔŋ sɛ́ ńjʉ́ɔ ndǔmbí ńtsɑ́ɑ nɛɡẅɛɛ. Lɑ́ ŋu ẅí ɑ ɡɛnɛ yúu mi Sɛ́ sɛ́ ŋ́kɔŋ, ɑ ɡʉ ḿbɔ́ pɔ ɡú ŋkɑ́ tsʉʉ.

1 Jɑ̂ŋ 2:17 Referans Kwoze

Mɑtʉ̈ɔ 24:35

Nɛpú pɔ́p tsɛ́tsɑ́Ꞌ ɡʉ ŋ́ɡɛ ḿmɛ lɑ́ sẅiŋɛ yɑ́ɑ lɑ́Ꞌ mbɔɔ pɛ́.

Pʉɔ-Lɔ́mɑ 12:2

Kɔɔ pʉʉ ɡɛ mʉ́ʉ mɛnu pɑ́Ꞌ pʉɔ pi pɔ́p ndǔmbí ŋkɔ̂ɔnɛ. Pʉʉ pɛ́m Sɛ́ pɔ́ ŋ́ɡɑ́ jínu yɛ fí mbɔ̌ pʉʉ ńdɔk ŋ́kúpmɛ yʉʉ ntɛ́ nɛkwɑŋɛ nu pɔ tsʉʉ, ɛ́ lɛɛ pɔ́Ꞌɔ, pʉʉ kuꞋ nɛjí yúu mi jʉ́ Sɛ́ sɛ́ ŋ́kɔŋ ŋɡɔ pʉʉ ɡɛ. Pʉʉ jí yúu mi ɛ́ pɔŋnɛ, ńjí yi ɛ́ pɔŋnɛ wɛ́, ńjí yi yɛcɔ́ lɔ́Ꞌ kɑ́ pɔ́ nǔu pɔ́.

1 Kɔlɛ̂ŋtɛ 7:31

Pʉɔ pí pɔ́p sɛ́ ńjʉ́ fuꞋ tsɛt yɔ mbí nɑ́ŋ pɑ́Ꞌ ŋkɑ́ yi pɔ́p kɑ́ pɔ́ ńjʉ́ pɔ́ lɑ́, mbíꞋŋɡɔ ndǔmbí yɔ yí pɛkŋɛ sɛ́ ńjʉ́ɔ lɑɑ kɛ́ ɡɛ ńdɑ́Ꞌ ḿbɔ́ pɔ ɡú pɔ́.

1 Pyɛ̂ 4:2

Pɔ́Ꞌɔ lɑ́, pʉʉ ɡʉ nǔu mɛlɛ́Ꞌlɑ́Ꞌ mi pʉʉ pɛ́tnɛ ŋ́ɡẅɛɛ ndǔ tsɛ́tsɑ́Ꞌ, ŋ́ɡɛ pɔ yúu mi Sɛ́ sɛ́ ŋ́kɔŋ, kɔɔ pʉʉ ɡɛ yúu mi mbʉʉ-ŋu tsʉ́ʉnɛ́nɛ wɛ́ ɑ ɡɛ.

Ɛ́bɛlʉʉ 10:36

Ɛ́ zɛɛ ḿbɔ́ ḿbíkŋɛ ŋɡɔ pʉʉ kɛ́ sɑ́Ꞌ pɔ tʉʉ, ńjí ŋɡɔ pʉʉ ɡʉ ḿbɔ́ ŋ́ɡɛ pɔ yúu mi Sɛ́ sɛ́ ŋ́kɔŋ, ɛ́ fú pɔ́Ꞌɔ, pʉʉ ɡẅɛɛ yúu mi ɑ kɑ kɑꞋnɛ nɛɡɑ́ mbɔ̌ pʉʉ.

Mɑ́lɛ́kúshi 3:35

Jínɛ ŋɡɔ ŋu lɑɑ ŋ́ɡɛ yúu mi Sɛ́ sɛ́ ŋ́kɔŋ, mbɔ ŋɡɑŋ mɑ́mɑ́ wɑɑ, mbɔ mɔ́ɔmɑ́ mɔ, wɛ ŋu mbɛ́ɛnɛ mbɑ wɛ mɑŋɡɛ́.

1 Pyɛ̂ 1:5

ɛ́ yúu yʉ́ʉ, pʉʉ pʉɔ pi Sɛ́ sɛ́ ńdɔk mɛtʉʉ mɛ́ ḿbyɛ́p wʉ́ʉ, ɛ́ pɔ́ pɑ́Ꞌ pʉʉ sɛ́ ńzɑ́p tʉ́m nǔu wɛ́. Jʉ́ pyɛ́pnɛ wʉ́ʉ pɑ́Ꞌ pʉʉ ɡʉ ŋ́ɡɛ ŋ́ɡẅɛɛ luk yi ɛ́ ɡʉ ńdɑ́Ꞌ ndẅiknzʉʉ lɛ́Ꞌ ŋ́ɡɛ pɛ́ jʉ́ɔ.

1 Tɛsɑlɔník 4:3

Yúu mi Sɛ́ sɛ́ ŋ́kɔŋ ɛ́ pɔ́ pɔ ŋɡɔ pʉʉ pɔ́ ndɛ́ɛnɛ lɛ́ɛnɛ́nɛ, kɔɔ mbɛ́ɛnɛ lɔɔ pɑŋɡɛ́, kɔɔ pɑŋɡɛ́ lɔɔ mbɛ́ɛnɛ,

Jɑ̂ŋ 4:14

Lɑ́ ŋu lɑɑ nɔ́ ŋki ẅí mɔ ɡɑ́nɛ mbɔ̌ wɛ́, mbɔ ɡɑ́k yɛ́ kɛ́ lɑ́Ꞌ ḿbɛn ɛ́shí pɔ́. Mbɔ ŋki ɛ̂wɑ́ ɡʉ ŋ́kúu mbʉʉ yɛ́, ńtsʉ́Ꞌ pɔ nɛsɑ́Ꞌ ŋki, zʉꞋ yí ŋki ɡʉ ḿbɔ́ ɛ́fú zúꞋu ńcúŋ, ŋ́ɡɑ́ wɛ́ nɛ́ luk kɛ́mɛ.»

Mɑtʉ̈ɔ 7:21

Ɛ́ ɡʉ nǔu pʉɔ pínɛ pɔ́p fúŋnɛ wɑ́ɑ ŋɡɔ: «Tsɑpʉɔ, Tsɑpʉɔ pɔ́p pɛtsʉʉ kɛ́ lɑ́Ꞌ ńjʉ́ pii-nɛfɔɔ-Sɛ́ pɔ́. NdɑꞋ pʉɔ pínɛ pɔ́p ɡɛnɛ yúu mi Tɑ̌ɑ mɔ ẅí ɑ tʉ́nɛ́pú sɛ́ ŋ́kɔŋ ŋɡɔ pɛ́ ɡɛ.»

Jɑ̂k 4:14

Pʉʉ pɔɔ jí pɑ́Ꞌ lɛ́Ꞌlɑ́Ꞌ zɔ́n ɡʉ ḿbɔ́ pɔ́Ꞌɔ, mbɔ̌ pʉʉ pɔ́, pʉʉ jí ŋɡɔ pʉʉ pɑ́Ꞌ zwɛ́t-nɛkʉŋ ní ɛ́ cẅɛtnɛ, ńtɔ́ nɛnɑ́ŋ ɛ́fɛ́.

Jɑ̂ŋ 6:58

Yɔ pɑꞋ yúujʉ́ pi ɛ́ fúnɛ tʉ́nɛ́pú pɔ́nɛ, ɛ́ kɑ́ pɔ́ pɑ́Ꞌ yi pɛtɑ́t pʉ́ʉ kɑ kwɛ́tnɛ ŋ́kɛ́ ḿbɛn ḿpfú pfúnɛ pɔ́. Ŋu lɑɑ ńjʉ́ pɔ yúujʉ́ yi ɛ́ fúnɛ tʉ́nɛ́pú, mbɔ ŋɡɑŋ ɡʉ ńdɑ́Ꞌ ḿbɔ́ pɔ ɡú.

Mɑtʉ̈ɔ 21:31

Pɔ́Ꞌ lɑ́, wɔ̌ nǔu mbɔ́ŋkʉ̈ɔ́ pɔnɛ pɛ́pɑ́ kɑ ɡɛnɛ yúu mi tɑ̌ɑ wɔp sɛ́ ŋ́kɔŋ? Pɛtɑ́tndɑ́-pɑnɔŋpɔꞋ pɔ́p pɛlʉ́m tsɛt lɑ́Ꞌ pʉ̈ɔt ŋɡɔ: Ɛ́ nduŋmbi. Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, pɑcẅɛ́ɛ ntsup-Lɔ́mɑ pɔ́p ɡɑŋɡɑ́ɑ pɑŋɡɛ́ sɛ́ ńjʉ́ pii nɛkúu nǔu nu-nɛfɔɔ-Sɛ́ ńtsɑ wʉ́ʉ,»

1 Tɛsɑlɔník 5:18

ḿbɔ́ ŋ́ɡɑ́ pɑ́Ꞌlɑ́ mbɔ̌ wɛ́ nǔu kʉ̈ɔ́ lɑ́. Ɛ́ yúu mi Sɛ́ kɔŋnɛ ŋɡɔ pʉʉ pi pʉʉ pɛ́ Yɛ́su Kɛlístɔ kɑ tsʉ́Ꞌ mɔ́ tɑ́Ꞌ ŋu lɑ́, pɔ́ ŋ́ɡɛ.

Kɔlɔsíyɛ̂ŋ 4:12

Ɛpɑfɑlɑs ẅí ɑ ŋu lɑ́Ꞌ wʉʉ, cɛꞋlɛ wʉ́ʉ. Yɔ ŋu ẅí ɑ fɑꞋnɛ fɑꞋ-Yɛ́su Kɛlístɔ, ńnɑ́ŋ ŋɡɔŋ ŋkɑ́ tsʉʉ ḿbɔ́ ńdɔk nɛcɛꞋlɛ Sɛ́, ḿmɑꞋ ntsɔ nǔu tú yʉ́ʉ. A ɡɛ pɔ́Ꞌɔ, nɛpɔ́ yi pʉʉ ɡʉ tɛntɛ nǔu nu-Yɛ́su, yɛcɔ́ yúu pɔɔ pɛn ńjɑ́k nǔu pʉʉ pɔ́, pʉʉ ńnɑ́ŋ ŋɡɔŋ ŋkɑ́ tsʉʉ, ḿbɛ́m pɔ nɛɡɛ yúu mi Sɛ́ sɛ́ ŋ́kɔŋ ŋɡɔ pʉʉ ɡɛ.

Kɔlɔsíyɛ̂ŋ 1:9

Mɔnɛ mɛnu mi ɛ́ ɡɛnɛ lɑ pɛk ŋ́kɑɑ mɔ́ lɑ́Ꞌ ńcɛꞋlɛ Sɛ́ nǔu tú yʉ́ʉ tɛ ɛ́fú lɛ́Ꞌ yi pɛ́ kɑ sẅíinɛ wɛ́k nɛ́ ntɛ́ yi pʉʉ lɔknɛ ŋ́kúꞋlɛ nu-Sɛ́ pɔ́Ꞌɔ pɔ́. Pɛk sɛ́ ńdɔ́ɔ mbɔ̌ Sɛ́ ŋɡɔ ɑ ɡɛ pʉʉ tsuŋ ńjí yúu mi ɑ kɔŋnɛ, ńdɛɛ nǔu jínu mbɑ nɛsɑ́ŋ nu yi Zẅikŋɛ Lɛ́ɛnɛ́nɛ ɡɑ́nɛ mbɔ̌ pʉʉ.

Jɑ̂ŋ 7:17

Ŋu lɑɑ ḿbɔ́ ŋ́kɔŋ nɛɡɛ yúu mi Sɛ́ sɛ́ ŋ́kɔŋ, mbɔ ŋɡɑŋ ɡʉ ńjí, kɛ yúu mi n zíꞋnɛ pʉɔ fú pɔ mbɔ̌ Sɛ́ ɔɔ, kɛ ɛ́ pɔ́ pɔ yɑ́ɑ sẅiŋɛ ɔɔ.