1 Jɑ̂ŋ 1:8 - Kɑɑ Fí

⁸ Pɛkŋɛ lɑɑ ńcú ŋɡɔ nu kɛpɔŋ kɑ́ pɔ́ nǔu pɛkŋɛ pɔ́, mbɔ pɛkŋɛ lɔk pɔ́Ꞌɔ, ɛ́fɑɑnɛ sɛ̂ndúŋ, ḿbɛn ŋ́kɛ́ ḿbɔɔ ńjí nu nɛ́nẅín yi ɛ́ fúnɛ mbɔ̌ Sɛ́ pɔ́.

1 Jɑ̂ŋ 1:8 Referans Kwoze

Pʉɔ-Lɔ́mɑ 3:23

mbíꞋŋɡɔ pɔ́p pɛtsʉʉ kɑ zɛɛ ŋ́ɡɛ mɛnu kɛpɔŋ tɛ sɑ́ɑ nɛɡúꞋ ẅi ɛ́ nɛjɔ́ŋ Sɛ́.

Jɑ̂k 3:2

Pɛkŋɛ fɑɑnɛ mɛnu ntɛ́ ntɛ́ pɔ kɛ́ vuꞋ ŋu. Ŋu lɑɑ ḿbɔ́ ŋu ẅí ɑ kɑ́ tɔ́ nɛcú nu ɛ́fɑɑnɛ pɔ́, mbɔ ɑ ŋu kɛ́ lɔ́Ꞌ, ŋ́kuꞋ nɛɡẅɛɛtɛ mbʉʉ yɛ tsʉʉ.

1 Jɑ̂ŋ 2:4

Ŋu ẅí ɑ cúnɛ ŋɡɔ: «N jí wɛ́» Lɑ́ ŋ́kɛ́ ḿbɔɔ mbʉ́ʉ mɛ́ kúꞋlɛ, mbɔ ŋɡɑŋ ncɔtnu, nu nɛ́nẅín yi ɛ́ fúnɛ mbɔ̌ Sɛ́ lɔk ḿbɔɔ ḿbɔ́ tsɛt tʉ́m-ŋɡɑŋ pɔ́.

1 Jɑ̂ŋ 1:10

Pɛkŋɛ kɛ ńcú ŋɡɔ pɛkŋɛ kɑ́ pɔ́ ɡɑŋmɛfɑɑnɛ pɔ́, mbɔ pɛkŋɛ lɔk Sɛ́ ɛ́fúŋ ŋɡɑŋ cɔtnu, sẅiŋɛ yɛ́ pɔɔ lɔk ḿbɔ́ nǔu pɛkŋɛ pɔ́.

Ŋɡɑlɑ̂t 6:3

Ŋu lɑɑ ŋ́kwɑŋɛ ŋɡɔ ɑ yúu, kɛ́ pɔ́ yɛ́tɛ́, mbɔ ɑ shɔtnɛ ɛ́fúklɛ túmbʉʉ yɛ́.

Jɑ̂k 1:26

Ŋu lɑɑ ḿbɔ́ ŋ́kwɑŋɛ ŋɡɔ ɑ nǔu nu-Sɛ́, ntsu wɛ́ pɛn mbɔɔ pɔŋ, mbɔ ɑ fʉ́klɛ túmbʉʉ yɛ́. Wɛ nɛpɔ́ nǔu nu-Sɛ́ pɔ́ pɔ fɛ̌ɛ.

1 Timɔtɛ́ɛ 6:5

ḿbɔ́ ŋkɑ́ tsʉʉ ńzɔŋ nu tsɛtsɛt pɔ́p zɔŋnɛ, ŋ́kwɑŋɛ yɔ́p fu wɔ́p, mbíꞋŋɡɔ pɔ́p kɑ́ pɛ́t ńjí nu nɛ́nẅín pɔ́, ŋɡɔ ŋu lɑɑ ńzɑ́p tʉ́m yɛ́ nǔu Sɛ́, mbɔ ɛ́ sɛ̂ndúŋ ẅí ɑ ɡʉ ɛ́fú nǔu ŋ́ɡẅɛɛ ŋkɑ́p.

1 Kɔlɛ̂ŋtɛ 3:18

Ḿbɑ́ɑ ŋu nɛfʉ́klɛ túmbʉʉ yɛ́. Ŋu lɑɑ ḿbɔ́ tsɛtsɛt pʉʉ ḿbɔ́ ŋ́kwɑŋɛ ŋɡɔ pʉɔ-ndǔmbí sɛ́ ńjʉ́ɔ ŋɡɔ ɑ jínu, ɑ zɛɛ ḿbiitɛ ɛ́shɔtnɛ ńtsʉ́Ꞌ ŋu lɑ ḿbɔ́ kwɑꞋ njínu.

2 Jɑ̂ŋ 1:2

Pɛk kɔŋ wʉ́ʉ, ɛ́ fú nǔu pɑ́Ꞌ nu nɛ́nẅín ɛ́ tsɛt tʉ́m yɛkŋɛ, ɛ́ ŋ́kɛ́ ńdɑ́Ꞌ ńtsẅɛ́ ḿbɔ́ pɔ tsɛtú.

1 Jɑ̂ŋ 1:6

Pɛkŋɛ lɑɑ ńcú ŋɡɔ pɛkŋɛ pɛpɔ́p tɛmtɛ, lɑ́ ḿbɛn ḿbɔ́ ńnɛn tsɛt nzɛ́nzʉ́ʉ, mbɔ pɛkŋɛ cɔtnu, ńdɔk ḿbɔɔ ŋ́ɡɛ yúu mi ɑ sɛ́ ŋ́kɔŋ pɔ́.

Jɑ̂k 1:22

Kɔɔ pʉʉ pɔ́ pɑzúꞋ sẅíŋɛ-Sɛ́ zúꞋnɛ ndɑꞋ, pʉʉ ɡɛ yúu mi sẅiŋɛ ɛ̂yɑ́ cúnɛ ŋɡɔ pʉʉ ɡɛ. Tɛ ɛ́ pɔ́ɔ pɔ́Ꞌɔ pɔ́, mbɔ pʉʉ ɛ́shɔtnɛ fʉ́klɛ mɛmbʉʉ mʉ́ʉ.

2 Timɔtɛ́ɛ 3:13

Ŋ́ɡʉ nǔu pʉɔ kɛpɔŋ pɔ́p ɡɑŋfúklɛ ɡʉ ŋ́ɡɛ ńdɔk nu kɛpɔŋ ŋ́kẅiꞋ ŋ́ɡʉ pɔ nɛ́ mbi, ḿbɔ́ ɛ́fúklɛ pʉɔ, pɛ́ pɛn ḿbɔ́ ɛ́fúklɛ wɔ́p ɡúu.

3 Jɑ̂ŋ 1:3

Nu kɑ zɛɛ ḿbɔŋ wɑ́ɑ tɛꞋ, mbíꞋŋɡɔ pɛcɔ́ pɔ́ɔpɛ́mɑ́ pɛkŋɛ kɑ tɔ́ zɑꞋnɛ, ɛ́sẅíi wɑ́ɑ ŋɡɔ ɔ lɑt mɔ́ mbʉʉ yu nǔu nu nɛ́nẅín, ḿbɛn ḿbɔ́ ńnɛn zúꞋu pɔ pɑ́Ꞌ ɛ́ sɛ́ ḿbíkŋɛ.

2 Pyɛ̂ 2:13

Pɔ́p lɔk pɔ́Ꞌɔ, ńcẅɛ́ɛ tsɔ́ꞋfɑꞋ-mɛnu kɛpɔŋ mi pɔ́p kɑ fʉꞋnɛ. Nu pɔŋ wɔ́p tɛꞋ nɛɡɛ mɛyúu kɛpɔŋ mi mɛtʉʉ mɔ́p sɛ́ ńtsɑ́ɑ, tɛ pɑ́Ꞌ ɛ́ lɑɑ ḿbɔ́ pɔ nɛnɛm. Pʉʉ pɛ́pɔ́p tɛmtɛ ńnɑ́ŋ sɛ́ ŋ́kwɛ́t yúu lɑ́ ẅîwɑ́ nɛpɔ́ pɔ́ nu-sʉ́ʉ, ḿbʉ́k tɛꞋ, mbíꞋŋɡɔ ɛ́ sɛ́ ḿbɔŋ wɔ́p pɑ́Ꞌ pɔ́p sɛ́ ɛ́fúklɛ wʉ́ʉ.

Jɑ̂ŋ 8:44

Wʉʉ tɑ́t ɑ sɑ́ttɑ, pʉ́ʉ pɛn mbɔ̌ ŋ́kɔŋ nɛɡɛ yúu mi ɑ sɛ́ ńtsɑ́ɑ. Ɛ́ ɡʉ nǔu wɛ́, mbɔ tɛ ɛ́fú nzɛnɛ, ɑ pɔ́ pɔ njẅíŋu. A ŋkɑɑ mɔ́ ńnɛn tsɛt nu nɛ́nẅín pɔ́. MbíꞋŋɡɔ ɑ kɑ́ ɡẅɛɛ nu nɛ́nẅín tsɛt tʉ́m yɛ́ pɔ́, tɛ kɑ́ɑ mɔ́zʉꞋ. A pɔ́ tɛ ḿbɔ́ ńcɔt nu, ɛ́ pɔ́ pɔ kwɑꞋ sẅiŋɛ yɛ́, mbíꞋŋɡɔ ɑ ŋɡɑŋ cɔtnu, ḿbɔ́ ŋu ẅi jʉ́ kɑ nɔŋnɛ cɔtnu.

Pʉɔ-Lɔ́mɑ 3:10

Ɛ́ lɔk ḿbuutɛ nǔu pɑ́Ꞌ pɛ́ kɑ ŋwɑꞋnɛ tsɛt ŋwɑꞋnɛ-Sɛ́ ŋɡɔ: «Wɛcɔ́ ŋumɛsɔŋ ẅí ɑ ndʉ́ŋndʉŋ kɑ́ pɔ́ ɡú pɔ́. Kɑ́ɑ tɑ́Ꞌ wɛmɔ́Ꞌ.

1 Jɑ̂ŋ 4:20

Ŋu lɑɑ ńcú ŋɡɔ ɑ sɛ́ ŋ́kɔŋ Sɛ́, ŋɡɔ ńcú pɔ́Ꞌɔ, ḿbɔ́ ḿbɑɑ mɔ́ɔmɑ́ wɛ, mbɔ ɑ ŋɡɑŋ cɔtnu. MbíꞋŋɡɔ ŋu lɑɑ mbɔɔ kɔŋ mɔ́ɔmɑ́ wɛ ẅí ɑ sɛ́ ńjʉ́ɔ wɛ́ pɔ́, ɑ pɔɔ kuꞋ nɛkɔŋ Sɛ́ ẅí ɑ kɑ́ pɔ́ ńjʉ́ɔ wɛ́ pɔ́ pɔ́.