1 Jɑ̂ŋ 2:13 - Kɑɑ Fí

¹³ Mɔ sɛ́ ɛ́sẅíi wʉ́ʉ pɛlʉ́m ŋɡɔ: Pʉʉ pɛꞋnɛ ḿbɔ́ ńjí ŋu ẅí ɑ ɡú tɛ ɛ́fúnɛ nzɛnɛ, ḿbɔ́ ɛ́sẅíi wʉ́ʉ pɔ́ɔsuu ŋɡɔ pʉʉ kɑ kɛ́ ńtɛn ńdɛɛ ŋu kɛpɔŋ.

1 Jɑ̂ŋ 2:13 Referans Kwoze

Jɑ̂ŋ 14:7

Pʉʉ pɛ́Ꞌnɛ ńjí wɑ́ɑ, mbɔ pʉʉ jí Tɑ̌ɑ mɔ ɡúu. Ŋ kɛ́ ńcú pɑ́Ꞌnɛ pʉʉ pɔ́ ŋkɔ̂ɔnɛ ḿbɔ́ ńjí wɛ́. Mbɔ pʉʉ jʉ́ɔ wɛ́.»

1 Jɑ̂ŋ 2:14

Mbɔ́ŋkʉ̈ɔ́ pɑ́ɑ, mɔ pɑ́Ꞌɑ ḿbɔ́ ŋ́ŋwɑꞋnɛ ɛ́sẅíi wʉ́ʉ ŋɡɔ pʉʉ sɛ́ ńjí Tɑ́t wɛkŋɛ, ŋ́ɡʉ nǔu pʉʉ pɛlʉ́m, mbɔ mɔ pɑ́Ꞌɑ ḿbɔ́ ɛ́sẅíi wʉ́ʉ ŋɡɔ pʉʉ sɛ́ ńjí ŋu ẅí ɑ ɡú tɛ ɛ́fú nzɛnɛ, ŋ́ɡʉ nǔu pʉʉ pɔ́ɔsuu, mɔ sɛ́ ɛ́sẅíi wʉ́ʉ ŋɡɔ, pʉʉ pɔ́ ńtɛntɛ tɛntɛnɛ, sẅiŋɛ-sɛ́ kɛ́ ḿbɔ́ pɔ tʉ́m pʉʉ, pʉʉ pɔ ńtɛn ńdɛɛ ŋu kɛpɔŋ.

1 Jɑ̂ŋ 4:4

Pʉʉ mbɔ́ŋkʉ̈ɔ́ pɑ́ɑ, pʉʉ nǔu ɡúŋ yɛ́ Sɛ́. Pʉʉ kɑ kɛ́mɔ́ ńdʉɔ́Ꞌ tɛ ńdɛɛ pɑcẅiŋkʉʉ-Sɛ́ pɛ́ cɔtnu, mbíꞋŋɡɔ Zẅikŋɛ-Sɛ́ yi ɛ́ nǔu pʉʉ ɛ́ tɛn ńdɛɛ ŋɡɑŋmbuu-Kɛlístɔ ẅí ɑ ndǔmbí.

1 Jɑ̂ŋ 1:1

Pɛk ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉʉ ńdɔk ɛ́sẅíi wʉ́ʉ nɛ́ nu nǔu sẅiŋɛ yi ɛ́ ɡɛnɛ pɛ́ pɔ́ ɡú, yi ɛ́ pɔ́ pɔ ɡú tɛ ɛ́fúnɛ nzɛnɛ-yúu tsʉʉ, pɛk kɑ lɔk mɛtúutɛ mɛ́k ńzúꞋ, ńdɔk mík mɛ́k ńjʉ́ɔ, ńniitɛ ńdíŋɛ ńdɔk mbɔ́ mɛ́k ŋ́kuu.

Lúkɑ́shi 10:22

Yɛ́su pɛn ńcú ŋɡɔ: «Tɑ̌ɑ mɔ nɑ́ mbɑ kʉ̈ɔ́ lɑ́ nǔu mbɔ́ mɑ́ɑ. Mbɔ wɛcɔ́ ŋu pɔɔ jí mɔ́ɔ pɔ́, ńdíꞋ ńdɑ́Ꞌ tɑ́t jínɛ wɛ́. Ŋu kɛ́ ḿbɔɔ Tɑ́t jí, ńdíꞋ ńdɑ́Ꞌ mɔ́ɔ nɛjí wɛ́, ḿbɛn ŋ́ɡɛ ŋu ẅi mɔ́ɔ kɔŋnɛ nɛnyɛt Tɑ́t wɛ mbɔ̌ wɛ́.»

Jɑ̂ŋ 17:3

Luk kɛ́ mɛ ɛ̂yɑ́, ɛ́ pɔ́ pɑ́Ꞌ pɔ́p ɡʉ ńjí wú, ɡu ẅí ɔ kwɑꞋ ndɑꞋ Sɛ́ wɛ nɛ́nẅín zɛ́nɛ ɡu, ḿbɛn ńjí ŋu ẅí ɔ kɑ túunɛ wɛ́, ɑ pɔ́ Yɛ́su Kɛlístɔ.

1 Jɑ̂ŋ 5:18

Pɛkŋɛ sɛ́ ńjí ŋɡɔ ŋu pɔ́ tɛ ńtsʉ́Ꞌ mɔ́ɔ-Sɛ́, mbɔɔ pɛn ńnɑ́ŋ ɛ́fɑɑnɛ nu fɑɑnɛ́nɛ pɔ́, mbíꞋŋɡɔ mɔ́ɔ-Sɛ́ sɛ́ ńtík wɛ́, ŋu kɛpɔŋ pɔɔ ɡẅɛɛ shʉ́ nɛzɑ́p pɔ́ nǔu wɛ́ pɔ́.

1 Jɑ̂ŋ 3:12

Kɔɔ pɛkŋɛ pɔ́ pɑ́Ꞌ Kɑyin ẅí ɑ kɑ pɔ́ nzʉʉ-Sɑ́ttɑ, ńjẅí mɔ́ɔmɑ́ wɛ pí tɑ́Ꞌ mɑŋɡɛ́. A kɑ jẅí wɛ́ mɛlɑ́Ꞌ kʉ̈ɔ́? Ɛ́ kɑ pɔ́ mbíꞋŋɡɔ mɛfɑꞋ mɛ́ kɑ pɔ́ mɛ́ kɛpɔŋ, mɛ́ mɔ́ɔmɑ́ wɛ pɔ́ mi ɛ́ ndʉ́ŋndʉŋ mbi Sɛ́.

Mɑtʉ̈ɔ 11:27

Yɛ́su pɛn ńcú ŋɡɔ: «Tɑ̌ɑ mɔ kɑ nɑ́ mbɑ kʉ̈ɔ́ lɑ́ nǔu mbɔ́ mɑ́ɑ, mbɔ sɑ̌ɑ ŋu pɔɔ jí mɔ́ɔ pɔ́, ndɑꞋ Tɑ̌ɑ jínɛ wɛ́. Ŋu kɛ́ mbɔɔ jí Tɑ̌ɑ pɔ́, ndɑꞋ mɔ́ɔ nɛ jínɛ wɛ́, ḿbɛn ŋ́ɡɛ ŋu ẅí mɔ́ɔ kɔŋnɛ nɛnyɛt Tɑ́t wɛ mbɔ̌ wɛ́.

1 Jɑ̂ŋ 5:20

Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.

1 Jɑ̂ŋ 2:12

Mbɔ́ŋkʉ̈ɔ́ pɑ́ɑ, mɔ tsɛt yɔ ŋwɑꞋnɛ, ḿbɔ́ ɛ́sẅíi wʉ́ʉ ŋɡɔ Sɛ́ lɛɛ nǔu yúu mi Yɛ́su Kɛlístɔ kɑ ɡɛnɛ, ńdikŋɛ mɛnu kɛpɔŋ mʉ́ʉ ŋ́ɡɑ́ mbɔ̌ pʉʉ.

1 Jɑ̂ŋ 2:1

Mbɔ́ŋkʉ̈ɔ́ pɑ́ɑ, ŋ ŋwɑꞋnɛ mɔnɛ mɛnu nɛpɔ́ yi pʉʉ ɡʉ ŋ́ɡẅɛɛ shʉ́ tɛ mbɔɔ ɡɛ nu kɛpɔŋ pɔ́. Lɑ́ ḿbɔ́ yi ŋu lɑɑ ŋ́ɡɛ nu kɛpɔŋ, mbɔ pɛkŋɛ ɡẅɛɛ wɛkŋɛ ŋu nɛjɔ́ŋ Tɑ̌ɑ, ɑ pɔ́ Yɛ́su Kɛlístɔ, jʉ́ ẅi ɑ ndʉ́ŋndʉŋ mbi Sɛ́.

Tîtɛ 2:6

Ɛ́ pɛn ḿbɔ́ pɔ ndʉ́ŋndʉŋ pɑ́Ꞌ ɔ ɡʉ ńzíꞋ pɔ́ɔsuu nɛsɑ́ŋ nu lɑ ŋ́ɡɛ,

2 Kɔlɛ̂ŋtɛ 4:6

mbíꞋŋɡɔ Sɛ́ ẅi ɑ kɑ cúnɛ ŋɡɔ: «Ɛ́ pɔŋ ŋɡɔ kyɛꞌ, ɛ́ kyɛꞌ zʉꞋ tsɛt nzɛ́nzʉ́ʉ», jʉ́ nɛ́ tú yɛ́ kɑ kɛ́ ńtɔ́ ŋ́kyɛꞋ mɛtʉ́m mɛ́k, nɛɡɛ pɛk jí pɑ́Ꞌ nɛŋwɑ́ŋɛ wɛ pɔ́nɛ, ɛ́ nɛŋwɑ́ŋɛ ẅi pɛ́ sɛ́ ńjʉ́ɔ nǔu shʉ́-Kɛlístɔ.

Jɑ̂ŋ 16:3

Pɔ́p ɡʉ ŋ́ɡɛ pɔ́Ꞌɔ, mbíꞋŋɡɔ pɔ́p kɑ́ jí Tɑ̌ɑ pɔ́, ŋ́kɛ́ mbɔɔ wɑ́ɑ jí.

Jɑ̂ŋ 14:9

Yɛ́su cú mbɔ̌ wɛ́ ŋɡɔ: «Filîp, pɛkŋɛ nɑ́ŋ ndɛn wɔ, ɔ pɛ́t pɔ kɛ́ jí wɑ́ɑ kíi? Ŋu ẅí ɑ jʉ́ɔnɛ wɑ́ɑ lɑ́, ɑ jʉ́ɔ Tɑ̌ɑ mɔ. Ɔ ɡɛ pɑ́Ꞌ lɑ́ ŋɡɔ nyɛt wɛ́k nɛ́ Tɑ́t wu ɛ̂wɑ́?

Jɑ̂ŋ 8:19

Pɔ́p píkŋɛ wɛ́ ŋɡɔ: «Tɑ́t wu ɡɔ́?» Yɛ́su pʉ̈ɔt ŋɡɔ: «Pʉʉ kɑ́ pɔ́ ńjí wɑ́ɑ pɔ́, ḿbɛn ḿbɔɔ ḿbɔ́ ńjí mbɑ Tɑ̌ɑ mɔ pɔ́. Pʉʉ kɑ zɛɛ ḿbɔ́ pɛ́Ꞌnɛ ḿbɔ́ ńjí wɑɑ, mbɔ pʉʉ kɑ pɛn ńjí Tɑ̌ɑ mɔ ɡúu.»

Mɑtʉ̈ɔ 13:38

Ŋkɑ́Ꞌ pɔ́ ndǔ mbí, mbiyúu sʉ́Ꞌnɛ pɔ́ pʉɔ pínɛ Sɛ́ sɑ́Ꞌnɛ wɔ́p, mbiyúu yi kɛpɔŋ pɔ́ pʉɔ pínɛ Sɑ́ttɑ sɛ́ ɛ́sɑ́Ꞌ wɔ́p.

Mɑtʉ̈ɔ 13:19

Mbʉʉ-sɛ̂ndúŋ yi mɛcɔ́ mɛmbɑŋ vunɛ zúꞋu, pʉɔ pínɛ pɔ́p zúꞋ nu-nɛfɔɔ-Sɛ́, mbɔɔ zúꞋ tɛ ńzúꞋ pɔ́. Sɑ́ttɑ tɔ́, ɛ́fú tsɛt tʉ́m yɔ́p ńcẅɛɛtɛ.

1 Timɔtɛ́ɛ 5:1

Ɔ lɑɑ ḿbɔ́ ɛ́sẅíi ndɛn ndʉ́m nɛ nu, kɔɔ cʉ́ɔk wɛ́ cʉ́ɔknɛ. Cú nu mbɔ̌ wɛ́ pɑ́Ꞌ ɔ cú mbɔ̌ tɑ́t wu. Líŋɛ pɔ́ɔsuu pɑ́Ꞌ pɔ́ɔpɛ́mɑ́ pú pɛ́ mbɛ́ɛnɛ,

Jɑ̂ŋ 17:21

M búꞋ mbɔ́ mbɔ̌ ɡu ŋɡɔ ɔ ɡɛ pɔ́p tsʉʉ pɔ́ tɑ́Ꞌ ŋu, pɑ́Ꞌ ɡu Tɑ̌ɑ mɔ ɔ tɛmtɛ nǔu mɔ, n tɛmtɛ nǔu ɡu. Sɛ́sẅíi, ɡɛ pɛk pɛ́ pɔ́p pɔ́ tɑ́Ꞌ. Ɛ́ lɛɛ pɔ́Ꞌɔ, pʉɔ-ndǔmbí pɛ́m ŋɡɔ ɔ kɑ túunɛ wɑ́ɑ.

Mɑtʉ̈ɔ 5:37

Ɔ́ɔŋ wʉʉ pɔ́ pɔ Ɔ́ɔŋ, ŋɡɑ́ŋ wʉʉ pɔ́ pɔ ŋɡɑ́ŋ, yi pɛ́ kẅiꞋnɛ nǔu fú mbɔ̌ Sɑttɑ.

Jɑ̂ŋ 16:33

N zɑ́Ꞌ njí ɛ́sẅíi wʉ́ʉ nɛ́ mɔnɛ mɛnu ɛ́ lɛɛ pɔ́Ꞌɔ, mbɔ́tnɛ pɔ́ tʉ́m pʉʉ. Pʉʉ ɡʉ ŋ́ɡɛ ńjʉ́ɔ ŋɡʉ̈ɔ́Ꞌ ndǔmbí, lɑ́ kɔɔ pʉʉ cʉɔꞌ. Ŋ kɑ tsɑ píimbí.

Mɛnu ɛ́ ńdɑ́Ꞌ ńcẅɛt 2:7

Ŋu lɑɑ ŋ́ɡẅɛɛ mɛtúutɛ, ɑ zúꞋ nu yí Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ. Mɔ ŋ́ɡɛ ŋ́ɡɑ́ ntɑ́ɑ ẅi ɛ́ fúnɛ nǔu tʉ́ yi ɛ́ ɡɛnɛ pɛ́ pɔ́ ɡú, mbɔ̌ ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, ɑ jʉ́. Yîyɑ́ tʉ́ pɔ́ tsɛt ŋkɑ́Ꞌ-Sɛ́.

Mɛnu ɛ́ ńdɑ́Ꞌ ńcẅɛt 12:11

Pɔ́ɔpɛ́mɑ́ pɛkŋɛ kɑ lɛɛtɛ nǔu mɛci-mɔ́ɔ-Njinjɔ, ḿbɛn ńdɛɛtɛ mbɑ nǔu sẅiŋɛ yi pɔ́p kɑ pɔ́ ńcú ńdɔk ńdɛꞋlɛ yúu mi pɔ́p jínɛ nǔu mɔ́ɔ-Njinjɔ, ńjʉ́ ẅîwɑ́ ŋu. Pɔ́p ŋkɑɑ lɔk tú yɔ́p ɛ́fúŋ yɛcɔ́ yúu tɛ ḿbɔ́k pɑ́Ꞌ ḿbɔ́ pɛ́ jẅí wɔ́p pɔ́.