1 Timɔtɛ́ɛ 4:3 - Kɑɑ Fí

³ Pîpɑ́ pʉɔ sɛ́ ńzíꞋ pʉɔ ŋɡɔ kɔɔ pɔ́p zɔ́Ꞌ, ŋɡɔ kɔɔ pɔ́p kwɛ́t yɛcɔ́ yúupɛ́jʉ́, lɑ mbɔ Sɛ́ kɑ niitɛ́nɛ mîmɑ́ mɛyúu nɛpɔ́ yi pʉɔ pi pɔ́p zɑ́pnɛ tʉ́m nǔu wɛ́, ḿbɔ́ ńjí nu yi ɛ́ nɛ́nẅín, ɡʉ ḿbɛ́ɛ, ŋ́ɡɑ́ pɑ́Ꞌlɑ́ mbɔ̌ wɛ́ nǔu, ńjʉ́.

1 Timɔtɛ́ɛ 4:3 Referans Kwoze

1 Timɔtɛ́ɛ 4:4

Ɛ́ zɛɛ ŋ́ɡɔ ḿbɔ́, mbɑ kʉ̈ɔ́ lɑ́ yi Sɛ́ kɑ niitɛ́nɛ pɔ́ pɔ sʉ́Ꞌnɛ. Yɛcɔ́ yi ḿbɔ́ pɛ́ ḿmɛꞋ nǔu ɛ́ kɑ́ pɔ́ ɡú pɔ́. Lɑ́ ɛ́ kɛ́ ḿbíkŋɛ ŋɡɔ pɛ́ ɡɔ́ ḿbɔ́ ńjʉ́ mîmɑ́ mɛyúu, ḿbɔ́ ŋ́ɡɑ́ pɑ́Ꞌlɑ́ mbɔ̌ Sɛ́.

Ɛ́bɛlʉʉ 13:4

Ɛ́ pɔŋ ŋɡɔ lɑ́ɑndɑ́ pɔ́ mbɔ̌ pʉɔ tsʉʉ ḿbɔ́ yúu mɛkuꞋ, ŋu mbɛ́ɛnɛ jí ndɑꞋ nzwɛ́ wɛ, mɑŋɡɛ́ jí ndɑꞋ ndúu mɛ, Sɛ́ ɡʉ ńzɛɛ ńdɑ́Ꞌ ŋ́ŋɑk pʉɔ pi pɔ́p puutɛnɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ pɑɡɛ ɡɑ́ɑ.

Pʉɔ-Lɔ́mɑ 14:6

Ŋu ẅí ɑ ɡẅɛɛnɛ tɔŋ nǔu mɛlɛ́Ꞌlɑ́Ꞌ, ɑ ɡɛ tɔŋ pɔ́Ꞌɔ, pɔ nɛlɔk ŋ́ɡúꞋlɛ Tsɑpʉɔ. Ŋu ẅí ɑ jʉ́ɔnɛ mbɑ kʉ̈ɔ́ lɑ́ ŋ́kwɛ́t yɛ́ kwɛ́tnɛ, pɔ́Ꞌɔ, pɔ nɛlɔk ŋ́ɡúꞋlɛ Tsɑpʉɔ, mbíꞋŋɡɔ ɑ sɛ́ ŋ́ɡɑ́ pɑ́Ꞌlɑ́ mbɔ̌ Sɛ́ nǔu. Ŋu ẅí ɑ pɛn ŋ́kɛ́ mbɔɔ jʉ́ɔ mbɑ kʉ̈ɔ́ lɑ́ ŋ́kwɛ́t kwɛ́tnɛ pɔ́, ɑ kɑ́ kwɛ́t pɔ́Ꞌɔ pɔ́, ɛ́ pɔ́ pɔ nɛlɔk ŋ́ɡúꞋlɛ Tsɑpʉɔ. A pɛn ḿbɔ́ ŋ́ɡɑ́ yɛ́ pɑ́Ꞌlɑ́ mbɔ̌ Sɛ́.

Kɔlɔsíyɛ̂ŋ 2:16

N dɔk pɑ́Ꞌɑ ńcú ŋɡɔ kɔɔ pʉʉ pɛ́m ŋu ŋɑk wʉ́ʉ nǔu nu yúu kwɛ́tnɛ kɛ yi nɔ́nɛ ɔɔ, kɛ nǔu ndíinɑ-sɑŋ fí ɔɔ, kɛ nǔu mɛlɛ́Ꞌnji-Sɛ́ ɔɔ.

1 Kɔlɛ̂ŋtɛ 8:8

Jínɛ ŋɡɔ yúupɛ́jʉ́ kɑ́ pɔ́nɛ ŋ́ɡɛ lɑ́ Sɛ́ kẅiꞋ ŋ́kɔŋ wɛkŋɛ pɔ́. Pɛkŋɛ lɑɑ mbɔɔ ŋ́kwɛ́t, mbɔ pɛkŋɛ kɑ́ pɛ́ yɛcɔ́ yúu pɔ́, ŋ́kwɛ́t, mbɔ yɛcɔ́ yúu kɑ́ kẅiꞋ nǔu pɛkŋɛ pɔ́.

Kɔlɔsíyɛ̂ŋ 3:17

Pʉʉ lɑɑ ḿbɔ́ ŋ́ɡɛ pɔ kʉ̈ɔ́ ɔɔ, kɛ ɛ́sẅíi pɔ kʉ̈ɔ́ lɑ́, pʉʉ tík pɔ lík-Tsɑpʉɔ Yɛ́su mbi, ḿbɔ́ ŋ́ɡɑ́ pɑ́Ꞌlɑ́ mbɔ̌ Tɑ́t wɛkŋɛ Sɛ́, ńdɛɛ nǔu Yɛ́su.

1 Kɔlɛ̂ŋtɛ 7:28

Ɔ lɑɑ ńzɛɛ ńzɔ́Ꞌ, mbɔ ɔ kɑ́ fɑɑnɛ yɛcɔ́ nu pɔ́. Mɔ́ɔ mɑŋɡɛ́ lɑɑ ńzɛɛ ńzɔ́Ꞌ, mbɔ ɑ kɑ́ fɑɑnɛ yɛcɔ́ nu pɔ́. Lɑ́ pʉɔ pi pɔ́p zɔ́Ꞌnɛ ɡʉ ŋ́ɡɛ ḿbɔ́ lɛ́Ꞌ tsʉʉ ḿbɔ́ ńjʉ́ɔ pɔ ŋɡʉ̈ɔ́Ꞌ. N tsɑ́ɑ pɔ ŋɡɔ kɔɔ pʉʉ kúu yîyɑ́ ŋɡʉ̈ɔ́Ꞌ.

Pʉɔ-Lɔ́mɑ 14:3

Ŋu ẅí ɑ jʉ́ɔ mbɑ kʉ̈ɔ́ lɑ́ ŋ́kwɛ́t yɛ́ kwɛ́tnɛ, pɑ́ɑ nɛkʉ́ʉnɛ ŋu ẅí ɑ kɑ́ pɔ́ ŋ́kwɛ́t yúu tsʉʉ pɔ́. Ŋu ẅí ɑ kɑ́ kwɛ́t yúu tsʉʉ pɔ́ pɑ́ɑ nɛtɔ́ lɔ́Ꞌ ŋu ẅí ɑ jʉ́ɔ yɛ́ mbɑ kʉ̈ɔ́ lɑ́ ŋ́kwɛ́t yɛ́ kwɛ́tnɛ mbíꞋŋɡɔ Sɛ́ kúkŋɛ wɛ́ ɡúu.

Ɛ́bɛlʉʉ 13:9

Kɔɔ pʉʉ pɛ́m pɛ́ zíꞋ wʉ́ʉ nɛ́ mɛnu ntɛ́ nɛ́ ntɛ́ mi ɛ́ kɑ́ cẅɛ́Ꞌnɛ nǔu nu yi pɛkŋɛ zɑ́pnɛ tʉ́m nǔu pɔ́, ŋ́ɡɛ pʉʉ fɑɑnɛ sɛ̂ndúŋ. Ɛ́ pɔŋ ŋɡɔ tsɑ́ɑmɛjʉ́ŋ-Sɛ́ níꞋnɛ tʉ́m-ŋu tɛ mbʉ́ʉ mi pɛ́ zɑ́pnɛ, ńcú nu nǔu yúu pɛjʉ́ pɔɔ nɑ́ŋ. Pʉɔ pi pɔ́p ɡẅɛɛnɛ mîmɑ́ mbʉ́ʉ kɑ́ pɔ́ ńjʉ́ yɛcɔ́ pii nǔu pɔ́.

1 Timɔtɛ́ɛ 2:4

Jʉ́ ẅí ɑ sɛ́ ŋ́kɔŋ ŋɡɔ pʉɔmɛsɔŋ tsʉʉ luk, ḿbɛn ńjí nu nɛ́nẅín.

1 Kɔlɛ̂ŋtɛ 6:13

Pʉʉ pɛn ḿbɔ́ ńcú ŋɡɔ: «Pɛ́ kɑ ɡɛ yúupɛ́jʉ́ mbíꞋ nɛpɛm, ŋ́ɡɛ nɛpɛm mbíꞋ yúupɛ́jʉ́.» Ɛ́ nu nɛ́nẅín lɑ́ Sɛ́ ŋ́ɡɛ ɛ́sɑt yúupɛ́jʉ́ mɛꞋ, ḿbɛn ɛ́sɑt nɛpɛm. Mbɑ pɔ́Ꞌɔ, mbɔ ŋu pɔɔ lɔk mbʉʉ yɛ́ ŋ́ɡɛ mbɑ kʉ̈ɔ́ lɑ́ yi ɑ tsɑ́ɑnɛ pɔ́, mbíꞋŋɡɔ mbʉʉ-ŋu yɛ Tsɑpʉɔ, Tsɑpʉɔ líŋɛ́nɛ nu ŋ́ɡɑ́ nǔu.

Pʉɔ-Lɔ́mɑ 14:17

Ɛ́ zɛɛ ŋ́ɡɔ ḿbɔ́, nu-nɛfɔɔ-Sɛ́ kɑ́ pɔ́ nu-yúupɛjʉ́ kɛ pɔ nu-mɛluꞋ pɔ́. Nu-nɛfɔɔ-Sɛ́ pɔ́ pɔ nɛɡɛ mɛnu mi ɛ́ fúnɛ mbɔ̌ Zẅikŋɛ Lɛ́ɛnɛ́nɛ. Ɛ́ pɔ́ pɔ nɛɡɛ mɛnu mi ɛ́ ndʉ́ŋndʉŋ mbi Sɛ́, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛnɑ́ŋ nɛ́ tsɑ́ɑtɛ.

Mɑtʉ̈ɔ 15:36

ŋ́ɡɔ́ɔ ŋ́kɛ́ ńcẅɛ́ɛ mbɛlɛ̂ɛt ɛ̂yɑ́ ntɑ́Ꞌ sɑɑmbɑ́ nɛ́ mɛshú mɑ́, ŋ́ɡɑ́ pɑꞋlɑ́ mbɔ̌ Sɛ́, ḿbʉ̈ɔ́Ꞌtɛ ŋ́ɡɑ́ mbɔ̌ ɡɑŋku pɛ́, pɔ́p ɡɑp mbɔ̌ lɑ́Ꞌ.

Mɑtʉ̈ɔ 14:19

ńcú pɔ́Ꞌɔ, ńcú mbɔ̌ lɑ́Ꞌ ŋɡɔ: “Pɔ́p pʉ̈ɔ́Ꞌ nɛɡíi ńnɑ́ŋ ndǔ, ḿbɛ́ɛ mbɛlɛ̂ɛt ɛ̂yɑ́ ntɑ́Ꞌ yɛtɑɑ, nɛ́ mɛshú mîmɑ́ mbɑŋ yɛ́pɑ́, ḿbʉꞋ tú yɛ́ ńdíŋɛ tʉ́, ŋ́ɡɛ́mtɛ Sɛ́, ḿbʉ̈ɔ́Ꞌtɛ ŋ́ɡɑ́ mbɔ̌ ɡɑŋku pɛ́, pɔ́p ɡɑp mbɔ̌ lɑ́Ꞌ.”»

ŊwɑꞋnɛ-Gɑŋntúu Yɛ́su Kɛlístɔ 27:35

Pɔ̂l cú pɔ́Ꞌɔ, ḿbɛ́ɛ mbɛlɛ̂ɛt, ńtʉ́ʉ mbi pʉɔ tsʉʉ, ŋ́ɡɑ́ pɑꞋlɑ́ mbɔ̌ Sɛ́, ḿbʉ̈ɔ́Ꞌ, ńzɛ nɛkwɛ́t.

Jɑ̂ŋ 6:23

Mɛcɔ́ mɛkɑnúꞋ pɛn ɛ́fú Tibɛ́liyɑ́dɛ, ńtɔ́ zʉꞋ yí Yɛ́su kɑ tʉ́ʉnɛ zúꞋu, ŋ́ɡɑ́ pɑꞋlɑ́ mbɔ̌ Sɛ́ nǔu mbɛlɛ̂ɛt, ŋ́ɡɑptɛ pɔ́p kwɛ́t lɑ́.

Lúkɑ́shi 24:30

Ŋkɑ́ nɛjʉ́ yúu ɡɛ ŋ́kuꞋ, pɔ́p nɑ́ŋ sɛ́, ɑ pɛ́ɛ mbɛlɛ̂ɛt, ŋ́ɡɑ́ pɑ́Ꞌlɑ́ mbɔ̌ Sɛ́, ḿbʉ̈ɔ́Ꞌtɛ ŋ́ɡɑ́ mbɔ̌ pɔ́p.

Mɑtʉ̈ɔ 15:11

yúu mi ɛ́ fúnɛ ntsu-ŋu ŋ́kúu nɛpɛm wɛ́, kɑ́ pʉ́ʉpɛ wɛ́ pɔ́, yi ɛ́ cẅɛtnɛ ntsu wɛ́ pʉ́ʉpɛnɛ wɛ́.»

1 Timɔtɛ́ɛ 5:14

Ɛ́ yúu mi ɛ́ ɡɛnɛ lɑ n jʉ́ɔ ŋɡɔ ɛ́ pɔŋ ŋɡɔ pɛpfúk pi pɔ́p pɛ́t mbɔ́ŋkʉ̈ɔ́ pɔ́p zɔ́Ꞌ, ḿbí mbɔ́ŋkʉ̈ɔ́, ńniitɛ mɛndɑ́ mɔ́p, ɛ́ lɛɛ pɔ́Ꞌɔ, pɛɡɑŋmbuu pɛkŋɛ pɔɔ ɡẅɛɛ shʉ́ nɛcú nu nǔu pɛkŋɛ pɔ́.