1 Timɔtɛ́ɛ 4:16 - Kɑɑ Fí

¹⁶ Lɑk tú yú nǔu wu nɛnɑ́ŋ mbɑ nǔu yúu mi ɔ zíꞋnɛ pʉɔ. Kɔɔ lɔk yɛcɔ́ tú ḿmɑꞋ kwɑŋɛ. Ɔ ɡʉ ŋ́ɡɛ pɔ́Ꞌɔ, Sɛ́ fú nǔu ŋ́ɡɛ ɔ lúꞋnɛ wɛ́, ŋ́ɡɔ ńduk, pʉɔ pi pɔ́p zẅíꞋlɛ́nɛ nu yi ɔ cúnɛ pɛn ńduk yɔ́p.

1 Timɔtɛ́ɛ 4:16 Referans Kwoze

Tîtɛ 1:9

Ɛ́ píkŋɛ ŋɡɔ ɑ niitɛ ŋ́ɡẅɛɛ Ŋkʉʉ ẅí ɛ́ ẅi ḿbɔ́ pɛ́ zɑ́p tʉ́m nǔu, ɛ́ pɔ́ ẅi ɛ́ cẅɛ́Ꞌnɛ́nɛ nǔu ẅi pɛk zíꞋnɛ pʉɔ. Ɛ́ lɛɛ pɔ́Ꞌɔ, ɑ kuꞋ nɛlɔk sẅiŋɛ yi ɛ́ nɛ́nẅín, ńníꞋ mɛtʉʉ-pɛcɔ́ pʉɔ, ŋ́kuꞋ nɛnyɛt mɛlɔꞋ-pʉɔ pi pɔ́p lʉꞋnɛ nu yi ɑ cúnɛ kwɑꞋ mbɔ̌ pɔ́p.

Tîtɛ 2:7

mbɑ nǔu kʉ̈ɔ́ lɑ́. KwɑꞋ ɡu tʉ́ʉ nǔu kʉ̈ɔ́ lɑ́, ńnyɛt pɔ fʉꞋ-yúu sʉ́Ꞌnɛ. Ɔ lɑɑ ḿbɔ́ ńzíꞋ pʉɔ nɛ́ yúu, ɔ zíꞋ wɔ́p pɔ ndɑꞋ nɛ́ nu yi Sɛ́ kɔŋnɛ, ḿbɛn ńzíꞋ tɛ ńjí yúu mi ɔ zíꞋnɛ yɛ́tɛ́.

2 Timɔtɛ́ɛ 4:2

«Sɑ́Ꞌ Ŋkʉʉ Sʉ́Ꞌnɛ-Sɛ́, ńtsuŋ ńzɛ́plɛ ŋkɑ́ yi pʉɔ kɔŋnɛ nɛzúꞋ, kɛ mbɑ ŋkɑ́ yi pɔ́p ŋ́kɔŋ nɛzúꞋ pɔ́, ɔ sɑ́Ꞌ sɑ́Ꞌnɛ. Ŋu fɑɑnɛ nu ɔ kɑkŋɛ wɛ́, ɛ́sɑ́Ꞌ ńdɔk ḿbɑpmɛ wɔ́p, ɛ́sɑ́Ꞌ ńdɔk ńníꞋ mɛtʉʉ mɔ́p. Kɑ́t ŋ́ɡɛ pɔ́Ꞌɔ, ńdɔk sʉktʉ́m ńzíꞋ pʉɔ nɛ́ yúu.

Ɛ́fɛ̂zɛ 4:14

Ɛ́ lɛɛ pɔ́Ꞌɔ, pɛkŋɛ pɔɔ pɛn ḿbɔ́ pɛcʉcʉŋ mbɔ́ŋkʉ̈ɔ́ pi ɛ́ pɑ́Ꞌ kɑnúꞋ yi ŋki shuŋnɛ ńdɔk ŋ́ɡʉ zɑꞋnɛ, ŋ́ɡʉ zíꞋnɛ pɔ́. Pɛ́ pɔɔ pɛn ɛ́sẅíi wɛkŋɛ ŋɡɔ pɛkŋɛ pʉʉ pʉʉnɛ kɛ ŋɡɔ pɛkŋɛ cúŋ cúŋnɛ pɔ́, kɔɔ pɛkŋɛ zúꞋ mîmɑ́ mɛnu mi pɛ́ zíꞋnɛ pʉɔ ḿbɛ́m pɔ́. Ɛ́ fú pɔ́Ꞌɔ, pɛkŋɛ pɔɔ pɛn ḿbɔ́ pɑ́Ꞌ pɛcʉcʉŋ pi pɔ́p pɛ́mnɛ, pʉɔ kwɑŋɛ mɛnu ńdɔk ɛ́fúklɛ wɔ́p pɔ́p pɛ́m cɔtnu nu pɔ́.

Ɛ́bɛlʉʉ 13:9

Kɔɔ pʉʉ pɛ́m pɛ́ zíꞋ wʉ́ʉ nɛ́ mɛnu ntɛ́ nɛ́ ntɛ́ mi ɛ́ kɑ́ cẅɛ́Ꞌnɛ nǔu nu yi pɛkŋɛ zɑ́pnɛ tʉ́m nǔu pɔ́, ŋ́ɡɛ pʉʉ fɑɑnɛ sɛ̂ndúŋ. Ɛ́ pɔŋ ŋɡɔ tsɑ́ɑmɛjʉ́ŋ-Sɛ́ níꞋnɛ tʉ́m-ŋu tɛ mbʉ́ʉ mi pɛ́ zɑ́pnɛ, ńcú nu nǔu yúu pɛjʉ́ pɔɔ nɑ́ŋ. Pʉɔ pi pɔ́p ɡẅɛɛnɛ mîmɑ́ mbʉ́ʉ kɑ́ pɔ́ ńjʉ́ yɛcɔ́ pii nǔu pɔ́.

Ɛ́bɛlʉʉ 12:15

Pʉʉ pɑ́ɑ pɑ́Ꞌ ḿbɔ́ ŋu tɛ́m ŋkwɛn mbɔ̌ Sɛ́ ẅí ɑ sɛ́ ńdɔk nɛkɔŋ wɛkŋɛ ŋ́ɡɑ́ fuꞋ níinɛ yɛkŋɛ, ḿbɑ́ɑ ŋu wʉ́ʉ nɛshɔtnɛ, tɛ ŋ́ɡɛ mɛnu mɛ́, ńtsʉ́Ꞌ ŋɡẅɛnɛlɑŋ kɛpɔŋ, mbɔ ɑ ɡʉ ńnɔ́k pɛcɔ́ pʉɔ tsɛt cúꞋlɛ yʉ́ʉ, pʉɔ tɛ ńzɑ́ɑ ɡɛ pɑ́Ꞌ jʉ́.

2 Timɔtɛ́ɛ 3:14

Ɛ́ ɡʉ nǔu ɡu, mbɔ ɛ́ píkŋɛ ŋɡɔ ɔ kúꞋlɛ pɔ yúu mi pɛk kɑ zíꞋnɛ wú ɔ pɛ́m ŋɡɔ ɛ́ zúꞋu ḿbɔ́ pɔ́Ꞌɔ. Ɔ kɑ́ pɔ́ ḿmuŋɛ pʉɔ pí pɔ́p kɑ zíꞋnɛ wú pɔ́.

Lúkɑ́shi 21:34

Pʉʉ lɑk tú yʉ́ʉ nǔu nɛtsʉ́Ꞌ ńjúk ŋ́kwɛ́t pɔ yúu, ńnɔ́ mɛluꞋ tɛ ḿbɑ́, ḿbɔ́ ḿmʉk mɛnu nji nji ndǔ mbí, ḿbɔ́k jínu yʉ́ʉ nɛpɛ́, lɛ́Ꞌ lɑ́Ꞌ Mɔ́ɔ-Ŋu ɡɔ́ ńtɔ́, pʉʉ pɔɔ ḿbɔ́ ḿbyɛ́p wɛ́ pɔ́,

1 Timɔtɛ́ɛ 4:6

Ɔ lɑɑ ḿbɔ́ ńzíꞋ pɔ́ɔpɛ́mɑ́ nɛ mɔnɛ mɛnu, mbɔ ɔ ɡʉ ḿbɔ́ kwɑꞋ ŋɡɑŋfɑꞋ-Yɛ́su Kɛlístɔ. Ɛ́ ɡʉ nǔu kwɑꞋ ɡu, nu Yɛ́su ɡɛ ɔ tsuŋ ńtɛntɛ pɑ́Ꞌ ɔ kúꞋlɛ mɔ́ nu yi pɛk kɑ zɑ́pnɛ tʉ́m nǔu sʉ́Ꞌnɛ mbɑ pɑ́Ꞌ ɔ kɑ zúꞋ nu nɛ́nẅín yi pɛ́ kɑ zíꞋnɛ wú lɑ́.

1 Timɔtɛ́ɛ 1:3

Mɔ sɛ́ ŋ́kɔŋ ŋɡɔ ɔ nɑ́ŋ Ɛ́fɛ̂zɛ, pɑ́Ꞌ ŋ kɑ pɔ́ ŋ́ɡʉ nɛ́ Mɑsɛndwɑn ńcú mbɔ̌ ɡu lɑ́, nɑ́ŋ zúꞋu, ńjí ŋɡɔ ɔ ɡʉ ńdʉꞋ mbɔ̌ pɛcɔ́ pʉɔ pi pɔ́p zúꞋu ŋɡɔ kɔɔ pɔ́p pɛn ńzíꞋ pʉɔ nɛ́ mɛnu mi ɛ́ nǔu nu-Yɛ́su Kɛlístɔ mbɔɔ nǔu sɛ̂ndúŋ pɔ́.

Pʉɔ-Lɔ́mɑ 16:17

Pɔ́ɔpɛ́mɑ́ pɑ́ɑ, mɔ ńcú mbɔ̌ pʉʉ ŋɡɔ pʉʉ pɑ́ɑ pʉɔ pi pɔ́p mɑꞋnɛ fyɑkŋɛ tsɛtsɛt pʉʉ, ńdɔk pɑ́Ꞌ pɔ́p lʉꞋnɛ yúu mi pɛ́ kɑ zíꞋnɛ wʉ́ʉ nǔu Kɛlístɔ, ŋ́ɡɛ pʉɔ fɑɑnɛ sɛ̂ndúŋ. Pʉʉ kʉ̈ɔ́ pîpɑ́ pʉɔ.

2 Timɔtɛ́ɛ 2:10

Ɛ́ yúu mi ɛ́ ɡɛnɛ m bɔ́ ńjʉ́ɔ ŋɡʉ̈ɔ́Ꞌ pɔ ŋɡɔ́ku ɔɔ, mbíꞋ pʉɔ pi Sɛ́ tsɔ́Ꞌnɛ wɔ́p ńdɔk ŋ́ɡɛ pʉɔ pɛ́, sʉk sʉknɛ, ńjí ŋɡɔ Yɛ́su Kɛlístɔ ɡʉ ŋ́ɡɛ pɔ́p luk yɔ́p. Pɔ́p fu pɔ́Ꞌɔ, ŋ́kúu tsɛt nɛŋwɑ́ŋɛ-luk kɛ́mɛ.

1 Kɔlɛ̂ŋtɛ 9:27

Mɔ sɛ́ ŋ́ɡẅɛɛ mbʉʉ yɑɑ pɑ́ꞋtɛꞋ, ŋ́kúꞋlɛ tɛ ńjí yúu mi ŋ ɡɛnɛ, ḿbɔ́k nɛcẅi Ŋkʉʉ Sʉ́Ꞌnɛ mbɔ̌ pʉɔ, pɛ́ pɛn ŋ́ɡɛ ḿbɑꞋnɛ wɑ́ɑ ŋ́ɡɑ́ nzʉʉ.

ŊwɑꞋnɛ-Gɑŋntúu Yɛ́su Kɛlístɔ 6:4

ŋ́ɡʉ nǔu pɛk, pɛk kɛ ńjí yɛ́k pɔ nɛcɛꞋlɛ Sɛ́, ḿbɛn ḿbɔ́ ɛ́sẅíi pʉɔ pɔ nɛ́ nu yɛ́.»

Mɑ́lɛ́kúshi 13:9

Pʉʉ lɑk tú yʉ́ʉ, pɛ́ ɡʉ ŋ́ɡɛ ńdɔk wʉ́ʉ ŋ́ɡʉ zʉꞋ yí pɛ́ zɑ́Ꞌnɛ ntsɑŋ zúꞋu, ńtswɑ́ɑ wʉ́ʉ mbɑ tsɛt mɛndɑ́-cúꞋlɛ-pɑyúdɑ, ńdɔk wʉ́ʉ ŋ́ɡʉ mbi pɛŋɡɔ́mnɑɑ pɔ́p pɛfɔɔ-mɛlɑ́Ꞌ mɔnɛ, ŋɡɔ pʉʉ sẅíi nu yɑ́ɑ mbi pɔ́p.

Jɑ̂k 5:20

jínɛ ŋɡɔ ŋu ẅí ɑ tíknɛ wɛ́ tɛ ɑ fú nǔu sɛ̂ndúŋ kɛpɔŋ cẅɛt, ɡʉ ŋ́ɡɛ ɑ luk. Ɛ́ lɛɛ pɔ́Ꞌɔ, Sɛ́ likŋɛ mɛnu kɛpɔŋ mɛ tɛ ɛ́ zɑ́ɑ zɑ́ɑnɛ.

Tîtɛ 2:15

Mɔnɛ mɛnu mi ɔ ɡẅɛɛ nɛ kɛ́ ńcú mbɔ̌ pʉɔ cúnɛ, ŋ́ɡɔ́ ńcú nɛlɔk nɛníꞋ mɛtʉʉ mɔ́p, nɛlɔk ńnyɛt ŋu nɛ́ yúu mi ɑ fɑɑnɛ́nɛ, ńdɔk pɔ mɛtʉʉ-Sɛ́. Kɔɔ ŋu ɡwɑ́k wú!

Kɔlɔsíyɛ̂ŋ 4:17

Pʉʉ cú mbɔ̌ Alɛshipɛ ŋɡɔ, kɔɔ ɑ lɔk fɑꞋ yi Tsɑpʉɔ kɑ ɡɑ́nɛ mbɔ̌ wɛ́ ŋ́ɡɛ mɛɡɑɑ, ŋɡɔ ɑ fɑꞋ sʉ́Ꞌnɛ.

1 Kɔlɛ̂ŋtɛ 9:22

Mɔ ŋkɑ́ yi mɔ sɛ́ ɛ́fɑꞋ tsɛtsɛt pʉɔ pi pɔ́p pɛ́t ḿbɔ́t pɔ́tnɛ nǔu nɛzɑ́p tʉ́m nǔu Kɛlístɔ, ńnɑ́ŋ pɑ́Ꞌ ŋu ẅí ɑ pɛ́t ḿbɔ́t yɛ́ pɔ́tnɛ lɑ́, ńjí ŋɡɔ ŋ ɡʉ ńdɔk pɔ́Ꞌɔ, ŋ́ɡɛ pɔ́p tsʉ́Ꞌ kwɑꞋ pʉɔ-Kɛlístɔ. Ŋu lɑɑ ḿbɔ́ pɔ ŋɡɔ́ku ɔɔ, ḿbɔ́ pɔ ŋɡɔ́ku ɔɔ, n tsʉ́Ꞌ pɑ́Ꞌ jʉ́, ńjí ŋɡɔ ŋ ɡʉ ńdɔk pɔ́Ꞌɔ, ŋ́ɡɛ nǔu ntɛ́ yi ḿbɔ́ ɑ luk.

Pʉɔ-Lɔ́mɑ 11:14

Mɔ sɛ́ ḿbɔ́ ɛ́fɑꞋ tsɛtsɛt pʉʉ, ḿbɔ́ ńtsɑ́ɑ ŋɡɔ pɔ́ɔpɛ́mɑ́ pɑ́ɑ pɑyúdɑ jʉ́ɔ mɛfɑꞋ-Sɛ́ nǔu pʉʉ lɔ́ŋ wɔp kɔ́Ꞌ, ńjí ŋɡɔ ŋ ɡʉ ŋ́ɡɛ Sɛ́ fú nǔu ŋ́ɡɛ pɛcɔ́ ntɑ́Ꞌ tsɛtsɛt pɔ́p luk.

Pʉɔ-Lɔ́mɑ 2:7

ŋ́ɡɑ́ luk kɛ́mɛ mbɔ̌ pʉɔ pi pɔ́p kɑ lɔknɛ nɛɡɛ nu sʉ́Ꞌnɛ kɛ́ kɑ́ɑ, ḿbɔ́ ńtsɑ́ɑ ŋɡɔ Sɛ́ ɡɑ́nɛ wɔ́p nɛɡúꞋ, ŋ́ɡɑ́ mɔ́p mɛkuꞋ, ŋ́ɡɛ pɔ́p pɔ́ tsɛt luk yí pɛ́ kɛ́ pɛn ḿpfú nǔu pɔ́.

ŊwɑꞋnɛ-Gɑŋntúu Yɛ́su Kɛlístɔ 26:22

Lɑ́ m bɛ́t ɡú lɔ́Ꞌnɛ pɑ́Ꞌɑ, Sɛ́ pɔ́nɛ ŋ́kẅíipɛ wɑ́ɑ. M bɛn ḿbɔ́ ɛ́sẅíi mbɑ kʉ̈ɔ́ lɑ́ yi n jínɛ nǔu wɛ́, mbɔ̌ pɛlʉ́m mbɑ mbɔ̌ mbɔ́ŋkʉ̈ɔ́. Pɛ́ kɑ zɑ́Ꞌ njí ńcú mɛnu mi ɛ́ ɡʉ ńdɑ́Ꞌ lɑ́ ńtɔ́ tsɛt ŋwɑꞋnɛ-pɛŋɡɛ́mndʉ̈ɔ́Ꞌ-Sɛ́, mbɑ tsɛt ŋwɑꞋnɛ-Mɔ̌sɛ̂ɛ. Mɔ ḿbɔ́ ńcú pɔ yɛ́tɛ́.

Filɛmɔ̂ŋ 1:19

KwɑꞋ mɔ Pɔ̂l n dɔknɛ pɔ́ yɑ́ɑ ŋ́ŋwɑꞋnɛ yɔ zʉꞋ, ŋɡɔ ŋ ɡʉ ŋ́ɡɛ ńtú mbɔ̌ ɡu. Lɑ́ jí ŋɡɔ ŋ ɡẅɛɛ yɛcɔ́ yúu mi ɛ́ lɑɑ ḿbɔ́ m bíkŋɛ ŋɡɔ ɔ tú mbɔ̌ mɔ. Ɛ́ pɔ́ pɑ́Ꞌ ɔ ɡɔ́ ŋ́ɡẅɛɛ nɛpɔ́ ẅi ɔ ɡẅɛɛnɛ ŋkɔ̂ɔnɛ tɛꞋ, ńtẅɛꞋ pɔ wɑ́ɑ.

1 Tɛsɑlɔník 2:16

Pɔ́p sɛ́ ɛ́sɑ́Ꞌ tʉʉ ńtɔꞋ wɛ́k nɛsẅíi nu-Sɛ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ḿbɔ́k pɑ́Ꞌ ɛ́ ɡʉ ŋ́ɡɛ pɔ́p luk. Ɛ́ pɔ́Ꞌɔ, ńdɔk ŋ́kẅiꞋ ndɛnnú kɛpɔŋ yɔ́p kẅiꞋnɛ. Sɛ́ kɑ kɛ́ ńzɑ́ŋ lɔ́ŋ tɛ ńzɑ́p pɔ́ yɛ́ nǔu pɔ́p.

1 Kɔlɛ̂ŋtɛ 1:21

Ɛ́ pɔ́Ꞌɔ, pɑ́Ꞌɑ mbíꞋŋɡɔ pʉɔmɛsɔŋ ŋkɑɑ lɔk yɔ́p jínu ńjí Sɛ́ pɔ́, tɛ mbɑ pɑ́Ꞌ Sɛ́ sɑ́ɑnɛ sɑ́ɑnɛ́nɛ ńnyɛt jínu yɛ́. Ɛ́ yúu mi ɛ́ kɑ ɡɛnɛ Sɛ́ zɑ́p ŋɡɔ ɑ ɡʉ ŋ́ɡɛ pʉɔ pi pɔ́p zɑ́pnɛ tʉ́m nǔu wɛ́ luk, ɛ́fú nǔu yɔ nu yi pɛkŋɛ sɛ́ ńcú lɑ́, pʉɔ pɔ́ ńjʉ́ɔ ŋɡɔ ɛ́ pɔ́ pɔ mɛnu pɑ́lɛ́ lɑɑ.

1 Timɔtɛ́ɛ 4:15

Niitɛ ńníꞋ tú nǔu yɔ fɑꞋ kɛ́ citɛ mbʉʉ, ńjí ŋɡɔ pʉɔ pɛtsʉʉ ɡʉ ńjʉ́ɔ pɑ́Ꞌ fɑꞋ yú sɛ́ ńnɛn.