1 Timɔtɛ́ɛ 5:1 - Kɑɑ Fí

¹ Ɔ lɑɑ ḿbɔ́ ɛ́sẅíi ndɛn ndʉ́m nɛ nu, kɔɔ cʉ́ɔk wɛ́ cʉ́ɔknɛ. Cú nu mbɔ̌ wɛ́ pɑ́Ꞌ ɔ cú mbɔ̌ tɑ́t wu. Líŋɛ pɔ́ɔsuu pɑ́Ꞌ pɔ́ɔpɛ́mɑ́ pú pɛ́ mbɛ́ɛnɛ,

1 Timɔtɛ́ɛ 5:1 Referans Kwoze

Tîtɛ 2:2

ZíꞋ mbɔ̌ pɛlʉ́m mbɛ́ɛnɛ ŋɡɔ kɔɔ pɔ́p ɡɛ yɛcɔ́ yúu tɛ ɛ́ lɛɛ, ŋɡɔ pɔ́p pɔ́ pʉɔ-mɛkuꞋ, ŋɡɔ pɔ́p pɔ́ pʉɔ pi pɔ́p sɑ́ŋnɛ nu lɑ ŋ́ɡɛ. Pɔ́p pɛn ńzɑ́p tʉ́m nǔu Sɛ́ tɛ ńzɑ́p, ńnɑ́ŋ ŋ́kɔŋ pʉɔ tɛ ŋ́kɔŋ, ɛ́sʉk mɛnu tɛ ɛ́sʉk.

1 Pyɛ̂ 5:1

N cú yɔ nu ŋkɔ̂ɔnɛ nɛlɔk ńtík pɑcẅɛ́ɛmbi pi pɔ́p tsɛt cúꞋlɛ yʉ́ʉ, mɔ yɑ́ɑ ńcẅɛ́ɛmbi pɑ́Ꞌ pɔ́p, mbɔ Kɛlístɔ kɑ ɡɔ́ ḿbɔ́ ńjʉ́ɔ ŋɡʉ̈ɔ́Ꞌ, n tʉ́ʉ zúꞋu. Mɔ ŋ́ɡɛ ŋ́ɡẅɛɛ yɑ́ɑ zʉꞋ tsɛt nɛɡúꞋ ẅi Sɛ́ ɡʉ ŋ́ɡɛ ŋ́ɡɛ ɛ́ cẅɛt.

Ŋɡɑlɑ̂t 6:1

Pɔ́ɔpɛ́mɑ́, pʉʉ lɑɑ ŋ́kɛm ŋu ɑ pɔ́ ɛ́fɑɑnɛ nu, pʉʉ lɔk pɑ́Ꞌ pʉʉ sɛ́ ńzúꞋ mbɔ̌ Zẅikŋɛ-Sɛ́ lɑ ŋ́ɡɛ ŋɡɑŋ pɛn nǔu sɛ̂ndúŋ ẅí ɛ́ ndʉ́ŋndʉŋ. Lɑ́ ńtsʉ́Ꞌ nɛɡɛ ńdɔk pɔ mbɔ́tnɛ. Mbɑ wɔ̌ lɑ́ nǔu pʉʉ pɛn ḿbɑ́ɑ tú yɛ́ ḿbɔ́k pɑ́Ꞌ ɑ ɡʉ ḿvu yɛ́ tsɛt ŋkwɑꞋnɛ.

Tîtɛ 2:6

Ɛ́ pɛn ḿbɔ́ pɔ ndʉ́ŋndʉŋ pɑ́Ꞌ ɔ ɡʉ ńzíꞋ pɔ́ɔsuu nɛsɑ́ŋ nu lɑ ŋ́ɡɛ,

Mɑtʉ̈ɔ 23:8

Lɑ́ ŋ́ɡʉ nǔu pʉʉ, kɔɔ pʉʉ ɡɛ ŋɡɔ pɛ́ fúŋ wʉ́ʉ ŋɡɔ cícɑ, mbíꞌŋɡɔ pʉʉ pɔ́ pɔ́ɔpɛ́mɑ́, ḿbɛn ŋ́ɡẅɛɛ pɔ tɑ́Ꞌ cícɑ wɛ́mɔ́Ꞌ.

1 Timɔtɛ́ɛ 5:17

Ɛ́ ɡʉ nǔu pʉɔ pi pɔ́p cẅɛ́ɛnɛ mbi nǔu cúꞋlɛ-pʉɔ-Kɛlístɔ, ḿbɔ́ ɛ́fɑꞋ sʉ́Ꞌnɛ, pɛ́ ɡɛ mɛkuꞋ mɔ́p, ŋ́ɡɑ́ tsɔ́ꞋfɑꞋ yi ɛ́ píkŋɛ́nɛ mbɔ̌ pɔ́p, ńtsuŋ ŋ́ɡɛ mɛ́ pʉɔ pi pɔ́p sẅíinɛ nu-Sɛ́ ḿbɛn ńzíꞋ pʉɔ nɛ́ yúu.

Pʉɔ-Lɔ́mɑ 13:7

Pɔ́Ꞌɔ lɑ́, ɛ́ ɡʉ nǔu pɑsɑ́Ꞌŋɡɔŋ, pʉʉ ɡɑ́ yúu mi ɛ́ sɛ́ ḿbíkŋɛ ŋɡɔ pʉʉ ɡɑ́ mbɔ̌ mbɑ wɛ́tɛ́ ŋu lɑ́ mbɔ̌ wɛ́. Ɛ́ lɑɑ ḿbɔ́ ntsup-ŋɡɔŋ, pʉʉ ɡɑ́ mbɔ̌ ŋu ẅí ɑ cẅɛ́ɛnɛ ntsup-ŋɡɔŋ, ḿbɔ́ ŋkɑ́p yi nɛpʉ́ʉ sɛ́ ḿbíkŋɛ mbɔ̌ pʉʉ nǔu yɛcɔ́ nu, pʉʉ ɡɑ́ mbɔ̌ ŋu ẅí ɑ cẅɛ́ɛnɛ. Pʉʉ zúꞋ ntsu-ŋu ẅí ɛ́ sɛ́ ḿbíkŋɛ ŋɡɔ pɛ́ zúꞋ ntsu wɛ́, ŋ́ɡɑ́ mɛkuꞋ ŋu ẅí ɛ́ sɛ́ ḿbíkŋɛ ŋɡɔ pɛ́ ɡɑ́ mɛkuꞋ mɛ́.

ŊwɑꞋnɛ-Gɑŋntúu Yɛ́su Kɛlístɔ 15:4

Pɔ́p ɡʉ tɛ ŋ́kúu Yɛlúsɑlɛm, ɡɑŋntúu-Yɛ́su pɔ́p pɑcẅɛ́ɛ mbi tsɛt cúlɛ-pʉɔ-Kɛlístɔ mbɑ pʉɔ-Kɛlístɔ tsʉʉ kúkŋɛ wɔ́p. Pɔ̂l pɔ́p Pɑnɛ́pɑ́ɑshi pɛ́ɛtɛ mbɑ kʉ̈ɔ́ lɑ́ yi Sɛ́ kɑ lɔknɛ wɔ́p ŋ́ɡɛ, ɛ́sẅíi wɔ́p.

ŊwɑꞋnɛ-Gɑŋntúu Yɛ́su Kɛlístɔ 14:23

Tsɛt mɛtʉ́sɔŋ mɔ, zʉꞋ cúlɛ-pʉɔ-Kɛlístɔ zúꞋu pɔ́p tsɔ́Ꞌ pʉɔ pí pɔ́p ɡʉ ńcẅɛ́ɛ mbi tsɛt yîyɑ́ cúlɛ-pʉɔ-Kɛlístɔ. Tɛ ɛ́ kuꞋ, pɔ́p kɔŋ kɔŋnɛ, ńdʉꞋ yúu pɛjʉ́, ńcɛꞋlɛ Tsɑpʉɔ Sɛ́, ŋ́ɡɔ́ɔ ŋ́kɛ́ fɛ́ɛ wɔ́p mbɔ̌ Tsɑpʉɔ ẅi pɔ́p pɛ́mnɛ nu yɛ́.

Mɛnu ɛ́ ńdɑ́Ꞌ ńcẅɛt 4:4

Mɛcɔ́ mɛkɔꞋ-nɛfɔɔ ntsɔ̌pɛ́nɛ́kwɑ nɛ́ mɛɡɛ́m mɛ́mbɑ́ kɑ zɛmɛ yîyɑ́ kɔꞋ-nɛfɔɔ ńníꞋ sɔŋ. Pɛlʉ́m ntsɔ̌pɛ́nɛ́kwɑ nɛ́ mɛɡɛ́m mɛ́mbɑ́ nɑ́ŋtɛ ndǔ, ḿmɑꞋ mɛfúfú ndẅí, ńtɔꞋ mɛcɔꞋ-nɛfɔɔ mi pɛ́ kɑ lɔknɛ tʉ́n-ŋɡɔ̂l ńniitɛ.

3 Jɑ̂ŋ 1:1

Mɔ ńcẅɛ́ɛmbi tsɛt cúꞋlɛ-pʉɔ-Kɛlístɔ, ŋ ɡɑ́ yɔ ŋwɑꞋnɛ mbɔ̌ ɡu Gɑẅîs, súu wɑ́ɑ wɛ tʉʉndɛn. Ŋ kɔŋ wú mbíꞋŋɡɔ pûu tɛmtɛ ńtʉ́ʉ nǔu nu nɛ́nẅín.

2 Jɑ̂ŋ 1:1

Mɔ ẅí mɔ ńcẅɛ́ɛmbi tsɛt cúꞋlɛ-pʉɔ-Kɛlístɔ, ŋ ɡɑ́ yɔ ŋwɑꞋnɛ mbɔ̌ mɑ́ pɛ́ mbɔ́ŋkʉ̈ɔ́ ẅi Sɛ́ kɑ tsɔ́Ꞌnɛ. M bɛn ŋ́ɡɑ́ mbɑ mbɔ̌ mbɔ́ŋkʉ̈ɔ́ pɛ́, n tsuŋ ŋ́kɔŋ wʉ́ʉ pɛ́tsʉʉ, mbíꞋŋɡɔ pɛkŋɛ pɛtsʉʉ tɛmtɛ ńtʉ́ʉ nǔu nu nɛ́nẅín, ɛ́ kɑ́ pɔ́ ndɑꞋ wɑ́ɑ wi ŋ kɔŋnɛ wʉ́ʉ pɔ́, mbɑ wɔ̌ lɑ́ ẅi ɑ tʉ́ʉnɛ nǔu nu nɛ́nẅín pɛn ŋ́kɔŋ wʉ́ʉ ɡúu.

Jɑ̂k 5:14

Ŋu wʉʉ lɑɑ ḿbɔ́ ŋ́ɡɔɔ, ɑ fúŋ pɑcẅɛ́ɛmbi tsɛt cúꞋlɛ-pʉɔ-Kɛlístɔ, pɔ́p tɔ́ ńdɔk mɛɡwɛ́t ńzɔ́Ꞌ wɛ́ nǔu lík-Tsɑpʉɔ, ńcɛꞋlɛ Sɛ́.

Jɑ̂k 3:17

Lɑ́ ŋu ẅí ɑ ɡẅɛɛnɛ jínu yi ɛ́ fúnɛ tʉ́nɛ́pú, ɑ zɛɛ ḿbiitɛ ḿbɔ́ ŋu ẅí yɛcɔ́ lɔ́Ꞌ kɑ́ pɔ́ nǔu ŋɡɛnɛ mɛnu mɛ́ pɔ́, ḿbɑ́ɑtɛ ńnɛn pɔ nɛ́ mbɔ́tnɛ, ḿbɑ́ɑtɛ ḿbɔ́ ŋu ḿbɔ́tnɛ pɔ́tnɛ́nɛ, ŋ́ɡɛ nu ɛ́ kuꞋ kuꞋnɛ, ńjí nɛtsɑ́ɑ mɛjʉ́ŋ tɛꞋ, ɛ́fɑꞋ mɛfɑꞋ sʉ́Ꞌnɛ pɔ pɔ́Ꞌɔ. A kɑ́ ɡɛ tɔŋ pɔ́, ŋ́kɛ́ mbɔɔ ŋkɔŋmík pɔ́.

ŊwɑꞋnɛ-Gɑŋntúu Yɛ́su Kɛlístɔ 20:17

Pɔ̂l kúu Milɛt, ńtúu pɛ́ ɡʉ ɛ́fúŋ pʉɔ pi pɔ́p cẅɛ́ɛnɛ mbi tsɛt cúlɛ-pʉɔ-Kɛlístɔ yi Ɛ́fɛ̂zɛ.

ŊwɑꞋnɛ-Gɑŋntúu Yɛ́su Kɛlístɔ 15:6

Pɔ́p cú pɔ́Ꞌɔ, pɑpɛ́m Yɛ́su, pɔ́p pɑcẅɛ́ɛ mbi tsɛt cúlɛ-pʉɔ-Kɛlístɔ nɑ́ŋ sɛ́ nɛlíŋɛ nu ŋ́ɡɑ́ nǔu,

1 Timɔtɛ́ɛ 5:2

ńdíŋɛ pɛlɛn pɑŋɡɛ́ pɑ́Ꞌ pɛmɑ́ pú, ńdíŋɛ ŋɡwɑŋɡɔɔ pɑ́Ꞌ pɔ́ɔpɛ́mɑ́ pú pɛ́ pɑŋɡɛ́, kɛ́ ɡẅɛɛ yɛcɔ́ kwɑŋɛ ndɛꞋ tʉ́m ɡu.